الرسالة الأصلية كتبت بواسطة عاشق زعيم أزرق (مشاركة 4007356)

بسم الله الرحمن الرحيم
عبدالعزيز العبدالسلام لاعب شاب وماله الا موسم وينتقد ويهاجم , أين من ينتقده بعد مباراة الحزم وهو لاعب صغير ومتطور ونحتاجه للمستقبل بأذن الله. نرجو لك التوفيق والى الأمام يابطل.

نواف التمياط مستواك يحتاج الى اعادة نظر منك نظير ماقدم لك من مقدم عقد سيمضي سدس العقد مايعادل مليون ريال ولم تقدم شي حتى الآن حتى أمام الحزم؟؟؟؟؟؟؟؟؟؟؟؟

تفاريس أرجو شراء عقد اللاعب وامتلاك بطاقته الدوليه لأن الفريق بحاجته وتخيلوا الدفاع بدونه ولا أتوقع بيكلف مثل عقد أبو ستة ملايين ولاهيب حسوفه عليه من أول الموسم أحسن قبل نهايته قبل شغل السماسره والمخربين, وكلي ثقه بعد الله في أبو سلطان اللي ماقصر والله يطول عمره على طاعته ورضاه ويوفقه دنيا وأخره انه بيحل هالأمر.

تقييمي للاعبين الهلال في مباراة الحزم:-

محمد الدعيع: ما أقدر أقول شي ماقصرت.

عبدالعزيز الخثران: وش أخلي وش أقول, ما أقول الا الله يوفقك ياعبدالله بن مساعد ويستر عليك دنيا وأخره يوم جبته للهلال.

تفاريس: مصيدة لجميع الكرات الأرضية والعرضيه . والباسوورد للدفاع الهلالي.

الهليل: ماقصرت قدمت مباراة كبيره بس لأوصيك في التمارين ركز على السرعه والسبرنت. والهلال بحاجتك, ولا تلتفت للأنتقاد ترى بعض جماهير الهلال ماتنتقد الا الضعيف الي مهوب نجم جماهيري, وترى هذا مركزك اللي تبدع فيه.

العبدالسلام: نجم المباراه من وجهة نظري.

قوارووو: ماقصرت وان شاء الله الجاي أحلى تمريرتين انت وضميرك ولا أحلى على طراز كماتشو. وان شاء الله بتنسينا اياه.

خالد عزيز: ماقصرت يا أبو عزيز كفيت ووفيت. مبدع كالعاده.

بدر الدوسري: مستقبل محور رائع وبالتوفيق يابطل, وياحلو المحور بدون سلطان البرقان.

الشلهوب: كنز الهلال الحقيقي.

التايب: أول مشاركه تبشر بخير ان شاء الله , والقادم أحلى بأذن الله.

التمياط : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الجمعان: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أحمد الصويلح: ؟؟؟؟؟؟؟؟؟؟؟؟؟؟؟؟؟؟؟؟


بوسيرو: لازم نصبر عليه ان شاء مع عودة كل النجوم بيكون المستوى بيكون أفضل .


أرجو من الجميع الرد بأدب واحترام في هالشهر الفضيل , واختلاف وجهات النظر لايفسد للود قضيه فجميعنا يهمنا الزعيم.