|
نصيحة لطلاب الثانوية العامة نصيحة لطلاب الثانوية العامة السلام عليكم أخواني.. هذه نصيحتي لجميع طلبة الثانوية العامة وماقبلها عليكم بالاجتهاد فهو يثمر النجاح ويحقق لك متقبلا مليئا بالافراح والراحة والسعادة والمنصب العالي باذن الله ٍسأروي لكم قصتي باختصار كي تأخذوا منها العبرة والعظة.. ولا تقعوا فيما وقعت.. فندمت ولكن لا ينفع الندم.. نصيحتي هذه لجميع الطلبة خصوصا طلبة الثانوية العامة.. نصيحة خالصة لوجه الله باذن الله أنا شاب عمري 22 سنة.. منذ أن كنت في أول ابتدائي.. إلى سنة أول ثانوي لم يقل معدلي عن 90% ولله الحمد.. لكن في ثاني وثالث ثانوي.. لم أركز كثيرا في الدراسة.. فكان معدلي بعد تخرجي من الثانوية العامة قسم علمي 75% ندمت حيث لا ينفع الندم لكنني توكلت على الله.. فبدأت أبحث عن جامعة.. قدمت في جامعة الملك فهد للبترول والمعادن - نظام الدبلوم.. لكنني لم أوفق في مادة الرياضيات فسحبت ملفي عند نهاية السنة وهكذا ذهبت سنة السنة التالية.. سجلني أبي في كلية المجتمع.. التي تقدم شهادات دبلوم.. والتي ليست مرغوبة في سوق العمل.. وهكذا درست سنة ثم سحبت ملفي بعد نهاية السنة لانني كنت اريد بكالوريوس.. وهكذا ضيعت سنتين ثم قدمت في كلية العلوم الاجتماعية باحد الجامعات.. والحمدلله اجتزت السنة التاهيلي بمعدل ممتاز وانا في هذه السنة متخصص في علم المعلومات..علما اني بعد اجتياز السنة التاهيلي فكرت اقدم في الجامعة العربية المفتوحة لاني ما كنت ادري عنها شي وواحد قال لي عنها وفعلا استفسرت واكتشفت ان فيه تخصص تقنية معلومات وحوسبة وانا احب الحاسب كثير.. وشهادتها اقوى شهادة بعد شهادة البترول.. لكن للاسف اهلي ما نصحوني بالجامعة ومعهم حق.. لانهم قالوا ضيعت سنتين وبما انك اتخصصت ودرست سنة تاهيلي وحولت بكالوريوس فالافضل انك ماتجازف اكثر وتضيع سنين.. وكمان النقطة اللي كانت في صالحي هالمرة ان هالتخصص ما يقبلوا الا طلاب العلمي.. المهم معناه اني ضيعت سنتين.. الاولى في جامعة البترول والثانية في كلية المجتمع.. المهم قبل اسبوع وانا خارج من صلاة الجمعة.. شفت اعلان من معهد جدة الدولي للتدريب تحت اشراف المؤسسة العامة للتعليم الفني والتدريب المهني الاعلان يقول برعاية سمو الامير محمد بن خالد بن تركي بن عبد العزيز آل سعود لخريجي وخريجات الثانوية لمواصلة الدراسة مهما طالت فترة انقطاعكم سجل في الدبلوم... واحصل على منحة بكالوريوس معتمدة من كلية كامبردج الدولية * دبلوم برمجة الحاسب * دبلوم صيانة الحاسب * دبلوم إدارة الأعمال * دبلوم العلوم المصرفية المنحة محددة حتى اكتمال العدد هنا عرفت اني ضيعت على نفسي فرص ذهبية وسنين لا تعوض.. فاتمنى من اي طالب خصوصا طلبة الثانوية العامة.. ينتبهوا لدروسهم.. ويبتعدوا عن رفقاء السوء اللي يخرجوا فوسط الاسبوع ايام الدراسة صدقوني بعدما يجيكم قبول في الجامعة باذن الله وقتها راح تحس ان هذي ثمرة جهد 12 سنة في المدارس.. والا احنا ليش ندرس 12 سنة عشان الجامعة.. طيب ايش الفايدة واحد يدرس 12 سنة وبالاخير يسجل في معهد والا دبلوم.. مو شي يفشل؟؟ نصيحتي هذي لوجه الله واتمنى لجميع الطلاب التوفيق والسداد</STRONG> |
الف شكر لك وانا حاس انك كاتب هذا الكلام من قلب وخائف على مستقبل اخوانك في هذا المنتدى دعواتي لك بالتوفيق في حياتك العلمية والعملية شكرا جزيلا لك مرة اخرى |
إقتباس:
اولى ابتدائي مـابه نسـبة ,, تـجيك شهـاده كـله واحـدات :d ,, امزح امزح .. الله يجزاك خير ,, و يكثر من امثالك ,, نصائح طالعـه من قلب ! و اه بس لو اجد بس وقت الاختبارات .. كان جتك العلوم و الجغرافيا السنـعة :d .. يـعطيك الـعااافـية و لا هـنت ! |
اشكرك على النصيحه الجميله والخارجه من القلب وراح اعمل بنصيحتك وان شاء الله التوفيق لجميع طلاب الثانويه العامه وامنياتي بالنسبه العاليه لهم جميعا |
مشكورين على الردود يااخوان وجزاكم الله خير |
مشكور والله يعين |
وين طلاب الثانويه؟؟ وين الذئب الازرق ؟؟ وين رعبوبة الزعيم ؟؟ تسلم خييو.. |
جزاك الله خيــر وانا مثلــك ياخوووي متفووقة وباخر سنــة جبت اقل نسبة جبتها بحياتي :cry: بس مو شينــة مرة مثلك يعني حست الدنيا الله يهديك بس يعني مو فرق كثير عن الي قبل بس لان نسبتي قبل كانت افضل :) بس الحمد لله الحين توني مخلصه ثانوية وببدا مابعد الثانووي تمنياتي لكــم بالتوفيق في الدنيا والاخرة |
القهر لما تكرف ليل نهار وفي النهايه تجيب نسبة حليوة وماتدخل القسم الي أنت تبيه وغيرك الي ماغير يتسدح ويتبطح وجايب نسبه مثل خشته يدخل الي يبي ااااااه يالقهر بسسسسسس....... |
يارجال الان اذا تبي تخصصات قويه معاد تكفي النسبه اللحين فيه شي اسمه قياس وتحصيلي ولازم درجتك في الرياضيات والمواد العلميه كافه فوق الـ90 وللاسف انه فيه ناس نسبهم متدنيه ولاينطبق عليهم ولاشرط لكن يدخلون هالزمن معك واسطه تمشي امورك ما معك اطلب ربك |
مشكورين اخواني واخواتي عالمرورالاخ الرايق والله نسيت اقول لك طبعا بعدما تخرجت انا من الثانوية قبل 4 سنوات اختبرت رام 1 (لغة عربية + انجليزي).. والصيف اللي فات اختبرت ثاني ونسبتي كانت 72% لكن للاسف ما استفدت منه شي لان اغلب الجامعات تبغى خريجي اخر 3 سنوات.. اللي قاهررني ان كان بامكاني من بعدما ارجع من جامعة البترول اسجل في الجامعة العربية المفتوحة لاسباب كثيرة اهمها.. لها فروع في اهم المدن الرئيسية في المملكة والاهم من هذا بكثيييير انهم يقبلوا اية نسبة تخرج واي سنة تخرج.. عيبهم الوحيد اللهم المكافات كونها جامعة اهلية.. ورسومهم مرة ممتازة تقريبا 4000 ريال بالفصل.. وعموما الرسوم تعتمد على عدد الساعات وعدد المواد اللي تختارها في الفصل الواحد واختبار تحديد المستوى عندهم مو بذيك الصعوبة بالنسبة لي.. وبامكان استخراج نماذج الاختبار من منتدى الجامعة مع العلم اختبار تحديد المستوى يكون في الانجليزي والعربينصيحة للي راح يتخرجون هالسنة.. اذا ما حالفكم حظ في نسبة جيدة او قبول في احد الجامعات.. عليكم بالجامعة العربية المفتوحة.. بعدين نظامها مختلف عن بقية الجامعات.. تداوم مرة او مرتين في الاسبوع حسب مااعرف بس الدراسة صعبةتحيتيعالعموم قدر الله وماشاء فعل |
| الوقت المعتمد في المنتدى بتوقيت جرينتش +3.
الوقت الان » 08:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd