السلام عليكم 
أول شي مسيكم بالخير وكل عام وانتم بخير
.. وأشكركم على هذه الإستضافة ويشرفني اني أكون أول ضيف وإن شاالله إني أكون ضيف خفيف ولو اني من أهل الرابطة زي ماقال سليمان لكن اعذرونا على الانقطاع منشغلين برابطة جنبكم :p س1 : متى كانت بداياتك على النت ؟؟
بدايتي على النت تقريبا ً كانت قبل خمس سنوات أو أكثر .. لكن من اول مابديت وانا بادي في الرياضة .. اشتغلت في منتدى اسمه روح القمر الله يذكره بالخير وكنت مشرف على منتدى الرياضة هناك :p
س2 : احسن لاعب بالنسبه لك ؟؟
ميسي
س3 : اكثر هدف تفاعلت معه واجمل هدف بالنسبه لك ؟؟
مثل ماذكرت انا من عاشقي ميسي وتفاعلت كثيرا ً مع هدفه الملغي على ريال مدريد .. لكنه للآسف أُلغي

.. يمكن لأن الأجواء اللي كنت اشوف فيها المباراة تستدعيني الى تفاعل أكبر لأنه كان تجمع كبير والأجواء كانت حماسية .. وأيضا ً هدف لامبارد على برشلونة او موتا بالأصح .. ولا أنسى هدف جيرارد على مرماه بعد عرضية لامبارد في نهائي الكارلنج والأهداف كثيرة ومااقدر أقول من الأكثر لكنهم تفاعلت معها جميعا ً بقوة
متى بدى عشقك لـ تشلسي ؟
بداية العشق مع بداية عام 2003 م .. لكني كنت متابع له قبل هذا العام وكان يعجبني وأيضا ً كنت معجب بليفربول أيام باروش ( يوم كان مصلع ) وأيضا ً هنري مع القنرز .. لكني كنت معجب بشكل أكبر بتشيلسي وهو الشيء اللي خلاني أشجعه دون البقية
ما هي المباراه الي ندمت أنك ما شفتها ؟
هي مباراتين اللي اذكرها الآن .. الأولى تشيلسي وبرشلونة التي انتهت 2 - 1 لبرشلونة حيث اني ماقدرت اشوف الا اخر نص ساعة من تلك المواجهة التي اقيمت على الكامب نو .. وأيضا ً آخر مباراة بين تشيلسي ومانشستر يونايتد
ماهي المباراه التي أحزنتك كثيراً ؟
مباراتي البارسا الموسم الماضي .. وثلاثية ميدلسبره على تشيلسي
@ كيف ترى حظوظ الفريق بالمحافظة على لقب البريمير ليج وكذلك دوري الابطال ؟
والله أشوف ان تشيلسي قادر أكثر من كل الفرق على تحقيق اللقب .. طيب ليه .. لأنه تقريبا ً الفريق الوحيد اللي يمتلك البديل .. المان الآن مشتغل صح وماشي مضبوط .. لكن شفنا جيجز غاب عنهم فترة وتعثروا .. والآن لو يغيب أحد مؤثر فيهم بيتعثرون .. أما إن واصل المان دون إصابات وبمستواه الحالي أعتقد انه قادر على فعلها .. لكني متفائل جدا ً بجمع الفريق بطولتي الدوري ودوري الأبطال
@ من هو ابرز لاعب مثل الفريق الازرق خلال العقدين الاخيرين ؟
جيانفرانكو زولا
@ ألا ترى معي ان الفريق تراجع اداؤه كثيرا هذا الموسم عن الموسمين الماضيين ، واذا كان الجواب نعم فما هي الاسباب من وجهة نظرك ؟
لا اعتقد .. الفريق ماشي بأداء جميل جدا ً ونتائج أيضا ً وهو لم يخسر حتى الآن سوى ثلاث مباريات من 21 مباراة تقريبا ً .. تشيلسي كل موسم يقولون عنه هالكلام ان الموسم الحالي غير الموسم الماضي .. تشيلسي كانت بدايته متثرة وثم ارتفع الاداء شيئا ً فشيئا ً
- كيف تقيم اداء برشلونه هذا الموسم ؟ في الليقا والتشامبيونز ؟
صعب أقيم لك لأني كثير من المباريات ماشفتها .. لكن برشلونة كان مستواه جميل ويترجم هجماته إلى أهداف قبل إصابة إيتو .. لكن بعدها شفنا برشلونة يسيطر لكن دون ترجمة الفرص إلى أهداف وهذا ماينقص البارسا الآن
2 - جوديونسون هل تعتقد انه الحل الامثل لتشكيلة ريكارد ؟ وهل تتوقع استمراره لموسم ثاني مع البرسا ؟
جودي .. ياحبني له هاللاعب .. بس ماعنده احد يفهم .. جودي يا ريكارد لعبه خلف الهجوم او اقلعه من الفريق .. الحل الأمثل في ظل الظروف الحالية كان سافيولا لكنه أصيب وريكارد لم يستفد منه قبل الإصابة .. لذلك لا احد امام ريكارد سوى جودي وإن كان قد فشل هجوميا ً فلأنه مو رأس حربة صريح

وأشوف انه بيستمر مع الفريق ان شاالله
3 - لو كنت مدربا لنجوم العالم من تختار من نجوم برشلونه << ان ماخذيت اكزافي بتوطى بطنك
ميسي و إكزافي وإيتو .. وترى اكزافي خذيته لأني احبه مو عشانك انت ووجهك :p والله ياعليه تمريرات تعقد المدافعين وتخليك تفهي
4 - كثرت الاقاويل عن ريكارد وانه سينتقل للميلان .. من ترشح لتدريب البرسا في حال خروجه الى سان سيرو ؟
خله يفارق .. أما من أرشح فـ الأسماء كثيرة .. هيدينك لكنه صعب لأنه مرتبط مع المنتخب الروسي .. وأيضا ً بينيتز في حال خروجه من ليفربول .. وبدرجة أقل تراباتوني المدرب الإيطالي الكبير
قبل تشيلسي البلوز وش كنت تشجع ؟ وماهو ناديك الثاني بعد البلوووز ؟
زي ماذكرت من قبل لم أكن مشجع لأي نادي قبل تشيلسي في الدوري الإنجليزي .. أما أوروبيا ً بشكل عام أيضا ً لم أكن مشجع ولكن متابع لبرشلونة وفالنسيا والريال والبايرن لأنهم هم من كان يشدني أكثر .. أما ناديي الثاني بعد البلوز فهو تشيلسي

ومن بعده يأتي البارسا
مارايك لو انتقل رونالدينهو وميسي وايتو للبلوز " اين موقعهم الاعرابي " عند مورينهو ؟
أوف هالثلاثة مرة وحدة .. والله اذا جو بتصير عملية تصفية للاعبين في تشيلسي .. أعتقد أن روبين وجوكول وشيفا بينتقلون .. واعتقد انه بيلعبهم في نفس مراكزهم مع البارسا ان ماحط ميسي احتياط
بصرااااحه : مااطرف موقف مر عليك ؟ واكثر موقف سبب لك احرااااااااااج ؟
في المنتدى مااذكر موقف طريف .. لكن موقف أحرجني فيه بس احتفظ فيه لنفسي
س1\ وش ناديينك المفضلين بالدوري الايطالي والاسباني؟
البارسا واليوفي
س2\ وش شعورك لو تشيلسي يخرج من دوري الابطال السنه هذي؟
بسوي عملية انتحارية في المنتدى
س3\ سؤال غريب شوي بس معليش....ما السبب الذي جعل تشيلسي يكره برشلونه؟؟
ياطول سؤالك .. سليمان وقفوه يومين على هالسؤال

وبعدين هم صادقين برشلونة فريق فاشل
شف طال عمرك انا اعرف المشرف اللي تقصده هناك وحاط برشلونة وعليه خط احمر وهو مشجع لـ ريال مدريد واعتقد انه هذا هو السبب .. صدقني اللي يقول ان برشلونة فريق فاشل مايفهم في الكورة .. واللي يقول ميسي دجة مايعرف الكورة أصلا ً .. من كره برشلونة بعد خسارته من تشيلسي فأعتقد انه مشجع للريال بجانب تشيلسي .. وصدقني ماحقد على الآرسنال يوم طلع الريال كثر ماحقد على البارسا لأنه طلع البلوز لأنه البارسا

وهنا اقصد الجميع وليس المشرف العزيز على قلبي
الاسم ثلاثي والعمر الله لايهينك
فيه واحد ملقوف قال اسمي :p عبدالله سعد القباني 21 سنة وداخل على الـ 22 ان شاالله بعد سنة
رايك باجواء فرنسا حاليا بعد العاصف الرمليه التي اجتاحت سواحل الهونولولو
أبشرك قبل هالعواصف رحت لماليزيا ومنها للرياض لأنه ماكان فيه رحلة مباشرة للرياض
رأيك في حراسة برشلونة خصوصا بعد تألق محمد الدعيع
الحقيقة ان الخوجلي بد يغطي أكثر من مضحي لكن السلومي مدهر .. بإختصار يازينك :p
قيل في قديم الازمان .. سبق الغشيم وألحقه .. مارأيك في هذه المقوله ..
مقوله جيده
البطاقة الشخصيه ؟
الاسم عبدالله سعد القباني .. العمر 21 سنة .. طالب جامعي في المستوى الرابع ومتأخر مستوى :p ..
هوياتك ..؟
جمع الطوابع :p .. هوايتي الآن الإنترنت والبلاي ستيشن 2 .. وننتظر بلاي ستيشن 3 ينزل سعره عشان اهواه
منتديات مشترك فيها غير شبكة الزعيم ...؟
كثير .. لكن مشاركاتي متركزة على الزعيم .. منتديات رياضية مشترك في أغلب منتديات الأندية الأوروبية العربية .. تشيلسي وبرشلونة والإنتر والريال والميلان وليفربول وأيضا ً الرياضة للأبد ومفكر أشترك في كورة .. أما غير الرياضية فلدي منتداي الخاص
وشلون تنسقون مع المعلقين لضيافة الشبكة...؟
عن طريق الإتصال الهاتفي أولا ً ومن ثم المسنجر .. وأحب اشكر ابو محمد ( ريدزاوي ) اللي قد يعطينا رقم عامر عبدالله في البداية ومن ثم بدأنا في أخذ الأرقام منهم
شباب الأسئلة مجمعها سليمان إذا فيه أحد ماجاوبت عليه ياليت يحط أسئلته بعد اللقاء ... وأرجع اشكركم مرة ثانية على هذه الإستضافة واعذرونا على القصور