السلام عليكم
يالله حي الشباب
أول شيء كل عام والجميع بخير وشهر مبارك على الجميع إن شاء الله
والله يعيننا على صيامه وقيامه إن شاء الله
مشتاااق
المهم
بالنسبة للموضوع اللي شاغل الناس وتوقعت انه شاغل الرابطة ههههه
موضوع كرت الجزيرة
نصيحة يا أخوان
لحد يشتري ستار سات أبو كرتين
شريته وهبل بي تهبيييييييييييل
الجزيرة اشتغلت عليه أما الـ ART عيت 
مدري وش علتهم ذا الـ ART
المهم الهندي يقول لي مافيه رسيفرات ام كرتين أو ثلاث كروت في الرياض؟!!!
شريت لي رسيفر اسمه HIVION
واشتغلت تبديل بين البطاقات والحمد لله للحين مافي أي مشاكل
بس شغلة مملة بصراحة
اللي عارف رسيفر بكرتين ولا ثلاثة ونوع جيد ولا يعلق ولا شيء وتشتغل عليه الـ ART ياليت يعلمني اسم المحل إذا كان بالرياض
طبعاً كرت الجزيرة من المفترض أن يكون سعره محدد وثابت اللي هو 100 ريال كما هو محدد في موقع القناة
ولكن للأسف عند وكيل القناة في الرياض اللي هو محل المسفر اللي في شارع بليس في السليمانية، استغلها وباعها بـ 150 يوم قلت له ليه قال جا صاحب الحلال وقال بيعوه بـ 150 تبيه هلا وسهلا ولا ضف وجهك برى ههههههههههههههههههههههههه والله ياهم استغلاليين وأتوقع أن يرتفع سعره أيضاً بس أنا أشوى شريته علطول بعد إعلان القناة يوم الخميس أظن يعني قبل لا يرتفع مرة، لا تستبعدون يوصل 200.
ـــــ
أما موضوع مباراة الليلة
بصراحة مفترق طرق خطيررررررررررر
أتمنى الفوز
بصراحة أنا رأيي من رأي سليمان أتمنى تورام يكون أساسي بجانب بويول، بصراحة ماركيز أحس أنه مش ولا بد ضد هجوم فالنسيا وبالخصوص ديفيد فيا لا ننسى وجود مورينتس اللي يمتاز بالطول وباللعبات الهوائية أعتقد تورام أفضل وأنسب من ماركيز
بس للأسف تورام من الأساس موب في التشكيلة الأساسية
الله يستر بس
أتمنى سافيولا يكون أساسي إذا كان ميسي موب لاعب