|
هلال يسد النفس ...!! السلام عليكم ورحمة الله وبركاته ... مساء أو صباح الخير للجميع ... ********************************** في البدايه الحمد لله على كل حال ... والحمد لله الذي لا يحمد على مكروه سواه ... وهذه هي حال كرة القدم ... نعم اليوم خسر الهلال بطولة كانت في متناول بده ... بطولة بحثت عن الهلال ولكنه رفض أن يخطب ودها ...!! وأسمحوا لي أن أتكلم بكل صراحة ... فالصراحة والبعد عن المجاملات هي بإذن الله الطريق للصواب ... فليس عيباً أن تخطأ ولكن العيب هو أن تتمادى في الخطأ ... اليوم لعب الهلال مباراة نقول عنها جميلة نوعاً ما ... إستحوذ الأهلي على الكرة ولكن بدون خطورة ... وهدد الهلال مرمى الهلى بكور أهداف حقيقية ... والنتيجة الطبيعية هي فوز الهلال بأكثر من أربعة أهداف على الأقل ... ولكن ...!!! هل هذا هو ماتعودنا أن نرى هلالنا عليه ...!! فريق كامل يلعب بفردية عجيبة ...!! كل لاعب يريد أن يثبت أنه ماردونا زمانه ...!! دعونا نشاهد على سبيل المثال ... فيصل الصالح ... نجم جيد ... مهارات ممتازة وكنترول على الكرة رائع ... لكن جميع مجهوداته بالمباراة كانت صفر ...!! والسبب الأنانية المفرطة ...!! عبدالله الجمعان ... نجم مبدع ولا يختلف على ذلك إثنان ... لكنه يظن نفسه أنه أصبح أسطورة هلالية وبدأ يتعالى على الكرة وعلى زملائه ...!! غرور كبير في المراوغة والتمرير ... خشونه بعض الأحيان ولو طرد اليوم لما قلنا شيئاً فهو يستحق ذلك ... ولكن هل نلوم الصالح أو الجمعان ...!! أو نحاسب من هو فوقهم ...!! أين الموجه لهم ...!! أين من يحاسبهم ويصحح لهم أخطائهم ...!! أنا هنا أتحسر على ضياع مجهود هذان اللاعبان لأن أداؤهم يوحي بنجوم مستقبل كبير ... وهنالك نقطة ثانية جديرة بالمناقشة ... المدرب جورج أرثر ... نعم هو صنع فريق ممتاز ووصل لأولى البطولات ... ولكن هذا لايمنع من وجود أخطاء اليوم له ... ولن أتكلم عنها جميعاً ولكن سأتكلم عن التغييرات فقط ...!! الفريق مستواه في الشوط الثاني إنخفض كثيراً واللياقة أصبحت شبة معدومه ... فمن الأولى تجديد خط الوسط بلاعب نشط ... ولكن الشاعر لم يتذكر ذلك إلا في الشوط الإضافي الثاني وقبل النهاية بثمان دقائق ...!! مالفائدة من التغيير في هذا الوقت الضيق ...!! بل هو تحطيم لموهبة القحطاني محمد المسكين ...!! والنقطة الثالثة التي تستحق النقاش ... هي أشباه اللاعبين وآآآآآآآه للمرة المليون من تلك النقطة ...!! حسن العتيبي حارس جيد لكن مستواه أصبح ضعيف جداً ومنذ فترة طويلة ومستواه سيء ... لماذا الإصرار على الزج به مع وجود حارس كبير ومتمكن مثل أحمد ضاري ... أحمد ضاري المسكين الذي لم يعطا فرصة لإثبات نفسه ... والسبب هو أن المسكين ضاري ليس لديه فيتامين ( و ) ...!! بينما التائه العتيبي لازم يلعب ...!! حسين المسعري ...!!!!!!!!!!!!!!!!!!!! أقوى لاعب واسطة في التاريخ ...!! سيدخل كتاب جينس للأرقام القياسية ...!! في أكثر لاعب بالعالم مكروه من الجماهير ويلعب رغمأ عنهم ...!! أمنية حياتي أعرف من هو عضو الشرف الذي يعشق هذا اللاعب ويصر على إشراكه ...!!! أمنية أتمنى أن تتحقق ...!! من أجل أن أسأله مالذي يعجبه في المسعري ...!!! تركي القحطاني ...!!!!! بسم الله عليه ... لا أحد يحسده يا شباب ... محروس من عين البشر وأولهم عيوني ... أقول الله يصبرنا بس ...!! النقطة الرابعة والأخيرة والتي تستحق مجلدات لمناقشتها ... هي إدارة الهلال ...!! سؤال بسيط وصريح ... ماذا أعجب إدارتنا الموقرة باللاعب البرازيلي منكوبلسن عفوا أدميلسون ...!! هذا اللاعب عامل بوفيه ما ينفع ...!! وعندنا رأس حربه وأساسي ولا يتغير ...!! ومن زين هالوجه مضيع بلنتي بعد ...!! والكورة اللي سجلها مايدري كيف صارت معه ...!! لاعب والله حرام يلعب في فريق درجة خمسة وعشرين ...!! يلعب عندنا محترف وأساسي ...!! من نحاسب على هذا اللاعب هل نحاسب الإدارة على عدم تجربته ...!! أو نحاسب أرثر الواسطة لهذا اللاعب ...!! سبحان الله حتى الخواجات تعلموا فيتامين ( و ) ...!! الأمير سعود وعدنا بمحترفين مميزين ...!! الأول طلع مزور والثاني مقلب ...!! والله العظيم ملينا من هالكلام ...!! خلاص ما نبي أجانب واللي يرحم والديكم ... فلوس الأجانب أدعموا بها خزينة النادي لدرجتي الشباب والناشيئن ... أفضل مليون مرة من محترفين يقطعون الرزق ...!! بصراحة على إدارة الأمير سعود أن تعلن عن فشلها في التعاقد مع الأجانب ... ونتمنى فقط أمنية بسيطة ... وهي أن تحاول تلك الإدارة لم الشمل الهلالي المشتت حالياً ... فنعيدها للمرة المليون أعضاء شرف الهلال هم الأهم حالياً ... الإدارة تتغير مع مرور السنوات ولكن أعضاء الشرف هم الباقون ...!! أتمنى ألا يخسر الهلال الكيان أعضاء شرفه بهذا الشكل المخيف ...!! تعودنا قبل كل نهائي تجمع كبير لأعضاء الشرف وتحفيز اللاعبين ... أما الآن كل عضو وكأنه لا يعرف النادي ...!! الله يستر على الهلال من المستقبل المجهول ...!! ***** هلاليات ***** * لاعبي الهلال اليوم يلعبون وكأنهم في تمرين ...!! * عدم جدية لاعبي الهلال أنعكست على الجمهور فأنا شخصياً أصبحت الهزيمة أمر عادي ...!! * إستمرار المسعري والقحطاني معناه نهاية حزينة لشباب النادي ...!! * يجب على الهلاليون أن يزيحوا من رأس اللاعبين حكاية عقدة أرثر والنهائيات ...!! والتي يحاول أن يرسخها في ذهونهم الإعلام المضاد ...!! * بصراحة الهلال اليوم يسد النفس ...!! حتى لو أنه كان الأقرب للفوز ...!! لكن فوز بهالشكل ما نبيه ...!!! ##### آسيويات ##### * منتخبنا السعودي يواصل مشواره للتأهل ومشجعي كل نادي يفكرون بلاعبيهم فقط ...!! والمنتخب كأنه لا يعنيهم ...!! * سامي الجابر يقدم أقوى العروض وأحلى المستويات ومع ذك هو لا يروق لهم ...!! * الدعيع بإذن الله سيعود لحماية المرمى السعودي أمام العراق ... ومعنى ذلك أن الخوجلي سيعود إلى الإحتياط لفترة طويلة بعد أن فرط في فرصة العمر السابقة وتهوره في الإنذارات ...!! * عبيد يجب أن يكون إحتياطياً المباراة القادمة والزج باليامي أساسياً ... * الشيحان لاعب ممتاز ولكنه يضيع كل شيء بإحتفاظه العجيب بالكرة ...!! * توقع خاص جداً فوز السعودية بإذن الله 3 - 0 ... ولكم تحياتي ... أخوكم / سفر المرزوقي . |
صدقت والله أخوي المبدع " سفر " فالهلال ذلك المساء يسد النفس ويحوم الكبد .. حرق أعصاب وتعب على الفاضي .. وهم ولا حاسين فينا وبجمهور يتابعهم ويحبهم وتحترق أعصابه علشانهم :( فما بين حارس العمارة اللي في المرمى إلى عامل البوفية المقلب اللي في الهجوم :( ووسط يقود دفته أفذاذ بقيادة القحطاني تركي والنزهان والمسعري يا ساااااااااااااتر :mad: :mad: الله يصبرناعليهم بس |
مرحبا أخوي سفر وللجميع 00000 أحب أن اشيد بكل كلامك وأركز على نقطتين ذكرتها 1- المسعري ؛ النزهان ؛ العتيبي00000 الخ ؛ الى متى ؟ البطولة ليست مهمه لنا كجماهير اذا كان الهلال يلعب بوجوه جديده وأعني جديده ليست الاسماء السابقة0 2-البرود والخشونه الغير مبرر لها ؛ كل لاعب يعصب يحط حرته في رجلين لاعبين الفريق المنافس ؟؟!! شده وانظباط !!! وينهم ؛ الجماهير ما تبغى شدة برا الملعب خل الاعب ان شاء الله ما يتمرن لاكن المحاسبة على الاداء داخل الملعب 0 شكراَ 000 معوظين يا شباب لا تنسون سامي 00 نواف 00 الثنيان00 الدوخي حارس ودفاع المنتخب جايين 00 وما اقول الا الله يعين العالم على جن الملاعب0 |
حلو والله ياسفر ,, موضوع صررررررررررررررررريح الى ابعد الحدود وخالي من الرتوش اللي مالها سنع مره0 @ الهلال لعب اليوم بمستوى غريب جداً وشتان مابين مباراه الاتحاد ومباراه هذا المساء !!! @ خذ عندك المسعري فلتة زمانه والله مافي راسه كوره ولايدري منين جايه, ويكفيك الكوره اللي لعبها قدام الاتحاد توضح لك انه مايصلح حتى يجيب كور !!!:mad: @ اما ابو شورت حذرنا من طلعاته اللي مالها داعي , بس وش نقول !! الله ستر ما اكلنها باكثر من ثنين بسسب طلعات حارس العماره !! @ اما ابو ربطه (( النزهان بيه )) فهو ماخذ مقلب في نفسه وبقوه , اناني من الدرجه الاولى, تفكير تحت الصفر, مهارات (( يخلف الله )) , مشيته مضيعها !! @ القحطاني, الى الآن لازلت اشك ان الهلال مسجله في العاب القوى, ومتأكد انه مضيع, وعلى الله يصحصح بس ويرجع لمكانه الطبيعي0:rolleyes: @ عبدالله الجمعان (( انطبق عليه المثل اللي يقول " اذا مدحنا00000سرق " !!! @بصراحة على إدارة الأمير سعود أن تعلن عن فشلها في التعاقد مع الأجانب (( قلتها قبل فتره بس ماااااااااااااااااااااااش )) !! (( لازم نقول ان افضل اللاعبين الاجانب لدينا !!! لازم نقول كذا !! @@ فترة تسجيل الاجانب شارفت على الانتهاء, والرئيس الموقر صيف في باريس , وصمنا وصمنا وصمنا وصمنا وصمنا وصمنا وافطرنا على بصل !!! @ اقول ترى الاهلى عارض دابو للأنتقال, ودنا انه يجي ويكمل الرصة !! على العموم خيرها في غيرها ,,,,, والجايات احلى ,, ويمكن تشوف المسعري شايل الكأس بس في الحلم:o :o :o وبعد:o :o :o تصبح على خيررررر |
ما صار الا الخير ..... و العوض على الله بمنتخبنا :) ان شاء الله بس واحد يبلغ سلامي للمسعري و القحطاني و النزهان |
@ عين العقل اخي سفر كلام يسوى وزنه ذهبآ هل من احد يوصل هذا الكلام لإداراة النادي الكريمه وهو ليس لسفر وحده وانما هو لسان حال كل الجماهير الهلاليه ... @ المسعري تركي القحطاني النزهان انتم شباب الهلال وآمل المستقبل اثبتو وجودكم امام عواجيز الهلال اصحاب الوسطات !!!!!!!!!!!! |
هلا والله بسفر.......كلامك والله عين العقل... انا مااشوف في المباراة الا خطأين بس... الاول...ماشفناه يوجه اللاعبين ابد بس قاعد ويحك بهالشنب...:D الثاني...جامل لاعبه المدلل على حساب المواهب الشابه في الاحتياط...بالله دلوني على كوره وحده تعامل معها بجديه.....الهدف!!!!ماهوب هدف ذا جته كوره مقشره طقها برجله طقه ماهيب صاحيه طقة فنان ويجيك سيكا ويكملها في الباب.... على العموم اللي مبروك للاهلي وحظ اوفر للهلال.......:) |
فعلا مباراه تسد النفس @@المدرب : من يقارن تغييرات وتوجيهات ارثر ولوكا يكتشف ان الاول لا يجيد التعامل مع النهائيات ولديه للاسف قناعات راسخه لايمكن ان يغيرها. الممرن ارثر يتابع المباراه وبكل برود وكأنه في تمرين ، والمدرب الاهلاوي امضى طول الوقت تقريباواقفاويوجه لاعبيه بااستمرار. @@اما اللاعبين وما ادراك ما اللاعبين ، فماذا عساي ان اقول ، 1-العتيبي: تائه متردد واعتقد انه تأثر من كثرة الانتقادات التي تقول انه لا يحسن توقيت الخروج من مرماه وبالتالي فقد الثقه في نفسه فعالج اخطائه باخطاء اكبر منها. مستواه سيء لا يؤهله اساسياللحراسه ويجب اعطاء الفرصه لضاري لعل وعسى . 2-النزهان: تنقصه الموهبه وفاقد الشي لا يعطيه . 3-الشريده ، السن له احكام ويجب ايجاد البديل في الموسم القادم . 4-المفرج ، حماس على غير سنع وبدون تفكير وحساب للعواقب ربما يتعرض بسببه لأصابه تبعده عن الملاعب للابد . 5-الجمعان ، قيل انه سينظم للمنتخب فكانت النتيجه سلبيه عليه من ناحية المستوى ، عبدالله لاعب ممتاز ولكنه لا يستخدم عقله مثل تسديداته القويه ، الكره ليست شوت كيفما اتفق وبدون تركيز ولكنها فن ومهاره . 6-ادميلسون ، يامن شرى له من حلاله عله ، والله حرام يشوه الرقم 15 وبهذه الطريقه . 7- تركي القحطاني 8- المسعري لا تعليق فقد ذكر الاخوان فيهم بما فيه الكفايه . 9- الاداره # مشكلة الظهير الايسر منذ سنوات لم تحل ، # لاعبين اجانب اثبتوا للناس ان الهلال يدفع الملايين في الهواء، ولم يأتي منهم الا بواحد مضروب والله اعلم ماذا سيكون القادمون . نصيحه ، وفروا فلوسكم او تصدقوا بها افضل من ان تاتوا لنا بها بلاعبين اكبر من الهم على القلب . # مصيبة المصائب ان ندفع فلوسنا في لاعب معروف ولما ياتي الينا نكتشف انه مزور ، هل بلغ استغفال الاخرين بنا لهذه الدرجه ؟ . |
ياجماعة الخير وسعوا صدوركم ...الفريق لعب صح ولوأراد الله وجا البلنتي كان انتهت المباراة .. المدرب واللاعبين أدوا دورهم على أكمل وجه على حسب إماكانياتهم ماعدا العتيبي اللي فقد ثقته في نفسه وثقة الجمهور فيه ... لكن تظل الإدارة الهلالية هي نقطة الضعف.. سواء في فشلها في جلب لاعبين أجانب على مستوى عالي ...أومن ناحية ضعفها في حفظ حقوق النادي .. |
هلا ابو هند ... الشكوى لله ماباليد حيله ... شكوى لغير الله تراها مذله |
يعطيك العافيه اخوي سفر ========== الصرررررررراحه والله قلتها ارثر . المحترف (المسعري) . الا داره ================================= بس حبيت اقوووووووولكم المسعري طاقها طاقها اساسي بيجون دوليين والا ما يجووون واذكرككككككككككككككم ابي اعرف السبب اموت واعرف السبب المسعري المسعري لم يلعب في الهلال بسبب الاصابه فقط والا عله في حلوقنا ====== مع هانغيم في الدوري بسب الاصابه == اخر مباراه مع ردينسكو في الموسئس === العام الماااضي مصاب طول الموسم طاااب على طووول لعبه زفوت لعبه مع الاتحااااد في ولي العهد طلع توليو اله يعميه ويلعب المسعري وهزيمه نكراء === لعب في مبارتي المربع الذهبي واسااااسي البديل الناسب (لنواف التمياط) وكالعاده هزيمه ==== السوبر السعودي المصري الكل يراجع تلك المباراه ويشوف المسعري وش سوى هدف التعادل من سبته هو وكاااااادو يسجلووون اهدف بمباركاته ====================================== المسعري في الهلال من 10 سنوات ؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ ؟؟؟؟؟؟؟ ؟؟؟؟ والله شي يقهرررررر قسم بالله على حساب الشباب المحترقه فيصل الصالح ما لعبه الا في مباراه الاتفاق الثانيه شفتو القهر كيف على حساب (المسعري) القحطاني والنزهان والمطرف لازال يستمروون في قتله ==================== اخوي هداف حتى ولو فاز الهلال انتقدنا المحترف بعد فوزنا على الاتحاد انتقدنا ارثر اتنقدنا الاداره =================================== اجل هل يدخل العقل في الوسط المسعري خميس القحطاااااني من جد ارثر وش يبي |
السلام عليكم ورحمة الله وبركاته أخوي سامي تصدق من إعجابي بموضوعك ماقدرت أكمله!!!!!!!! كأنك تقول اللي أبي أقوله لكن الفرق إنك مبدع ملاحظة أدميلسون هذا مقلب وعندي الخبر اليقين والسلام عليكم ورحمة الله وبركاته |
وش تبيني أقول أنت ما قصرت مشاء الله عليك ... إبدع بالتحليل وإبداع بالتعليق ... وألف ششكر ... |
شكراً لكم ياغالين على المشاركة ... ولكم تحياتي ... أخوكم / سفر المرزوقي . |
هلا أخوي سفر ،،، رائع ما كتبت عن واقع الهلال حتى لو حقق البطولة . الجمعان ــ كما أشرت ــ يتعامل مع الكرة بتعال وغرور وعدم جدية حتى مع أخطر الفرص وقد وضح ذلك جلياً في مباراة الاتحاد أكثر . آرثر معذور ــ أخي سفر ــ أين البدلاء ؟ هناك ألغاز هلالية محيرة منها : لماذا أبعد ضاري ؟ وكيف يهمش النجم الواعد المطرف ؟ أما القحطاني والمسعري فبقاؤهم في الزعيم وفي الخارطة الأساسية أحياناً لغز آخر !!! علل كثيرة وكثيرة جداً في الفريق الزعيم كان يمكن إخفاؤها لو تحققت البطولة ولكنها حتماً ستظهر وفي وقت أكثر أهمية . الخسارة قد تصنع جيلاً جديداً من البطولات بل إن التاريخ الهلالي شاهد على ذلك ، وهذا عزاؤنا الأول والأخير . تحياتي لقلمك المخلص ،،، |
| الوقت المعتمد في المنتدى بتوقيت جرينتش +3.
الوقت الان » 02:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd