السلام عليكم

هارد لك شباب اصابة ايتو اللي من جد مهب وقته . لكن هذا مايعني ان برشلونة خلاص << وهذا ما اقتبسته من كلام البعض ..

برشلونة قائم بإذن الله .. بإيتو أو بغيره .. ليس ايتو مع احترامي الشديد ولا روني ولا أي أحد ممكن انه يضعف من قوة البارسا أو من هيبته .. البارسا قائم بنجومه الكبار .. اصابة لاعب لاتعني ان الأمل انتهى .. أصيب زافي الموسم الماضي .. مع ذلك حقنا الثنائية .. قد تكون اصابة ايتو خيره .. ممكن سافيولا يكون أفضل من ايتو من الناحية التهديفيه ويفيد البارسا .. لكن فراق ايتو لاشك أنه أمر محزن جدا لنا كمحبي للبلوقرانا ..
ما أريد إيضاحه هنا هو أن اصابة ايتو لاتعني مجرد التفكير في أننا سوف نخسر جميع مواجهاتنا القويه القادمه .. شيء صعب أن تخسر لاعب كصامويل إيتو .. لكن ليس معناته أن تفقد الأمل .. البارسا منطلق نحو الألقاب ان شاء الله ولن يرده اصابة لاعب أو لاعبين .. كما في الاعوام الماضيه ..

. .. .. .. .. .. .

حقيقة وأنا اتابع الردود التي فاتتني في الرابطة .. شاهدت رد أعجبني جدا حقيقة .. ينبأ بوجود قلم مميز اتمنى من صاحبه اتحافنا به في كل يوم وفي كل مباراة للبارسا ..

إقتباس الرسالة الأصلية كتبت بواسطة خارج الخدمه آآآآآآآآآآآآآآآآآآآآه يالبرسا .. حصل اللي خايف منه .. مستوى الفريق مو طبيعي ومن وجهة نظري المشكله في عملية المداوره بالطريقه اللي يقوم فيها ريكارد .. من وجهة نظري .. المشكله بالتغييرات الكثيره اللي يقوم فيها ريكارد بداعي المداوره .. مثلا .. ابحط تشكيلة البرسا الاساسيه في فلنسيا وبحطها بالون السماوي وتشكيلة البرسا الأسايه في مباراة فيردن بريمن وراح تكون بالون الأحمر الدفاع جيو بيول ماركيز زمبروتا سلفينهو بيول تورام اوليقر الوسط ادمي زافي ديكو موتا انيستا ديكو الهجوم روني ايتو ميسي روني ايتو جولي غير بين التشكيلتين 6 لاعبين !! وهذا قتل للإنسجام .. والله يستر من الجاي .. أنا مو ضد المداوره .. لكن ضدها انه تكون بهذا الشكل .. يعني في كل مباراة من لاعب إلى ( لاعبين ) بالكثير .. موب بالشكل ذا .. بعدين هنا يقتل المنافسه بين اللاعبين .. اللاعب يدري انه متغير متغير .. سواءً لعب زين ولا لا .. وعلى النقيض يعرف انه لاعب لاعب سواء لعب زين ولا لا .. لو تلاحضون ان برشلونه صار يحتاج من بداية اللعب من شوط إلى نص شوط حتى يبدون اللاعبين ينسجمون مع بعض .. واكبر دليل مباراة فلنسيا ومباراة فيردن بريمن .. اتمنى من ريكارد ان يلعب التشكيله الافضل( افضل اللاعبين ) ويغير في كل مباراة لاعب إلى (لاعبين) فقط .. ماعليش هذي كلمه كبيره .. مفلس و تكتيكياً مره وحده .. ياأخي ارسوا على بر .. إذا فاز برشلونه قلتوا برشلونه رونالدينو .. وإذا انهزم برشلونه قلتوا هذا رونالدينو اللي معطينه اكبر من حجمه .. وهذا وهذا وطلعتوا فيه ألف بلا ..شوفوا لكم حل ياخي .. من المباراة - أوليقر يرفع يده مع كل تمريره .. فاهم التسلل غلط .. لو شاتها الحارس رفع يده .. أتمنى من ريكارد إذا كان بيغير في الظهير الأيمن يكون بين زامبروتا وبيلتي .. ويفكنا من ذا المعوق .. اللي ركز في المباراة يحسب ريكارد لعب بدون ظهير يمين .. الحبيب متكي في قلب الدفاع وتارك خانته .. - روني من سيئ إلى أسوء .. مستواه الموسم ذا غريب .. شايف نفسه وثقيل .. اتمنى من ريكارد يعاقبه ويخليه في الاحتياط أو برى التشكيله كم مباراة .. يمكن يتعدل .. ويلعب بداله المظلوم سافيولا .. على الأقل لاعب متحمس يلعب ولا هو شايف نفسه .. - ديكو ماقصر .. لعب مباراة جيده بالنسبه له .. لكن هو اللي يستحق انه يريح موب زمبروتا أو زافي .. ديكو لعب كل المباريات من بدى الدوري ومباريات الابطال والمباريات الاستعداديه .. هاردلكم التعادل .. وان شاء الله الوضع يتغير ..

حقيقة انا أشاهد درر هنا .. لافض فوك أخي .. كأنك قرأت أفكاري وطرحتها مسبقا ..

أول شي بتكلم عن سالفة المداوره << وراه قلب ذا

حقيقة الي يسويه ريكارد شي غريب .. يعني مبدا المداوره كان عامل عمايل الموسم اللي راح ليش .. !

لانه كان بين لاعب أو لاعبين .. مع انه نادر ماتكون بين لاعبين .. لكن اللي أشوفه هالموسم شي غير وغريب .. !

أكثر من ست لاعبين تغيروا بالتشكيله في مباراتين .. لا وفي بطولتين مختلفتلين ومباراتين قويتين جدا .. ومفترق طرق .. ! ليش ... !!

انا هنا لا أتكلم عن ريكي وأنه لايفهم .. لكن اعتقد أن هذه الأشياء من المفترض أن تكون معروفه .. !

أعتقد لو تسأل أي مدرب مبتدأ في هذا المجال عن مبدأ الإنسجام وخلق التفاهم بين الاعبين .. سوف يقول لك أنه أهم شيء إذا كنت تريد تحقيق النتائج الإيجابيه لفريقك .. وهذا مايعمل عكسه ريكي تماما .. !

ألقوير مثلا .. كم مباراة لعبها هذا الموسم .. ؟

يكون أساسي على حساب زامبروتا ليش .. أو بيليتي اللي مقدم مستويات لابأس فيها .. ؟

الي بقوله ان البارسا المباريات اللي راحت كان مقابل فرق الله بالخير .. وجاهم الفرق القويه وماسوينا شي قدامهم .. بالعكس .. نتمنى الفوز صرنا .. !

ختاما .. اللي أبيه أنا صراحة من ريكارد انه يترك مبدأ الدوران هذا ويتعوذ من ابليس ويثبت على تشكيله ..

صحيح كان مبدأ جيد الموسم اللي راح .. لكن اذا كان بهالطريقه ( 6 لاعبين خلال مباراتين ) فحنا في غنى عنه .

آسف على الإطاله .. لكن اللي صار اليوم ماينسكت عنه ..

المباراة يوم السبت ان شاء الله ..

والله يعطيك العافية وليد ..