|
دائما قناة الجزيرة تبحث عن أي خطأ في السعودية لتشهر به قناة تكره السعودية ماأدري كيف أنتم مخدوعين فيها |
انا اصلا ما أتابع قنوات الجزيرة |
كلام كبيررررررررررررر........بس الدوري الاسباني..والايطالي وين نقزها فيه |
أقسم بربي انك جيت على الجرررررررررررح يابغضيلهم بسسس هم وقنواتهم صدقني عندي اشوف قنوات اسرائيل ولا اشوووف قنواتهم هالمخيسه .. واصلا هم يحقدون علينا في كل شي لاننا أحسن منهم ...... |
طيب والمطلوب نقاطعها اصلا والله العظيم من الوقت اللي جات فيه العربيه ما صار احد يتابعها هالجزيره الحقيره وبالنسبه للجزيره الرياضيه نتابعها للدوري الاسباني مع الاخذ بالاعتبار ان التوجه بين القناتين يختلف |
ياناس اشوفكم بلعتو الرجال.. ياخي وجهة نظره هذي.. لكن من يوم ماعرفنا الجزيرة (الإخبارية) وهي مالها شغلة إلا السعودية .. يعني وش زود ما تصير الجزيرة (الرياضية) مثلها؟ لكن حنا نقول أنشاء الله اننا فاهمين غلط .. وان يكون لهم عذر .. لأن بصراحة يعني .. ما عزهم ولا رزهم غير السعوديين .. يعني ماظنهم بيرضون يصيرون منحطين بأخلاقهم |
أقاطع المنتخب الي فشلنا بثمانيات وبالخمسات وبالاربعات ولا أقاطع الجزيرة الرياضية الي تقدم لنا أروع الدوريات العالمية وللمعلومية قبل ان تكتب هذا الامر مباراة السعودية مع اليمن على قنوات ART وحتى الاهداف مسائل حقوق يعني بفلوس مو بالمجان الوطن بالقلب والعقول في الرؤوس ونعرف نفكر ماهو الصالح وماهو الطالح |
والدوري الاسباني |
ما عرضوا الأهداف لأن المباراة كانت مشفره على قنوات ART أما بخصوص المقاطعة.. فلن نقاطعها لأنها أفضل قناة رياضية الدوري الاسباني الدوري الايطالي الدوري البرتغالي كاس السوبر الاوروبي كاس الاتحاد الاوروبي من دور الثمانية حتى النهائي كاس رابطة المحترفين الانجليزية كاس انجلترا كاس ليبرتادوريس كاس اندية امريكا الجنوبية مباريات منتخبات (فرنسا, ايطاليا, اسبانيا, البرازيل, المانيا) المقامة على ارضها. وغيرها من البطولات والألعاب المختلفة كل ذلك بـ 100 ريال |
قناة الجزير الرياضية (أفضل قناة رياضية عربية ) |
مهما كان ياشباب .. المسألة مهي مسألة منتخب .. المسألة مسألة كرامة بلد .. انا ماني متأكد من نوايا الجزيرة .. لكن والله لو كل دوريات العالم عليها وتسب وطني .. وربي ماتطيح عيني عليها .. لأن لي كرامة .. واللي يهين وطني يهينني واللي يهينني اوطا راسه لكن ماندري. وش نوايا هالقناة .. ومصير الأيام تثبت |
حبيبي طبعا ماهي قادره تعرض مباراة منتخبنا مع اليمن لأنها كانت مشفره وبعدين الجزيرة احسن قناة رياضية شفتها ولا معقوله دوري بحجم الدوري الاسباني يعرض لنا ولجميع العرب بالمجان ياخوي الدوري حقنا بالسعودية حنا ممنوعين من شوفه ببلاش حبيبي الي ما عنده فلوس ويبغى يتابع دوري قوي وش يسوي ........؟ ماله الا الجزيرة الرياضية وشكلي سويت دعاية لها |
انا باقاطع القناة الرياضيه السعوديه مو قناة الجزيره الرياضيه طيب اقاطع قناة الجزيره ونجلس طول اليوم يا منتخبنا يا منتخبنا مانشوف العالم مانشوف الناس ............................. لا لا اسمحلي |
ياجماعه خلوكم واقعيين قناة الجزيره الاخباريه معروفه نواياها يعني مو شي جديد والجزيره الرياضيه قناة تهتم بالرياضه يعني لاتخلطون الامور ... الدوري الاسباني والايطالي بسعر رمزي .. شي ولا بالاحلام .. ناهيك عن المعلقين والتصوير الخرافي والبرامج المميزه ... بس انا ابي اقاطعها مو للسبب اللي ذكره الاخ لان اليوفي هبط ........؟ تسقط العداله بسقوووط اليووفي |
فلها وربك يحلها |
| الوقت المعتمد في المنتدى بتوقيت جرينتش +3.
الوقت الان » 05:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd