|
يكفي تعصب وظلم وما توقعت جمهور الزعيم كذا السلام عليكم ورحمه الله وبركاته صراحه شي يحير ويدوخ الراس انك تفتح المنتدى تجد مواضيع عن اقاله مدرب الهلال (بوسيرو ) << على ما اظن لا وناس معصبه على الجمعان !!!!!!!! يا شباب اصلا بطوله الخليج ما تستاهل اننا نعصب عليها كذا حنا كنا نبيها للهلال بس طارت خلاص واذا طارت مو مثل الاسيويه ولا هي مثل الدوري السعودي او ولي العهد اذا جيت تقارنها مثل بطوله فيصل بن فهد لا وفيصل ترا اقوى منها ليش كل هذا الزعل ابي امسك الفريق كله واوريكم انكم ظالمين لهم العتيبي <<بطل اخطاء كم مره بس بدع . تفاريس << ما فيه كلام بس لو يفكنا من الكروت يصير زي نستا . خليل << ينفع بديل بس يلعب اساسي ونعتمد عليه غلط فيه ناس احسن منه بكثير . المرشدي << هذا لو عطيتوه فرصه يبي يصير تفاريس رقم 2 بس اقل كروت مدافع صح يسجل اهداف بس يبي فرصه . سعود الذياب << احسن ما في البطوله انه برز فيها حتى لو انه كان فيه من اول بس بهذي ارتحت اننا مو معانين بعد الخثران مثل ما عانينا بعد الدوخي . الهليل << لا تعليق !!!! رودريقو << مثله مثل كماتشو يبي فرصه عطوه وقت وشوفوا وش راح يسوي . نواف << لعب بس مو هذا الي ننتظره منك يا نواف نبي اكثر نبيك تسكت الي تكلموا عليك . الصويلح << يجتهد بس اظن ما يصلح يلعب مهاجم واحد ما معه احد وهذا عيبه ز عزيز << كالعاده بطل . الخراشي << ما اظن انه قدم شي بس الزين فيه يتحرك وانه صغير . البرقان << غريبه بالبطوله لعب قليل بس لعب صح . الجمعان << براسه وتحركاته وتمريراته ابصم على العشره هذا جمعان جديد لاعب لحاله عن ثلاث مهاجمين متى ما لعب معه اي واحد نجح بس مظلوم يخطي بس الجمهور مركزين عليه للمعلوميه اخطائه اقل من اطاء الصويلح والخراشي بس هو ينتظر منه شي اكبر . بوسيرو << احسن من باكيتا اول ما جا باكيتا اول ما جا ما شفنا منه شي هذا بس عليه اخطاء بسيطه لو تنبهه الاداره عليها كان صار ( سبيشل ) غريبه الجمهور يطالب الاداره باقالته مع اننا ما شفنا الا اربع مباريات وكلهن الفريق مو كامل ليش التسرع . حقوي << اعتبره من الفريق سلملي عليه وعلى ( بلو بلو اونلي بلو ) . اعتذر اذا نسيت اي واحد او غلطت على اي واحد ودمتم بخير |
معااااك حق ومفروض مانزعل على الخليجيه لانها بصراحه بطوله باررده اهم شيء الدورري السعودي وانشاء الله الهلال يبدع فيه تحياتي لك اخووي |
لاتنسون تونا في بدايت الموسم والبدايه دايم تكون صعبه |
مشكورين على المرور نورتوا الموضوع ومثل ما قلت اخوي تلومني فيك الموسم باوله ليش الاستعجال |
بطولة هذي..وش الي مانبيها ولا بطولة بارده...كلام مايصح يازكرت..ان تخرج من بطولة بهذه المستوى فهي كارثه.. تحياتي لك |
هذا الهلال طويل العمر بعدين مادا انك مستحقر بطولة الخليج ليش نشرك كان خلينه لفرق تقدر البطوله الخليجيه ممكن تبيض الوجه بس تجي وتطالب استضافه المجموعه وتصرف فلوس واخرته تنيل صعبه شوي بس رب ضاره نافعه خاصه للاداره الجديده والا الاعبين ماقصرو والمدرب داهيه بس شوي صبر |
كفيت ووفيت |
انا ما احتقرت البطوله انا اقول ما يصلح الجمهور يندم عليها قد كذا ويسب اللعيبه عشانها المفروض نستفيد منها دامها راحت بس انا كنت نادم عليها ومتحسف ومنقهر بس مو اني اشب كل اللعيبه واطالب الاداره بتغيير المدرب |
كلامك صحيح 100% |
ياشيخ الله ينور عليك ويرحم والديك انا معك بكل اللي قلته وانا ضد التوجه الخاطئ من بعض الجماهير اللي يطالب بأقالة المدرب وتنسيق بعض اللاعبين ومره ثانيه الف شكر لك والله ماقصرت والله يعطيك العافيه |
في بعض الاعبين كويسين بس الهليل وخليل اوووووووووووووت == فورزا ميلانو == |
يعطيك العافيه |
مشكورين على المرور شباب وكم مره اقول انا ما احتقرت البطوله انا اقول لا نزعل عليها كل هالزعل |
:thumbup: إقتباس:
|
مشكور اخوي على المرور |
| الوقت المعتمد في المنتدى بتوقيت جرينتش +3.
الوقت الان » 08:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd