|
السلام عليكم الله يعطيكم العافية شباب وآسفين على القطعه .. s77s صباح المتعه .. صباح الفن .. صباح الروعه .. صباح الكل شي :D يالبى ياعالم .. يقضي الهرج .. !! وش الي حصل اليوم !! انتم متاكدين انه مباراة العقده ولا مباراة اعتزال .. ! انا صراحة كنت أشك .. بس الشباب الي شفت معهم المباراة اكدوا لي ان البارسا ناوين يحتفلون باعتزال كوستاكورتا بس على ملب الكالديرون .. بما انه كان زميل ريكارد قبل :D < من جد .. ريزون قوي ومقنع والله :D . .. .. .. . جالس أقرى الصفحات الي قبل .. وأشوف الشباب كلهم متفائلين بشكل كبير .. فعلا .. هذي روح البلوقرانا .. وهذي هي روح عشاق البلوقرانا .. وهذي هي متعة البلوقرانا الي عودونا عليها .. ولو انهم حرمونا منها حبتين هالموسم بس مو مشكله .. اذا بيجي الدوري راح نغفل أي مباراة سيئه شفناها هالموسم .. بس شرط .. ناخذ الدوري الي بصراحة ماشكيت أبدا بلحظة انه راح بيطير علينا .. !! وان شاء الله بحيل الله كلها كم جولة ونشوف بويول رافع كاس الدوري بين ايدينه وكل الي بالملعب يصفقون له .. ويارب تكون في الكامب نو .. . .. .. .. . مستوى الاعبين اليوم شي ثاني .. اليوم تاكدت انهم يبون الليقا ولا شيء غيره .. بالله هذا هو الفريق اللي لعبنا فيهم قدام بيتيس !! لاعبين خرافيين اليوم .. عيني عليهم بارده !! كل لاعب اليوم تحسه لاعب من قلب قلبه .. كل لاعب تحسه يقول الليقا مهب طالعه من كتلونيا ان شاء الله وبالتحديد من برشلونة !! . .. .. .. . إيتو !! وش اقول ياعالم ووش اخلي يابشر !! اليوم إيتو صراحة اسطووووره .. يعني من جد والله مادري وش أقول عنه اليوم !! يعني وشو هـ الاعب الي ينفرد بالباب اكثر من مرتين ويناول لاخوياه يجيب أقوال !!!!! الي أذكره انه سواها اليوم مرتين .. وكان يقدر يجيب فيها أقوال .. بس حبه لروح الجماعه خلاه يسوي كذا وهذا أثبت بما يدع مجال للشك ان صامويل ايتو لاعب جماعي وغير اناني .. صحيح انه سوى شغلات ترفع الظغط قبل كذا .. لكن مباراة اليوم اكيد أثبتت شي للي يقولون شي غير هالكلام !! . .. .. .. . روني !! ياعالم وش هـ الاعب !! قسم بالله خرافي .. ! كم كوره صلحها اليوم وكم كورة مشت من عنده كـ كوره خطره وكم كورة ظيعها .. ! لاعب وسط ومع ذلك ثاني الهدافين !! وش تبي انت من الدنيا .. ورى ماتموت وتفكنا من هـ التعب ووجع القلب !! فعلا .. روني وإيتو أسوأ لاعبين في البارسا ! اذا كان هذا هو السوء .. فـ بالاحضان أيها السوء !! . .. .. .. . ميسي !! والله اخاف أقول شي وما أوفيه حقه !! المعلق بـ اول 17 دقيقه قال ان ميسي مختفي او شغله زي كذا .. انا رديت عليه قلت له اصبر ياحبيبي ماخلصت المباراة .. ماسكت ميسي الا ان وراه بلا !! وفعلا .. طلع لنا بلاوي ليته وقفت على بلا واحد بس .. هـ الاعب كل يوم عن يوم يثبت انه لاعب من طراز غير طبيعي .. ويابخت البارسا فيك ويابختك في البارسا .. . .. .. .. . جميع الاعبين !! فالديز اليوم حاجة ثانيه صراحة .. صحيح انه ما اختبر واجد .. بس مع ذلك انقذ المرمى من كور صراحة خطيرة وكانت ممكن تقلص الفارق أكيد .. أيضا الثقة الي يتمتع فيها فالديز صراحة شي كبير ماشاء الله عليه .. يعني ما كان الي يلعب قدامه شخص تعود انه يسجل عليه على مدى الـ كم موسم الي راحوا !! بويول .. الثقة اليوم كانت كبيره صراحة وشي يخليك فعلا تفتخر ان لاعب بحجم بويول يكون عندك في الفريق .. لا والكابتن بعد !! تورام .. ! اليوم ملك ! من جد اليوم مباراة الخوال :D تورام اليوم ذكرنا بتورام اول .. تورام الي انسى تعدي منه .. تورام الي يعطيك ثقه لامتناهيه داخل منطقة الجزاء .. تورام والله ثم والله .. والعلم عند الله اكيد .. بس لو بمستواه كذا من اول الدوري .. كان ظامنين الدوري من سنة نوح .. والأبطال كان فيها كلام ثاني .. وكل البطولات الي دخلنا فيها هالموسم كلام ثاني .. زافي .. ! يالبى ياشيخ والله العظيم اذا قلنا ملك قليله بحقك .. اذا قلنا مايسترو فـ تقليل فيك وربي .. !! لاعب من جد خيالي هالآدمي .. باصات تحسسك انه لاعب خبرته تعدت الـ 20 سنه !! مع انه عمره الكروي مايتجاوز الـ 10 سنين كـ حد كبير .. ! شكرا مايسترو .. ! كل الاعبين يستاهلون المدح .. لكني خصصت الي فوق لانهم اليوم حاجة غير والله .. ومن ناحيتي اذا قيل لي من أفضل لاعب اليوم .. ماراح اختار الا ايتو وروني و تورام .. كل واحد يقول للثاني وخر بس .. !! شباب .. ياليت نفرح بمباراة برشلونة .. ماعلينا من المباريات الثانيه ووش سووا وليش كذا ووو .. هذي رابطة برشلونة مهب رابطة الاندية الإسبانيه .. ياليت ماتاخذنا الفرحة اكثر من الازم لردود مالها داعي .. :) قفله ( مباراة اليوم ماهي الا تاكيد حول قوة البارسا .. وأن البارسا اذا ماعاد الى مستواه الطبيعي .. فـ لن يرحم من امامه .. كائن من كان .. !! ) لسعه على خفيف ريكارد .. تكفى .. الخطه ! لسعه ثانيه أخف من الاولى :D طلبتك ارزمندي .. ولا تريستان .. أي واحد فيكم يالربع ;) |
السلام عليكم ورحمه الله وبركاته الحمد لله ثم الحمد لله ثم الحمد لله مبرووووووووووووووك وألف مليون مبروووووك اللاعبين كلهم 10/10 والإمتاع والإبداع ما ادري وش اقول ما أقول إلا الحمد لله أولاً واخيراً |
إقتباس:
اهم شي ياخذون الكاس حتى لو يرفعونه في الملز :D بس اليوم مستواهم قمه وانا متفائل بسقوط ريال مدريد قدام سرقسطه s13s s13s |
غلاف الموندو ديبورتيفو ليوم الأثنين 21/5/2007 http://www.elmundodeportivo.es/mundo...1PORTB.EPS.jpg 6 - 0 جـواب الـبـطـل |
مبرووووووووووكـ السداسيه والريال حزين لانها جاته من سرقسطه وقريب تجيه ان شاء الله;) شباااب حطوا صور لفالديز:D |
للتذكير اليوم الأثنين يعرض برنامج نجوم الدوري الإسباني وسيتضيف النجم ليونيل ميسي http://www.m5zn.com/uploads/2913a06568.png البرنامج الساعة 10 مساءً على قناة الجزيرة الرياضية +1 http://www.lyngsat-logo.com/logo/tv/...orts_plus1.jpg |
للتذكير http://www.m5zn.com/uploads/5973374250.png إعادة مباراة الأمس اليوم الأثنين اتليتكو مدريد × برشلونة الساعة 6:30 مساءً على الجزيرة الرياضية +1 http://www.lyngsat-logo.com/logo/tv/...orts_plus1.jpg |
ياشباب ابي صورة احصائيات كزكز نتقوها لي من تحت الارض :) |
غلاف صحيفة السبورت ليوم الاثنين إلـى البطـولـه |
صباح الخير ياشباب ،،، الف مبروك الفوز بهذه النتيجة الكبيرة وعودة الفريق لتقديم المستوى المعهود عنه ... ست سنوات ماضية لم يستطع البرسا تحقيق الفوز على ملعب كالديرون وجاء الرد هذه المرة بسداسية ولا اروع ( عن كل سنة هدف ) . كيف فاز الفريق ؟ الفريق قدم مستوى كبير في المباراة استحق عليه الفوز بهذه النتيجة بكل جدارة ولكن لو نظرنا للاسباب الرئيسية للفوز نجدها : اولا : الهدوء الذي لعب به الفريق المباراة منذ البداية رغم المخاشنات الكثيرة من لاعبي اتلتيكو ... ابتعد اللاعبون عن الضغط النفسي ولعبوا بتوازن لم يرهقوا انفسهم في ظل الاجواء السيئة وهو ما ساعدهم على المحافظة على الجانب اللياقي طوال التسعين دقيقة . ثانيا : الجدية والتركيز اللي كانت واضحة على اللاعبين طوال المباراة واصرارهم على الفوز ، فلم نشاهد اضاعة للفرص السهلة التي تعودناها من اللاعبين ( من شاف تورام وهو يصرخ على الدفاع بسبب خطا نهاية المباراة والفريق كان متقدم بخمسة اهداف يدرك الجدية التي كان عليها اللاعبون ) ثالثا : الاستفادة من ارضية الملعب من خلال سرعة نقل الكرة والتمريرات القصيرة بين اللاعبين للاستفادة من المهارات العالية للـ REM وهو ما ادى الى خلخلة دفاع الاتلتيكو مدريد بشكل واضح ... كانت الارضية ممكن تاتي بنتيجة سلبية على اللاعبين ولكنهم استفادوا منها من ناحية ايجابية . ثالثا : التألق الذي كان عليه ادميلسون في المباراة من خلال مساندة الدفاع وقلة ارتكاب الاخطاء ساعد على تخفيف الضغط على دفاع الفريق من خلال قتل الهجمات المرتدة التي تشكل دائما اكبر خطر على الفريق . رابعا : تألق جميع عناصر الدفاع وخاصة الظهيرين جيو وزامبروتا الذي وقف في وجه السريع بتروف احد اهم عناصر فريق الاتلتيكو ، وتركوا لنجوم الوسط والهجوم الرائعين مهمة تسجيل الاهداف. أخيرا التعاون والاداء الجماعي والبعد عن الانانية كان من اجمل ما شاهدناه في مباراة البارحة . مبروك مرة اخرى وهذه بداية حصد 12 نقطة التي وعد بها رايكارد واللاعبون ، على امل تعثر الريال في احد مبارياته القادمة والتي كان من الممكن ان تكون امام ريكرياتيفو ولكن اخطاء دفاعه قليل الخبرة ادت الى الهدف القاتل من روبرتو كارلوس في الوقت الضائع . عادت روح الفريق وعاد الينا الامل وان شاء الله يكون الدوري برشلوني ،،، قفله // ( هلال الزعامة ) والله انك مبدع وتعليقات كلها روعة اجل دور المدرب مابقي الا هو يسنتر ههههههههه . |
نتيجة رائعة مدرب الفريق الهولندي رايكارد كان راضيا عن اداء فريقه على ملعب كالديرون وقال كانت نتيجة رائعة بالنسبة لنا ... الفوز أعاد الينا الامل واثبت اللاعبون انهم قادرون على فعل الكثير في الجولات القادمة ... قدمنا مباراة كبيرة امام فريق دائما ما يلعب بشكل جيد امامنا وحققنا الفوز . واضاف رايكارد ان فريق اتلتيكو مدريد اختار منذ البداية تقفيل مناطقه واللعب على الهجمات المرتدة التي شكلت خطرا علينا ، ولكن هدف ميسي جعلهم يفتحون اللعب وهو ما اعطانا المساحات في الخلف ليتحرك بها اللاعبون واستطعنا تسجيل العديد من الاهداف . المصدر : http://www.fcbarcelona.com |
صورة السبورت اليوم نـعـم .... هذا هو البرسـا الذي نعـرفـه |
مبروك الفوز والانتصار الكاسح ياشباب ... فعلا ... اتوقع انها عادت [ الروح - الثقه - العزيمه - المسؤوليه ] عناصر فقدناها طوال الموسم ... وبكنها حضرت بالامس فاحسسناها وشاهدناها في سته اهداف مثلت كل الغضب الكاتلوني على اتليتكو مدريد ... اتمنى ان يواصل الفريق العمل بهذه الروح وان يلقوا هذا الفوز الكاسح خلف ظهورهم ... ويجعلون الهدف القادم تفجير الكامب نو بـ خماسيات وسداسيات بحجم تلك في ملعب فيسنتي كالديرون ... وباذن الله الليجا يقترب من البرسا ويبتعد عن الريال مع كل جولة ... لان ان شاء الله سقوط الريال قريب وصحوة برشلونة ستستمر الى يوم التتويج ... قفله أبومحمد + ابوسلطان اهنئكم على الكلام الرائع وفي الصميم ... وتحياتي للجميع ::: عبدالرحمن ::: |
صباح الخير على الجميع والف مبروك عودة الروح والمستوى لفريق المتعة والمهارة التي شاهدنها في امسية اشتقنا اليها كثيرا بعد ان كنا نشاهدها باستمرار . لاعبين كبار مهما كانت ظروفهم ومستوياتهم لابد لهم من عودة وما اجملها من عودة امام الالتيكو مدريد والذي راهن عليه الكثير لاسقاط البرشا وزيادة جراحه ولكن كان لابناء كتالونيا كلمتهم ليس فقط لحصد الثلاثة نقاط ولكن تطلعو لاكثر من ذلك المستوى والجدية المتعة والتعاون الايثار والاخلاص جمل خطتها اقدام الاعبين وقدمت كلوحة فنية يعجب بها كل من يشاهدها فنيا ما قصر ابو سلطان وعطانا تحليل رائع ودقيق عن المباراة وعن مسرحية هلال الزعامة ان شاء الله بنفس الروح والثقة والمستوى العالي نكمل المسيرة نحو اللقب الذي ينافس عليه ثلاثة فرق اخرى غيرنا |
http://www./upload/21-05-2007/0.426011792917.jpg الـصـور الـثـانـيـة بـ كـوم و هـذي بـ كـوم لـحـالـهـا :D . . تـسـلـم يـمـيـنـك مـحـمـد يـالـيـت بـعـد كـل مـبـاراة نـشـوف مـثـل هـ الـكـاريـكـاتـيـرات :) . . اه لـو تـدري عـنـك الـجـزيـرة كـان نـحـصـل الـسـلـيـم يـقـشـر بـصـل :D . |
| الوقت المعتمد في المنتدى بتوقيت جرينتش +3.
الوقت الان » 09:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd