هلا بالكلاسيكي

الشهر مبارك علينا وعليك،،

إقتباس بالأمس بعد صلاة التراويح قررت وبعــد مشاورات مــع نفسي أني اروح للحلاق علشان أحلق << قل والله واتجهت باتجاه الحلاق في زحمات الرياض المعهوده

دقن ولاشعر؟؟ أشين شي بالدنيا الانتظار عند الحلاق ، تصدق انا ماعمري انتظرت أكثر من 10 دقايق عند الحلاق، لاني اذا راحت عشر دقايق وما خلص ضاق صدري ومشيت

إقتباس واحد هنا يسأل انا بأتوزج من امره برجها برج الجوزاء .. وانا برج الثور .. هل نتوافق أم لا ..

شف يابعدي أنا برجي الاسد وماسكه معي أتزوج وحده يكون برجها الجوزاء سواء فيه توافق ولا مافيه

عاد تبي الجد ، رغم اني ادري انها خرابيط ولا عمري صدقتها لكني سابقا كنت أحب اقرا عنها واحيانا القى أشياء تعجبني وتجوز لي ، لكني اضحك على اللي يربط مصيره بالنجوم والابراج
بعضهم اللهم لك الحمد يقول انا الشهر الجاي شهر جميل على قلبي لاني ابحس فيه بالراحه والاطمئنان وابكسب فلوس!!
تقول له وش دراك؟؟ يقول برجي العقرب!!

على العموم الله لايبلانا فيه ناس ضعفاء نفوس والوازع الديني عندهم رايح وطي يصدقون هالمسخره وتمشي عليهم هالخرابيط..



سلمت يابعدي على هالموضوع الخفيف والمهم بنفس الوقت



تحياتي،،

والله انا مااصدقها بس

غالبا ماتكون صحيحة في تحديد شخصية صاحب والبرج وصفاته الانسانية

عادل ربي يعافيك على هالطرح ...

عندي سؤال وش اسم الحلاق

المهم ...

انا اعتقد ان الاهتمام في الابراج لا يعدو كونه فضول او حب الاطلاع << سمّه ماشئت ..

لكن انا ارى ان كلام " الماسه الزرقاء " صحيح فالاهتمام بالابراج يكون لمقارنة صفات المواليد في ذاك البرج ..

فمثلاً ...

انا من مواليد برج العذراء

ومن الصفات الايجابيات لـ مواليد برج العذراء : متواضع، خجول، دقيق، يمكن الاعتماد عليه، عملي، مجتهد، ذكي ويميل إلى التحليل.

ومن السلبيات : سريع الانزعاج، كثير القلق، كثير الانتقاد، قاسي .

بعض الصفات هذولي تنطبق علي وبعضها لا .. وانا مأقول أنطبقت لأيماني بالابراج لكن للصدفة دور كبير , وممكن يكون ما انطبقت لكني ارى ان فيه بعض من هالصفات فيني ..



" كذب المنجمون ولو صدقوا "

انا برج العقرب

الماسه الزرقاء

إقتباس مسألة الأبراج هذه منتشرة لدينا بالجامعة بشكل كبير ... ولكن ليست بالطريقة التي صورتها ,, فالكل يتجنب مسألة الخوض في علم الغيب .. على سبيل المثال : إن كنت من البرج الفلاني فسيحدث لك كذا وكذا في هذا اليوم ,,

اذا كان المقصود بها الصفات كما قال اخوي رماد .. انا اتفق معكم ,,
اما ان كان برجك كذا راح يكون لك كذا ... هذا اللي انا انتقده ..

إقتباس مثلا: صفات مواليد الدلو والذي تطرق له أخينا المبدع some one .. ودود، إنساني، صادق، وفي وصاحب ولاء، مبدئي، مبتكر، مستقل وذكي. <<<<<< الإيجابيات ما راح اجيب السلبيات من مشاهير مواليد برج الدلو :تشارلز داروين، توماس ألفا إديسون،فريدريك دوغلاس، أوبرا وينفري، تشارلز ديكنز، رونالد ريجن، أبراهام لينكولن، فرانكلين دي روزفيلت,

انا اتفق معك اذا كان الاهتمام بالابراج للتعرف على الصفات فقط ..
ماشاء الله عليك ذكيه ومستقله ..

إقتباس ولكن السؤال الذي يتبادر إلي ذهني .. هل تدخل هذه المسألة وهي فقط صفات الأشخاص في ذلك البرج في مسألة علم الغيب الذي يدعيه المنجمون ؟!!

لا امتلك الاجابه .. لعل من لهم بذلك يجيبون

إقتباس إن كان الشخص يصدق ما يأتي به المنجمون ويدعونه من علم الغيب فالبعض جهل والبعض الآخر ضعف في الوازع الديني ,, ولكن هنالك من يقرأها فقط حباً للإستطلاع ..

انا مثلاً اقرأ لها ولكن حب الاستطلاع فقط لا غير ..ليس تصديق لها او ايمان بها ..

إقتباس من ناحيتي لا أحب الخوض ابداً في الامور التي تتعلق بعلم الغيب ولا حتى الإطلاع عليها ودائماً ما اغض البصر عمّا يأتي في تلك الصفحة المتعلقة بالأبراج ,,

دائماً اختي نحن نحاول وبقدر المستطاع اننا مانطالع الاشياء اللي ماتهمنا
الا ان حب الاستطلاع كثير مايجبرنا على رؤية ما لا يصلح لنا

إقتباس رغم انني لاحظت نوعاً من التناقض في صفات مواليد البرج نفسه ,

بالفعل اختي هذا التناقض انا رأيته بنفسي ,,,

اختي الماسه .. شاكر لك مرورك المتميز ,,
ومشاركتك الرائعه في صفحاتي ..
ورأيك السديد .. دمت بخير

****************************************
alhawye

إقتباس دقن ولاشعر؟؟ أشين شي بالدنيا الانتظار عند الحلاق ، تصدق انا ماعمري انتظرت أكثر من 10 دقايق عند الحلاق، لاني اذا راحت عشر دقايق وما خلص ضاق صدري ومشيت

لا دقن .. وصدقت والله الانتظار يطفش .. عند الحلاق

إقتباس شف يابعدي أنا برجي الاسد وماسكه معي أتزوج وحده يكون برجها الجوزاء سواء فيه توافق ولا مافيه

الا اسد عاد ,, وش هالمسكه ,, ولا تبغى عيالك يجون اشبال ..

إقتباس عاد تبي الجد ، رغم اني ادري انها خرابيط ولا عمري صدقتها لكني سابقا كنت أحب اقرا عنها واحيانا القى أشياء تعجبني وتجوز لي ، لكني اضحك على اللي يربط مصيره بالنجوم والابراج

نفس الشي يمكن تقريباً عندي ,, انا فضولي والاشياء الغريبه احب اتابعها

إقتباس على العموم الله لايبلانا فيه ناس ضعفاء نفوس والوازع الديني عندهم رايح وطي يصدقون هالمسخره وتمشي عليهم هالخرابيط..

الله لا يبلانا ..

اخوي الهاوي ..
اشكرك على مرورك المستمر .. والمتميز في صفحاتي ..
دمت لنا بخير


*********************************************

رائدة الحرف

إقتباس أعتقد الجهل وقلة الإيمان أهم أسباب إنتشار هذه الأمور معروف أن هذه الأمور تقدح في الدين ومع هذا البعض يتساهل قد يقول أحدهم من باب التسليه ولكن هل في الحرام تسليه بل هو هم دائم

بالفعل اختي كلامك في محله .. الجهل اهم الاسباب في انتشار هذي الامور ..
وبالفعل اختي مافيه تسليه ولاهم يحزنون ..

اختي رائده اشكرك على تشريفك الرائد ..
والمعتاد,, دمتي بخير
************************************
X_and_Y ,, فيصل السعدون ..
اشكركم على مروركم العطر ..

*****************************

iq1399

إقتباس عندي سؤال وش اسم الحلاق

ليه بتحلق عنده .. اسمه اليبت المغربي

إقتباس انا اعتقد ان الاهتمام في الابراج لا يعدو كونه فضول او حب الاطلاع << سمّه ماشئت ..

في اعتقادك . ولكن البعض للأسف يؤمن بها ..

إقتباس لكن انا ارى ان كلام " الماسه الزرقاء " صحيح فالاهتمام بالابراج يكون لمقارنة صفات المواليد في ذاك البرج ..

انا اتفق معك بان لكل برج صفات محدده يجب على كل واحد الاطلاع عليها ..
ولكن اللي انا انتقده انه الان يخبرون عن اشياء ستحدث لصاحب البرج خلال شهر معين ..

.

إقتباس بعض الصفات هذولي تنطبق علي وبعضها لا .. وانا مأقول أنطبقت لأيماني بالابراج لكن للصدفة دور كبير , وممكن يكون ما انطبقت لكني ارى ان فيه بعض من هالصفات فيني ..

اخوي محمد .. انا لااقصد الايمان بها تصديق الصفات .. هذي بالعكس يمكن اكثرها موجود 100%
اللي انا ااستنكره هو التوضيح لاصحاب برج معين بانه في الاسبوع الفلاني سيكون لك كذا وكذا ..
وهذا من الغيب ,,

محمد ..
اشكرك على مرورك العطر والمتميز ..
دمت بخير

إقتباس في البدايه أهنئكم بحلول شهر رمضان الكريم ,, واسأل الله العلي القدير أن يتقل مني ومنكم صالح الاعمال ..

كل موضوع حتذكرنا انه رمضاااااان..ههههه

وانت بخير..

نخش بالموضوع بالنسبه لللابراج ليش الكذب انا ماكنت اصدقها بس لمن شفت هوس المجتمعات اللي انا اروح لها واللي تحس انه من الهاي هاي انها تعرف برجها وما الى اخره..حبيت اعرف برجي...ولمن عرفت برجي طبعا ومن كثر الذكاء..الا ماكنت داريه طلعت بالميلاد الهجري وهو مايص الا بالميلادي ع العموم طلع برجي برج العذراء او الجوزاء والله ما اذكر...ولمن قريت عنه ياا سبحان اللله كل الصفات فيني؟؟! صدق صدق المنجمون ولو كذبو ودليل كذبهم اني لمن شفت برجي بالميلادي طلع ..........الجمل.............اقصد الحمل وبرضه الصفات فيني....وقبل هذا وهذا كنت احس انه برجي برج العقرب ولمن كنت اقراه يااسبحااااااااااااااااان اللللللللللللللله كمان صفاته فيني........


تصدق اذا صدق قالو صدق المنجمون ولو كذبو.. يعني هذه كذبه وتنطوي عليهم...بس فيه شيئ

ممكن تلاحظ انه فيه اكثر من برج لايق لك طبعا عشان يعم الكل.....ههههههههههه حراميه..وغشاشين.... وبضحكو علينا

وفي الاخير انا اسفه اني طولت عليك اخي الكلاسيكي ويعطيك الف عافيه على مواضيعك الحلوه..والراقيه
تقبل تحياتي..

الكلاسيكي ليس غريباً أن تلامس مواضيعاً مهمة ثم إنك تبحر فيها فتبدع في خوض غمارها ..

حتى الصفات لا أؤمن بها تماماً فتجد أن هناك صفة معينة تشترك في أكثر من برج !

لكن كما اتفقتم هذه أقل من إدعاء علم الغيب ..

برجي برج القوس..