|
جولتي لنادي الهلال ... نقاط من بعض ما دار خلال جولتي .. مقابلتي مع النجم بدر الخراشي السلام عليكم ورحمة الله وبركاتة ... كيف حالكم جميعاً يا اخوان ... ابدأ لكم جولتي في نادي الهلال .. وكم انني في فرحة عارمة عندما وصلت لنادي الهلال بعد ما فريت الرياض كلها عشان ندور شارع عائشة بنت ابي بكر والعريجاء .. :d .. في النهاية قلت مالها الا اوقف ليموزين واخليه يوديني النادي وياخذ الي يبي .. المهم اوصل للنادي في صلاة المغرب عشان التمارين بعد المغرب ... المهم وصلت للنادي وقابلني رجل الامن صاحب الاخلاق العالية .. فقلت له اننا زوار من خارج المنطقة وجينا للنادي عشان نتجول فيه ونحضر التمارين .. كما هي عادة الزعماء دائماً رحب فيني وقال النادي ملك لجماهيره ... المهم توجهنا الى المسبح وملعب السلة وكرة اليد ... بعد ذلك اذن المغرب وذهبنا الى المسجد وادينا صلاة المغرب .. وبعد ذلك تجوهت الى ملعب النادي .. ومريت من غرفة تغيير الملابس فأذا باللاعب سعد الذياب يأتي متأخر عن التدريب ويراه المدرب بيسيرو .. وهنا ثام المدرب بتوبيخه باللغة الانجليزية .. وكان حاد معه .. وبعد انا رأنا المدرب غمز لي واشار لي بعلامة النصر s60s قلت له والله يجي منك ومنت هين وغلطان من قال انك ضعيف الشخصية .. وبعد ذلك رأينا ابو دعدع متجه الى غرفة تغيير الملابس وسلمنا عليه وتمنينا له التوفيق .. وبعد ذلك خرج ردريقو كان متجه الى غرفة تبديل الملابس ايضاً واشار لنا بعلامة النصر ايضاً s60s وكبير يا كماتشو الثاني :clapping: .. المهم قررنا بعد كذا اننا نذهب الى المدرجات لكي نشاهد التمرين .. واذا بطريقنا للمدرج الاوسط لمحت اللاعب الخلوق بدر الخراشي من بعيد <<< صقر ما ينخاف عليك :d وسلمنا عليه وعرفنا بأنفسنا وقلنا له اننا جمهور الهلال جاي من المنطقة الشرقية .. بصراحة غمرنا الكابتن بدر بطيبته وقام بدعوتنا على وجبة العشاء .. وبصراحة احرجنا وكان محترم معنا لاخر دررررررررررررجة .. المهم تصورنا معه وقال الصورة بريالين قلت له وين خاش محل ابو ريالين هههههه .. وبعد ان اخذنا معه الصور لمحنا المدرب الصارم .. وبدأ في توبيخه مثل سعد الذياب ... وضحك في وجيهنا ولسان حاله يقوم انتوا بعد مرة ثانية هههههههههههههههه المهم استوقفت الكابتن بدر لحظات وسألته عن صحة تنسيقه كما قرأنا في المنتدى .. ونفى ذلك وقلت له اننا انصدمنا من قرار تنسبقك وقال ابدأ مو صحيح وانا بأذن مستمر في النادي وبأذن لاله اسعد جمهوره .. وبعد ذلك اتجهنا الى المدرجات .. واذا بكل اللاعبين على ارض الملعب .. شاهدنا الكابتن مازن الفرج وخالد عزيز يدورون على الملعب .. وخالد عزرز مدري وش عنده طاح على الشباب تنكيت وضحك هههههههههههههه قلت في نفسي منت بصاحي يا خالد .. المهم اجتمعوا اللاعبين في وسط الملعب مع المدرب وقاموا بأداء التمارين اللياقية ولم تشتمل التدريبات على مناورة .. كانت كلها تعتمد على عنصر اللياقة .. ولمحت من بعيد الكابتن نواف يدور حول الملعب مثل الكابتن خالد ومازن الفرج .. وبعد ذلك اتجهت الى رجل الامن وسألته هل يوجد معرض للنادي نبي منه شالات وحركات .. قال للاسف اول كان فيه والان قفلوه :no: صراحة اصبت بخيبه امل .. وبعد ذلك خرجنا من النادي وانا في قمة سعادتي ... هذه جولتي بالنادي وحبيت اني اطلعكم عليها وان شاء الله تعجبكم .. واعذورنا لو صار فيه اخطاء املائية او شيء من هذا القبيل لاني كاتب الموضوع على عجل ... وعلى المحبة والخير نلتقي :yes: |
ما شاء الله عليكم والله ما انت بهين بصراحة كانت جولة و ممتعة و وصف امتع و عساك على القوة |
قريت الموضوع حرف حرف جولة رائعه وزيارة جميله فيها نوع من الطرافه شكراً لك |
والله أحسن شي طريقة سردك للقصه :d |
اخوي قلب العاصفة .. مشكور على الرد يا غالي ... ولا هنت على الرد .. ------------------------------------------------------- اخوي محمد الهلالي .. كم هو شرف لي ان اجد توقيعك في الموضوع .. ويعطيك العافية ولا عدمناك يالغالي -------------------------------------------------------------------------- كلي هلالي .. يعطيك ىالعافية حبيب قلبي .. واحسن شيء برضوا ردك للموضوع .. وما قصرت |
فعلا نادي الهلال ملك جمهوره الف الف شكر يالغالي |
- الف شكر على هالتقرير الحلو .. |
ماشاء اللــــه عليـــك.. الصراحــــه طريقةسردك تخلي اللي ما ينبسط انبسط:D:D |
يــعـطيــك العـــافيـــة .." |
يــا حظــك :d !! .. (( مـا شـاء الله :) )) .. يـاله ان شـاء الله حـتى حـنا نـروح :d !! |
النـــــــــــــــــــــــــــــــــــــــــــــــــــــادي ملــــــــــــــــــك جماهــــــــــــــيره |
الاخوان اموت فيك يا الازرق المشذاب شعلان الهلال عفريت الكناري الازرق مجروح الزمان ... اشكركم لكم مروركم .. وكم هو شرف لي .. ومصدر سعادة لي مروركم والرد على موضوعي واشكركم مرة اخرى |
يا سلاااااااااام عليك هذا جمهور الهلال الوووفي وبالفعل الهلال ملك لعشاقه الله يعطيك العاتفيه على الرحله الرائعه |
يعطيك العافيه تبي الحقيقه انك قهرتني قاعد تحكي قصتك كلها كنك منت بعارف ان فيه جماهير هلاليه من خارج الرياض مثلي يتمنون انهم يدخلون النادي ونت ماشالله عليك دخلت النادي وقابلت الخراشي والمدرب وحضرت التدريب وبكل سهوله تقولها يخوي جماهير الهلال الي من خارج الرياض تلقاهم الحين حاقدين عليك كلهم امــــــــــــــــزح معك يخوي ونشالله انا بكره احرك من جـــــــــــــــــده واكتب قصتي ان بعد وابي اقهرك بصور مع الاعبيه كلهم بس انا احتري الدوليين يرجعون واهم شخص في النادي الامير محمد بن فيصل على العموم مبروك دخولك للنادي وشكرا |
هلا فيك تروكي .. اهم شي انك انبسطت ... وصورت .. وتابعت .. وان شاء الله نشوفك في المدرجات الهلاليه في الشرقيه .. بالتوفيق .. |
| الوقت المعتمد في المنتدى بتوقيت جرينتش +3.
الوقت الان » 03:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd