كل شي والا التفريط

بالكابتن / فيصل ابوثنين

عين العقل يافاهرهم....ياقاهرهم عفوا

السلام عليكم ورحمة الله وبركاته

حقيقة غريب أمر ابو أثنين كن ماعند الهلال الا هو؟
الفريق مقبل على نهائي واللاعب اللي يحرص على مصلحة ناديه مايسوي كل هالمشاكل بمثل هالوقت.

ياخوان ابو اثنين رايح والهلال باقي واللى يبي النظام على كيفه مايشوف شر;)

أم بالنسبة للاستاذ فهد المصيبيح فأنا لي مايقارب الخمس وعشرين سنه أتابع الهلال ولا أظن انه مر على الهلال لاعب بعقلية وأخلاق هذا الرجل ألا يمكن ( طير شلوى -نواف التمياط-)

ختاما دعو المصيبيح يعمل واستمتعوا بالهلال والله من وراء القصد

الأخ ياقاهرهم يا سامي لن أقول موضوعك ممتاز ووووو... لأنني أعتقد أنك اجتزت هذه المرحلة كما أن إشادتي لن تزيدك شيئاً.
ولكن أستطيع أن أقول أنني لا أدري ماذا تريد الجزيرة بالضبط ؟؟!!
وهل هي تعمل ما تعمله لإرضاء رئيس أعضاء ......؟؟!!
أو لكي تصلح خطأها الذي ارتكبته بحقه عندما سمحت لأحد الأشخاص بانتقاده والذي دفعت ثمنه رداً شديد اللهجة منه؟؟!!
والله فعلاً احترنا مع الجزيرة هذه !!!

-- لا أدري كيف تتمسك بعض الصحف بأنصاف الكتاب وأرباعهم وتغض الطرف عن اللي في بالي!!!

هلا والله بابو هيا...........مافي داعي امدح في مواضيعك الابداع يبان من العنوان
فيصل ابوثنين كلنا نطالب بلعبه وهو يملك قدم ساحره والله بس ياكثر مشاكله واتمنى انه يرجع لناديه

تحياتي ,,,

ياحيا الله ابو هيا ,,,

ياغالي اول ما قريت موضوعك جاء على بالي السيناريو التالي :

& .. الصحفي اياه : فيصل ورى ماتسوي عندنا مقابله صحفيه ؟؟؟

# .. فيصل : وش هو له ومقابله ليش ,,,,

& الصحفي اياه : مقابله صحفيه عاديه , نطرح فيها ( مشاكل الهلال ) ونسألك عن احواله ..

# .. فيصل : طيب وش محور المقابله ؟؟

& .. الصحفي اياه : محور المقابله بيكون ( التخبطات ) الاداريه في النادي , وخصوصا تخبطات ( المصيبيح )!!

# .. فيصل : أي تخبطات الفريق وإدارة الكره يمشون في الطريق الصحيح !!!!؟؟

& .. الصحفي اياه : لا فيه مشاكل وفيه تشدد وفيه , انت مالك شغل انت وافق وحنا بنعطيك الاسئله والاجوبه لو تبي!!

# .. فيصل : لا ياعمي اخاف اسوي لنفسي مشكله ووش يفكني من الهلاليين بعدين ؟؟

& .. الصحفي اياه : ابد انت مالك شغل انت نزل المقابله وبعدها اخذ اجازه , وحنا نتكفل بأن ترجع من اجازتك والامور على كيف كيفك , ولايعد يمكن نخليهم يتعذرون لك !!!!!

# .. فيصل : وش يضمن لي الكلام اللي تقوله ؟؟؟

& .. الصحفي اياه : انا اضمن لك هالكلام وانا اضمن ان الامور تمشي على كيفنا وانا اضمن لك الهلاليين كلهم
من بواب النادي الى اصغر مشجع للفريق !!!!

# .. فيصل : انت من جدك تتكلم وإلا بس تبي تورطني وبعدين تعطيني مقفاك !!

& .. الصحفي اياه : افااااا عليك يافيصل , ياشيخ حنا عندنا اللي يفررررر الاداره فرررررر بحجاجه

# .. فيصل : من هو ذا اللي يفررررررر الاداره فرررررر بحجاجه ؟؟

& .. الصحفي اياه : هذا الله يسلمك اللي سلمك من تصريحاتك السابقه وإلا انت نسيت ههههههههه.

اخوي ابو هيا ,,,

انا اسمع عن الوصايه والوصي , وما تأكدت ان هالكلام موجود إلا عقب اللي تابعته في الفتره الاخيره من خزعبلات , هاجمو اللي يبون , واستخدمو اللي يبون من اللاعبين , ووعدوهم بحمايتهم , وهذا هم ينفذون وعودهم ( عيني عينك ) واللي مايشتري يتفرج !!!!!!!!

اخوي ابو هيا ,

فيه قاعده تقول ان اللي يسوي اللي يبي ويغلط على الناس , وبعدها يطلع من غلطاته بدون خسائر ويمكن يكسب , هذا يسمونه ذكي جدا , ويقولون بعد ان اللي تمر عليه امور كثيره ( يُفترض ) انها مكشوفه , ويمشيها اكثر من مرّه ( يُعتبر) غبي جدا ,!!!!!

سؤالي : هل سيمرر الهلاليون هذه الامور بدون اتخاذ موقف يحفظ لكل ذي حق حقه ؟؟؟

وهل سيرضى المتضرر بهذا الامر وسيقبله بشكل عادي ؟؟؟

وهل سيكون للجماهير الهلاليه دور في ايقاف هذه المهازل ؟؟؟

انا من وجهة نظري ان تتخذ إدارة الهلال الاجراءات التاليه :

@.. ان تطلب ادارة الهلال إعتذار خطي من فيصل ابو ثنين للإداري الناجح فهد المصيبيح ,,

@.. بعد ان تستلم إدارة الهلال هذا الخطاب , يجب عليها ان تُقر عقوبه معينه ضد فيصل ابو ثنين لتعديه على رجل يعمل في الهلال بدون وجه حق ,,

@.. ان تُعلن ادارة الهلال قرار فوري (( بمنع )) جميع اللاعبين (( المحترفين )) من عمل لقاءات صحفيه كليا(خصوصا للجريده إياها) ومن يتعدى ويتجاوز هذا القرار يتم عقابه ,,,

@.. ان توقف إدارة الهلال التعامل مع ( بعض الصحفيين ) والذين اصبحو يشكلون خطرا على الهلال ,,,


ابو هيا شكلي طولتها ( صح ؟ )

تحياتي ,,,
العوّاااام ,,,

من جد ولله قاهرهم!!!!!;) ;) ;)

مرحبا اخي قاهرهم واخواني الهلاليين

في الحقيقه احنا نبحث عن مصلحة الزعيم حتى ولو تنازلنا عن بعض قناعاتنا اما بالنسبة لمشاكل اللاعبين فهي موجوده في جميع اندية العالم وكنت اتمنى من كل قلبي ان الموضوع ماتطور الى هذي الدرجه لكن حبا في الهلال ياليت نقفل الموضوع هذا ونتركه لرئيس النادي وصدقوني ماراح يصير الا كل خير لنا يالهلاليين ..امنحوا الرئيس فرصه خلوه يتصرف بحريه هذا وقته وخلونا نستمتع بالبطولات والا مليتوا منها

وسامحونا