وينك من زمان طبو فيني اللله يبارك فيهم >>>>ناوية تقول من الحماس الله لايبارك فيهم:d

عــاد ابوريمان ثقة صح يعني اكيد بتصدقون كلامه وين القاضي تعال ترى ابوريمان تحدث يعني مو انا مصادر موثوقه الحين:cry:

الهنوف،

عودي بارك الله فيك ، بحماس و بدونه ، إلى ردك الأول لتعرفي ما هي نقطة الخلاف التي أردت تنبيهك عليها. أبو ريمان لم ينف وجود الهيئة في المناطق التي جعلتيها بقدرة قادر صفاً إلى صفٍ مع دول خارج المملكة. الهيئة في الرياض لها تواجد أقوى بسبب قربها من محل نشئتها من جهة و من جهةٍ أخرى للحرب الضروس التي تواجهها هناك كونها في العاصمة.

اخــوووي والله ماتكلمـ الا عن بعض الاشياء الي شفتهــا هناك

وتذكر لما قلت اني زرت الجبيل بعد بموضووع صور الشرقيه
تعرف الفندق الي قلبت اني سكنت فيه انتركونت....كمل ماعرف اكتبه
روح شووف بلاوي هناك على الجزء الي يطل على البحر والله بغيت اصيح لما رحت هناك

اتوقع في اماكن معينه ممنوع الهيئه تدخلها واتوقع هالفندق منهم والا عاريات وبالسعوديه وين احنا فيه:wallbash:
وش غير الاغاني تردح بكل مكان والشيشه والعاريااات هذي ماتعتبرها مشابه لمصر ودبي وغيرهم:yes:

وجـده كلامي مو جديد والكل يعرف جده وش فيها وتواجد الهيئه معدوم هناك
والشرقيه امس سالت وحده من سكانها :wallbash: تقول قليل احيانا يمرون على الراشد احيانا


انا اقولكـ وازيد تواجد الهيئه بالرياض غير كل المدن:yes: الله يحفظهمـ وان شاء الله نشوفهم بكل مكــان من وطني :d >>>> الي بالاخضر لك يابوراس :razz:

أبو ريمان حاف الله يهديك ؟! طيب أقلها أخوي الصغير !!
حياك الله القاضي ----> والله يا هي ترفع ضغطي !!

أقول ثور تقول احلبه . يا بنت الحلال ثور ما ينفع ، تقول ولو احلبه.

مقياس الفساد يا أختي غير محسوس غير منضبط ، بمعني آخر لو كانت القضية أمثلةُ لأتيتك بمثل ما أتيت به و أكثر. ثم ماذا ؟ لا شيء . فقط تكرار للكلام بدون فائدة مرجوة.

أنا طلبتُ منكِ أن تعودي إلى ردكِ الأول و تعيدين قرأته بعين التجرد ثم قولي لنفسك ، لا لي و لفلان و لا لزعطان ، "هل فعلاً أنا مصيبة في عبارتي تلك؟"

مرة أخرى ، و اقرئي هذا الكلام جيداً ، لا أتكلم هنا عن حجم الفساد لأن هذا مضيعة للوقت و تنافس فيما لا فائدة ورائه (أقصد مقارنة حجم الفساد) ، أنا أستأت أنكِ بكبسة زر على لوحة المفاتيح الغيت تواجد الهيئة من منطقتين كبيرتين في المملكة ثم ذكرتيها في سياق واحد مع دول خارج المملكة.

هل فهمتِ الآن ؟ لا أريد أن تأتين لتقولي أن هناك من كان يلعب معك في الشرقية فهذا لا يهمني و لا يعنيني و لسنا بصدد الحديث عن ذلك و إذا شئت زودتك بأرقام هواتف الهيئة في الخبر لتبلغيهم عن ملاحظاتك.

=====

أبو ريمان ،

بل أنت أخي و حبيبي مها اختلفت و جهات النظر.

^
^
^


أبو عبدالله وراك عصبت طيب :d

لي إسم يا أخت احب الهلال وأهله سابقاً .. سحرالشوق .. حالياً ..

يعني عشان أكون بعقلانيه لازم ما أحط إبتسامات ولا أتكلم إلا بالفصحى ؟

للأسف تفكيرك وتصغيرك لي عشان هالتصرفات .. والله لو بعض المعرفات قالت الذي قلت

كان تحترمين وجهة نظرهـ وتذكرين اسمه ورد لحاله !! وبعدين الله يهديك منيب من إللي ينجر بـ العواطف في أمور مثل كذا .. وبإمكانك الدخول إلى مشاركاتي وتشوفين بنفسك ..

ع العموم أنتي تفتين وتتكلمين عن مدينة الرياض وأنتي لم تعيشي فيها على حسب قولك ..

الأخ ابوريمان وضح كلام كبير .. وياليت تركزين في كلامـه .. لأنه درر والله ..

الأمير سلمان مشدد وهو الداعم الأول لهيئة الأمر بالمعروف والنهي عن المنكر ..

وحصلت لنا مشكله في الهيئه وقالوا لنا .. " تعليمات مشددهـ من سموهـ "

والجميع عارف قول وزير الداخليه .. الهيئه باقيه مابقت هذه الدوله ..

وبعد هالكلام .. أرجو أنك تفهمين من ناس عايشوا هـ المدن ..

الرياض .. الله يحللها عند عالمدينتين ..

" آخر رد وإللي بيتأكد أقرب يسأل ناس يعرفهم ساكنين هناك ..

أو يحجز له طيارهــ ويشوف بـ نفسه الله يجزاهـ خير "

أبو ريمان ،

لم أغضب لكنني استغرب كيف نفقد تركيزنا بسهولة.

الهنوف كان من المفترض أن تقولي بأن بعض الشباب يذهب إلى المنطقة الشرقية و جدة لأن تواجد الهيئة فيها أقل و بالتالي يجدون مساحة أوسع لعمل ما يريدونه بعكس الرياض و إن كنت أراها في الطريق لهم .

أبا عبدالله أعتقد أنه من الجلي أن الشباب في الإجازات القصيرة التي يكون السفر إلى الخارج فيها لا يستحق عناءه ينقسمون بين جدة و الشرقية و أرى أن من أهم الأسباب مساحة الحرية هناك .

اعذراني على التطفل ...

قلتها لواحد عندي بالماسنجر ..
والله أبوريمان كنق .. أهنيك على سطورك وفرت كثير من الكلام ..
وأختصر العديد من الردود ..

ما عليك زود و إذا بتمدحني أكثر أضفني بالماسنجر لا يجي سهل !!

أعتقد أن الهدف واحد و سليم للجميع بعده إذا الأسلوب مقبول فالباقي محلول و وجهات النظر يمكن لها أن تتقارب لكن المشكلة إذا الأسلوب غلط !!

أبو عبدالله أي تركيز و الناس صايمة ؟! مر تالي الليل الله يحفظك .

ليش مـو محسوس ياخوووي
اخي الكريمـ لو ذهبت لدولـة اخرى او مدينة اليس بقدرتكـ معرفه نوعية الفساد هناك والخير صح

والفسـاد يوجد بكثرة هنا عن هناكل ماذا ياسيدي اليس بسبب عدم تواجد الهيئه :confused:

اخير وش يلعب معاي :mad: انتبه شوي لكلامكـ:d
واذا هذا مايهمكـ اجـل وش يهمكـ ياخووووي ..الفساد يبدا قطره قطرة اليوم اختلاط بالملاهي والاسواق بكرة مدري ايش
وليش مايهمكـ وهذي هي النقطه الي نتكلمـ عنهاا
عندما فتح منتزة بالرياااض اختلاط من الي قفلــة ........؟؟
انا احضرت لكـ مثال لتواجد الهيئااااااااااااااات
مدري احس انك ماتبي تقتنع او ماتبي تقتنع وحده منهم:d

اخـووي قبل ان اذهب انت زرت هالثلاثه مناطق جميعهااا.......؟؟

اخوي ابوريمان ليش اجلس اذكر هالنقطه وهي محور الحديث
يعني انا وش اقصد انهم يروحون هناك لان لاتوجد هيئه لازم افصل ردي يعني:mad:
هو فاهمـ بس مايبي يفهم :d

.....

اختمـ ردي >>كل شوي بتختمه
بنت اعرفهـا من سكان جــده لما جات هنـا تعرف الي يقول ابي ارجع جده خلاص كتمتوني
هناك فله ومدري ايش ومافي هيئه:mad:
.....

وانا اتكلمـ على الشي الملاحظ ومدري عن الي بالداخل يعني اتكلم على الي اشووفة
الي يقوول الرياض فيها وفيهااا ومخدرات ومدري وشوو كل مكان فيه الشر بس انا نتكلم على الي نشووفه احنــا

الكريمة الهنوف ،

أبو ريمان يقول "وراك عصبت طيب"

لا بأس أنا استسلم فقد استجمعت طاقتي كلها حتى أوصل ملاحظتي لكنني يبدوا أنني أخفقت ، و عنزٌ و لو طارت.

==

الحبيب أبا ريمان ،

أتفق معك و لا أتفق و في هذا تفصيل لعلي أورده هنا أو أتسامر معك في الماسينجر في إحدى هذه الليالي.

أخوك.