|
وعليكم السلام ورحمة الله,,, الحمد لله ع السلامه,,,:yes: كثيره هي المناظر اللتي يندى لها الجبين,,,:sad: فعلاً نأسف على وجود هذه الأشكال في شوارع العاصمه,,,:sad: لكن ,, لا حياة لمن تنادي,,, يعطيك العافيه خيوووو,,,:yes: :yes: |
حضور مميز بعد غياب قد ترك أثره بيننا .. الكلاسيكي .. قلم يُجمع الكل على رقي حرفه :) أما ذلك المنظر الذي يشوه بلدنا .. اعتقد أن مكافحة التسول هي من تُلام على ذلك ! .. وأغلب أولئك المتسولين .. لا يعيشون الفقر المعدم ! .. في أحد الأيام .. كنت مع امي في السياره .. فإذا بولد يطرق الشباك .. فتحنا له .. أعطيناه عصير وساندويتش ..رفض .. بل تأفف من تصرفنا :) فهو يريد مالاً لا طعاماً !! أي حاجة تلك أسألكم بالله ؟ لا يحرق قلوبنا .. سوى اولئك الأطفال الذين جُبروا أن يكونوا هكذا !! .. الكلاسيكي .. كن دائماً صوتاً للحق هنا :) |
هلا والله وغلا بـ كلاسيكو ,,, الحمد الله على سلامتك والله لك وحشه :clap: صراحه من جد متى نتخلص من ذا اللي يبيعون عند الأشارات ذبحونا :no: صار لي موقف مع باكستاني عند الأشاره يبي يبيع لي عصفور مع قفصه طبعا العصفور عليه لون مميز أحمر طايح في سطل بويه :d المهم من نفس بابك أللي هو الفضول << ياكثرك :p حبيت أسئل عن سعره قال لي 50 ريال طبعا أنا سويت فيها متنرفز ورفعت الدريشه << مسوي منصدم من السعر :razz: بعدين قال الباكستاني " لا خلاص مهمد خلى 30 ريال " قلت أنا أول شي أسمي أسامه ضحك الباكستاني وقال " هاااهااا << عليه ضحكه :razz: أنتا أوساما بن لادن ؟ " أنا في اللحظه هذي مدري وش أسوي له باكستاني ونصاب ويتميلح ولا عند أشاره :d طبعا رديت عليه بنفس أسلوبه قلت له لا برويز مشرف :d المهم قلت يله عصفور شيل أنا 15 ريال قال لا بعدين أنا مشكله قلت أنا أجل مع السلامه قال لا تعال شيل 15 ريال قلت يله أخضرت الأشاره قال تعال شيل عشره ريال:d طلعت راسي مع الدريشه وقلت خلي أسامه بن لادن ممكن يشتري :d ( محد قاله يذب علي :d ) عالعموم يا الكلاسيكي لا تعطيني مجال أسولف :d بعدين تعال أنت مسافر وين هديتي ؟ :d لا أمزح هديتي هالموضوع الرائع الله لا يحرمنا منك :thumbup: |
كنت اقف عند احد الاشارات فأذا بسائل يطلب فزجره احد المواطنين وتأفف منه ونهره ثم ذهب لسياره تشير ان صاحبها اجنبي فأعطاه وذهب لاخرى فها عمال فأعطوه هنا احسست بمعاناة الفقراء وانهم يحسون بضيقه غيرهم اما من وهبه الله النعمه وتكبر وبطر فلا يحس بذلك يقول تعال " وَأَمَّا السَّائِلَ فَلَا تَنْهَرْ " [الضحى : 10] انا لا اقول ان نعطي المتسولين الذين يقفون عند كل اشاره ولكن انت من يميز المحتاج عن غيره ولن يضر ان انت اعطيت السائل ريالاً اما الباعه الذين انتشروا عند الاشارات فالقضاء عليهم سهل ولكن اين الجهود المخلصه التي تعمل ! تحياتي :) |
إقتباس:
شارع الملك عبدالله حاليا (الظهران ) سابقا .>>>>>>>>>>>>> مدقق في الرد :d :d :d ومشكور يالكلاسيكي على الموضوع الجميل ووالله انك صادق ظاهره غير حضاريه |
ياهلا بالغالي الكلاسيكي ...s13s الحمد لله على سلامتك ومنور دارك ومطرحك ...:D اه .. يامشاوير الرياض اللحين الواحد لو يبي يروح للبوفيه تطلع روحه .. وشلون لو يروح لدائرة حكومية .. بس انا اختلف معك في اللي يبيعون الماء مفروض انهم يدعمونهم ويشجعونم =>> خلي الناس تبرد على قلبها :D لكن المشكلة اني ذيك اليوم .. لقيت واحد في عز القايلة واقف عند إشارة ويبيع عصافير مما جعلني اصرخ بصوت مرتفع .. اين حقوق العصافير ...:thumbup: اما مكافحة التسول أظنهم يقشرون بصل او يقلون بطاط ولا ترجي منهم خير وجايك الحين رمضااان والذي اصبح وللأسف موسم للمتسولين .. إقتباس:
شكر لك اخي الحبيب ودمت بخير وعافية ,,, محبك / ماجد ... |
السلام عليكم و رحمة الله و بركاتــــه ؛؛ اهـلاً بـالكلاسـيكو .. << تــرى مباراة ريال مدريد وبرشلونــة ريـضة :d !! ما يــُــستفاد من موضوعك و السؤال المهم .. أيــن مكافـحة الـتسول .. ؟! .. (( تـصدق قـاعد اناظر فـلم مصري قـبل شـوي عن الـتسول و مـدري ايـش :d !! )) .. مكافـحـة الـتسول جـهة حكومـية محسـوبـة علـينا !! لا فـائدة لـها .. مــُــجرد اسـم فـقط و العـمل الله بـه اعـلم .. !! .. اتـذكر حـلقة فـي طاش مـا طاش .. << الـتقلـيد :d .. كـان فـيه سلسلة جاسوسـية .. قـصدي سلسلة خـاصة بـالشحـادة و وراهـم ناس كـبااااار .. و يــوم طـبت مكافحـة الـتسول بـكم واحـد منـهم هجـوا الكم واحد ذولا .. و لحـقوهم بالسـيارة .. و جـاء الـسدحان << رئـيس العصابـة :d .. و اخـذ العـيال بـجيب مـدري كم موديـلة بـس انـه s60s .. و يجيونك مكافحـة الـتسول يـلحقونـهم بـسيارة تمـشي خطوة و تنتع و على هالحـال ,, الا و شـوي و تـخرب !! يعني زي قـلتهم .. على العموم .. الله يحـفظ لـنا الحكومـــة بكـل اقـسامـها ,, و يـعطيك الـعـااافـية على التميز فـي طرح المواضـيع !! و السلام عليكم و رحمة الله و بركاتــــــــــــــه ؛؛ |
ظاهرة التسول لدينا ظهرت منذ زمن للأسف الشديد ,, وتطرقت لها الصحف وهنا في المجلس العام أجرينا تحقيقاً وتغطية بخصوص هذه الظاهرة , ولكن !! .. لا جديد .. :( .. بل زادت الظاهرة وكثر الباعة المتجولون عند الإشارات ,, إن تحركت مكافحة التسول فهو يومين فقط ثم تعود إلى سباتها , ولا ادري متى ينتهي فصل الشتاء لديها .. إقتباس:
الكلاسيكيو .. دمت راقياً وقلماً بارعاً في السرد ولا تحرمنا جديدك يا مبدع s60s |
إقتباس:
إقتباس:
معذورين عشان مشتاقين لك!! فتحت موضوع كبييييييييييييييييير انت بديته بس ما اظن ان له نهايه وانا فيني نوم ونتكلم بس من يسمع!! |
إقتباس:
الا اقول انا ما اشوفك تكتب بالمجلس العام هيا رتب لك موضوع ونزله وشوف ان ماقالو لك كل شويه اكتب موضوع انتظرلك موضوع!! |
بالنسبة للمتسولين ياليت يفكوننا منهم لانهم لو هم صادقين كان راحوا للجمعيات الخيرية اما اللي يبيعون موية ضروري يكونون موجودين خصوصا مع الحر |
هــلا والله وغــلا بأخوي الكلاسيكي.. الحمــــد لله على سلامتك ونور المنتدى برجـــوعك:) بس لاتقطعنا مره ثــــانيه :) أيها المبدع حارت الكلمات خجلي في التعبير وتلاشت عبارات الشكر والتقدير لك أخي.. بجد والله ذولي اللي يبيعون عند الاشارات مشكله لو تصدم احد منهم :d رحت فيها:d وهم السبب .. بس وش نسوي يمكن يكونون محتــاجيين مع انا ماصرنا نعرف الصادق من الكاذب .. بس من باب المساعده نعطيهم ((على نياتكم ترزقون)) مشكـــور أخوي على الموضوع اللي اتوقع انه هديه سفرك لنا:) وبنتــظار القادم من إبــداعك.. |
[IMG]http://www.3z.cc/sml/32/4_asmilies-com.gif[/IMG] هلا والله اخوي اسفرت وانورت بس ارد عليك الحين وانت غايب بعد ثاني مره :yes: بخصوص المتسولين المشكله يقطعون القلب وينرحموون وتضطر تعطيهم واستجابه للحديث فيما معناه .....اذا سالك احد المفروض تعطيه وبعدين اقوول لوهم مو محتاجين ماطلعو في هالشوارع وفي عز الشمس :no: اتذكر مرة بمكـــة توهقت شريت من واحد صغنووون وطبو كلهم بغيت اصيح والله :no: من جد هالظاهره كثيرة عندنــا اتمنى يشووفون لها حل الاشارات صارت تطفش ويضيق صدري اذا احد قام يطقطق على الشباك مووضوووع مهــم خيوو والطرح شيق :d تسلــم يدينك الهنوووف كانت هنا ورحلت |
إقتباس:
تسلمين على كلامك الحلو ألي يسوى الدنيا وما فيها يا سوسو وعساها دوم ضحكتك يارب وصدقيني إذا حصلت لي الفرصه ماراح أبخل عليكم بشي s60s |
آسف ع التأخير نمـــ 15ـــر هلا بالغالي متعب .. نورت الموضوع .. انا لا مارحت لروسيا .. وش لي فيها .. والله اذا انا موسوس لاتلومني .. اذا شفت حال البائع ونظراته لك.. وشي حلو اني احصل واحد يبيع ورد ..وخاصه اذا كان طبيعي اقل شي يجمل السياره .. مشكور اخوي نموري على المرور العطر .. أمجد .. ابو يارا المغترب.. لكم الف شكر ع المرور العطر .. والمشاركه في الموضوع .. دمتم بخير فيلسوفة الكره100% هلا فيك .. وان شاء الله معاد اغيب ثانيه .. وفيه اداره خاصه للمكافحه بس المشكله ان وجودهم مثل عدمهم... والاهمال متواصل .. لان مافيه اي اهتمام من المسؤلين الكبار.. لك الف شكر ع المرور والمشاركه .. الكايد احلى ..لك الف شكر ع المرور العطر .. ابو زيد الهلالي كلامك رائع .. وسيظل السؤال يجول في خواطرنا .. فهد المشيطي ,, ادريس الهلالي ,, the night wolf اشكركم على مروركم العطر ..والاشاده.. شرفتونا بالموضوع.. خفايا الهلال هلا فيك اخوي .. وماراح يتأثر المنتدى بوجود امثالك .. وتعليقاتك على الموضوع جميله .. وانا اعتبرها اظافه رائعه لي وللقراء .. لنتفائل بالمستقبل لعل حالنا يصلح .. واتفق معك بأن بعض موضفي الجمعيات اكلوا حق المحتاجين .. وهذي حقيقه ولكن ليسوا كلهم .. اشكرك اخوي على مرورك المتميز والعطر .. دمت بخير هلا بجدتي .. رائدة الحرف .. كلامك رائع جداً كعاتدك .. وبالفعل حنا احسن من غيرنا .. مثل جده ومكه .. وصدقتي .. الجوازات شقيقة المكافحه في السلبيات .. ولكن خلال الايام السابقه القريبه لاحضنا الجوازات تنفظ الغبار وتتحرك قليلا.. وباذن الله راح يمسكون عاملكم ويجيبونه مع اذه .. اشكرك على مرورك المتميز المعتاد دمتي بخير .. تغريد ..سافرت بيروت..<<كان مارجعت ما اخفي عليك اننا نرحمهم .. وخاصه لما نشوف كبير بالسن او طفل .. بس المشكله انهم في كثير من الاحيان يتعرضون لضغوط واجبار على الشحاذه.. اشكرك اختي تغريد على مرورك ومشاركتك .. دمت بخير مغرور حدي ..هلا فيك .. حتى الشحاذه يبي له اسلوب .. والله حركات .. بس صدقت يمكن طرق الحاذه غير هناك ... بس في الاخير تبقى شحاذه .. بس حلوه كلها 300 سنه ... قول لحفيد حفيد حفيدي يمشي حاله .. هذا كان الحال صلح .. عموماً اشكرك اخوي مغرور على طلتك الحلوه .. وكلامك الرائع .. [COLOR="red"]سندريلا الهلال.. [/COLOR ]كعاتدك في ردودك نفيدينا بكلامك الرائع .. كلام جميل .. اضاف الكثير على الموضوع .. اشكرك على المرور المتميز كاسمك .. دمتي بخير |
| الوقت المعتمد في المنتدى بتوقيت جرينتش +3.
الوقت الان » 06:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd