|
منتخبنا فاشل .. والبركه في ............ ،، بسم الله الرحمن الرحيم .. السلام عليكم ورحمة الله .. يا جماعه بدون عنصريه .. وبدون مجامله .. وش رايكم في منتخبنا .. بالله عليكم .. منتو متفشلين قدام غيركم .. منتخب السعوديه يتأهل لكأس العالم أربع مرات .. معقوله يا عالم منتخب يتأهل لكأس العالم أربع مرات ولم يحرز أي شيء يذكر ؟؟! يا شباب وين الحل .. يا شباب اذا انتو تشوفون شيء ثاني قولو لي .. اقنعوني .. انا والله متفشل من المنتخب السعووودي .. ليه وإلى متى .. العالم يشوفون الدوري السعودي نار .. حريقه .. لكن في المنتخب .. محد حولك .. هل الإحتراف في أوروبا ينفع .. والله لن ينفعهم الإحتراف دون الثقه والنيه .. والله لو يلعبون في برشلونه كلهم السعوديين يرجعون فاشلين .. لييييييييييه ؟؟!! لأن ما عندهم ثقه .. تشوفه يدخل الملعب مرتبك .. تجيه الكوره يرتعب .. ليييه ؟؟!! شوف المنتخبات الأخرى .. ثقه زااااائده بنفسهم .. شوفو منتخب مصر .. على رغم الهزايم الثقيله إلا أنهم يحرزون أهداف في المباريات الكبيره .. لماذا .. لأن عندهم ثقه بأنفسهم .. كل واحد داخل وفي نيته إنه بيلعب زين ويصنع أهداف ويسجل .. و لكن السعودي ؟؟!! صدقووني يا جماعه انه الثقه فقط لا غير .. والدليل .. لماذا المباريات في الدوري السعودي نار .. لأنهم واثقين وكل فريق شايل في همه إنه بيجتهد في الدوري وياخذ الكأس .. أما المنتخب عشانه كأس العالم .. قالوا خلاااص .. شيلوا الثقه من راسكم .. وفيه نقطه أخرى .. هي الإستهانه بالمنتخبات الضعيفه .. كما رأينا في المونديال .. عندما دكت إسبانيا أوكرانيا 4 / 0 وش قالوا السعوديين .. قالوا خلاص اسبانيا دكتهم حتى حنا بندكهم .. وحصل العكس عندما لعب اللاعبون بدون نفس .. عذرا على الإطاله لكن كل هذا حب للوطن ... وحب لأن يكون منتخبنا في المعالي .. نتمنى من .. الخثران خليل عزيز عمر ياسر العنبر ان شاء الله ما نسيت أحد .. :rolleyes: نتمنى منهم الثقه بأنفسهم .. وترويح الثقه بين لاعبي المنتخب السعودي .. عذرا على الإطـــــــاله .. بالوفيق ،،،، |
الله يعطيك العافيه اما بالنسبه لـ ياسر والخثران فهم نجوم ولا يرتبكون وموضوع رائع جداً بس يارجال وسع صدرك خلهم 10000-0 في قريح |
كلامك صاح واكثر ارتباك الدفاع اللي ثلاثة منه في فريق الاتحاد والحارس اتحادي والله المبارة الاولى والثانية الاهداف كلها اخطاء من لاعبين الاتحاد بعد مبارة تونس بيوم شفت في قناة العربية محلل مصري فاهم الكورة صح مهب حنا في الاستديو مايدري وش يقول في الرياضية قال يوم شاتو الخطاء الاول اللي جابو منة هدف اللي داخل الهدف هو هداف الفريق ماحد مراقبة والدوخي مارقب احد وهدف تونس الثاني من تحت يدة الحارس مبروك اما امام اوكرنيا ماقصر اول هدف من ركنية وهو اللي تسببها وكوبري والثاني بدون تعليق طاح وتدخل هدف ياليته يوم طاح انكسر وغياب عن الملاعب سنة ولو تبيني اكمل لكملت وهذا سبب والسبب الثاني بدون روح بس طير قدام انا اللي ياسر هو اللي فية ثقة وقوتهم في الهنود اربع اوثلاثة اهداف |
وسع صدرك ونشاء الله يثقون في قدراتهم وضيفون انتصار جديد للاخضر |
يارجال كل عام وانتم بخير ماعندك احد |
فلها وربك يحلها |
أنا أقترح إنهم يجيبون طبيب نفسي للمنتخب قبل المباريات الكبيرة والصعبة علشان يرتاحون اللعيبة نفسيًا |
فلها وربك يحلها |
الله يـســـــمـع مـنــكـم .. يا رب |
أنا أمامكم أرفض مايقال عن المنتخب صحيح فيه نقص ولكن المفروض أننا نتفائل في منتخبنا مب نقول فاشل لو دخل هل الموقع أي واحد مب سعودي ماذا سيقول قلي بالله عليك ياصاحب الموضوع ودمتم سالمين |
إقتباس:
|
والله ياخوي المنتخب مو فاشل , لكن الناس اللي فيه فاشين |
^^ مابقى إلا باكيتا والمصيبيح :D |
الحمد لله على كل حال |
علة ادارية,باكيتا استلم المنتخب قبل بداية المونديال ب6 شهور ولافهمهم الا بعد 4 شهور وبعدين انت هلالي وانا هلالي ونعرف ان تشكيلتنا مع باكيتا في الوسط محورين و3 صناع لعب,كيف صارت التشكيلة 4-3-2-1 ؟ وهي نفس التشكيلة ايام طيب الذكر ناصر الجوهر في مباراة الثمانية اكيد الجواب معروف ومايحتاج اقول مين اللي يخربط التشكيلة |
| الوقت المعتمد في المنتدى بتوقيت جرينتش +3.
الوقت الان » 01:11 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd