ترتيب هدافي الدوري الأسباني ..

الترتيب اللاعب النادي عدد الأهداف

1 رود فان نيستلروي ريال مدريد 22

2 دييغو ميليتو ريال سرقسطة 20

3 فريدريك كانوتيه إشبيلية 20

4 رونالدينيو برشلونة 19

5 فورلان فيا ريال 16

إقتباس الرسالة الأصلية كتبت بواسطة just for hilal قولوا لهم ما نبيه أول شي اللاعب بالعادة ما يقدر يكمل مباراة كاملة بنفس المستوى , يعني المخزون اللياقي عنده سيء وهذا نفس اللي يعاني منه موتا .... " شخصياً أشوف موتا أفضل من محمد سيسوكو " ثانياً إصاباته كثير ونادراً ما نشوفه يلعب ثلاث أو أربع مباريات متتالية , وهذا أيضاً نفس اللي يعاني منه الثنائي موتا وإدميلسون , وبكذا نصير كمن يداوي الداء بالداء أخيراً رونالدينيو مسكين لازم نحافظ على مشاعره , مهيب معقولة بعد اللي صار له من محمد سيسوكو نجيبه يلعب معاه في فريق واحد طيب وش رايكم في أوبي ميكيل ؟؟

طـيـب وش رايـك فـيـنـي . . مـن جـد يـالـغـالـي مـلاحـظ الـدنـيـا مـضـيـقـة عـلـيـك و لا أحـد عـاجـبـك

الـحـيـن مـوتـا أفـضـل مـن مـحـمـد مـاعـلـيـش دورت مـيـزة بـ مـوتـا لـكـن مـاحـصـلـت .

إقتباس جماهير برشلونة تريد تقديم المال لمنافسي الريال من أجل إعاقته في طريقه نحو اللقب في تصويت نشرته صحيفة السبور الكتلونية 70 % من المصوتين يؤيدون فكرة تقديم المال كمحفز لمنافسي الريال في المباريات الأخيرة وهم ديبورتيفو و سرقسطة ومايوركا .. بينما 30 % فقط عارضو الفكرة .. جمهور برشلونة يريدون إعادة التاريخ وفوزهم بالليغا 91-92 و 92-93 بتقديم المال للاعبي تنيريفي من أجل الفوز على الريال.. فقد إعترف رئيس برشلونة السابق جوسيب لويس نونييز أنه دفع المال للاعبي تينيرفي لتحقيق نتائج إجابية في مبارتهم الأخيرة من الليغا أمام المتصدر أنذاك ريال مدريد وكان له ما أراد حيت حقق تينيريفي الفوز على الريال وسمح ذلك لبرشلونة بتحقيق اللقبين. المصدر ارائكم ;) مـــــــ حـــــــ مــــــــــ د;)

والله يا الغالي أشوفها عادي بالنسبة لـ الريال .. يعني فريق ما يثق بقدرات فريقه ولا يضمن التسع نقاط الجايه أكيد يسوي كذا ..!!

لكن لابورتا مستحيل يسويها ..

يعني أنا ما أشوف أنها رشوة .. فيه فرق بين أنك تعطي فلوس لخصمك .. أو تعطي فلوس لـ خصم خصمك << أتحدى أحد فهم

لكن لو يعطون كل لاعب 100 الف من عملتنا الجديدة مهب فايزين << الا وش رايكم بالعملة الجديدة والله يا هي كشخه .. تصدقون مطفر ومعي بس ما نيب صارفها << والله يا عليك خشه

إقتباس على ذمه L'Equipe البارشا قريب من محمد

يا ويليه لو يجي .. وأنا أخالف واحد من الشباب يقول أنه لياقته ضعيفه ..!! الدوري الاسباني نبي لاعب عنده ربع لياقة خال في الدوري الأنجليزي دوري سرعه اللي ما عنده لياقه ما يمشي ..!!

أتمنى بصراحة سيسوكو .. خاصه أن الليفر دعم صفوفه بـ لوكاس و زيادة الثقة بـ ماسكيرانو يعني الوضع مضبوط عشان يجي ..

إقتباس طيب وش رايكم في أوبي ميكيل ؟؟

ميكيل ما يلعب محوز دفاعي ..!!

بعدين مستحيل يفرط فيه تشلسي لا تنسى تراه صغير تشلسي خاطفينه من مانشيستر يعني غالي عليهم هالخال

إقتباس الرسالة الأصلية كتبت بواسطة Hilali 3asal مبروك لمشجعي الميلان وخاصة محمد (هلال الزعامه )

الله يبارك بأيامك يابو سلطان ..

إقتباس الرسالة الأصلية كتبت بواسطة S U L A I M A N مبروك عشاق الدفاعات الإيطاليه

هاردلك ياعاشق المتعه الليفربوليه


ـــــــــــــــــــــ

YNWA

عطونا الونسو بس

إقتباس " شخصياً أشوف موتا أفضل من محمد سيسوكو

وشخصيا اشوف انك خطر على الرياضه بشكل عام

إقتباس الرسالة الأصلية كتبت بواسطة هلال الزعامه وشخصيا اشوف انك خطر على الرياضه بشكل عام

اموت في ردودك هلال الزعامه ههههههههههه

----

محمد .. ليس كثير الاصابات بكثر ماهو سئ الحظ ..

يعني اللعام غاب فتره طويله بسبب تعرضه لضربه كادت ان تذهب نعمة البصر لديه ..

يعني مولازم تكون فترة غيابه لاصابه رياضيه يعني ..

----

ثانيا .. الاعب متنوع المراكز .. لعب فتره ظهير يمين .. ويلعب في مركزي المحور المتقدم والليبرو ..

لياقته عاليه جدا .. والدليل .. ماوقف في مباراة برشلونه .. وعذب الكل ..

----
لكن اتمنى انه نتوفق في الصفقات .. يجيبو اي واحد ... بس المهم نتوفق فيه .. يعني ممكن الونسو مايكون هو الاعب الا يراقب صح .. لكن ممكن تكون قرائته للهجمات افضل من غيره .. لكل واحد ميزه .. يعني مثلا .. قوارديولا .. ماذكر اني شفته يوم لازق في فخذ واحد زي ارتكازات هالأيام ... لكن كان يقرأ هجمات الفريق الثاني .. ويحلل خطط الفريق المقابل بسرعه .. يعني هذي ميزه .. وموهبه ربانيه عطاها اياه الله ..

يعني .. صعب تحصلو زي ميكاليلي .. رغم قصر قامته .. الا انه يعرف كيف يعذب الاعب المقابل ..

صعب تحصلو .. زي فييرا .. وصعب تحصلو زي دافيدز ..

بس من الجهه الأخرى .. لو جا فييرا الينا .. هل تضمن انه يكمل 90 دقيقه كل مباراه .. فييرا كثير العصبيه .. يعني لو يجي اله لاعب .. ويمرر عليه كم كبري .. يتنرفز .. وممكن ينطرد .. فيصير نقمه .. وليس نعمه ..

احنا الا لاحظناه .. انه الاعب في البارسا .. يراقب الاعب الثاني لوحده .. ولكن نرى الفرق الأخرى .. تراقب الأطراف بلاعبين ... يعني رونالدو كريستيانو .. في كاس العالم .. راقبته فرنسا دائما بلاعبين .. رونالدينيو امام فرنسا .. بلاعبين واحيانا اكثر ..

كريستيانو رونالدو .. امام .. الميلان .. نفس الحكايه ..

---

هالشي ماتحصله في البارسا .. لأنه اللياقه عندنا اقل من الفرق الباقيه .. وايضا القوه البدنيه .. هذي مشكلتنا ..

---

على العموم .. انا مومتفائل بالصفقات .. يعني .. لاتحطو في بالكم لاعبين زي دانييل الفيس .. او ابيدال .. او او او .. هدولي كلهم اوهام ..

حيووووووووو

إقتباس الرسالة الأصلية كتبت بواسطة H U N T E L A A R مـن جـد يـالـغـالـي مـلاحـظ الـدنـيـا مـضـيـقـة عـلـيـك و لا أحـد عـاجـبـك .

يكفيني إنك عاجبني



بالنسبة لموتا , ما أخذ فرصته , وفوق ذلك ما اشوف فيه عيب إلا كثرة الكروت الصفر ( وهذا صحيح يعتبر عيب بس كل لعيبة المحور بالعالم معروفين بكثرة الحصول على الإنذارات وفييرا أفضل مثال ) , أيضاً الإصابات مؤثره على تواجد اللاعب بشكل إيجابي ويمكن تهميشه بالإحتياط من أسباب الإصابات المتلاحقة على اللاعب , أنا أذكر تورام صرح يوم ما كان بالإحتياط ومصاب على طول وقال إن إنقطاعه عن المباريات قد يكون سبب في كثرة الإصابات عليه , وهذا الأمر قد يكون هو الحاصل لماركيز حالياً



أما سيسوكو فأنا متابع للاعب من بداية الدوري الإنجليزي , اللاعب تألق بشكل كبير في مباراة تشيلسي في الستامفورد بريدج وفي مباراتي برشلونة , لكن أغلب الموسم مصاب وإن لعب تلقاه خارج الخدمة من بعد الدقيقة 70 , وفوق هذا كله سيسوكو أسوأ لاعب يباصي في ليفربول , وهذا ما ينفع أبداً للفريق اللي يلعب بثلاثة لاعبين في الوسط


وأنا هذاني نصحتكم , عاد اللي تبون توقعون معه وإلا مع غيره القرار الأول والأخير يبقى لكم

[][][][][][][][][][][][][][][][][][][][][][][][][][][]

سؤال نقاشيـ :

][ من تؤيد قدومه الى برشلونه من المحاور الدفاعية ؟؟ ][

[][][][][][][][][][][][][][][][][][][][][][][][][][][]

إقتباس سؤال نقاشيـ : ][ من تؤيد قدومه الى برشلونه من المحاور الدفاعية ؟؟ ][

أحمد الخير ..!!

لا أمزح ما لها داعي أنجلد عاد ما فيه الا أم الخير ..!!

والله فيه كم لاعب متميز في هالمنطقه .. أمثال آلو ديارا وهذا اللي أفضله على البقيه .. وفيه زوكورا .. ولا أذا ازم الوضع البيدا واذا خلاص ما فيه أحد خلوها على أدميلسون ..

للتذكير :

الفريقان : برشلونه Vs خيتافي

الساعة : 11.00 مساءً

القناه الناقله : الجزيرة الرياضيّة +2

المعلق : فيصل شعبان . .

الملعب : الكامب نو . . .

إقتباس الرسالة الأصلية كتبت بواسطة محب الذئب9 للتذكير : الفريقان : برشلونه Vs خيتافي الساعة : 11.00 مساءً القناه الناقله : الجزيرة الرياضيّة +2 المعلق : فيصل شعبان . . الملعب : الكامب نو . . .

عـوافـي أنـس . . الـمـبـاراة بـكـراً الـسـبـت .

تـذكـرون يـانـسـن لاعـب نـادي بـروسـيـا مـونـشـنـغـلادبـاخ الـى ربـطـت الـصـحـف بـيـنـه و بـيـن الـبـارسـا

نـادي بـايـرن مـيـونـخ تـعـاقـد مـعـه " رسـمـيـاً " لـمـدة 4 سـنـوات بـقـيـمـة حـوالـي 7 مـلـيـون يـورو

كـان بـديـل مـحـتـمـل لـ أبـيـدال لـكـنـه طـار لـ الـبـايـرن و فـريـقـنـا مـن الـمـتـوقـع أنـه راح يـرجـع لـ أبـيـدال .