|
تهزينا بالنصر وصرنا أردى منهم ؟ نريد من يتعهد ويرسل كلامنا إلى الإدارة يا إدارة الهلال النقاط القادمة جزء بسيط من حال الهلال . في كل موسم يأتي أشباه لاعيبن ويقوم رئيس النادي بتصريح يمتص غضب الجمهور بأنه سيحضر لاعب عالمي وفي النهاية لا عب ما يسوى فص بصل ملايين ذهبت في زينهو ولازار وسابا جون زاكي ووووووووووووآخر مقلب لم يتم مارتيز المزيف ويأتي فواز المسعد إلينا ويخبرنا بقصة خرافية ليته لم يتحدث فهذا الكلام يطبق على الجمهور النصرواي وهذا حال المحترفين ؟؟ يا جماعة أيعقل نادي مثل نادي الهلال جمع البطولات بجميع أشكالها وألوانها تزعم أكبر قاره في العالم ومع ذلك يوجد ما هو يشيب الرأس ؟ كنا في السنوات الماضية نتحدث عن أنصاف لعيبة النصر وأنه لايوجد فيهم إلا قلة من الاعيبن الجيدين والباقي أي كلام وهذا واقعهم ولكن ما يحز في النفس أن الهلال سلك مسلك النصر لاعب مثل حسن العتيبي أشربنا المر ورفع الضغط والسكر وأهدر البطولات ومع ذلك ما زال يلعب بأعصابنا والإدارة لاتحرك ساكن ؟؟؟؟؟؟؟!!!!!!!! وهناك لاعب عفواً كلمة لاعب كبيرة عليه إنسان أسمة تركي القحطاني لا يملك مقومات الاعب لا كنترول ولا أمكنيات دفاعية ولا هجومية لا يفقه في أبجديات الكورة حتى التغطية لا يجيدها ومع ذلك عدة مواسم وهو مشغل مقعد وخانة وغيره من الشباب ينسقون كل سنة ولا نراهم وأبو قحط ضامنها . وأه ياهلال العجايب وش بقى ما ظهر محمد النزهان قاتل الجهمات متعهد النكبات أدوخنا بلياقته الي ودك تعطيها الثنيان ويريحنا من غثاه . الاعب حسين المسعري قدم الي عنده وما قصر ونقوله مشكور والله يعطيك العافية ونطلب منك الإعتزال . خليفة صالح النعيمة فهد المفرج قهر يلعب في الهلال لكن وش الحيلة مالك إلا خشمك لو كان أعوج الهلال له أكثر من عشر سنوات عجزة مدرسة الهلال بأن تنجب إلينا مدافع وقس على ذلك في أكثر الخانات . لماذا لانرى الشباب يعطون الفرص مثل هؤلاء مواسم كاملة وليس مبارة أومباراتين أو ثلاث فهذا واقع الهلال ؟؟؟؟؟ والمؤشرات لاتسر حبيب بل تسر عدو وما نقول إلا حسبي الله ونعم الوكيل . |
عز الله انك جبتها.. أخوي kokofofo نعم انت تلامس الهم الهلالي و ماتنخدع بالكلام و الضوضا ملينا من الكذب على أنفسنا و الله يستر بس شكل الهلال راحت ايامه الله يعين و بس |
كوكوفوفو:) كلماتك الواضح بأنها عفوية وتصدر من مشجع هلالي صميم ... وهذه حالة القهر لدى جميع الجماهير الهلالية نتيجة ضياع أولى البطولات بسبب سوء الاعداد والاهمال الكبير من الادارة وخصوصاً سيادة الريس :( ولي تعليق بسيط بعد اذنك : بقولك : ((( وهناك لاعب عفواً كلمة لاعب كبيرة عليه إنسان أسمة تركي القحطاني )) عجبتني انك لم تهينه وتشمه وانتقده نقد ان شاء الله يكون بناء وان شاء الله نراه يطور مستواه أو يتم تنسيقه ... ((( محمد النزهان ))) لا أعلم لماذا الهجوم والنيل من هذا اللاعب من قبل رواد المنتدى وجمهور الهلال عموماً ويوم يطلعوه فوق السما ويوم يدفعنوه بالحيا اللاعب مجتهد (( ولكل مجتهد نصيب )) الكل يعلم بأنه يلعب في غير مركزه ومركزه الأساسي (( ظهير أيمن )) ويلعب في خانة (( الظهير الأيسر )) ويلقى مايلقاه من الجماهير والنقاد من سب وتهزيء ... صحيح ان مستواه مهزوز ويوم فوق ويوم تحت ولكن نريد النقد البناء وليس النقد من اجل النقد والاستهزاء بالآخرين .. ((( فهد المفرج والله والله حرام يلعب في الهلال )))) !! ليه الحلف بالله سبحانه وتعالى ؟؟ وحتى كلمة (( حرام )) ماتجوز .. هل حرم الله سبحانه وتعالى أن يلعب المفرج مع الهلال !!! وأخيراً الخطأ ليس من المفرج ولا النزهان ولا القحطاني والشريدة والعتيبي الخطأ من المدرب والادارة... والله أعلم.. وتحياتي لك.. أخوك ابو فيصل |
عزيزي الحقيقه انك وصفت الداء بتجرد وبدون اي مؤثرات خارجيه او تغيير لقناعاتك لمن يحاول قلب الحقائق ... وهذا هوالكلام الصح والاسماء اللي ذكرتها لاتستحق اللعب لفريق يلعب في الدرجه الاولى فمابالك بالزعيم ... انا اشوف ان سبب بقاء هاللاعبين رغم تغير المدربين والادارات هو الواسطه من شخص لم يتغير خلال فترة بقائهم وهو شخص اهم شي عنده الحضور والانصراف واستعباد اللاعبين ويهمه ان اللاعبين ما يعرفون كلمه الاقولة سم طال عمرك انت تامر امر واللي يفتح اثمه بغرض مناقشته بغير هالكلام تطبق عليه القوانين العسكريه وهي التطفيش والركن على دكة الاحتياط ومن ثم التسريح من النادي وتشويه سمعته قبل ذلك ان امكن ... اعتقد انك عرفت من اقصد وهو فهد بن محمد بن مصيبيح اللي سبق ان قلت اننا نحبه ونقدره كلاعب خدم الهلال على اكمل وجه وكان خير مثال للاعب الهلالي ... ولكنه للاسف فاشل اداريا ... وكم كنا نتمنى ان يكون مثاليا في الاداره كما كان لاعب .... اشكرك اخوي على موضوعك الصريح الذي مما يبدوا نابع من القلب ... اخوك المهيب ,, |
والله انك صادق في كل كلمة قلتها..بس بالنسبة للمفرج انا ماني شايف ان مستواه سئ مقارنة بباقي اللاعبين اللي ذكرتهم.. الإدارة وعدتنا مثل العادة بمحترفين عالميين وااخرتها مثل ماشفنا..لاعب مزيف وااخر ماندري وشلون وافقوا على تسجيله..والآن نسمع انهم بيجيبون لاعب اجنبي عالمي في الفترة الثانية...مستحيل نصدق هالكلام الا بعد مانشوف اللاعب هذا قدامنا في الملعب.. |
موضوع لا بد أن نتوقف عنده ونتمعن فيه فما ذكر بين طياته تلوكه الألسن الهلالية الصادقة ولكن هل من مجيب ؟ الله أعلم |
أعرف بإن كلامكم نابع من قلوب هلاليه متيمه و مخلصه للزعيم ,,,,, الوضع لم يصل إلى هذا السوء !!!!!! سيعود اللاعبين العشره من المنتخب ويشفى المصابين ويكتمل لاعبي الفريق ليختفي أمثال هؤولاء اللاعبين الهامشيين ,,,,,, علما بإن تنسيق هذا العام سيطول بعضهم :) :) تحياتي للجميع ,,,,,,,,و |
مـــــــــــســـــــــاء الـــــــــــــورد ... للجــــــميع هيا يارواد التجريح أتاكم ضحيه جديده ............... فــــــــهـــــــد المــــــــفرج الأمبراطور الصغير ..................؟؟؟؟ الله يعينك بتشوف العجب ؟؟؟؟؟؟؟؟؟؟ :( :( :( :( :( :( :( :( :( :( :( :( :( :( فتتلمذوووووووووووووا على تجريحه تحيااااااااااااااااااااااااااااااتي |
انا مع الاخ المهيب في كل كلمه قالها |
آسف على تأخيري في الرد صراحة أسف على الإطالة في الرد لإنشغالي . اخوي سفير النوايا الحسنة شكراً لك على أول رد يأتي منك أخوي طلال جــــــــــــــزاك الله ألف خير على النقطة المهمة أولاً وهية لا تجعل الله عرضتةً لإيمانكم وتحريم ما أحل الله لنا كتبتها في لحظة قهر وعادة بين الشباب الله يهديهم لعلني أقتدي بك . أما كلامك بالنسبة للنزهان وهو يلعب بغير مركزة فأنا ما فقع قلبي منه إلا حاجة وحده دائماً يمشي بالكورة ويمينه لاعب ويساره لاعب ومراكز أفضل منه ومع ذلك يصر على الإختراق ممكن يسحب بالحارس وهذي ما أستبعدها منه لكن النهاية أنا متأكد منها الكورة برا . أخوي المهيب أنا معك في الشخصية التي ذكرت ولكن ليس بقل المقاييس يبقى له إيجابياته التي ما ينكرها أحد ومشكور على مشاركتك . حبيبي H-CrAzY يعطيك العافية اما كلامك بالنسبة لفهد انا ماني معاك تبقى وجهة نظر أحترمها ولكن لا بد بأننظر بعين أوسع وأشمل للفريق وترى الخافي أعظم أنا توقعت بأنكم كل واحد بيطلع مشكلة أو مشكلتين ولكن جاني منهو يدافع على أنصاف لعيبة ويدي أسألك حبيبي وش مقومات الاعب في نظرك صحيح عنده حماس وعنده راس وبعض الزلقات والباقي ما عندك أحد صحيح أنه أفضل من اللي ذكرتهم في البداية ولكن نطمح بأفضل أنت تتكلم عن زعيم . عافاك الله أبو جراح فعلاً هل من مجيب ؟ ابو ذكر مشكور في البدايه ياحبيبي كلامك هذا يقوله فهد المصيبيح المسعد سعود بن تركي ( المدرب إذا خارها ) على جمهور غيرنا مو جمهور واعي وعارف البير وغطاه !!!!!!!!! سراب الدمع فعلاً أسم على مسمى ودي تعطينا الطريقة الصحيحة اللي ننتقد بها ولا بتقول لي بأن فهد المفرج لاعب متمكن ولا يستاهل . واللي أنا أتوقعه بتقول لازم نحل مشاكلنا داخل أروقة النادي العالم تتطور وحنا مازلنا نمشي على ورا . عاشق الذيب مشكور على تأييدك . |
الغالي kokofofo صبحك الله بالخير ومن يشوف بالنسبه لأسمي الذي أخترته فهذا من شأني وليس من شأن غيري كنت أتمنى أن تضع أمكاناتك جميعها في الموضوع وليس في الأسم ;) ;) +++++++++++++++++++++++++++++++++++++++++++++++ عزيزي مهما أختلفنا فسنضل أحباب رغم أنف كل حاقد وما ذكرته عن فهد المفرج ....... هو أن هذا الوقت بالذات ليس الوقت المناسب لمناقشة أمور فهد المفرج وأنت أدرى مني ...... عن مايحصل في منتدانا تجاه الكثير من لاعبي الهلال وهناك البعض هداهم الله تناسوا مايسمى نقد وأتجهوا ألى التجريح ،،،، ظنن منهم أن هذا هو دواء زعيمنا عزيزي أنا معك في أن النقد هو الدواء ولاكن مع أختيار التوقيت المناسب وعندما قمت بالرد على موضوعك فأناثقه في أنك كنت تهدف لنقد فهد وليس تجريحه وأنا متأكد من ذلك ،،،،،،،، ولاكن هنالك بعض الأخوان سيجدوا في فهد المفرج متنفس تجريحي خصب وهذا مالا أتمناه عزيزي تذكر أن أختلاف الرأي لايفسد للود قضيه ;) ;) ;) ;) وخلك بعيد عن الأسماء;) ;) ;) ;) OK !!!!!!! تحـــــــــــــــــــــــــــياتي لك عــــــــزيزي ولجميع الأخوه |
لا بتكمل باللاعب الفذ (سامي شاص) ويا قلب لاتحزن |
| الوقت المعتمد في المنتدى بتوقيت جرينتش +3.
الوقت الان » 03:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd