|
يا بنــــات رفقا بأبائكم انها الساعة الثانية ظهرا وأخيرا انتهت محاضرات اليوم و ما كادت ان تنتهي اتجهت كعادتي الى بوابة الجامعة الرئيسية في انتظار قدوم السيارة وفي طريقي الى البوابة تلقيت اتصال من الوالدة تقول ان السيارة ستتأخر لظروف زحمة السير فلم يكن امامي الى ان أجلس في البوابة المكتظة بالبنات انتظر قدوم المخلص المنقذ كنت اراقب زحمة السيارات من وراء الزجاج المظلل>>>> لمن لا يعرف هذا زجاج في بوابات الجامعة نشوف من وراه خلق الله ولا أحد يشوفنا...يعني( وناسة) :d كنت ارى مناظر مضحكة تعبر عن بعض اخلاقنا التجارية التي تكون في أفضل حالاتها عند الصيام..... فهناك من اصطدم بالسيارة التي امامه ليعبر عن انزعاجه من الاختناق المروري وهناك من وقف في( نص) الزحمة واخذ يقرأ جريدة وهناك من أخرج رأسه من الشباك و بدأ بالسب ونسي انه صائم.... وانا لسان حالي (الحمد لله ان الحريم ما يسوقون) ومن بين كل تلك المشاهد استوقفني منظر رجل كبير في السن ملامحه توحي بأنه قد تجاوز الستين تجاهل كل الضجيج و افترش الرصيف تحت حرارة الشمس وجلس ينتظر خروج ابنته... عدت والتفت الى عالمي الداخلي فاذا به لم يبق في البوابة الا انا وثلاث بنات جلسوا بجانبي و بدأوا ب(سواليف ) البنات التي لا تنتهي والتي يتخللها عادة بعض( الاستهبال) وشئ يسير من تبادل لمقاطع البلوتوث... ومع ان اصوات ضحكاتهم تكاد تصل الى الشارع...... الا انني تجاهلتهم ورحت اراقب الرجل الطاعن في السن وأقول في نفسي (يا ويلها من ربي اللي مخليتك كل هالمدة) بعد قرابة الساعة قامت احدى البنات الثلاث و قبلت صديقاتها وهي تقول بالحرف الواحد (يالله يابنات انا لازم أطلع السواق ينتظرني وانا تأخرت) خرجت البنت الى مواقف السيارات وكانت المفاجأة ان أتجهت لذلك الشيخ الكبير الذي كنت اراقبه... اقتربت منه ولوحت اليه بيدها ثم مضت في طريقها بسرعة وكأنها تخاف ان يكتشف أحد انه ابوها... اما الرجل فقام بسرعة والفرحة تملأعينيه بقدوم الفرج و مشى بسرعة كبيرةحتى لحق بابنته ثم أخذ منها الشنطة ليحملها بدلا عنها........ انتهى الموقف لن أعلق كثيرا على الموقف لكن عندي سؤال واحد ترى من علمنا قسوة القلوب أهي الحياة ام الفطرة أيعقل أن أجلس مع صديقاتي أضحك و أستمتع بوقتي بينما أبي في الخارج تكويه حرارة الشمس وهو صائم أيعقل ان أكذب على البنات وأقو ل بوقاحة أن من ينتظرني في الخارج هو السواق بينما السواق ليس الا ابي...فقط لارضي عقدة النقص وحب المظاهر التي اعاني منها أيعقل ان قلوبنا صارت كالحجارة أوأشد قسوة ان كان كذلك فاللهم ألن قلوبنا القاسية في النهاية لدي رسالة للجميع وخصوصا للبنات راعوا الله في أبائكم فلا الاصدقاء ولا غيرهم يبذلون واحد من مليون مما يبذله الاباء لنا اللهم اجز ابائنا عنا كل خير و بلغنا برهم وطاعتهم والاحسان اليهم واجمعنا معهم في الفردوس الاعلى يا رحمن اسفة على عدم التنسيق لكن تعرفون ظروف الدراسة :sad: تقبلوا تحياتي اختكم لميس |
وربي ان انقهرت من هالبنت:wallbash: الله يهديهااا انا وهو السواق والله ماحب اخليه يجي قبل موعد خروجي اقول حرام يجلس هو والشغاله بهالحر :no: يارب تحفظهمـ لنــا وتعيننا على برهمـ وترزقنــا رضاهمـ يارب فالاب لايتعووووض..الله لايحرمنا منهـمـ .. للاسف بدل مانفكر بتقديم لهمـ مقابل ماقدموه لنـا وماراح نلاقي اكيد نصارخ عليهم ونعقهمـ :wallbash: وهالمشاهد كثيرة وخصوصا مع الامهـــات واتذكر مرة بالمدرسه وحده كانت معنا الظاهر يوم الشهاداات وتخبرين البنات يحبون يجلسون الظاهر ابوها قال بنتظرك ربع ساعه ماراح اروح واجي لو انا منها بطلع بسرعه يكفي انه بيتحمل الحر علشاني :sad: :wallbash: بس ماعندهم احساس والله جزاك الله خيــر الهنووف كانت هنا ورحلت |
من جد موقف مثييييييييييير للأسف كله شان تقول لصاحبتها ان عندها سواق وانها امرة وناهية وما همها احد الي كذا شكلهم عندهم عقدة نقص تشكررررررررررررراتي لميس الهلالية |
اكيد قهر .. وما خفي اعضم ..الله يستر علينا وعلا كل مسلم |
الهنوف انا سعيدة بمرورك يا الغالية واما البنت فالله يخلف على أهلها ابوراس ,الذهب الازرق تسلموون على المرور |
لا حول ولا قوه الا بالله لا تعلـــــــــــــــــيق <<<<<<<<< من متى وانتي تعلقين اصلا |
والله العظيم انه ما تستحي انا انقهرت منه هالحين ابوه يتعب ويشقى وهي تقول سواق قسم بالله لو انا كان فركت خشته << واصلة معي من اللي سوته حسبي الله ونعم الوكيل مشكورة لميس ,, |
الله يهديها.......... |
السلام عليكم و رحمة الله و بركاتــــــه ,, لا حـول و لا قـوة الا بـالله :cry: .. لهدرجـة قـصت القلوب :cry: .. ؟! للاسف هذا المنظر منتشر و بكثرة في عالمنـا ,, البنت لم تخف الله و الله يهدييهـا .. لكن ما تشوفون بعض الذنب على الاب .. ؟! ايـه على الابـو .. ياخي ادب بنتك .. ياخي تكلم ليش زي كـذا .. ؟! هي ما تخاف الله ما صدقت ان ابوهـا حبوب و راحت تستغلهـ ,, لكن هو بعد ليش ما يصير لـه كلمة .. ؟! هو رجـآل ! قـسم بـالله موقف رفع ضغطي .. |
ندووش تسلمين على المرور... وثاني مرة علقي:d مملوحة نجد يا قلبي هذي النماذج كثيرة في مجتمعنا للاسف بس الله يهدينا ويهديهم ومشكورة على المرور هلالية من الرياض مشكورة على المرور الكناري الازرق اللي انا اشوفه ان الذنب مو على الاب لان حنان الاب شي خارج عن ارادته بس البنت هي اللي يبيلها تكفيخ و تسلم على المرور |
أقتباس :- لان حنان الاب شي خارج عن ارادته بس البنت هي اللي يبيلها تكفيخ -:اقتباس من جد والله يبيلها تكفيخ وأنـا قالتلي أخيتي أن مره في حفل الأمهات ,, سوو حفل وحضروا الأمهات المهم أن فيه بنت من زميلات اختي ,, أمها ما شخصت :D وباقي الأمهات مشخصين المهم أن فيه بنت سألت ,, البنت الي أمها ما شخصت وقالت لها وين أمكـ ,, ردت البنت وقالت مـا جت مع أنها كانت حاضره بس مـا تمكيجت :d ,, مثل باقي الأمهات وللـ معلوميه أختي تعرف الأم الي مـا تزينت :P |
لا ادري ماذا اقول لكن ان في هذه الفتاة نقص تحاول ان تعوضه ولكن باساليب خاطئه ايعقل ان يكون هذا الحال يا لهذا الاب المسكين @@@@ البنت هذي ما شافت وشلون بعض الطالبات يقولون لابوهم تاخر شي علينا ؟؟ تدرون ليش مو علشان تسولف ولا تقعد مع بنات ولا عنده شغله تقضيها لا والله البنت هذي قالت لابوها الشيء هذا علشان ابوها ما يتعب في الزحمه وتبيه يجي بعد ما تخف الزحمه لا حول ولا قوه الا بالله والله يهدي البنت ويصحيها من غفلتها لميس ....لو كنت انا من كتب الموضوع لكتبته بنفس الاسلوب لك ارق التحيه وكل الشكر لهذا الموضوع تشــــــــاو |
لاحول والله قوة الا بالله :( والله شي يبكييييييي ويقهررررررررر كمان اكيد ابوها مسكين يحسب عندها محاضرات وصابر :( هذي من جد ماعندها شخصيه وناقصة عقل! |
شدراك انه ابوها :d |
لا حول ولا قوة إلا بالله :sad: ... الحين مسويه خطائين مب خطأ واحد الله يهديها:no: ... الأول تاركه أبوها في هالشمس وقاعده تسولف :wallbash: ... والثاني أنها ماأعترفت فيه اصلا :cry: يالله بس تخلي لنا أبائنا وتحفظهم لنا ولا تحرمنا منهم;) ... وتعينّا على برهم:) ... |
| الوقت المعتمد في المنتدى بتوقيت جرينتش +3.
الوقت الان » 09:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd