نادي الهلال السعودي - شبكة الزعيم - الموقع الرسمي

مساء الزعامة الابدية

ما اطول عليكم ياشباب

انا صحيت ولقيت نفسي شاعر فجأة :d

وسويت هالقصيدة الكوميدية اللي تغطي على طاش ماطاش وتغطي على راس غليص بعد:D

اخليكم معها

بسم الله ابدى منظومي && في شهرنا شهر الصومي && ابعطيكم كل علومي
العلوم الطازجات

وتكفى ياللي بتقراها && عطني رايك في مبناها && هي مصفوفة يامحلاها
والا بيوت بايخات

ليه مع صومي برنامج && احلى من كل البرامج && لاما وسطه شي سامج
الا في بعض الحالات

اطلع مع هذي القوايل && كله من شان الجمايل && سواة عيال الحمايل
كل (ن)يبغي الدوامات

وفي الطريق اعارض زحمة && منها كبدي غدت فحمة && ياربي ارجوك الرحمة
لاجاء كشف الحسابات

وفي المكتب عندي نصراوي && يعني يافاهم فقراوي && جعله مايرقد متساوي
من زود الخسارات :d

على راسي غير يدلسن && ياحظنا جانا دلسن && دلسن دلسن عاش الدلسن
ومن هذي العبارات :d

والى طلعت من الدوام && القى هذاك الزحام && نفس الاول بالتمام
ويمكن نفس السيارات

والى مني وصلت الشقة && القى ناس تقل منطقة && يبيك تمزح ثم تدقه
حتى يسوي جنجانات :gunbandan

ثم نسوي في الفطور && وهمنا كله في السحور && شفتو بأخر هالدهور
صرنا مثل الشغالات :crybaby:

السمبوسة ذي نطويها && وهذي على الزيت نقليها && حتى اللقيمات نسويها
ما احلاها من لقيمات :D :naughty:

ياخي ياشين العزوبية && حتى لو فيها حرية && ياناس نبغى العبودية
( الزواج) اقصد بالذات

عالاقل أكل ولا اطبخ && ولا اغسل ولا انفخ && ومن الزيت ما اتلطخ
هذي اغلى الامنيات

لكن والله مالي حيله && على المهور الثقيله && ناس ماتعرف فشيله
صارت شغل مزايدات

قالوا نبغى مية الف && وفوق المية خمسين الف && والا ارجع عود خلف
ماعندنا لك بنات

ياوالله لو اعرس بكره :naughty: && لذبح حاشي واذبح بكره && والبس بشتي واحلى غتره :d
لكن للاسف هيهات

وعقب افطرنا واستانسنا && ومن الله التمسنا && يغفر لنا تقاعسنا
رحت لاحلى تدريبات

تدريبات هذاك النادي && احلى نادي في بلادي&& زعيم على الكل سادي
ساد بكل الدرجات :vertag:

يوم اشوف الذيب السامي && واشوف ياسر ذاك الرامي && افرح وانسى كل الامي
واحمد رب الكائنات

ثم اتسحر مع رشيد && اغبى اصحابي اكيد && وتبدا القصة من جديد
دنيا ياغافل لحظات

وفي النهاية صلوا على && سيد جميع الملا && والله يهدينا الى
الهدى حتى الممات

وسلامتكم

عندي احساس ان احد المشرفين يجي منبرش من بعيد :d
ويشوت موضوعي في منتدى ثاني
انا ادري ان مكانه ماهو هنا لكن قلت ابي الزعماء يشوفونه كلهم

تحياتي