|
(( الشــــــــايب والبـــنت )).. الله يكفينا شره ,., بسم الله الرحمن الرحيم بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب فيه بنت ملكعه وصاحبة مقالب :d :d قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون راحت له وردت عليه السلام كيف حالك يا شايب ؟؟:yes: رد السلام والله بخير الله يعافيك... وفجأه عطته ظهرها ومشت ولا استئذان ولا شي !!!!:nono: ولع الشايب من حركتها :nono: قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ;) ويذكر التاريخ واليوم اللي قابلها فيه يقول الشايب : يا بنت خوذي خاطري وارحميني لا تجرحين العود بعيونك السـود غضي نظرك وغطي الوجنتينـي لعل يومٍ جدد الجرح مـا يعـود يوم انتهى مع مرمسات السنينـي جتني صواديفه على غير مقصود باول شهر عشره نهـار الثنينـي حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه !! والمسكين ما كان يدري انها شاعره وعلى باله ما خذ راحته في التغزل ... ردت عليه وهزأته تقول :: يا شايب الرحمن وينـك ووينـي عزي لحالك قدمك الباب مسـدود قلبك عطوف وجاه قلـبٍ متينـي والبنت ما تشفق على مغازل العود حبل الرجا مقطوع بينـك وبينـي مثل الغليث اللي رعا قلبه الـدود اقفى شبابـك والعـرب مقبلينـي يا عود ما يرجع من العمر مفقود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول حمدان : يا بنت صـدي بالعيـون الظليلـه لا صد عنـك الله نهـار القيامـه مالي ومالك يالفـروع الطويلـه لو فيك من رسم البـداوه علامـه يابنت مـا لـي بالثمانيـن حيلـه اهدف كما تهدف على البير قامـه اقفى شبابي والدهر شفـت ميلـه يالله حسـن الخاتمـه والسلامـه اعطيك موجز والبضاعـه قليلـه واخذت لك من صافي الماء سنامه راحت الايام والشايب مسكين !! سنه خذله معها شايب وهي بنت وتقول له كيف اعطي شايب وجه ؟؟؟ بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان: يا بنت ما جاك الكبر والخشونه وعادت شباب اليوم يجفل من الشيب ياسرع ما وبلك تمزع مزونه يالفاتنه يا ام الثمان الرعابيب يا بنت ما بيني وبينك مهونه كلمة شرف نبي تحيه وترحيب الله من عودٍ ثقيله طنونه ينصاه راع المشكله والمواجيب على الكرم والدين نفسه حنونه تلقاه بالاجواد شرق وتغاريب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت :: العود عود وطايحـاتٍ سنونـه من كثر ما يرقد على جرة الذيب عودٍ مهرقل والعرب ما يبونـه ياعود ما لك في طويل المراقيب اقفى شباب العود راحت حتونه مثل اليتيم اللي بكا ما له مجيب جداه ينثر دمعـة ٍ مـن عيونـه غريق موجٍ ما لقا له مقاضيـب هذي سالفة الشايب والبنت وسلامتكم وتحياتي للجميع.. :D أخوكم: الذئـــ الأزرق ــــب.. |
وأنا ما زلت ألاحق إبداعاتك ومواضيعك الرائعة ................ الله يعطيك العافية ومشكور على المواضيع الروعة والمتنوعة وأنا شخصيا أحب هذا المسلك القصصي الذي تتخذه ............وإلى الأمام يامبدع |
هلا بالذئب الازرق والله محاوره شعريه حلوه وتسلم اناملك على هذا الموضوع بس هالشايب حبيب بالغصب يبي البنيه والعجوز احب منه خذت القصيد وودته مشكور على الموضوع تشـــــــــــــــــــــــــــــــــــــــــــــاو |
والله مسكين هالشايب وعلى نياته مسكين يعطيك العافيه على ابداعتك المتواصله وتقبلوا خالص حبي واحترامي °•°ابو فيصل°•° سبحانك الله وبحمدك ..اشهد ان لا اله الا انت استغفرك واتوب اليك |
مشكور اخوي على الموضوع الرائع |
و تـقـولـون لـي لـيش اكــره الـبنــات :d .. ؟! |
يعطيك العافيه قصه شعريه جميله (والله رحمت الشايب :d) |
مشــــكورين ع المـــرور الموضــوع نور بوجودكم.. :) |
والله ان هذا الشاايب مهب صااحي هذا وهوو شااايب يسوووي كذاااا !!!! |
^^^^^^^^^ هههههههههه ^^^^^^^ مصرقع .. هالشايب قوووووه .. |
| الوقت المعتمد في المنتدى بتوقيت جرينتش +3.
الوقت الان » 10:44 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd