|
هارد لكم ياشباب والفريق اليوم كان سيء وريكارد كان الاسواء بس اهم نقطتين في المباراة واغرب نقطتين هم: كيف يلعب فريق بدون راس حربة هادي في الدوري الهندي ماصارت. واداء ديكو اهو اغرب مافي المباراة كلها. وانا قلتلكم وسألتكم قبل المباراة ماذا تتوقعون من ديكو هل راح يكون في مستواه ام في حالة ركود؟والله انه مب بس كان في حالة ركود كان فيغيبوبة وكانه يلعب في مباراة ثانية. على العموم هي خسارة الجولة الاولى وفي جولة ثانية في النوكامب وانشاء الله الاداء يختلف وبالتوفيق يوم الاحد. ياريت ياشباب مافي داعي لاسلوب العيال المتبع من (البعض)لو عندك وجهة نظر حاب تعبر عنها فياريت بكل ادب ولا قولها في اي مكان خارج الرابطة والكلام معني فيه البعض من غير مشجعين البارسا واذا هالكثر البارسا قاهركم ياريت كل واحد فيكم يشوف تسجيل حق هالمباراة ويطالعها ويضحك لانها انشاء الله اخر مباراة تشوفونها حق البارسا بهلمستوى. |
خيرها بغيرها ان شاء الله |
إقتباس: http://www./upload/19-10-2006/0.7488401161219116.jpg . . . . . زبـيـر بـيـة مـحـلل الـ ART يـقـول أن مـن يـتـحـمـل الـهـدف هـو بـويـول بـسـبـب عـدم مـراقـبـتـه لـ دروجـبـا . |
إقتباس:
ولا عند الفوز حكي .. وعند الخساره حكي ثاني ؟؟ وأنا ما أقصدك أنت أخوي .. أقصد أكثر من شخص في الرابطه تحياتووووووو |
أخواني الغاليييييييييييييييييييييييييييييين ،،، هارد لكم جميعا هذي الهزيمة المتوقعه ومن فريق يستحق ويستاهل الفوز بذل عطاء وروح كانوا يحتاجون الفوز اكثر من البرسا واستطاعوا ان يفوزوا ومدربهم الداهيه عرف من اين تؤكل الكتف وعرف كيف يفوز ،،،، المهم انا ماراح افصل في المباراة ودقائقها وهجماتها لا !!! بختصر اسباب الهزيمة واشخصها ولكم الحكم ،،، اولا : ريكارد ،،، الموسم هذا مو ريكارد الاولي ،،، تدرووون ليه ؟!! أعتقد السر عند مدرب اجاكس حاليا هكن تاك على مااظن ،،، تغيرات غير منطقيه في كل مباراة يعني الفريق موقادر ينسجم ابدا في اي مباراة يلعبها ،،، ماراح اعلق على تغيرات اليوم لان مباراة اليوم تعتبر جزء من سلسلة التخبطات الي بداها ريكارد من بداية الموسم ،،، هزيمة اليوم ترا ماتزعل ؟؟! الي يزعل الاستمرار على نفس الاخطاء الجسيمة ،،، ================ ثانيا : مكابرته والاستمرار بالعناد على اسماء غائبه تماما عن مستواها ،،، ايدميلسون ، جودينسون ، اوليجير ، جووولي ، موتا ؟؟!!! الى متى ؟!!!! تورام + سافيولا + انيستا مجرد ضحايا للسابقة اسمائهم ،،، والله شي يقهر ويحز بالنفس ،،، المهم ،،، كل اللي اتمناهـ في هذا الموسم فقط ان نعود لمستوانا وترا الامووور اللي صايره لبرشلونه حاليا هي امووور في اعتقادي طبيعيه يمر بها اي فريق بعد وصوله لقمة مستواه لابد يمر بفترة سيئه وباذن الله يرجعون لمستوياتهم ،،، =============== كلمة اخيرة ،،، رونالدينهو اعتقد انه بدا يرجع لمستواه ولكن لايوجد ايتو لكي يعطيه خيارات في توزيع الكره وفك الرقابه واعطاء المزيد من الحلول ،،، واعتقد بان الفريق 11 لاعب،،، يعني لاعب 1 غير قادر على عمل شي لوحدهـ ،،، وخاصه في ظل تخبط الخطوط الخلفيه من محور الوسط المدافع وحتى قلوب الدفاع ،،، وعدم قدرة ريكارد على قراءة خصمه كما فعل مورينهو واتمنى تراجعون موضوعي وتشفون تكتيك مورينهو كيف طبقوه البلوز تمام ،،، عكس تكتيك ريكارد وتخبطاته الغير مبرره ،،، وهزيمة اليوم يتحملها المدرب بنسبة 70% ،،، باخطاء في التشكيلة الاساسية وفي التغيرات ،،، ومشكووورين ،،، |
هارد لك شبـاب وتعوضونها .. فعلا زمـن ، تشلسي يفوز على برشـلونه ،،!!!!! آآه يازمـن بس |
شباب ادملسون وش يبي ؟؟؟؟؟؟؟ لاعب انتهى تاريخه والله موتا احسن منه وفريق يلعب بدون راس حربه امر عجيب مع ان موجود سافيولا على دكة الاحتياط الى متى هذا المدرب ساحب علية |
السلام عليكم .. بصراحة شكل كلام الغالي : عاشقsam0oo06 ... سبب هبوط مستوى الفريق وريكارد : مدرب اياكس : هينتين كات [ اسمه صح ولا لا :d ] |
هاردلكم بكل إختصار غاب رونالدينهو غاب البرشا |
هاردلكم شباب الرد راح يكون في النوكامب ان شاء الله برشلونة يمر بفترة جدا سيئة وحظ تشيلسي انهم قابلو البارشا في هذي الفترة اتمنى ديكو و ادميلسون ورونالدينهو يرجعون لمستوياتهم |
الحين وبعد ماهدأت الاعصاب وراح الغضب خلونا ياشباب نأخذ الأمور بعقلانية وصراحة هزيمتنا من تشلسي كانت متوقعه من قبل ومايعتبر شي يزعل لأنها بالأخير ثلاث نقاط من السهل تعويضها وخاصة اننا لعبنا خارج ميداننا وتشلسي يعتبر فريق قوي ولاهو بالشي السهل انك تهزمه في كل مره تلعب على ارضه لكن الشيء اللي يحز بالنفس ويضيق الصدر وأقولها بكل صراحة من بداية الموسم ماشفنا البرشا اللي حنا عارفينه برشا الموسم الماضي بداية بنجوم الفريق رونالدينهو وديكو واكزافي انتهاءً بالمدرب ريكارد فيه شي متغير ريكارد الى الآن مافهمت وش معنى تغيراته تخبط بكل ماتحمله الكلمة من معنى تكتيك الشوط الأول كان ممتاز وكنا تقريبا ً نجاري تشلسي اذا لم نكن افضل منهم في فترات وكانت السيطرة لنا إلى ان اخرج ريكارد قودينسن وادخل جولي صار الفريق يلعب بدون راس حربه وصار في زحمة في الاطراف وفي الوسط تشوف خمسين مناوله بين اللاعبين من اكزافي الى ديكو الى مسي الى رونالدينهو وبعدين وش اللي يصير تنقطع الكورة وتروح هجمه لفريق تشلسي اللي يلعب عكس برشلونة اي انه يصل الى المرمى بأقل عدد من المناولات وبأسرع وقت على طول عندهم تكتيك وحافظين الخطه ونازلين للملعب يطبقونها لمسه لمستين الى انهم واصلين المرمي بعكس ربعنا اللي كل واحد يبلش بالكورة مايدري وش يسوي فيها اخراج ريكارد لجيو وادخال انيستا كأنه يقول لمورينهو خل هجومك يستمتعون بالمباراة وصار الضغط علينا واي هجمه لتشلسي تكون خطيرة وعلى فكرة هذا اللي سبب اصابة لبويول وخلى المدرب يطلعه وليته دخل تورام لا دخل اوليقير انا مادري وش لاقي باوليقير هذا ياخي لاعب ماله مكان في البرشا الفريق اكبر من مستواه لكن وش نقول قناعة ريكارد اكبر من الجميع اااااااااه يايتو صحيح وفي الليلة الضلماء يفتقد البدر سافيولا مظلووووووووووم ان شاء الله يتخلى ريكارد عن عناده ويدخله في الكلاسيكو في نقطه اخيره ياجماعه خلونا صريحين رونالدينهو هذا مهب حقنا تغير عن الأول انا من الاول اسمع كلام الناس انه اصابه الغرور وهبط مستواه وكنت اقول هذولا حاقدين على الساحر ومايقدمه لكن بالفعل إذا جيت للواقع مستواه هابط عن اول كثييير من اول يعتبر احد الحلول اذا لم يكن عندك حلول وكان ينقذ الفريق الان صار مجرد لاعب مثل اي لاعب عادي وللأسف صارت الكورة تنقطع منه بسهوله وصاير يستسلم للرقابه على طول اتمنى انه مايطول على هالحال ويرجع زي روني الاول رونالدينهو حق الموسم اللي فات اعذروني على الاطاله ولكن شي بالقلب وحبيت اقوله ملاحظة // الى اطفال منتدانا العزيز اذا انت حاقد وشايل بقلبك شي على البرشا فأنا اقولك هذا ليس المكان الصحيح عشان تطلع اللي بقلبك رح لرابطتك وقل اللي بقبلك كله |
sبق وان قالها جوديونسون تشيلسي اذا تقدم بهدف بيكون التعويض صعب وتأكدنا من كلامه بعد المباراة الشوط الاول متكافئ بس برشلونه هجماته اكثر شوي لكن الشوط الثاني غير والسبب قاله جوديونسون تقدم تشيلسي بهدف وبأذن الواحد الاحد الانتقام بيكون في مجزرة الكامب نو يعني وين بتقلتون مننا لكن لن ننسى الاسد ايتو:cry: |
السلام عليكم ،، بدايةً هاردلكم على الخساره المُستحقه .. وسبب الهزيمه في هذا اللقاء هو ريكارد .. إلى متى وسافيولا يجلس على دكّة البدلاء .. تغييرات مُتخبطه .. كيف يُدخل أنيستا بدلاً من برونك هورست .. قودينسن لم يفعل مايستحق الذكر .. رونالدينهو مازال يواصل تخبطاته ولكن أحسّ إنه بدأ يتحسّن شوي .. أدميلسون كان السبب الثاني في الهزيمه بعد ريكارد .. مستوى زفت إلى آخر درجه .. أين موّتا .؟ أنجدونا بـ موّتا بديلاً لـ أدميلسون الذي أنتهى للأســف .. برشلونة الآن نُقطه ضعفه في ( رأس الحربة ) .. قودينسن لم ينجح في هذا الإختبار .. وسافيولا لم يُمنح الفُرصة اللازمه لإثبات وجوده .. :) لي عودة فيما بعد .. :) |
هارد لك شبـاب وتعوضونها ..:d وان شاء الله يرتقي مستوى برشلونه مثل الموسم اللي راح |
بـدايـة لـم أشـاهـد الـمـبـاراة ( راحـت عـلـى نـومـة ) لـكـن مـن خـلال مـشـاهـدتـي لـردود بـعـض الأعـضـاء كـان الـفـريـق سـيـئ كـ كـل , نـنـتـظـر الـتـعـويـض بـالـكـامـب نـو . . , شـبـاب الـكـلاسـيـكـو يـوم الأحـد يـالـيـت نـهـتـم بـأخـبـاره و نـقـاشـات عـن الـديـربـي :) . إقتباس:
أن لايـشـركـه بـالـقـاء لـكـن أن تـصـفـه بـالـمـنـتـهـي بـسـبـب مـبـاراة واحـدة لـم يـوفـق بـهـا فـ هـذه الـمـصـيـبـة . |
| الوقت المعتمد في المنتدى بتوقيت جرينتش +3.
الوقت الان » 05:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd