رساله الي محبي الزعيم
 

السلام عليكم ورحمه الله وبركاته
اخواني جمهور الهلال العزيز
مشكله الفريق لهذا الموسم :
1/غياب الدولين
2/الاصابات
3/الجمهوووووور
انا عرف راح تقولون اننا عارفين هالشى بس انا اقول صحيح انكم تعرفون وبنفس الوقت ماتعرفون................................................................ اخواني:
خلونا نبين كل مشكله علي حده واربطوها في النهايه مع بعض:
اولا غياب الدولين :
ياكثر ما انحرمنا منهم وكم بطوله راحت والسبه غيابهم خسرنا الاسيويه والدوري والخليجيه والله اعلم وش الي جاي بالطريق بتقولون بنهائى الدوري كان الدولين موجودين صحيح كانوموجودين بس بعد ايش بعد ما استنفرو كامل لياقتهم بعد ما فقدوا التجانس الي بينهم بسبب معسكر المنتخب .
نجي لبدايه الموسم هذا انحرمنا منهم في معسكر تونس وفي بدايه كاس فيصل والخليجيه
انتم معي في هالكلام نروح للسبب الثاني
ثانيا الاصابات:
1 العنبر 2 المفرج 3 ياسر القحطاني 3 عمر الغامدي 4 التايب 5/ الغنام
ومافي داعي اتكلم عن الاصابات لانكم تعرفون مدى تأثيرها على الفريق
ثالثا الجمهوووور:
بتقولون الجمهور وش فيه بقولكم ماتحظرون المباريات ولاتشجعوون الاعبين ولا ترفعون من معنوياتهم وطالبونهم بمستوي كويس وغير هذا كله تقابلونهم بالسب والهتافات السيئه...
اخواني جمهور الزعيم / الاداره والاعبين وخاصه المدرب ما لهم ذنب اذا كان الفريق من بدايه الموسم اومن بدايه استعداد الفريق ما اكتمل بسبب الاجازات والمعسكر للمنتخب ولاصابات وكلنا كامحبين للنادي نعرف هالكلام....طيب ليش نوقف ضد الاعبين او المدرب وو ننتقدهم...
وبعدين اذا كتمل الفريق نلقى فيهم اصابات ولا مباريات مع منتخب بلادهم واقصد طارق التايب وغير هذا كله المدرب مسكين كل يوم طالع له لاعب يا من معسكر منتخب ولا من اصابه فا كيف تبغاه يرسي علي تشكيله خلال فتره قصيره.....................................اخواني
بدل ماناقف معهم ونرفع من روحهم المعنويه نعاملهم بطريقه سيئه ومع ذالك مايستاهلوووون بقولك ليش جبلي نادي سوا الي سواه الهلال خلال السنتين الى راحت من احتكار للبطولات وانجازات وجبلي فربق عربي بأنجازات الزعيم طبعا مافيه ...طيب ليش نعامل الاعبين بهالطريقه ..اخواني لا تنظرون لفريقان مثل ما ينظرون جمهووور النصر والاتحاد والاهلي وغيرهم من الانديه الاخري بعدم الثقه بالاداره والاعبين ....
نادي الهلال معررروف عنه بفن جمهوره وتكاتفهم مع النادي وخاصه مع الاعبين ووقفات الجماهير مع النادي بالفترات العصيبه فاليش نعكس الصوره المعروفه عنا بصوره بعض جماهير الانديه الاخري..... وهذا الممتغى تتمناه لنا الجماهير الاخري وخاصه الحقووووده .......



اخواني جماهير الزعيم المطلوب مننا كا محبيين لهذا الصرح ان نكون كايد واحده مع اداره النادي والاعبين والمدرب للتحقيق المزيد من البطولات والانجازات بأذن الله تعالى
والتمس العذر منكم على الاطاله واتمني ان الموووضوع نال اعجابكم وووخصوصا انه اول موضوووع اكتبه في الموقع
والسلام عليكم
اخوكم ابو تج 60s60s

وتذكرو اننا ما زلنا في بدايه الدوري......................... وشكرا

كلام جميل جدا بس يا ليت لو تغير الخط حتى نقراه زين

انشالله والله يعطيك العافيه

كلام جميل
لكن وش تبينا نجي نشوف ؟؟!!
العبدالسلام والمرشدي وت.الصويلح
لاصار في ناس تلعب جينا
ومشكووووووووور

الهلال لا يتأثر بغياب أي لاعب !!

اية والله انك صادق وانا اخوك اذا جت مباراة في الرياض

الحضور مايتعدى الف او الفين واذا انهزم او تعادل الزعيم

طلعوا عليك في المنتدى وخذ لك سب وشتم للاعبين وللمدرب

واحياناً توصل لرئيس النادي نصيحة لجمهور الزعيم احضر

المباراة خل المدرجات فل وبعدها يتحمس اللاعبين ويتفاعلون مع الجمهور

اما يدخل اللاعب للملعب ويناظر الملعب ومايلقى الا الف او الفين وتطالبة انة يبدع او يفوز عجبي

اللهم اني صائم

كلام سليم والله يعطيك العافيه