هبـال .. وزحف ورجـه .. شوارع الرياض تتحلى باللون الأخضر ! - صفحة رقم 3 - نادي الهلال السعودي - شبكة الزعيم

ســــ 9 ـــــام · #31 24/09/2006, 03:33 PM

إقتباس


	والله بصرااااااحه شويه كلمة هبال بس اليوم مفروض يركدون شوي اول يوم من الشهر الفضيل الله يهديهم والله وصارت مشاكل من ورى هاليوم الوطني... الله يعطيك العافيه يا ســــ 9 ـــــام

إي والله

الله يعافيك عبدالله

ســــ 9 ـــــام · #32 24/09/2006, 03:35 PM

إقتباس


	والله كنت مرابط بالطريق العليا وطريق الملك عبدالله ثلاث ايام ومدري اذا شفت الفكتوريا اللي بتوقيعي

إيه شفت مثلها كثير ..

بشوف التصوير بعد كم يوم وبقزك

هع هع هع

مشكور على مرورك يالغالي

ســــ 9 ـــــام · #33 24/09/2006, 03:37 PM

إقتباس


	عسى الله يديم ها الفرحة

ياجعلك ســــالم والله ..
مشكور على مرورك

عاشق الزعيم!! · #34 24/09/2006, 11:46 PM

متحمس واجد

ســــ 9 ـــــام · #35 25/09/2006, 12:46 AM

إقتباس


	متحمس واجد

ايه مشكله عاد انت تلقاك مثل الصغار ماشفت شي ومنقهر ..
ياحظك زودت مشاركاتك !! ..

عقليات ..

الكلاسيكي · #36 25/09/2006, 02:06 PM

إقتباس


	ليه قالوا له كذا ؟ لأن مرته ماشاء الله عليها ماتسترت زين .. مطلعه عيونها وجبهتها ونص خشمها ويعني مالها داعي صراحه .. عشان كذا هذولي طبوا فيه ..

مجدين فيه ويستااااهل ..
صدقت والله اليوم الوطني عند الشباب بادي من الاربعاء
هبال ورقص والوان واعلام .. واحد يسألني لما شاف الرجه يقول
المنتخب فايز <<مسكين مايدري عن السالفه !!

والمشكله ان الله بلانا بشارع يتجمعون فيه الشباب والله انواع الازعاج والغناء
المشكله مو كله غناء ع نالسعوديه .. واحد رومانسي .. والثاني غربي .. خلها علىربك بس ,,

المشكله ان الشباب فهموا الاحتفال باليوم الوطني ازعاج ومضايقات !!
انا اخشى بس انهم يقولون هذا وجهنا ان شفتوا يوم وطني ثاني خخخخ

لك الف شكر ...
وكل عام وانت بخير

ســــ 9 ـــــام · #37 25/09/2006, 05:41 PM

إقتباس


	إقتباس: ليه قالوا له كذا ؟ لأن مرته ماشاء الله عليها ماتسترت زين .. مطلعه عيونها وجبهتها ونص خشمها ويعني مالها داعي صراحه .. عشان كذا هذولي طبوا فيه ..

إقتباس


	مجدين فيه ويستااااهل ..

إقتباس


	صدقت والله اليوم الوطني عند الشباب بادي من الاربعاء هبال ورقص والوان واعلام .. واحد يسألني لما شاف الرجه يقول المنتخب فايز <<مسكين مايدري عن السالفه !!

ههههههههههههههههههههههه

إقتباس


	والمشكله ان الله بلانا بشارع يتجمعون فيه الشباب والله انواع الازعاج والغناء المشكله مو كله غناء ع نالسعوديه .. واحد رومانسي .. والثاني غربي .. خلها علىربك بس ,,

من جد أجل وين الوطنيه

بس فيه بعضهم عن الوطن

إقتباس


	المشكله ان الشباب فهموا الاحتفال باليوم الوطني ازعاج ومضايقات !! انا اخشى بس انهم يقولون هذا وجهنا ان شفتوا يوم وطني ثاني خخخخ

صدقت والله

إقتباس


	لك الف شكر ... وكل عام وانت بخير

الشكر لك على تواجدك يالكلاسيكي ..
شاكر لك مرورك يالغالي ،،

عاشق الزعيم!! · #38 25/09/2006, 09:06 PM

إقتباس

الرسالة الأصلية كتبت بواسطة ســــ 9 ـــــام


	ايه مشكله عاد انت تلقاك مثل الصغار ماشفت شي ومنقهر .. ياحظك زودت مشاركاتك !! .. عقليات ..

يعني اللي مايشوف هبال يصير منقهر ؟؟؟ عجيب (الحمدلله على العقل)::p

وبعدين كبر عقلك شوي يوم تقول ياحظك زودت مشاركاتك

ســــ 9 ـــــام · #39 26/09/2006, 02:18 PM

إقتباس


	يعني اللي مايشوف هبال يصير منقهر ؟؟؟ عجيب (الحمدلله على العقل)::p وبعدين كبر عقلك شوي يوم تقول ياحظك زودت مشاركاتك

طيب ياللي مانقهرت ..
مدام ماعجبك الاسلوب ولا الموضوع وشوله ترد هالرد البايخ وتحطم ؟؟
الا كانك تزود مشاركات وهذا هو السبب!!
الحمد لله على العقل والله ..

برنسيسة الهلال · #40 26/09/2006, 03:43 PM

الـــــــــــــــــــــــــــــلــــــــــــــــــــه ونـــــــــــــاســـــــــــه

يعطيك العااااافيه خيوووووو عالموجز

وبانتظـــــــار المقاطــع لاتسحب علينا

تحياااااتي

لخبوط · #41 26/09/2006, 04:25 PM

إقتباس

الرسالة الأصلية كتبت بواسطة ســــ 9 ـــــام


	السلام عليكم منذُ زمن طويل لم أكتب في المجلس .. سواءً كان بهذا المعرف .. أو بالقديم .. عمومــآً .. :p والله ما أدري من وين أبدا .. قبل ما أشوف شي .. كان واحد اعرفه رايح للشمال .. طبعاً أنا من سكان السويدي يابعد قلبي والله <-- المشكله وده ينقل عمومــا <<شكله مهوب بادي بالموضوع رايح للشمال .. ويوم شفته ثاني يوم .. قالي فاتك يابوداحم .. والله هباااال قلت وش هباله قال التحليه جنوون ياشيخ .. الناس سادين الشوارع ورقص وفللله قلت وبكل إندهاش وأنا ودي أروح : نصصصصصصــــــآآآآب قال والله ياخي مهبل .. قلت وشلون .. قال كله عن اليوم الوطني وكذا قلت آهــاااا .. يعني الوضع فله لو فيه قفطه .. نقولهم كله لعيون ابومتعب المهم جاني واحد من عيال عمتي وهو من سكان العليا قلط الرجال وياهلا والله كيف الحال عساك بخير يالله حيه .. دق علي واحد من اخوياي .. قالي وبهالاسلوب : الو وينك ! قلت هلا وشفيك انا في بيتنا .. قالي رح لكذا وكذا .. تلقا الورشه الفلانيه .. بتشوف موتر .. قلت طيب ؟ وشو يعني اوديك ولا وش السالفه قال لا ياخي انت رح ولين شفت السياره بتعرف السالفه انا والله جتني ام الركب .. وقلت لاحووول فيه شي صاير ؟ واحد مصدوم ولا واحد نعرفه جاه شي ياخي تكلم قال اسمع رح ولين شفت وش صار دق علي .. قلت طيب !! .. وأنا اللي نقزت بولد العمه وعلى طول ع الورشه شفت الموتر .. صار موتره شب عليه وهو في الجسر المعلق وأحترقت السياره والحمد لله ماجاه شي وطلع سالم .. <<طيب وش دخل هذا في اليوم الوطني والهبال الي خلاك تنزل موضوع ؟ ^ أنا اقولك طلعت من الورشه .. وأنا في الطريق قلت يولد خلنا نشطف شارع الخياطين ( شارع دوران وشباب ..ألخ ) قربنا عند الشارع .. ألاّ راعي هايلكس طالعين من القزاز وهبال وصراااااااخ قلت : كفووو والله موجود الهبال عندنا ودخلنا الشارع .. الا ملياااااااااااااااااان .. فاجرين الاغاني .. وأعلام وسيارات مبخوخه ومواكب وهبال .. يعني إحتفاليه وطنيه .. عااالميه ناقصه تصوير وطلع ولد عمتي جواله n70 .. وقعد يصور .. وجوالي ماصورت به لاني انا اللي اسوق وتصوير إن 70 ازين من الشيطان المهم بعد الفله والوناسه .. دخلت دوريه .. وأخذت لفه على الشارع كله وأنا وراها وقدامنا سياره وطلعت الدوريه وأسمع " قاق قاق " قلت هلا والله إرررحب وأناظر يمين يسار ورا قدام ! ؟ وين اللي يقاقي جيت بديور .. قلت خلني أطلع من الشارع .. قلت لالا بديور جيت مهدي مهوب اللي بديور ولا اللي بطلع .. وأناظر يسار الا 3 دوريات وسفاتي وماشين ناصين الشارع انا قلت يولد بالأول وأننننحش لانروح الناصريه والكامري في لبن طلعنا من شارع لين شارع .. ومازال الهبال متواصل . وعدا اليوم على خير .. والحمد لله <<ماوده يتكلم واجد لانه سوا اشياء وشاف اشياء .. خاف احد يعرفه جا بكره .. اللي هو أمس " الجمعه " رحت لولد عمتي اللي ساكن بالعليا وهناك شفنا الهبال الصــــــــح والله شارع الملك عبدالله مافيه الا سكارى ومنسمييييييين رقص وهز يا وز وفله نقزنا رجليه لشارع العليا العام والله الشارع واااااااااقف مايمشي ابداً .. عرضه ورقص وتفحيط على اليمين عند الساحه الفاضيه يعني تحس فيه ناس محتاجه تطلع اللي في خاطرها اللي صابغ موتره واللي صابغ وجهه واللي واللي يعني رججججججه مواقف عاينتها بأم عيني : فيه راعي لكزس مع مرته .. الرجال مرسم وشخصيه مع حرمته في اللكزس الفخم .. تجمعوا عليه بعض الشباب المهبل قالوا له .. قسم بالله انك مهوب رجال وصخ مهوب رجال يا .... <-- وصف غير لائق ليه قالوا له كذا ؟ لأن مرته ماشاء الله عليها ماتسترت زين .. مطلعه عيونها وجبهتها ونص خشمها ويعني مالها داعي صراحه .. عشان كذا هذولي طبوا فيه .. 2 - الموقف الثاني وهو أشهر من نار على علم !! جمس كله باخينه أخضر .. واللي يسوقه سواق هندي .. وملياااان بنات .. كلهم مثل زوجة راعي اللكزس يعني يلفتون الأنظار عليهم .. ما غطوا وجيههم .. المهم جوا المهبل ويتجمعون ويرقمون .. بعدين جو بعض اللي فيهم خير .. وبعدوا الدشير عن الجمس وفتحنا الطريق للجمس قلنا له أطلع من الشارع لأنه لو قعد بيروح فيها والله ياخوان شوف عيني .. !! فتحنا لهم الطريق يمديهم يطلعون !! نشوف البنات يأشرون للسواق امش قدام !! خلنا في الشارع !! والله أنصدمت .. وقلت يستاهلون لو جو وتحرشوا فيهم !! المهم يجون العالم على الجمس ورقص واللي يكتب الرقم على القزاز واللي ينشب عيونه وشفايفه لاتعليييييييييييييييق 3-فيه واحد راعي لنترا باخها أخضر <<كل العالم كذا يجي يحن بالموتر ويتفتف ثمن يمشي بين الناس سلاماااااااااات ؟؟ والله بغا يصدم خلق الله !! ويلاحق الجمس ويستمر في حركته اللعينه ويمشي بين الناس ولاهمه !! يوم زودها .. طلعت قرون الأوادم وتجمعوا عليه ويخبطون موتره ويشوتونــه !!!!!!!!!!! وهو داخل السياره وشكله يصيح المهم انا وراه ونشوف ناس كسروا لمباته " الشمعه " وراح فيها موتره .. ليه ؟ بسبة حركته الي مسوي فيها رجال .. وفيه واحد من الشباب أعصابه ناااااار .. جا يصارخ وطق على واحد قاله : معك عجرااااا !! معك عجرا أفجر راسه !! ذاك قاله والله ماعندي << خايف على عمره أخذ له نص بلكه وراح لم السياره وخلا البلكه وراه وناوي يكسر موتر ذاك سبحان الله فكه الله ذاك ونط الرصيف وأنحااااااااااااش ... وسلم والله من شي كان ما حسب له حساب 4- العالم قلبوها عرضه .. ورقص .. لين جا واحد ومعه طار وقام يطبل والعام تحته .. كفو .. ألعب . ورا ورا لين نزل واحد لابس بشت ومعه عود .. وقعد يدندن والله موقف يضحك بقوووه وفوضى وفضحيه مابعدها فضيحه لرجال الامن اللي في اخر الدنيا .. وماعندهم هالدببه الا : ويييييييييو <<صوت السفتي !! 5- بعد الركود في مكان واحد .. وهو اخر موقف .. تقاطع شارع العليا مع شارع نسيت اسمه المهم عنده البيت الأنيق للأثاث .. هناك عند الاشارع فيه دوريات والناس واااااااقفه ويعني شي شي مهوب طبيعي مر باص فيه برتقال وفاكهه والله مادرينا الا البرتقال في يدين الزكرت وكل واحد يبلع ثمن جا باص تبع دنكن دونات والله حللوها وزرفوا رف كاااااااامل وحطوه على الرصيف وأقللللط ياولد ثمن جو بعض المطاوعه جزاهم الله خير .. قاموا ينظمون شوي .. ثمن جا باص فيه بساكيت .. تبع شركة بسكوت حاولوا يفتحونه ماقدروا .. آخر شي .. هزوه وشوي وينقلب!! قسم بالله اني اشوفه يروح يمين يسار .. خلاص قلنا أنقلب لين فجأه أنحاشوا وقالوا مطاوعه مطاوعه .. لين المطاوعه قاموا يحمون خلق الله بدل رجال الأمن الله يجزاهم خير الهيئه .. 5- جو الدوريات وسيارات فرقة المجاهدين .. وقاموا يفرقون العالم .. آخر شي حركنا لبيت عمتي الساعه 3 .. بعد 6 ساعات من الإستنفار والهبال .. ^ ^ وهذي رساله لأفراد الأمن .. 6 ساعات اقسم بالله ماعندهم الا الدجه لو إرهابي قال : طراخ في الهواء <<بمسدس صغنون كان جا الجيش بكبره .. لكن مغازل وتحرش بحريم والله مالهم دخل.. وتكسير وهبال والله مهزله <-- صرريح لكن والله هذا الوااااقع !! على العموم .. آسف على الاطاله والحمد لله طلعت اللي في خاطري على هالعصريه الله يديم عزك ياوطن .. الله يطول في عمرك يابومتعب .. الله يحفظ لنا الأمان والنعمه وراحــة البال .. أشين شي في الموضوع ان مافيه مقاطع ولاصور لاني نسيت أخذها من ولد عمتي وأنا طالع من عندهم وإللي عنده شي ولا شاف .. لا يبخل بالحتسي محبكم عبدالرحمن تحياتي <<-- مابغيت ؟ ^ _ ^ في أمان الله ،،

شكرن أخوي علا هل خبر الطازج

عاشق الزعيم!! · #42 27/09/2006, 07:44 PM

إقتباس

الرسالة الأصلية كتبت بواسطة ســــ 9 ـــــام


	طيب ياللي مانقهرت .. مدام ماعجبك الاسلوب ولا الموضوع وشوله ترد هالرد البايخ وتحطم ؟؟ الا كانك تزود مشاركات وهذا هو السبب!! الحمد لله على العقل والله ..

انا يوم اقولك متحمس واجد
يعني من طريقة كلامك انك صدق متحمس واااجد ..وانا ماغلطت عليك ... ولا ابغا ازود مشاركاتي مثل ماقلت
لاني اكبر من هالسوالف

ســــ 9 ـــــام · #43 27/09/2006, 10:01 PM

إقتباس


	انا يوم اقولك متحمس واجد يعني من طريقة كلامك انك صدق متحمس واااجد ..وانا ماغلطت عليك ... ولا ابغا ازود مشاركاتي مثل ماقلت لاني اكبر من هالسوالف

كذا وضحت الصوره يالغالي ..
وماصار إلاّ الخير ان شاء الله ..
ومعليش اذا حصل مني شي ..

ســــ 9 ـــــام · #44 27/09/2006, 10:04 PM

برسنيسه ولخبوط يعطيكم العافيه ع المرور ..
ماقصرتوا منوريــن

هنادي الهلاليه · #45 27/09/2006, 10:07 PM

هههههههااا مشكور على الموضوع