نادي الهلال السعودي - شبكة الزعيم - الموقع الرسمي - القناة الرياضيه والتايب VS دينلسون والخليج (( بربسه لاسبوع الثالث))

الــــــــــ,ـ,ـ,ــــــــــــــلام

كيفكون ان شاء الله منيحين
<===(( يشجع النجمه اللبناني))

نبدا بربستنا بموضوع يقهر من جد

نترككم مع البربسه

القناة الرياضيه

كثر الكلام عن القناة الرياضيه

وأنها قناة عشوائية الطرح

مالها سياسات محدده

البرامج تتم حسب ميول المقدم

الاخبار انتقائيه لدرجه كبيره

تبون تعرفون السبب

اسمعوا السالفه ذي

(( مره قابلت واحد من العيال في كوفي بعد سلام وكلام قال ترى فلان يسلم عليك قلت وينه قال كان موجود وطلع راح يغطي وصول دينلسون من المطار
قلت ليه وش دخله يغطي وصوله قا ل الحين خوينا شغال في القناة الرياضيه (( طبعا اخو خوينا يصير مذيع في القناة وجايب له الشغله بالواسطه )) قلت وش يشتغل
قال يشتغل كلش معد برامج مراسل اي شي يسويه ))

انا انلخمت يعني معقوله يصير هذا الشي
يعني قلنا تغيرت الاداره ونشوف مهنيه اكثر

ليه اللعب هذا

(( للمعلوميه صديقنا هذا يدرس في اول مستوى في الاعلام وقبلها محفر كم مستوى في الزراعه )):no:

نجي للهلال

لعبنا مع الخليج والحمدلله فزنا عليهم:thumbup:

بس والله ضاق صدري من بعض الاعضاء اللي مالهم سنع

يعني واحد يقول نبي مدافع الخليج عشان دفاعنا شوارع وترى مدافع الخليج قد قطع كوره من الجمعان

والثاني يقول انسوا البطولات

ولاحناب جايبين اهداف لان ماعندنا مهاجمين

والثالث يقول اكرشوا رودريقوا

والرابع مدري من يبي

ليه ياجماهيرنا

ليه الحكم السريع على الاعبين ليه اي خطأ من اي لاعب تطالبون بتنسيقه

اعقلوا ولا تصيرون مثل الجيران المهبل كل شوي ناطين في حلق الاداره
(( لمن يريد المتعه اقول له خذ لك فره على منتداهم والله ان تصفر من الضحك )):D

نرجع للتايب

يالله لك الحمد

يحلف لي واحد يقول انه شايف التايب يركض حول الملعب في التمرين وان مافيه الا العافيه وصايرن كنه غزال (( خمسه وخميسه في عين النصر ))

يعني فيه امل كبير انه يلعب قدام الوحده

على طاري النصر

وش السالفه لا يصيرون موقعين مع ندفيد ولا ديل بييرو تراه دينلسون

ان لعب حده شوط

ولا بيصير مثل خوينا جيوفاني لمسات حلوه بس ماش مايعطيك اللي انت تبي

للمعلوميه تراهم معطينه رقم كابتن ماجد 9

مدري ليه تذكرت علي يزيد يوم يطيرون به ذيك الايام:D

منتخبنا لذوي الاحتياجات الخاصه يحققون كاس العالم

والله انهم ابطال ابطال ابطال

سوو اللي ماسووه لاعبين الملايين :no:

ادارتهم سوت اللي ماسوته ادارة الخطط المطروسه والعلميه:no:

اخونا في الله (( بلا شك ويا اخوان )) مادرى عن المنتخب الا يوم فازوا بالكاس وزي العاده (( يا اخوان المكافأه مضاعفه )):D

والله عندي اقتراح

نسوي دمج (( يعني خمسه من عندهم وسته من المنتخب الاول تتوقعون انهم بيفلحون ..؟؟:confused: ؟؟))

بين السطور

* مدرب الخليج المرزوق نموذج للدلخ اللي مافيه امل يفهم

اجل المذيع يقول له ان البعض يخلون اخطاء الحكام شماعه لاخطائهم

قال له انت الشماعه (( يحسب انها سبه )):D

لا ويقول ان تفاريس قايل للحكم يا مجنون (( مدري باي لغه قالها بالعربي ولا بالانقليزي ولا بالبرازيلي)) المهم انهم سمعها !!!!!:confused:

*

ابن همام يقول اعلم بان كثير من الاتحادات الاهليه تئن (( ترى تئن هذي من عندي ولا موب كفو يقولها:D )) تحت وطأة (( برضوا ذي من عندي:D )) الفساد والرشاوي

ويقول اللي صار في الدور ي الايطالي تراه يصير في اغلب الدوريات الاسيويه

الظاهر انه ماشاف نفسه واتحاده النزيه :no:

الظاهر موب يشوف بلاوي فلمبان وطقته شلة السواقين:no:

اقول سقها بس انت وخشتك :mad:

* رئيس الوحده جمال تونسي بيسوي عملية في القلب

دعواتكم له بالشفاء العاجل
ان شاء الله يقوم بالسلامه

على العموم انا خلص اللي في مخي :no:

موعدنا في موضوعي القادم :)

يالله فتكوا بعافيه