الهلال ينقل مقره إلى شمال الرياض....$$ - نادي الهلال السعودي - شبكة الزعيم

عبد الاله بن علي · #1 17/08/2006, 06:10 AM

بسم الله الرحمن الرحيم

إخواني الزعماء السلام عليكم ورحمة الله وبركاته.....وبعد .

بصراحة لي فترتـ(ن) من الزمن وأنا أفكر بفكرتـ(ن) صاجتن راسي وهي تروح وتجي...

وكل يوم أقول خلها تستوي وبصراحة طولت براسي إلى ما صارت طرشي وعقب ما فاحت الريحة صرت كل ما أمر عند إخوانا الصعايدة أشوف سعابيلهم تقوطر

(على قولة القصبي) عقبها قلت خلاص آن الأوان إننا نفترق ...قصدي آن الأوان إني أبطح الموضوع أمام سعادتكم ونشوف رايكم .......؟

الفكرة اللي حايستن أبو مريري هي موقع نادي الهلال؟

ياجماعة الخير الزعيم نادي كبير -والكبير الله-والنادي الكبير لازم يصير متكامل في كل شيء.. وموقع النادي بصراحة ما أعجبني حالياً..يعني قبل 15 سنة 10 سنوات معقولة لكن الدنيا تغيرت والرياض كبر وتمغط إلى ما تنتف ..

. هذا بالإضافة إلى أن مدينة الرياض تمتد بشكل (يركض) إلى الشمال يعني ماكان يسمى شمال الرياض قبل 15 سنة صار ألحين وسط الرياض ووسط الرياض سابقاً صار جنوب الرياض ..وهلم جرا..

وخصوصاً إني شامم ريحة خبر إن موقع النادي يمكن يتغير؟

فمن شان هيك أنا أقول ليش الزعيم بمناسبة مرور خمسين سنة"ماشاء الله " مايغير موقع النادي ويضف عفشه من العريجاء إلى شمال الرياض ( سواء شمال شرق أو شمال غرب) لأنه بصراحه ملينا من كثر المشاوير رايحين جايين للنادي زحمات وصجة ولجة وإشارات ترفع الضغط

وأنتم خبركم ماشاء الله مترو الأنفاق يدهر بالرياض..

.بعدين خلونا حنا يا (أهل الشمال)نستانس بالزعيم (ياشين اللي توه ساكن هناك على طول يرفع خشمه ويحس إنه صار وزير

) يعني مهوب حكرن عليكم يا أهل العريجاء والسويدي وما جاورهما...وهلما جرا....(تصدقون إني كاتب الموضوع عشان أقولها)

هذا شي..

الشي الثاني وراه النادي مايبني له ملعبـ(ن) "سنع" يكون خاص بالفريق الأول وملاعب رديفه للفريق الأولمبي والشباب والناشئين...

وعشان أوضح الطرشي أكثر "الفكرة سابقاً "..

- يكون الملعب الرئيسي والذي يتسع لـ30 ألف هلالي على طراز عالي (مدرجات مغطاة (طبعاً مهوب بشينكو)

+شاشةعرض إلكترونية +كراسي للجمهور ) خلونا ننبسط "يلعن أبو الريال قسم بالله إني أدعم النادي بـ12 ريال شهرياً...ريال يعف ريال ..

- ملعب رديف للمعسكرات ويكون مهيئ بطريقة ريفية يعني تحيط به الأشجار والخضرة والوجه الحسن من جميع الجهات

(وين الأخ بلبنان مادري إن جمهورنا شهبن لهب لاعبن فيهم المشق لعب)

- ملعب للأولمبي والشباب...

- ملعب للناشئين والبراعم..."ياحبيلهم"

- نادي رياضي خاص بالجمهور الهلالي على غرار "بودي ماستر" ويكون باشتراك..

- متاجر خاصة بالنادي تبيع أطقم النادي ....آلخ

- قاعة لكبار الضيوف..

- قاعة خاصة للمؤتمرات والاجتماعات

ماتلاحظون إني طولتها .... طرار ويبي ثوب كبك...مابقى إلا أقول يبنون لنا فلل دبلكس مع تأمين السيارة والوظيفة..

ما ودي أطول عليكم لأن المضمون وصل والفهم عليكم والله يرزقنا وياكم وماتشوفون شر ومنك المال ومنها العيال وخذراحتك ترى ماحنب غريبين

وأسدحوا آرائكم نشوفها

والسلام عليكم ورحمة الله وبركاته

بيكاتشو911 · #2 17/08/2006, 06:14 AM

والله لو ينقلونه شمال المريخ

والى شمال عطااااااااااااااارد

اني هلالي وهلالي

الين الموت انشااااااااااااااء الله

ياسر التمياط · #3 18/08/2006, 03:10 AM

إقتباس

الرسالة الأصلية كتبت بواسطة بيكاتشو911


	والله لو ينقلونه شمال المريخ والى شمال عطااااااااااااااارد اني هلالي وهلالي الين الموت انشااااااااااااااء الله

قاهر المستحيل · #4 18/08/2006, 03:26 AM

إقتباس

الرسالة الأصلية كتبت بواسطة بيكاتشو911


	والله لو ينقلونه شمال المريخ والى شمال عطااااااااااااااارد اني هلالي وهلالي الين الموت انشااااااااااااااء الله

هد اعصابك

ابومحمــــــــد · #5 19/08/2006, 01:58 PM

إقتباس

الرسالة الأصلية كتبت بواسطة بيكاتشو911


	والله لو ينقلونه شمال المريخ والى شمال عطااااااااااااااارد اني هلالي وهلالي الين الموت انشااااااااااااااء الله

Z3EEM ASIA9 · #6 17/08/2006, 06:18 AM

اقولك
خذ لك
صرت(ن) بصل
وصرت(ن) طماط
وروح بيعهن جنب المسجد
::::::::::::::::::::::::::::
امزح معك
انا اقول لو يجيبونه الشرقيه لنا احسن
ترا احنا مشجعين
مانقول الارضيه تعور
ههههههههههههههههه
والذكي الي فهم

عــشــق الــكــتــابـه · #7 17/08/2006, 06:36 AM

المشكله مو في مكان النادي وموقعه

بكثر ماهي مشكلة تطوير شكل النادي والملعب الرئيسي

نادي عالمي وكبير كالهلال يجب ان يكون لديه مبنى عالمي ومتطور وملعب ومدرجات جديده

اتمنى ان تصل الفكره للمسؤولين

شكراً لك اخي عبدالأله

::

عــشــق الـكـتـابـه

الضلع الهلالي · #8 17/08/2006, 06:37 AM

والله صاااادق لو يغيرون موقع النادي لاني كل مااروح النااادي اضيع الطررريق مشورا طريقه........

افغانى وهلالى · #9 17/08/2006, 06:41 AM

والله مادرى

هلاليighgd · #10 17/08/2006, 07:51 AM

سيبقى الهلال شامخا في عريجائه برغم انوف حساده ومبغضيه

الــصــاروخ · #11 23/08/2006, 09:04 PM

إقتباس

الرسالة الأصلية كتبت بواسطة هلاليighgd


	سيبقى الهلال شامخا في عريجائه برغم انوف حساده ومبغضيه

7
7
7

الصراحه انا معك الهلال من يوم عرفناه وهو بعريحا.

ويقول المثل ( خلك بعيد حبك يزيد)

تحياتي لكم

][الباشا][ · #12 17/08/2006, 07:54 AM

اهـــــم شــــس يفكــــونا من الدخل ينـــاس<<<مايدلل فيه
والملعب اتمنــــى ((يغطي على ملعب الارسناااال))
((((والله الجمهــــور مايقصر لو يقطـــون من ريااال جاابو ملعب برلين ))

كل مافيني هلالي · #13 17/08/2006, 07:58 AM

كل اقتراحك معقولة
مو زي بعض الاعضاء الله يهديهم يطلب ملعب يوسع سبعين الف متفرج
انشاء الله اقتراحك يشوف النور قريب بس لازم الاتحاد السعودي يطلع من الاندية ويبقى عليه مهمة الاشراف فقط

سوبر هلال · #14 17/08/2006, 08:07 AM

أقول أول شي يفكونا من المضمار اللي حول الملعب ويخلون الجمهور قريبين أقرب مثال ملعب السد القطري قهر والله أقوى دوري عربي وبطولات خارجية للمنتخبات والأندية السعودية........ الى متى وهم بهاالحاله اللي يشوف ملاعبنا يقول بس هذولا أبطال العالم في ألعاب القوى

قائد فدائيين سامي · #15 18/08/2006, 03:06 PM

إقتباس

الرسالة الأصلية كتبت بواسطة سوبر هلال


	أقول أول شي يفكونا من المضمار اللي حول الملعب ويخلون الجمهور قريبين أقرب مثال ملعب السد القطري قهر والله أقوى دوري عربي وبطولات خارجية للمنتخبات والأندية السعودية........ الى متى وهم بهاالحاله اللي يشوف ملاعبنا يقول بس هذولا أبطال العالم في ألعاب القوى

كلام جميل ورائع يا اخي الفاضل ولا يهون راعي الموضوع وفعلا اهم شي بدون مضمار

بس انا اشوف ان خمس واربعين متفرج حلو ومناسب وانا حاضر باللي يامر فيه الهلال

اشتراك جوال واشتركت ورسائل جوال لقناة الزعيم وبرسل واي طريقه فيها دعم لنادي

الهلال بسويها واذا فيه حساب رسمي للنادي انا مستعد بس اهم شي نشوف صرح على

على مستوى عالمي بل ويصبح رمز لكل من يزور الرياض ويقصدها ...

((عندي امل كبير بالله ثم برجال الهلال))