يا أخوان .. اول شي السلام عليكم

كلنا شفنا مباراة الهلال مع الرفاع والمستوى المتواضع اللي طلع فيه النادي وهذا كله لظروف يمر فيها النادي بغياب الدوليين وحداثة المدرب .. صحيح الرفاع طلع منها كسبان لأنه انجاز كبير انك تطلع من مباراة الزعيم متعادل وبأرضه وانت سابقه بهدف مبكر .. لكن اللي يعزينا ان الضغط كان لنا واللعب بملعب الرفاع ..

زبدة الموضوع .. ان فيه لاعب ياجماعة الخير .. يوقف بصف الدفاع .. ويمسك الدفاع بشكل رائع .. ويسجل أهداف ذهبية .. ويشوت له كور من فاولات او من كور متحركة بطريقة تروع الخصم .. بهالخصائص ذي .. مافيه هلالي ماراح يقول انه تفاريس ..

بصراحة حنا كسبانين بهاللاعب .. بس انا استغرب .. ليه ما نهتف له؟؟ يعني تشوفون انه ما يستاهل؟؟ اجل من اللي يستاهل؟؟

اتمنى والله اني القى رد مقنع .. بصراحة حنا نظلم هاللاعب ولا نعطيه حقه .. والمشكلة اننا نشوفه بأي هدف على طول ينصى الجماهير .. ويحب شعار النادي على التي شرت .. صدقوني يستاهل والله