|
إشتراك إنترنت إذا تعثرت إيران السلام عليكم ورحمة الله وبركاته إخواني وخليك شاهد يامشرفنا ياأسطوره عاد تكبرت علينا صرنا مانشوفك الله أكبر يازمن أجل لو تصير !!!! ياأسطورة خليتني أنسى الموضوع فعلاً أنا جاد من يبشرني بتعثر إيران في المباراة القادمة بإذن الله ضد العراق فله مني إشتراك إنترنت عاد أنا بكيفي ساعة ساعتين مئة ساعة لاأحد يشترط علي وخليك شاهد ياإسطورة فأول إيميل يصلني سيكون الإشتراك من نصيبه والله الموفق |
بأذن الله تعــالي تعثر المنتخب الأيراني امام المنتخب البحريني.. . يله هات الاشتراك وانت مغمض :D :D ;) :rolleyes: بالتوفيق للمنتخب.. . |
هلا وغلا ((ابوروان)) :) وش هالزين :) اشتراكات ومفاجأت :D هاذي وهي رساله بس عن النتيجه وفيها اشتراك مجاني :) أجل لو فازت العراق وش بتكون المفاجأه :rolleyes: ,,, وبعدين ياابوروان حنا موجودين ياغالي لاتكبرنا ولاشىء :) , ومن يقدر يتكبر عن احبابه الهلاليين , خاصه اذا كان من الاخوان اللي جمعت بيننا اوقات وافراح ومشاركات كثيره واميزها (مباراه الهلال وشيمزو) في مباراه الذهاب باليابان ;) اللي تشرفنا فيها بسماع صوتك ياغالي :) ,,, لكنك انت اللي حارمنا من مشاركاتك وتواجدك معنا وقله مشاركاتك عن الاول بكثير :( (عسى المانع خير انشاءالله ) ,,, وبالنسبه للموضوع فإبشر ياغالي انا شاهد على هالموضوع , وأتمنى مثل الكل فوز المنتخب العراقي على الايراني ((بإذن الله )) ,,, بس ماقلت لنا ياغالي لو فازت العراق وش بتكون مفاجأتك ؟ :rolleyes: وتقبل خالص تحياتي لك ياغالي ,,, |
انا باشتريلك كمبيوتر اذا تعثر ايران:D |
هلا أخوي بدر الرياض أنا أبعطيك بطاقة أنترنت شهر مفتوح بس شرط تعثر إيران وفوز المنتخب السعودي على منتخب تايلند بأذن الله :D :D :D :D :D =========== من بطوله لبطوله ===== والزعيم من يطوله |
السلام عليكم ورحمة الله وبركاته وبعد إخواني شكراً لتفاعلكم ولكن تأكدوا إن الموضوع مجرد ترفيه وماتلاحظ ياأسطورة أن فكرة المسابقة قد جيرت بشكل أو بآخر في مواضيع مستقلة وينك!!!! لكن في نفس الوقت أنا جاد وعند كلمتي شكرا لك يانايف وابشر نواف المؤمنين من أقوالهم يعني خلك على وعدك وأسطورتنا هو الشاهد هلالكوا نفس ماقلت لنواف أقوله لك يعني لاتتهرب وبعدين أنا اللي طرحت المسابقة وليس أنتم!!!! باقي الإخوان وينكم!!!! الأسطورة الغالي ياليتي سمعت صوتك كان صوت زميلي ذلك الصوت الرنان لأنه كان عندي حصة ومريم المعلمين مساكين!!!!!!!! أنتظر مشاركة أكثر تفاعلاً وبالتوفيق للأخضر المحب للجميع أبو روان الرياض |
ان ابصم بالعشرة ان السعودية بتتأهل انا ابصملك ان المنتخب بيتأهل أول خلني ابصم لا لا خلني أقولك خلني لا جد اشاء الله المنتخب بيتأهل لكن قاهرني ان املنا بيد غيرنا؟:confused: |
اعطيكم سيارتي ان تعثرت ايران(صرنا مسابقة بيبسي) تراها ماشيه صفر!!!:D :D :D |
up |
ابشركم المنتخب راح يتاهل باذن الله بس لااحد ينسانا من الاشتراك والله اشتراكي هاليومين بيخلص؟:rolleyes: |
لاتنساااااااااني هههههههههههههههه تراني ابي اشترااااك ههههه وان شاءالله تتعثر ايران :):):) |
وعليكم السلام ورحمة الله وبركاته هلا ببدر الرياض حمستني أتابع لمباراة اليوم ولتذكير فقط(جمهورنا العزيز) المباراة الرابعة والنصف عصرا وياليتك حطيت رقم الجوال لعشاني أفوز بجائزتك وأشغلك لو صرفتني0 |
وانا بعد عند كلمتي :) سلام .. وانا بعد عند كلمتي الي قلتها قبل فترة .. نتمنى طبعاُ والله يسمع منكم تأهل المنتخب السعودي :) لكن هم بعد .. أفلقوني إذا تأهلنا :( تحياتي موووون http://clubs.yahoo.com/clubs/schoolstudentsinksa |
انشاء الله يا مون............................ افلقك فلقه مابعدها فلقه...................:D :D :D |
والله لو على حســـــاب تأهلنا .. اتمنى تفلقوني :) |
السلام عليكم ورحمة الله وبركاته وبعد شكراً للجميع على هذا التفاعل وللعلم المبارة في الساعة الثالثة والنصف بتوقيت الرياض وليس الرابعة والنصف وعلى فكرة أنا من هالحين مجهز النباطة( تعرفها) علشان أفلقك ياموووووووون |
ابوروان جهز الجائزه (( تراها ياشباب اشتراك في النت لمده سنتين )) :) ((ابد ماوهقتك ياابوروان )) :D ,,, بإذن الله بتاصلك النتيجه بعد انتهاء المباراه اول بأول :) ((بس نشوف من بيسبق الثاني )) ,,, الاخت العزيزه (مون) ,, الى الان فيه حوالي (( 3 )) بيفلقونك , اتمنى ان يكون بيتكم قريب من مستشفى او مستوصف :D ,,, بإذن الله التوفيق اليوم للمنتخب العراقي (( لاتنسون المنتخب العراقي من دعاويكم )) ,, |
افـــــــــــــــــــا!! والله أخوي بدر مدري شنهي النباطة هذي ؟؟ نوع من أنواع الاسلحة أو شنو ؟؟ وعزيزي الاسطورة .. شدعوة من يقول انهم ثلاث بس ما قريت الموضوع أفلقوني اذا تأهلنا كانوا حوالي 7 أو 8 زائد الثلاث يعني 11 .. عصابة مافيا .. عز الله رحنا فيها .. بس لا تخافون السعودي الألماني قريبة مننا حتى مستشفى الأمل والسلامة يعني في حي صحي ساكنين :) بس هم بعد :) افلقوني اذا تأهلنا :( |
وين الاستراك النتيجة تعادل 2-2 |
اهلا وسهلا بكم : ياحبيبي مانبي لك اشتراك انت خلنا نتأهل وهين . |
قايلتـــــــها موووووووووووون ما قلتــــلكم ؟؟ افلقــــــــــــــــوني .. اذا ... تأهلـــــــــــــــــــــــنا :( |
العتب على جريدة الجزيرة(الرابعة والنصف المباراة) بشرو مافية أشتراك الأسبوع القادم إذا تعثرت إيران أول أيميلى يبشرين له نصف الإشتراك0 |
السلام عليكم ورحمة الله وبركاته تبي توهقني ياأسطورة وش دعوى وش سويتلك أنا!!!! لكني مازلت أجدد الوعد حتى وهذه المباراة تنتهي بفوز غير صحي لكن الأمل موجود مادامت هذه الحياة فلا يأس إن شاء الله تعالى وكأني بالأخضر بإذن الله تعالىيؤجل الفرحة للأسبوع المقبل ياموووووووووووووون النباطة هذي سلاح بيولوجي خطير فانتبهي لكن لما اليأس والإحباط هو ديدنك فلتكن نظرتنا للحياة مليئة بالتفائل دائماً هل تتذكري الحديث النبوي عن النخلة لاتقولي بس أنت قلبتها جد فليس الحديث موجه لك بالتحديد بل هو لي أولاً ولك ولكل من يقرأ هذا الموضوع وللجميع التحية ومشكورين على هذا التفاعل وسنعاود تفعيل هذا الموضوع منتصف الإسبوع المقبل بإذن الله فكونوا معنا |
| الوقت المعتمد في المنتدى بتوقيت جرينتش +3.
الوقت الان » 10:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd