نادي الهلال السعودي - شبكة الزعيم - الموقع الرسمي - انا و اخوياي هشام و يزيد و مسلسلنا اليومي في المدرسة .. ][ دعوة مجانية للضحك ][ ..

السلام عليكم و رحمة الله و بركاتــــــــــــه ..

بسم الله الرحمن الرحيم ..

يا مرخبا بكم مليون مرة من جديد ..

يوم شفت الكل يتشحدن انزل الجزء الثالث عطفت عليكم و قلت يالله يا ولد نزله اليوم :razz: !! <<< يبي ياكل كف :mad: !!

وين وصلنا يا جماعة الربع .. ؟!

إيه يوم طلعنا من السجن .. و الكفيل الهندي الله يحفظه لنا بأوقات الشدة <<< ناوي يصير له سوابق بالسجن ,, لكن الخوف خوفي تجي قضية لا ينفع بها لا كفيل و لا بطيخ مبسمر :vertag: !!

المهم ..

طلعنا أنا و يزيد و هشام و معنا الخكري و الهرش و زي ما قلتلكم يزيد و الهرش سووا ماراثون إنما إيه و النهاية محل الكافتيريا s121s !!

و الخكري راح للمتحف الوطني في مهرجان الجنادرية ..

و جاب أقدم ثوب و أقدم شماغ و رمى الجنز و راح غسل شعره بزيت فرامل و قال لأبوه اشتري لي ددسن غمارة موديل 75 ما أبي اللومينا <<< شوي أثرنا عليه :D !!

ودعنا الهرش و الخكري و كلن راح بحال سبيله و بقينا أنا و الشلة المصونة !!

و اتفقنا نروح لمكان الاجتماعات الخاصة حقنا (( زريبة الغنم حقت يزيد <<< و الله يا هم يحزنون (( الغنم )) .. يزيد مخلي كل أوقاتهم عيد الأضحى s14s !! حتى إن واحد من الغنم يوم جاه يزيد مرة جوعان يبي يضحي به تكلم من الخوف و قال تراي بي انفنولزا الأغنام s4s )) <<< يا شيخ لو بك حمى الوادي المتصدع ما يترك بحالك ,, لا تحاول :D !!

أنا :- زي ما انتم عارفين تونا طالعين من سجن و الأهل معصبين علينا ,, و صعبة نروح لهم رازين خششنا s119s !!
راح نتكفخ كذا !! شوفوا لنا حل أنت وياه <<< و الله من زين ما استشرتهم !! كل واحد اخذ جائزة نوبل العلمية ,,, هشام أخذها لأجل مهاراته الخاصة بحصة البدنية ,,, و يزيد أخذها لأجل مهاراته الخاصة في حصة الطبخ :D !! <<< أبد ما يخترع حصص جديدة خخخخ !!

هشام :- أنا أقول نجيهم بالموعظة الحسنة و الإيمان بالقضاء و القدر <<< أنت عساك تصلي عشان تقول إيمان و قضاء و قدر s88s !!
يزيد :- أنا أقول خل نتغدى حمام و بعدين نفكر !!
أنا :- أقول كل خرى أنت و اص و لا كلمة ما همك غير كرشك يا ثوووور !!
يزيد :- افف جوعاااااااااااااااااااااااان !! لكن ياله وش نسوي !!
انا :- ياله خنشوف حل !! <<< يا شيخ ترى اللي تكلمهم ما يفرقون عن الغنم اللي حولك s15s !!

هشام :- شـف وش رايك .. (( قاطعه يزيد و قال .. عيال عيال أبوي جاء للزريبة على غير عادة تغبوا !! <<< أنا عص و هشام اعصص و نتغبى بـ (( ثقب الإبرة )) لكن المشكلة أنت وش نسويلك :no: .. ؟! )) ..

و بينما هالعقول المتنكة تفكر إلا و أبو يزيد يدخل علينا !!

أبو يزيد يكلم ولده :- بسم الله .. و أنا اقول ليش تقل الأكسجين مهوب موجود !! وش طلعك من السجن يا ثور !!
الحين تدري انك يوم رحت عنا تحسن اقتصاد البيت و قلبت أسهم البيت اخضر بأخضر !! أول كنت تاكل الرز و صحنه و السفرة بعد ,, و يوم رحت كيفوا هالغنم ذولا ,, بدينا نعطيهم أكل زين مهوب أول يموتون جوع و تعطيهم شعير يا ثور !! لكن يوم كنت موجود أعوذ بالله اقتصاد البيت زفت بزفت !! و بعدين مين السلق اللي معك .. ؟!

كح كح كح (( ابو يزيد يكح يكح من الغبار اللي طلعناه أنا و هشام و حنا نهج :D ))

&&&

طلعنا أنا و هشام للشارع بعز القايلة .. و شوي يمر علينا ضب مضيع و يقول (( شباب الجو اليوم بارد تخبرون لي مكان به جو معتدل <<< لعن أبو دارك درجة الحرارة 52 و تقول بـرد ,, اجل لو أنت بموسكو وش تسوي s47s .. ؟! ))

هشام النخولي شاله و راح للبقالة و غباه بجيبه و يوم وصل الفليزر و يجيك يرميه و نشوف الضب يرافس يعاني لحظاته الأخيرة (( أحلى هشام .. اكتشف فصيلة جديدة اسمها الضبان القطبية :razz: !! ))

ما بغينا نطلع من البقالة .. وقفنا عند المكيف و كيفنا .. و يجي الباكستاني و يطردنا :ranting: <<< يا حبيل الهنود طيبين :baby: !!

و يوم طلعنا الشارع ..

أنا :- هاه يا هشام وش نسوي .. ؟!
هشام :- خل نروح لبيوتنا و ناكل جلد ,, وش تبينا نسوي .. ؟!
أنا :- جواب نهائي .. ؟!
هشام :- إيه يا جورج العتيبي :D !!
أنا :- يـاله كلن يروح لبيته !!

راح هشام لبيته و مدري وش صار عليه !!

و أجي أنا رايح البيت ياله أمشي <<< مرة سلحافة من جمبي و قالت جزاك الله خير رفعة روحي المعنوية .. صرت أحس إن فيه احد اقدر اسبقه s1s !!

<<< الأخ بحديقة حيوانات .. ؟! .. مرة مر عليك ضب و الحين سلحفاة .. أخاف بكرة تقول مر علي بوش مع أخوياه على طريق الطائف .. <<< للتنكين و التنكات .. وش يمر عليكم هناك غير القرودة :D .. ؟! .. و لا مر علي شارون مع شلة كلاب .. و كـانوا قاعدين يتهاوشون مع شلة بـساس .. و رغم ذلك البساس صفقوهم !! <<< تقل فلسطين هي الضعيفة .. تحارب بالحجر و رغم ذلك هي اقوى منهم :cry: !!

المهم :) ..

و اجيك و اقطف باقة من الأشواك الاستوائية أبي اهديها لأبوي الحبيب ,,, كــُــوده يحن إذا شاف هذي الهدية الراقية و يشكرن على انتقائي الرومانسي s1s !! <<< طلع لي الضب اللي رميته بالفليزيز من بين الشوك و قال (( يا ناسينا يا ناسينا وش اللي ذكرك فينا :razz: .. ؟! )) <<< رحمته و اجيك اغبيه بجيبي .. قلت إذا وصلت البيت انزله بالفرن .. يمكن يعجبه الجو هناك .. ؟! <<< أخاف أبوي الحبيب يحطن مكانه :wub: .. ؟!

المهم دقيت جرس البيت بكل حنية !! <<< بالعادة ما عندي غير رجف و تجي الشغالة تفتح الباب و ارجفه بالمرة !!

و جت الشغالة مستغربة من زمااااان من سمعت هالصوت اللطيف ,, كانت تحسب الجرس خربان خخخخخخخ !!

و يوم شافتن تجيك و تصرخ الله يفضحه ..

اوووووووووووووووه نايف .. فين انتا مدرسة زمان خلاص !!

و سمع أبوي صراخ الشغالة و جاء و اخذ العجرة على طريقة !! <<< يا ويلي ويلاه :baby: !!

انا :- يبه جبت لك هدية .. (( طيع طاع طووووووع وش طلعك من السجن الله لا يبارك فيك كنا مرتاحين و البيت هدوء فيه هدوء يا تسلب التسلاب !! )) ..

و بعد ما قضى ضرب قلت يبه تفضل هذي الهدية .. و اقدم له الاشواك s51s !!

و قال :- أول مرة أشوف هدية لازم تلبس قفازات عشان تاخذه:D !!

و بعد مسلسل الضرب الحلو .. رحنا نصلي العصر !!

و بعد الصلاة و بعد ما شرب أبوي بكتين حشيش و روق !! <<< مـا شـاء الله .. زيـن انـه يـصلي :) !!

جيته و قعدت احبحب رجلينه لين تقطعن براطمي من خشونتهن :wallbash: !!

و قال وش تبي s72s .. ؟!

قلتله :- يبه المدير مسوي استدعاء لولي الأمر .. و لازم تجي بكرة !!

أبوي :- لعن أبو دارك فقرت المدرسة من كثر ما يطبعون أوراق إستدعائات لك !!

أنا :- لا تخاف يا يبه المدير يودين أنا و شلتي المحترمة عند باب الحرم نشحد عشان يشتري أوراق s7s !!

أبوي :- طراااااااااااااع <<< طراااق !!

أنا :- يا زين هالطراق من ايدك يبه !!

أبوي :- ضف اقول و الله يعينن بكرة أجي !!

أنا :- يبه لا تنسى تقول للمدير يخفف ضرب علينا !!

ابـوي :-لا تخاف بس أبي أقوله .. (( لك اللحم و لنا العظام :cry: )) ..

&&&

طلعت الشارع ..

و لقيت أبو الهش بطريقي s121s .. و قلتله وش صار عليك قال حالي حالك أكلت جلد مهوب صاحي :vertag: !!

بعدين قلتله :- إلا وين الدب الصحراوي !!

هشام :- مدري !!

انا :- تعال لم البقالة شكله هناك !!

دخلنا لقيناه قاعد يتهاوش مع المصري !!

قلنا سـلامات وش فيه .. ؟!

قال المصري :- داه صاحبكم قنني :no: !!

داه بيعز الأكل عز !!

كل شويا يقي و يشتري و يئول اقيك بعدين و اديك الفلوس !! <<< الترجمـة (( كل شوي يجي و يشتري و يقول اجيك بعدين و اعطيك الفلوس ))

و الحين عليه 2000 ريال و موش رادي يدفــع .. ؟! <<< مهوب راضي يدفع !! :razz:

أنا قلت :- و أنت أعوذ بالله يالمصري تعز الفلوس عز !!

المصري :- هااااااااااااااااااااااه .. ؟! (( ايهب يا بلاعيمه هزة الطبلة حقتي :cry: ))

انا :- لا امزززح معك .. يزيد يا دب عطه فلوسه !!

يزيد :- أصلن لو معي فلوس كان شفتن هنا .. ؟!

قلتله :- اجل وين تبين اشوفك .. ؟!

جاك هشام داخل عرض :- يعني ويـن .. ؟! اكـيد بكودو و لا بماكدونالز !! <<< أول مره أحسه ذكي :vertag: !!

يزيد :- حرام عليك شهيتن .. !!

هشام :- تهشهشت عظامك يا دب !!

المصري :- مطولين هنا .. ؟! داء البئالة (( البقالة )) صغيرة خلئة (( خلقة )) !! و جاء صاحبكم و زادها ضيئة (( ضيقة )) !!

قلنا لا هذانا ضافيـن ,, بس الله لا يهينك هات بالونات أبو ريالين اللي تعبى بالماء ..

و نجيك لم البرادة و كل واحد يعبيله كمية .. !!

و نقول بسم الله و نبدأ فترة القنص s121s !!

أول شئ مر بنقالي يدودل راسه ببسكليته و حاط مسجل بالبسكليت و مشغل أغنية هندية و داخل جو s57s !!

و يجيك هشام و يرسل صاروخ ارض جو و طن على راسه و يتسبح الهندي يحوووول <<< المفروض يقول جزاكم الله خير ,, نع نع نع نع نع شتون :D !!

و يعصب الهندي و ينزل يلحقنا .. انا و هشام هجينا و عجز يلحقنا !!

اما يزيد ما غير ياله ياله يمشي !!

و يمسكه الهندي و يجي يبي يجلده ..

لكن ..

حدث العكس و قام الثور يزيد نطحه نطحه .. تقل نطحة زيدان و الهندي يحول تقل ماتارازي :D !!

و كلن حط رجله يبي يهج !!

و نجي ناقف عند بيتنا و ميتين ضحك على الهندي !! (( يحووول يالهنوود .. مرة أنا و أبوي راكبين سيارة << اجل بسكليت .. ؟!
و كان ابوي يبي هندي يغسل عشتنا الجديدة .. أ أ أ قصدي شقتنا الجديدة !!

و يوم شاف ابوي ذا الهندي مار من جنبه و يضرب فرامل خلان أنا أنفجع قبل الهندي .. و يقعد أبوي يناظر الهندي و يصرخ عليه و يقول تعال تعال .. لو شفت وجه الهندي كان نزلت تحضنه يحووول انفجع :no: !! و من الربشة دخل الهندي بالسيارة حقت الجيران و قام بسرعة و حط رجلـه يحسب أبوي من الجوازات <<< أحلى أبوي تقـل عيون غـراب .. أ أ أ قصدي صـقر :clapping: !! )) ..

شوي و قلت يا عيال قوه نلعب كورة ..

رحنا و فتحنا أنا و هشام بيزيد مدينة جديدة تتكون من .. (( كوباري على أعلى مستوى :vertag: , سحبات و لا أحلى :vertag: , )) .. قررنا نسمي المدينة الرياض .. !!

لانه من كثر الغبار اللي طلع ذكرتني بالرياض .. أربع و عشرين ساعة عجاج :D !!

أذن المغرب و جاء أبوي و شافن العب كورة و شالن مع قذلتي كالعادة و رحت صليت و رجعت البيت و حليت واجباتي <<< اصـلاً يا نصاب انت هاج من المدرسة وش عرفك بالواجبات !!

و بعد صلاة العشاء مدري وش جان !!
حسيت اني مرهق !! <<< صراحة بديت ما ألوم لاعبين الهلال يوم خسروا من الشباب ثلاثة :no: !!

و حطيت راسي و نمت ..

جاء أبوي الحبيب و العصافير تزقزق و رفسن الرفسة المعهودة و قمت و أنا مصحصح على غير عادة <<< يعني اليوم يبي يصير لي سجل حافل بالمدرسة و العلم عند الله :) !!

وصلت المطرسة لقيت المدير قاعد يمارس هوايته المعهوة بصيد الطلاب المخالفين و جلدهم باليد الثالثة و من هالطلاب يزيد !!

شافه المدير جاي يزحف و شنطته زايد وزنه ألف طن !! و يجيك و يناديه و يقوله افتح الشنطة !!

يزيد :- هاه ,,, لازم .. ؟!

المدير :- افتح لأجلدك !!

يزيد :- طيب

و يفتحه و يلقى المدير ما لذ و طاب من المأكولات اللي لو توديها للبنان كان تكفيهم لمية سنة قدام !!

و صادر المدير الأكل ,,, و قال ليزيد عقابك يا ثور تتطلع و تحط الأكل بقمة الجبل ذا !!

و يقعد يزيد سنة يطلع و يوم وصل فوق القمة .. قال المدير بسم الله ,,, طلعت لنا قمة ثانية :D .. ؟!

و يجي يزيد يبي ينزل و عجز ينزل و تورط !!

المدير عصب و قاعد يصارخ يقوله انزل انزل .. و يزيد يقول خايف !!

و طول الأخ يزيد و هو فوق معيي ينزل .. !!

لف المدير وجهـه علينا و قال :- مو كأن اليوم الجو حار رغم إننا الصبح :banned: .. ؟!

أنا و هشام :- يمكن .. :banned:

و يجي المدير و يناظر ساعتـه و ينفجع .. قلنا له وش بك يا أستاذ .. ؟!

قال يا سلق روحوا لفصولكم الساعة 8 و نص :D !!

و يجي المدير و يطرد بالطلاب بعصاه !!

صار كأنه راعي و حنا الغنم !!

المفروض بدل ما يقول يا ولد .. يقول .. (( هش ,, هش :D )) .. !!

دخلنا فصولنا .. و ما جانا احد .. و قعدنا نسولف و خرابيط !! الا و شوي نسمع صووووت قووووي !!

تقل مروحـة ..

و يوم ناظرنا من الشباك إلا هذي الهليكوبتر حقت الدفاع المدني جاية تنزل يزيد !!

قلت شباب .. تراي أنا شايف أمس فلم جيمس بوند .. لا أكون متأثر به و قاعد احلم به الحين s78s .. ؟!

هشام تعال اقبصن خل اصدق !!

و يجيك و يقبصن هشام .. و من قوة القبصة صار جلدي هلالي متعصـب !!

و صرت أحس إن عندي طاقات توهم ما اكتشفوها .. اكتشفت إن عندي صوت يهز الجبل و يزيد معه :razz: !!

&&&

نزل يزيد بعد جهد و عناء .. و دخل الفصل و ياله ياله وسعه الباب (( المفروض يقول المثل .. الباب ياسع يزيد :D .. مو الباب ياسع جمل :D !! ))

و قوبل بالتصفيق و الصفير و البكاء المرير .. و قلنا بصوت واحد .. (( وين استاذ اللغة العربية خله يعرف ان حنا نعرف نتكلم عربي <<< استاذنا اذا شافنا نتكلم بالعامي .. يحسنا نتكلم منقاوي :naughty: !! ))

ترررررررررن .. (( دق جرس الفسحة )) .. <<< أنواع الفلة اليوم ما أخذنا شئ ,,, و كله بسبة الأخ يزيد جزاه الله خير
!!

قبل ما نروح أنا و هشام وقفنا و صرنا تقل أصنام :eek: !!

شفنا نظر ما ينشاف و لا بالأفـلام !!

شفنا يزيد ما تحرك من مكانه .. و يوم قام .. قام و هو يمشي شوي شوي !!

و لا سوا ماراثونه المعتاد لم المقصف !!

سألنها :- يزيد من مـات .. ؟!

قال :- كولوا خرى ,, ابوي حارمن من مصروفي .. يقول لعنو ابو ابليسك 20 % من راتبي على مصروفك ..
ضف مافي مصروف !!

انا و هشام نزلن دموعنا لين صار الفصل تقل مسبح و قام يزيد يطافش !!

و قلت انا بكل شهامة تفضل ..

و يمد ايده و اعطيه ريال .. و يمد ايده و اعطيه ريال ثاني .. و يمد ايده و اعطيه ريال ثالث .. و يمد ايده و اعطيه طراق !!

لعنوا ابو بليسك قضيت مصروفي و الى الان تمد ايدك !!

ضف تضف ضفت عظامك !!

راح يزيد و شرى و شرينا و فلينا الحجاج و عبينا الكروش <<< الا يزيد .. ما كفته الاربعة ريال :razz: !!

و يوم صارت الساحة فاضية كلن راح لفصله .. تحركت قلوبنا و قلنا ياله على الفصل:banned: <<< أحسن من إذا قلنا ياله على غرفة المدير .. !!

و حنا ماشين للفصل إلا و المدير جاي يدورنا .. !!

شافنا و قال ينكم .. أولياء أموركم جو فوق .. !!

حنا ذرقنـــا !!s78s

و نطلع فوق ..

و ندخل و نلقى أبوي و أبو يزيد و أبو هشام !! <<< يا حليلهم يشبهونا و حنا صغار !!

قال المدير هاتوا الأوراق اللي عطيتكم إياه أمس !!

أنا :- يووووه .. نسيت الورقة بالثوب و غسلته الشغالة !!

المدير :- أصلن يا نصاب ناظر ثوبك كل غبار الربع الخالي موجود عليه .. وش لون تقول الشغالة غسلته :D .. ؟!

على العموم ما علي منك ..

و أنت يا يزيد وين الورقـة .. ؟! (( صاير احترام قدام اباواتنا ))

يزيد :- معليش أستاذ .. بس أنا نسيت أجيب العلك و قلت خل أعضعض هالورقة .. كله واحـد !! <<< أه يالدب ما يحس بالطعم !!

المدير بصوت واطي <<< اطلع فوق الكنبة عشان تصير عالي s88s :- لا بارك الله فيك !! و أنت يا هشام .. ؟!

و يجي هشام و يعدل المرزام و شق وجهـه بابتسامة صفراء و 2 من السنون اللي قدام تطلبك الحل !! ويقـول :-

بس أنا يا أستاذ الوحيد اللي جبته ,,, لأني طالب محترم !!

المدير باستغراب :- هات الورقـة ..

و يسلمه هشام الورقـة و يلقى المدير أنواع الشخاميط و أنواع التواقيع !!

قاله المدير :- ايش هذا .. ؟!

هشام :- ابـد ,, بس الحصة السابعة أمس زهقان و قعدت أدور ورقة بدفاتري ما شخمطت به !! و ما لقيت و لا ورقة فاضية و قلت يا ولد مالك إلا هالورقة ذي !!

المدير عصب زيـادة و طنش .. مستحي من باباواتنا ..

المدير :- يا أبو نايف و يا أبو ياكازونا ... مدري يزيد و يا ابو هشام انا طلبت لكم استدعاء لان عيالكم الموقرين

مسوين رجة بالمدرسة .. و كابين حبر على الأستاذ و ... و ... و ...

و الصراحة إنهم مخربين سمعة المدرسة !!

و يبيلهم تربية من أول و جديد !!

باباواتنا بصوت واحد :- ايش ,, عيالنا مربين احسن ترباية يا *** (( كلام مشفر )) و مابقى الا انت تتكلم بتربيتنا لهم :ranting: !!

المدير :- انتم أل*** <<< نفس السبة اللي تو :raygun: !!

و يعصبون باباواتنا و يجلدون المدير و تحقق حلمي بأن اكون انا الجالد و المدير المجلود s66s !!

<<< سحب اليد الثالثة من المدير و بدى يفلكه فيها :D !!

و قلبنا الغرفة حلبة مصارعـة !!

و يوم سمع الوكيل صراخ المدير و هو ينجلد .. جاء يركض و الكرشة تهز هز <<< من فصيلة يزيد :razz: !!

و قال :- مد يدك يا محمد (( اسم المدير )) و طق إيدي عشان ادخل الحلبة !! <<< مطبق الأنظمة صح :clapping: !!

لا امـزح ..

جلدناه و حطينا رجولنا ..

***

وش صار .. ؟!

هذا اللي راح نعرفه ان شاء الله بالجزء الرابع و الأخير !! <<< أخيرا جاء الأخير ,, و الله يا أنا مليت كتابة !! <<< لو كنت نبيل فاروق ذاك الكاتب المصري اللي يكتب قصص ادهم صبري وش تسوي :D .. ؟!

هذا نبيل فاروق كل شهر ينزل عشرين رواية .. مدري متى يكتبها ما شاء الله :eek: !!

و المشكلة كلها حول الميتين صفحة :D !! <<< نايف .. مهوب تسنك مزود العيار شوي :razz: .. ؟!

***

و السلام عليكم و رحمة الله و بركاتـ ـ ـ ـ ـه ,,