|
مــليــنــا .. نبيـــه من جديـد تكـفون !! صحبهم \ مسيهم بالخير اخباركم شباب ان شاء الله بخير ؟؟ صراحه حال المنتدى يازقرت مايسر لا صديق ولا عدو ! ردود بايخه وتعليقات ابيخ ومادري تقول قاتلين قرايب بعض .. ياخوان قبل كل شي نبي نكون بالمنتدى محترمين بعض .. وعلاقتنا تكون حلوه .. ترا كل اللي بيننا شاشه وكيبورد وبنتهاوش عليها بعد ؟ لحد يضحك على نفسه ويقول حال المنتدى زين ومافيه شي ردود استفزاز .. نزاعات .. للأسف شلليه .. المنتدى صار الواحد مايحرص على دخوله كثير زي أول !! الأسباب كثيره .. واللي فوق شي بسيط من أشياء كثيره خلت المنتدى على ذالحال .. أمنيه شخصيه .. ويمكن تكون أمنيه اغلب اعضاء المنتدى .. هي عوده المنتدى زي أول .. وأقدر أجزم انها امنيه كل شخص لحق على ذيك الأيام .. موب بعيد لا قبل سنتين بس .. السؤال الكبير .. نقدر نحقق الأمنيه هذي ؟؟ والجواب الكبير " هذا من عندي ترا صارفها لكم :D " .. مانقدر نرجعه زي أول .. لكن نقدر نخليه منتدى كل عضو فيه يحترم الثـاني منتدى فيه نقاشات (( هادفه )) ونقاشات يسودها (( الأحترام )) والأهم من هذا كله (( المحبه )) اذا وصلنا المرحله هذي ممكن نرجع منتدى اول ويمكن احلى ليش لا.. ماودي اقول يوزرين احلف بربي لو احطهم بغرفه وحده قتلوا بعض من كثر ماهم شايلين على بعض وانا على علاقه بالأثنين واتمنى يقرون موضوعي كويس ويفهمونه !! وللأسف بدايه الكلام اللي فوق كله رد أستفزازي او موضوع تشعب وصار فيه نقاش زي كل نقاشات الفتره الأخيره .. وللأسف النقاش وزي كل نقاش زي ماقلت لا فيه احترام و لا محبه ولا بطيخ .. اللي نشوفه نقاشات على شكل تصفيه حسابات ياكثرها مواضيع اللي ادخلها واقول من اولها الموضوع مكان ممتاز للنقاش .. وطبعا اقصد النقاش المحترم .. وأطفش وأترك الموضوع من شي اشوفه .. مب انا كثير مثلي طبعا المطلوب ليكون المنتدى مرتب على الأقل ويسوده الاحترام موب شي صعب .. شي بسيط لكن للأسف اللي صار الفتره الأخيره يمكن يصعبه انا أخطيت على أعضاء .. أنت ياللي تقرا الموضوع يمكن أخطيت على اعضاء .. مافيه انسان معصوم عن الخطاء .. لكن صدقوني مهما اخطئنا في حق بعض ماراح نوصل لخطوره الشلليه والردود الأستفزازيه والنزاعات اللي صايره اللي يقرا موضوعي مايصدق ان كل هذا صاير هنا في شبكه الزعيم وفي منتدى العالميه اللي كان من افضل منتديات الرياضه العالميه العربيه .. واللحين للأسف وبصريح العباره لا يستطيع منافسه منتديات كثير وعربيه " كبيررره " .. صار مثله مثل اي منتدى رياضي عادي فقد بريقه السابق وربي ياشباب ان متعه الموسم ومتعه المباريات كانت بالنقاشات اللي بعد كل مبارات .. اللحين والموسم الماضي خصوصا أكره المنتدى بعد أي مبارات واتجنب ادخله احيانا أجلس بالأسابيع ما ادخله الا لرابطه ميلان انزل كم خبر واطلع .. وغيري على ذالحال كثير .. لكن أول غير .. أول مانطلع منه .. اللي يدرس ياخذ دور ثاني علشان ذالمنتدى :D .. واللي يشتغل يروح نص الراتب على ذالمنتدى :D .. كان شي خيالي أتمنى يعود لو جزء منه لكن اللحين للأسف فقدنا البريق .. وفقدنا شي أهم وهو الأحترام والمحبه موضوعي ماحطيته كذا .. انا من عرفت المنتدى مانزلت الا كم موضوع والباقي ردود .. لكن وربي طفشت .. الموضوع نزل ومابي احد يناقشه يرحم والديكم منب ناقصين :( كل واحد بيقول العضو الفلاني فعل و و و .. اللي ابيه شي واحد تكفون نبدا صفحه جديده طوينا صفحه الماضي وبدينا صـادق الاحساس << أطلع آبو اللي سلمك كيبورد :D صفحه جديده بجد .. مانبي كلام بس .. نبي أفعال ترجع المنتدى شي واحد نبي نسويه بس .. نحترم بعض ونبعد عن ردود الأستفزار ردود الأستفزاز زي ماقلت سالفتها سالفه .. ماراح اذكر يوزرات او غيره علشان لا يصير الموضوع بعد نقاشات بوداي والأحترام بوادي لكن نبي نبدا صـفحه جديدهـ تكفون نبي نرجع احترامنا لبعض وبرجعه الأحترام يرجع كل شي يرجع التميز والبريق للمنتدى يرجع الأحترام ترجع الأخواه والمحبه بيننا ياما نقاشات بدأت بس يالغالي وانتهت بأبشع الكلمات وعندي انواع البرنتات لأني كنت متأكد انه بيجي يوم وأقارنها بحال المنتدى حاليا واقول ما اصدق ان منتدانا وصل للمرحله هذي صدقوني كلام استحي اتذكره كيف يقدرون يكتبونه مانبي نرجع ورا نتعب .. مانبي فلان يقول علان استفزني وغلطت عليه والثاني يقول نفس الكلام نبي شي واحد صفحه جديده .. الأبتعاد عن الردود اللي فيها انتقاص لأي فريق لأي منتخب المشرفين الأفاضل .. محد شكك ولا احد يقدر يشكك في قدراتكم أو كفائتكم .. أنتم الأفضل ولا كان ماحطوكم مشرفين لكن المطلوب تكون فيه طريقه معينه زي الأنذارات لكل عضو .. مانبي حذف عضويات لكن نبي ايقافات نبي " تأديب " .. انا لو اغلط على واحد وانلحط اسبوع بالأيقاف ارجع اباري الساس وأدور السلامه :D بالعربي الفصيح وعلى بلاطه قليل من الحزم يا مشرفيننا المنتدى صار ضحك يمكن اكون قسيت شوي بكلامي علينا كأعضاء او على المشرفين بس وربي يعلم الله مانزل الموضوع الا من حره فيني .. شي خلاني اتجنب المنتدى .. تذكر ياخوي قبل تكتب أي رد .. انك ماراح ترضى احد يكتب شي زي كذا عن ناديك تذكر قبل تكتب شي عن هبوط اليوفي او أي شي ان فيه ناس يعشقون الفريق ولا يرضون احد يتكلم عليه واي كلمه او انتقاص منك للفريق راح يسبب نزاعات واستفزاز لعشاق الفريق " أفهم " تذكر قبل تكتب عن بقاء ميلان ومشاركته في دوري الأبطال ان فيه عشاق للفريق مايرضون احد يغلط على فريقهم واي أنتقاص منك للفريق را يسبب استفزاز لجماهير الفريق وبالتالي وبشكل طبيعي راح يردون وتكبر السالفه زي اللي نشوف اللحين جبت الفريقين فوق كمثال فقط .. وعارف بيجي احد ويقتبس ويقول ورا ماتكلمت عن فلان وعلان ارجع اقول كمثال بس ولا بتسوونها سالفه ؟؟ ما اتكلم عن أحد معين ولا عن فئه معينه ولو ان فئه " حنا عندنا حلاو وانتم ماعندكم .. وفئة باب حوشنا اكبر من باب حوشكم " صعب التعامل معها لكن البركه في مشرفيننا الأفاضل انا نزلت الموضوع وانا ماخلصت كل اللي عندي بس الأشياء اللي كنت بأوصلها عجزت القى تعبير عنها .. بتجي مع الردود :: ريش :: س1: بصفتك ايش يا ولد محمد تنزل الموضوع ؟ ج1 : كل اللي ابغاه احترام ومنتدى جميل زي مايبون كل اعضاء المنتدى س2: ماتحس انك زودتها وكبرت الموضوع ؟ ج2 : اذا تعتبر ان اثنين وصلت فيهم درجه الكراهيه انهم لو يلقون بعض ذبحوا بعض شي صغير .. ارتح ورح نم آبوك محاور :D س3: مسوي انت وراسك المثلث قوي وتفكر ان المنتدى ممكن يرجع زي أول؟ ج3: مع الأحترام والبعد عن الأستفزاز المنتدى راح يستعيد نفسه شوي شوي وكل شي ممكن وليه مايكون أفضل من أول ؟ الأقلام موجوده والامكانيات موجوده اعضاء تحسدنا عليهم أكبر الشبكات الرياضيه -- قبل أقفل وانا أقلب المنتدى لقيت رد لموضوع مضحك وبنفس الوقت شراره ممكن تتسبب في اشياء كثير الموضوع للغالي سنوب دوغ بعنوان JUVENTUS (DEL-PIERO)===>back-grounds الموضوع واضح عنوانه خلفيات للسيده العجوز وللاعب الكبير السياندرو ديل بييرو ندخل الموضوع نلقى الشباب يشكرون صاحب الموضوع للحين تمام الغالي ضحية مجامله من الناس اللي يعجبوني بالمنتدى ولي علاقه فيهم برابطه الميلان لكن رد زي هذا إقتباس:
الرد فوق برضوا كمثال بس مثال لا اقل ولا أكثر ومثال قريب ماله 3 ساعات علشان لحد يقول انك تجيب كلام غريب ممكن يدخل واحد من الشباب من مشجعين اليوفي واقتباس ورد والثاني يرد وهاكزا الين يوصلون لمرحله اخويانا اللي فوق قفله المنتدى ممكن يرجع .. بالأحترام والموضوع واضح اللي يحس اني بالغت او بعيد عن الحقيقه يعتبر نفسه ماشاء الموضوع ننتظر آرائكم وأرجوا ان موضوع اللي أتأمل منه يلفت انتباه الشباب مايكون بعد مكان للنقاشات اللي مالها نهايه والأستفزاز تحيتي اخوكم أحمد |
ابدعت يامحمد وصح لسانك وحال المنتدى مايسر ابد بس بعد المشرفين الجدد تعدل شوي وان شاء الله اننا نبي منهم الشي الكثير وهم مهوب مقصرين ان شاء الله ملاحظة"كثرة المواضيع بالمنتدى بطريقه غريبه الي ينزل تدريبات فريقه المفروض يحطها بالرابطه مو بالمنتدى العام وكل يوم يخلون اعضاء وينزلون ثلاث اربع مواضيع وهالشي يضر بسمعه المنتدى" امنيتي يرجع المنتدى مثل اول وان شاء الله يتعدل الوضع وترجع مكانة المنتدى مثل اول واحسن.. مشكور على الموضوع اخوكـ ماجد,, |
أولا : تشكر يالغالي على الموضوع .. ************** وأقول انا .. بس لو كان بالمنتدى .. ايقاف للعضو .. كان المنتدى بأحسن حال زي اي منتدى موجود بالشبكة .. ايقاف .. ايقاف فقط .. |
صح لساااااااااااااااااانك وماقصرت والله العظيم انى كنت بكتب نفس الموضوع مع بعض الاختلافات وهى الشلليه والمجاملات والعلاقات ومع الاسف من بعض المشرفين عينى عينك يعنى بالعامى لاحبتك عينى ماضامك الدهر صراحه شى يقهر ناس تتعب وناس تاخذ كل شى بسبب العلاقات والصداقه يعنى حرام والردود نفس ماقلت لاسف واحد يجى يقول انت يابزر لاتكتب والمشكله انه كبير ويقول نفس الكلام هاذا وش خلى للصغار يعنى انا لو اتكلم لصبح ماخلص بس يعطيك الف عافيه وياليت احد يفهم . |
السلام عليكم يعطيك العافيه يالغالي .. قلت اللي بخاطري .. و زياده :) مواضيع مكرره .. نقاشات تتحول لـ تصفيه حسابات .. ردود إستفزازيه .. هذا أغلب اللي نشوفه للأسف !! .. بالنسبه للنقاشات .. بتكلم عن هالنقطه تحديداً .. للأسف كثيير من الأعضاء يطالبون بمواضيع نقاشيه يتم فيها تبادل الآراء بين عضو و آخر .. أتركهم ساعتين أجي القى مطاقات صايره :D طيب انت تشجع فريق .. غيرك يشجع فريق ثاني .. ما تقدر تطرح وجهه نظرك بدون ما تسيء للآخر ؟؟ .. لازم أسب و أهاوش و أطول صوتي علشان تمشي وجهه نظري ؟؟ .. ما اراح توصل كذا أبداً :) كلنا أخطينا .. وكلنا تجاوزنا حدودنا أحياناً .. لكننا بعدين والله نندم .. خصوصاً لما أتذكر أن اللي أخطيت عليه مسلم مثلي .. و أن اللي يجمعنا هو حبّ الهلال أولاً ثم يأتي بعده تشلسي و مانشستر و برشلونه و الريال و ميلان و يوفي ووووو . <<< يا خوفي يجيني أحد يقول ليه حاط تشلسي أول :D إقتباس:
وحنا إن شاء الله محنا مقصرين بشيء بس جهدنا ما راح يكتمل بدون مساعده الأعضاء وتفاعلهم معنا ومع القوانين الموضوعه :) شكراً أحمد .. و أتمنى أن نفتح صفحه جديده من الآن :) فـ مان الله ,.,., |
والله ان المشرف نيستلروي.. يتوحش على كل من يسوي شوشره بالمنتدى..سنايدي يالذيب... |
ياخوفي ان حذف المواضيع يبدأ بك أنت عزيزي أبو الريش ليس لسبب إستفزازي أو عدم احترام نادي أو عضو ولكن بحجه ان مثل هذه الموضوع ( يضر ويشوه سمعه المنتدى ) على حد زعم البعض ! اسأل مجرب ! تحياتي المجرب اللي تكلمت لك عنه فوق :d |
إقتباس:
s13s s13s كفـو والله اخوي HILALEMOOOT ماقصـرت والله تحيــاتي |
أنا عضو و متابع لـ هذا المنتدى من سنتين تقريبا ً .. و طبعا ً مثل ما هو معروف كان من أفضل المنتديات إذا ما كان أفضلها .. بعدها صار المنتدى في تراجع كبير .. و أنعزلت عنه أقلام مميزة .. لكن صراحة .. أنا اشوف هذه ظاهرة طبيعية شاهدتها في كل المنتديات اللي أتابعها .. فـ مثل ما كانت هناك فترة ذهبية للمنتدى .. لازم تصاحبها بعدها فترة فراغ ..!! و أنا أشوف إدارة المنتدى أقدمت على خطوة مهمة مؤخرا ً وكان المفروض أنها تسويها من زمان .. و أقصد بها : مسألة الإشراف .. فـ hilalemooot و G E R R A R D من أنشط أعضاء المنتدى و أميزهم .. وهم محل الثقة و المندى لازال يملك الكثير من الأقلام المميزة .. ع العموم يعطيك ألف عافية يالغالي على حرصك .. إقتباس:
ليش ما حطيت الآرسنال معهم :d |
الله يعطيك العافيه على حرصك .. وبالفعل المنتدى فقد الكثير من بريقه السابق والسبب بعض النقاشات السخيفه + الغياب التام من المشرفين قبل تعيين احمد وبدر وهالشي ساعد من يتداول هذه النقاشات لان الحبل كان متروك على الغارب .. اتفق معك بشان الايقافات بالنسبه للاعضاء .. فلا يوجد ثواب من دون عقاب .. تحياتي .. |
الله عليك .. تسلم يدّيك أبومحمّد .. :d كفّيت ووفّيت والله .. وياليت كلّ الأعضاء مثل عقليّتك .. :) والله يا أخوي أحمد إنّي أنا وباقي المُشرفين ما قصّرنا .. لكن بعض الأعضاء هداهُم الله هوايتهُم إفتعال المشاكل من أبسط الأشياء .. وكأنّك تتكلّم على أحد أقاربهُم .. وأنا كنت في السّابق أترك الشّبكة أما للنّوم أو للرّاحه .. أرجع وأحصّل كلّ شي مقلوب رأس على عقب .. لكن بعد إنضمام الغالين .. هلالي موت وجيرارد .. تحسّن الوضع .. وصار فيه إنضباطيّه أكثر .. لأنّك مثل ما أنت عارف اليد والواحدهـ لا تُصفّق .. أتمنّى وأتمنّى وأتمنّى من جميع الأعضاء نبذ التّعصّب وترك الخلافات وفتح صفحة جديدهـ من الآن .. :) مشكور أخوي أبومحمّد .. :) |
يعطيك العافيه على الموضوع الرائع .. والله انك صادق مع إني ما لحقت على قبل سنتين زي ما تقول لكن كنت متأكد أن المنتدى مر عليه أوقات أفضل من كذا .. :yes: كفيت ووفيت ويا ليت من الجميع العمل ليكون المنتدى هو الأفضل .. وترك النقاشات الحاده الي ما لها داعي ..:) والمنتدى لن يرتقي بالإيقافات وتقفيل المواضيع (فقط) .. بل سيرتقي برقي فكر أعضاءه .. وبس وبالنهايه أشكرك على فكرك الراقي .. ونتمنى من الجميع يصيرون زيك .. وشكرا .. ;) ^^GREAT INTER^^ |
هلا و الله بسميي كلامك كله صحيح و بالصميم هناك بعض الاعضاء الي يتعمدون بإفتعال المشاكل و بعضهم اذا كان الموضوع في وادي و هو خاش عرض ما ادري وش يبي بس يبي ينكد ويسبب مشاكل الي مثلهم احسن شيء التجاهل في بدايه المنتدى كنت ارد عليهم لكن عرفت ان احسن اسلوب لهم هو التنطنيش و عدم الرد عليه على الاصح اكبر عقلي عليه و خله يتكلم لبكره ما دام ان هدفه معروف لكن بعد ان اصبح كل من هلالي موت و جيرارد مشرفين تحسن المنتدى من اول الواحد يرحم نستـ 10ـروي تقول ما فيه احد غيره :d بس هم لما جوا لقيت المنتدى تحسن للأفضل و قلت المشاكل الي كانت تحصل من الاعضاء في النهائيه هي عبارة عن اراء و المفروض الواحد يكون له احترام للشخص الاخر لانه بصراحه مطقله راينا لنفسنا لا يصل لهم ابدا و الانديه الي يسمعنا ندافع عنها يقول محامين عنهم :d :d و في الاخير و مشكور على موضوعك |
بسم الله الرحمن الرحيم يعطيكم العافية شباب كلكم ما قصرتوا كفيتو ووفيتو خصوصا أخوي أبو الريش على اهتمامه الصادق وإخلاصه للزعيم اللي هو ينتمي له فيه شي ودي أقوله : وهو إن التعصب ما هو قوة زي ما يعتقد كثير منا بالعكس التعصب ضعف .. وضعف كبير بعد البعض منا يحسب إن المكابرة والصراخ هي قمة القوة .. وينسى إن القطار الفارغ دائما ضجيجه أعلى! وحنا وش اللي خلانا نتراجع وخلا رياضتنا تتراجع ونبدأ نأكل في هالثمانيات إلا إننا تركنا العمل الجاد والتفكير المرتب وتفرغنا للمزايدات والمشاحنات .. حتى في الصحف الرسمية بكل أسف اللي يجمعنا بطبيعتنا كبشر قبل حب الهلال .. هو حب الإبداع والجمال والجمال هذا ماهو محصور في فريق واحد أو في شيء واحد الجمال نسبة وتناسب الكل له قسمة منها ..تزيد أو تنقص عند شيء على شيء المهم موجودة هالنسبة!.. والكل له طريقته في تقديم الجمال .. باجيو له طريقته في تقديم الجمال .. وبيرجكامب له طريقته .. وحتى دونقا وكانفارو لهم طريقتهم في تقديم الجمال .. الإبداع ما هو مقصور فقط على مهاجم يعدي مثلا .. حتى مدافع يستميت في الدفاع ويعرف كيف يستخلص الكرة أو لاعب وسط ينظف منطقة فريقه لتبدأ العمليات الهجومية هذا بحد ذاته جمال وإبداع كبير .. المطلوب منا فقط هو إننا نتذوق هالجمال .. أو بالأصح .. نعرف كيف نتذوق هالجمال ! وكون طريقة تيري هنري مثلا في تقديم الإبداع تستهويني .. هذا ما يخليني ألغي وأنكر إنه ما فيه الإبداع اللي يقدمه أوين مثلا .. وحتى لو أنكرته بيلتغي يعني؟؟ لا خلاص هو موجود وثابت بس يمكن أنا اللي فكرت إنه ممكن إذا أنكرته ينتكر وفي الحقيقة ألغيت عقلي أنا!! للأسف الفرق والناس الكفار اللي قاعدين نتناحر عليهم وحنا مسلمين ويسببون الفرقة والشحناء بيننا هم أنفسهم ما يسوون اللي نسويه ولا يعرفون هالمزايدات هذي .. تلاقيها أول ما تقوم عندهم تخمد بطبيعتها .. لأنه فيه سلوك حضاري للأسف عند الكفار يفتقر إليه كثير جدا من المسلمين ..وهذي مصيبة بحد ذاتها .. والسالفة كلها ما تسوي .. الفريق اللي ما يفوز اليوم يفوز بكرا .. واللاعب اللي ما يكون في الفورمة اليوم بكرا يمشط الملعب .. وهكذا حال الدنيا في كل شي .. سجال .. بس عاد وين اللي يتأمل؟ :no: المنطق زين يا شباب ولا يكلف شي .. بالعكس يطور الشخصية .. ويعكس قوتها ..يعلمك إن اللي قدامك إنسان حر فعلا في آراءه وجريء في منطقه وقادريقول اللي يحس إنه حقيقة حتى لو كانت على حساب أي شي.. بعكس التعصب الأعمى .. البغيض .. اللي ما يحسسك بشي كثر ما يحسسك إن اللي يلجأ ما هو شاطر في شيء إلا في التهجم التافه أوالتهرب منك ومن الرد أو الكلام اللي هو عاجز عنه!! نتمنى .. إن منتديات الزعيم تحوز على لقب الزعامة الحضارية فعلا.. وتعلم الثانين كيف يكون الفكر الكروي المتحضر والمتطور واللي قابل للتطور في كل مرة .. مو الفكر المتحجر اللي قابل للتراجع دوما!! .. بجد نتمنى يبدأ الصح من هنا ترى الموضوع مو صعب .. نحاول يا شباب s60s |
كلام جميل ورائع منك أخي الكريم فكرة أريد إيصالها للأعضاء وهي أن مايفعله بعض الأعضاء ولا أقصد أحدا محددا يجعل كرة القدم محرمة شرعا لماذا لأنها أصبحت تسبب العداوة بين المسلمين وهذا مايريده الكفره نحن نريد آراء تطرح وتحترم من الطرف الآخر إذا لم تقبل الطرف الآخر فلن تقبل من الناس خلال حياتك وإذا رأيت رد إستفزازي فأترك الموضوع بخيره وشره الوضع الآن أصبح لا أقول سيئا ولكن هو أقرب مايكون للسيء لانريد هذا الشيء نريد من جميع الأعضاء بلا إستثناء نسيان الماضي وفتح صفحة جديدة إنسوا ماحصل نريد قلوب نظيفة لا أقول أن تحب باقي الأعضاء ولكن إحترمهم أنت لست مطالبا عزيزي العضو بالرد على كل عضو يتكلم على ناديك المفضل دعه وشأنه أنا لفت نظري في توقيع الأخ الغالي والعضو المثالي S U L A I M A N كلمات جميلة تقول إِنْ بُلِيتَ بِشَخْصٍ لاخَلاقَ لَهُ *** فَكُنْ كَأَنَكَ لَمْ تَسْمَعَ لَهُ وَلَمْ يَقُلْ وأيضا هناك بيتين آخرين تحلوا بهن جميعا ليس بالمنتدى وحسب بل في جميع شؤون الحياة ودعه شعار لك يقول الشاعر يخاطبني السفيه بكل قبح *** وآسف أن أكون له مجيبا يزيد سفــاهة وأزيـد حلمـا *** كعود زاده الإحراق طيبـا أشكرك أخي الكريم وأشكر جميع من ردوا بتلك الردود الجميلة وأكبر دليل على روعة الموضوع هو أن المشرفين ردوا وهذا يؤكد أن الموضوع إستثنائي s60s وأنا آسف على الإطالة :d تحيتي للجميع ;) |
السلام عليكم ورحمة الله وبركاته كلام كبير من رجل كبير فعلا هذا ما نحتاجه التقدير بين الجميع كما هناك اخلاق رياضية بين الرياضيين نتمنى ان تكون بين المشجعين والمشرفين ايضا بحاجة لمساعدتهم من الاعضاء بتجنبهم مثل هذه الامور والتي في بعض الاحيان لا تجد لها اي مبرر ليست امانينا فقط بان يعود المنتدى كما كان بل افضل مما كان إقتباس:
ختاما لاعدمناك اخوي احمد |
تسمحولي أقول شي بدون زعل حنا حارقين رزنا على مافيش أبي أعطيكم مثال واتمنى من أخوي أحمد وأخوي ميلانيللو مايزعلون الاخ أحمد التويجري والاخ ميلانيللو قبل لا تصدر قرارات الهبوط والخصم من النقاط أقسم لكم أن أحسن هالاثنين بيتذابحون يعني يرد الاول يجيك الثاني مشوت الفين بيرد عليه يرد الثاني يجي الاول مشوت خمس الالف. ليش طيب نسوي كذا أب افهم قسم بالله انا من الناس اللي يموت بالكوره لاكن اكره شي اسمه تعصب يعني انا مثلا ممكن تلاقيني صاحب ميول أرسناليه لاكن اموت بلعب تشيلسي أحب الريال لاكن والله ماأكره البرسا بالعكس على قولت طيب الذكر يوسف سيف أعلق وافضفض . مسالة التعصب ومسالة هذا فريقي وهذا فريقك أحس انه سخيفه واعذورني على ذكري لكلمة سخيفه واحب ان اذكركم أن كرة القدم وجدت للتنفيس عن الناس لا لايجاد الكره والحقد بينهم دعونا نرفع انفسنا عن بعض هذه الامور ............. اريد ان اطلعكم على بعض مايشهد لاخوي ابو الريش في مايقول زر هذا الرابط : http://vb.alhilal.com/showthread.php?t=317824 الامثله كثيره لاكن مستعجلين واسف للاخ أحمد التويجري والاخ ميلانيللو على ذكر اسمائهم لاكن والله لم اذكر اسمائهم الا لان اريد المحبه تسود بينهم ,,,,,,,أحلي ياتسود . أخوكم / الزع9يم ،،، مشعل الجنفاوي |
السلام عليكم .. اول شي حبيت اشكرك على موضوعك الرائع واللي جاء بوقته بصراحه لان حال المنتدى ابدا مايسر احد .. واهم شي اننا نتعاون على ان يعود المنتدى الى سابق عهده .. واهم شي خطوة الادارة بوضع المشرفين الجدد hilalemooot و G E R R A R D من ابرز الاعضاء في المنتدى .. واخوي الزع9يم ياليت لو عندك ملاحظه او اي شيء تكون بدون ذكر اسامي لكي لا تسبب المشاكل او زعل بين الاعضاء .. واخيراَ اهم شي الاحترام والمحبه بين الاعضاء والاخلاق الرياضيه .. اخوكم / محمد |
كفو يااحمد s60s شي مهو غريب عليك s60s وانا معك بكل حرف ونقطة وفاصله ؛؛ ;) واعترف بهالشي قدام الشباب ــــــــــــــــــــــــــــــــــــــــــ بس فيه رد فقع مخي :bigeek: إقتباس:
لو قلتي لي واحد غير احمد صدقتك :rolleyes: علاقتي مع احمد ممتازه وزي السمن على العسل :clapping: حتى لو اختلفت معاه ؛؛ هو يدري عني s60s اخيرا ::: أسجل حضوري وشكري للأخ أحمــد ؛؛ وإن شاء الله نشوف الرادع ؛ لو كان الضحيه الأولى أنا . عادي :d اتمنى تثبيت الموضوع من المشرفين ؛ موتشااا قراتسي مـيـلانـيـللـو |
مشكور ,,,,,,,, وبالتوفيق... |
هلا بحموده < يقال انه يبي يدلعه خخخخخخخخخ موضوع قد يفيد ولكن البعض ممكن لايستفيد .. ! النقاشات الجاامده الحااده مافيه اي ماانع منها وهذي بعض الاعضاء يتفهم الموضوع والبعض الاخر نيته من قبل لايقرا الموضوع مثل ماذكرت تصفية حساب وتشووفوه يخررج بمساار الموضوع الى مسائل شخصيه .. تكلم براحتك ناقش براحتك وأزعل براحتك لكن في حدود يعني اذا احد تعررض لناديك وسبه الحقد والكره اشياء من غريزة الانساان احد يقدر يخفيها واحد مايقدر .. يعني انت اذا عندك شيء تقدر تخالفه في الموضوع فماخلق المنتدى الا للأخذ والعطى والاختلاف مايفسد للمحبه شيء لكن ان تقلب الموضوع رأس على عقب لأنه ماجازالك او انه عشااانه تكلم على نااديك فتبدأ سب الشخص نفسه فهذي تثبت ضعفك واقتناعك بما يقوول ولذلك رحت تدوور تبرير للافعال بردود سلبيه تنعكس عليك انت ولاتضرر غيرك وانت من يتحملها كامله مال المنتدى اي دخل في رأيك ولا الاعضاء الاخررين .. موضوع أكيد بتحصل فيه ثغررات رد عليهاا واترك البااقي يتحمله هوو فيه بعض الاعضااء ( بدون ذكر اسماء ) يجبررك على احترامه غصب وتعترف انت انك مخطي بدوون مايقوولك اي شيء ولكن لسبب واحد هو احترامه لك ولموضوعك ونوعيه ماتسمع منها الا اللي يسررك وتحصله يرد على اللي يخصه وناديه ومايتلفت للباقي ليه مانكون مثل هالنووعيه ؟ ابو حميد مسألة الايقافات انا معهاا ومازالت اطاالب بهاا الى بكرره اتمنى خلااص الحبل ترك اكثر من ماكان متووقع ولكن الاان نتمى صفحه جديده من الاعضاء وايضا من المشررفين فيها شووية حززم اكثر من الساابق مشكور ابو حميد وان شالله مالك الا اللي يسررك مع بداية الموسم منا جميعاا |
السلام عليكم أحمد يااخي موضوعك طويل .. هد شوي .. طيب كان كتبته على جزءين :d المهم جلست يومين أقراه بدون إنقطاع :sleep: وفهمت معناه بدون مااقراه :razz: طبعا ً كل واحد يتكلم عن نفسه .. أولا ً ويعلم الله اني لااحمل أي شيء ضد أي عضو وتجدني أعارضه في موضوع واوافقه في آخر .. المهم مالنا دخل فيني :D تشيلسي أحد أكبر الفرق في أوروبا << هيه وقف وش دخل تشيلسي :razz: طبعا ً أتمنى أن يعود المنتدى كما كان مع عودة الأقلام المتميزة التي غادرت دون سبب واضح .. ونتمنى ميلاد أقلام رائعة أخرى .. ولنجعل شبكة الزعيم الشبكة الرسمية لـ الهلال هي الأفضل في كل شيء .. نتمنى بعضا ً من العقلانية والإتزان في الردود وأن لانربط موضوع مع آخر المهم الثاني .. شهادة حق .. منتدى الرياضة العربية والعالمية سيكون أفضل بإذن الله بـ وجود إبراهيم وبإنضمام أحمد وبدر .. ومع بداية الموسم سيكون إنطلاقة حقيقية لـ الشبكة في كل شيء .. ونتمنى أن يبدأ الأعضاء صفحة جديدة كما قال أحمد وأن ننسى كل الماضي السيء وألا نذكر سوى الذكريات الجميلة لـ كي نرى حاضر مشرق بإذن الله كـ حاضر تشيلسي :d إقتباس:
تحيتي للجميع ؛ ؛ ؛ |
مـاقــصــروا الشـباب في اللي كـــتـبـوه :) .. ووالله ان هذا الموضوع كان في بالي امس اني اكتبه :) .. لكن سبحان الله القلوب من بعضها :) .. بالنسبه للنقاشات الحاده والمستفزه .. اتمنى من هلالي موت وجيرارد .. انهم يايقفلونها .. او يحذفونها ! المقاشات اللي نبيها .. هي المناقشات الهـادفه :) .. وهي اللي تفيدنـا .. اما الأعضاء اللي يخشون الموضوع ويتكلمون عن اطراف مالهـا علاقة بالمـوضوع .. فهـذي ماندري وش الحـل معـهـا ؟ .. اللي نبغـاه ان يكـون كل من يرد على الموضوع انه يكـون في صـلب الموضوع .. هذا مااتـمنـاه انـا :) .. شــاكــر لك اخوي ابو الريش .. " تراي من اكبر المعجبين بكتاباتك " :$ .. |
إقتباس:
s60s |
ابداع اخوي ابو الريش ان شاء الله نستفيد من الموضوع |
يعطيكم العافيه وكلام بالصميم .. والحمد لله ماجبتوا طاريي ؛؛ |
السلام عليكم أول شي أحب أشكرك أخوي أحمد على موضوعك واللي واضح انه من القلب طالع :) طبعا أكيد هالشي طالع من حبك لهالمنتدى .. كما هو حال غالبية الأعضاء طبعا .. طبعا تسلم يمناك على هالكلمات اللي تبرد التسبد والله .. بالصميم ياليت لو نشوف شوي حزم من الإدارة بالنسبة للردود الإستفزازية .. لكن أستغرب شي صراحة .. موضوعك ماصار له 24 ساعة مفتوح .. تجد أعضاء يردون بالموافقه هنا والتأييد .. لكن تجدهم في المواضيع الأخرى .. ردود استفزازيه وما الى ذلك .. !! طبعا الكلام هذا لاينطبق على الجميع .. بل أقل من القله لله الحمد :) |
تسلم اخوي وموضوعك حكم ولكن اتمنى قبل كل شي اذا فيه اشخاص مو محترمة انفسها بالاول انها تنطرد او توقف لان بعض الناس تدور المشاكل دواره عموما انا عن نفسي اعلن الالتزام |
والله يابو حميد كلنا ودنا يصير كذا بس المثل يقولك ان الايد الوحده ماتصفق وانا والمشرفين مانقدر نسوي شي بلحالنا لازم تعاون الجميع اهم شي احترام الرأي الاخر ياشباب وعدم وضع الردود الاستفزازيه لو نبدأ بحل هالمشكله صدقوني كل شي بيكون تمام الف تحيه لك ابو حميد |
أخوي أحمد.. أول شيء الله يعطيك العافية.. ثاني شي.. صدقني كلنا يد وحدة مع مشرفينا.. ثالث شيء.. كلامك أكثر من رائع.. لكن اللي يعيب أكثر شي في المنتدى.. المشاكل اللي تصير بين عشاق.......... و بين عشاق................... كل عضو يقول فريقي أفضل من الثاني وتبدأ المشاكل.. ياناس والله إن التعصب مايجيب إلا المشاكل على نفسك و على غيرك.. ياناس.. اللي فات مات.. نبي نفتح صفحة جديدة من اليوم.. يعطيك العافية أخوي أحمد.. |
الجميـع نورتـوا الموضوع بمروركم .. لي عـوده مع الردود واحد واحد بأذن الله وفكرتي هي ان النقاش يكـون هادفـ وفيـه أحترام متبادل فـقط .. ماكانت فكرتي ان الموضوع يكون محطه أخباريه فقط دون نقاشات الرأي والرأي المخـالف لـه وطرح وجهـات النظر هو ما وضع له هذا المنتدى .. ولـكن بأحترام تحيتي للجميع ومنورين الموضوع ولي عودهـ قريب مع الردود ان شاء الله |
صدقت ابو الريش صح خبرتي قليله بس الي شفته مب قليل هوشات اربع وعشرين ساعه عنصريه مب طبيعيه يعني واحد يتهاوش مع ثاني يجيب واحد منهم اسطورة يقول انه فاشل لهدرجه وصل التعصب يعني امس الظاهر واحد يقوول ((مالديني فاشل)) ويييييييييييييييييييييييييين يابو مالديني مرة وحدة يا خي يقولون((حدث العاقل بما يعقل)) بالفعل ابوالريش موضوع المنتدى بامس الحاجه اليه اكرر شكري لك تحياتي\يوسف |
مشكور ياطل على الموضوع .. ونا مثلك ياصديقي نبي المنتدى يرجع زي اول واحسن واسف اذا كاني غلطت على احد بدون ماقصد .. وفووورزا ميلان .. |
والله انك جبتها عـ الجرح صراحه بـ اتكلم شوي كـ قد تبدوا لك الامور هـ كذا فـ هذا المنتدي ولكن صدقني دخت ورحت وجيت ماحصلت زي منتدي الزعيم رغم انك ترا الامور بـ هذا الشكل وبـ رغم وجود اعضاء كـ ما ذكرت يـ سعوا لـ تحريك الجوا ولكن هناك اعضاء مميزين جدااا فـ ردودهم وهم فـ هذا المنتدي فقط كثيرين فـ قليل ماتجد شخص يدخل موضوع وكانه داخل استعراض لـ العضلات اتمني ان نرا حوار بعيدا عن الاستفزاز وانا استغل هذة الفرصة لـ الاعتذار عن اي شيء بدر مني تجاة اي شخص فـ الفترة الماضية |
ما شاء الله عليك أخوي أبو الريش كلمات نابعة من صميم قلبك أهنئ أنفسنا بكاتب مثلك طبعا الأختلاف في الرأي لا يفسد للود قضية إذا رأيت موضوع لك الحق بالرد ولكن بحدود وشروط الأدب وعدم التقليل من شأن المقابل نحن لا نعرف بعضنا شخصيا ولكن هناك أشخاص تحبهم من خلال كتاباتهم ولو كان من مشجعي فريقك المنافس يعني بالنسبة لي أشجع الريال واستمتع بجمال لعب البارشا وأيضا تعجبني بعض أقلام مشجعي البارشا وأهمهم الرائع S U L A I M A N واللي مثل S U L A I M A N كثير لا يسع المجال لذكرهم أقول لك شكرا على هذا الموضوع الرائع وأحب أن أهنئ الرائعين جيرارد وهلالي موت على المناصب الجديدة وبالتأكيد بوجودهم المنتدى يتجه للأفضل |
يسلم تمك يا احمد :p انا شخصيا متفائل خير بابو حميد و ابو صالح و ان شاء الله هم من سيعيدون المنتدى الى مكانه الطبيعي .. ;) لا خلا و لا عدم يالغالي .. |
صح لســــــــــــانك |
في البداية تحية طيبة لك اخوي ابو الريش والف شكر على هذا الموضوع ..... كلام رائع في الصميم ينم عن عقلية واعية تسعى لرقي وتطور هذا المنتدى العريق والعزيز علينا جميعا :clapping: ..... كتبت مايدور بخاطر الكثيرين منا واعتقد لو ان كل واحد من الأعضاء الأعزاء فكر في كلامك مليا ووضعه نصب عينيه قبل كتابة أي موضوع او رد فلن نجد في هذا المنتدى سوى مجموعة من الموضوعات والنقاشات الهادفة والبعيدة كل البعد عن الاستفزاز والانتقاص من حق الآخرين بتشجيع فرقهم ..... كل الشكر لك مرة أخرى والشكر موصول لجميع الإخوة الذين أثروا الموضوع بردودهم العقلانية والجميلة .... وكل الأمنيات أن نرى هذا الكلام يطبق بشكل فعلي من قبل جميع الإخوة الأعزاء ونحن لا زلنا في انتظار دوريات اوروبية ساخنة وممتعة .... تقبل مني اجمل واطيب تحيه ،،، |
والله مشكور من الاعماق على الموضوع الروعه وكلامك لازم يكون في عين الاعتبار |
اخوي كلامك عين العقل تشوف الناس يتكلمون تقول هذا ابوه عضو شرف في نادي فلاني....... والله شي يقهر إقتباس:
تحياتي لك ونلقاك على خير يا مبدع |
http://vb.alhilal.com/showthread.php?t=318678 8 مازلنا نعاني الجميع مؤيد لـفكره الصفحه الجديده .. ولكـن فيه عواقب .. لازم تبعدها عن الطريق ! لـي عوده مع كل رد بأذن الله |
مشكووووووووور اخوي ابو الريش والله كلامك كله صحيح و على العين والراس |
ردود تسعدك .. ومازال الوضع زي ماهوا .. موب المفروض نسوي فحص للوضع ونشوف وين الخلل فيه بالضبط ؟ بأنتظار أي جديد وزي ماقلت راح أرد ان شاء الله على الجميع اذا شفنا تقدم بالمنتدى تحيتي |
| الوقت المعتمد في المنتدى بتوقيت جرينتش +3.
الوقت الان » 09:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd