السلام عليكم

هاردلك يا شباب التعادل المخيب للآمال .. كنت أتمنى أن يتقلص الفارق ويحيي فيني أمل ميت أصلا ً .. لكن الحمدلله على كل حال

هدوا يا شباب .. ما ودي أقتل الآمل عندكم .. لكن الدوري بالنسبة لي ماعاد صرت أفكر فيه .. انبسطت اليوم بين الشوطين لكني كنت عارف ان المان بيقلبها وكنت عارف ان رونالدو بيدخل وبيشتغل .. وقلتها لك يا حسام بين الشوطين وحصلت .. لكن اللي ماتوقعته هو تعادل تشيلسي

لاتنسون الأهم هو دوري الأبطال .. يكفيكم أن تعلموا ان تشيلسي لعب هذا الموسم على خمس بطولات وصل لمراحلها النهائية .. الأولى أمام الليفر وخسرناها .. والثانية أمام القنرز وكسبناها .. والثالثة أمام المان وسنكسبها بإذن الله تعالى .. والرابعة هي الدوري وأعتقد أنه ذهب وكم أتمنى أن يعود .. والخامسة هي دوري أبطال أوروبا وهي الأهم .. والله ماعندي مشكلة لو نخسر الدوري والكاس امام المان ونعطيهم الكارلنج بعد لو يبون .. لكن الأهم هو دوري الأبطال وبإذن الله سيتحقق لأننا قريبين جدا ً منه .. واعقلوا يا ليفربول

احمد وانت ارجع وخذ فرة وخذها بحيادية ;)

وعلى فكرة مو كل لمسات اليد تعتبر بلنتي او خطأ هو شيء راجع لـ رأي الحكم .. اليوم ايضا ً فيه لمسة يد واضحة وواضحة التعمد لكن مااعتقد ان الشباب يقصدونها وان كنتم تقصدونها فأرجع واقول هي راجعة لـ رأي الحكم .. ضربات الجزاء ان احد بيتكلم عنها تكلموا عنها بدون ضربات اليد .. اذكر فيه لاعب طاح بدون لااحد يلمسه واحتسب له بلنتي واعتقد انه في نفس المباراة تم تسجيل هدف من خارج الملعب تعرفه يااحمد

شباب على طاري التحكيم .. اللي في بالي اللحين ابذكره لكم للتذكير فقط تشيلسي خسر أمام السبيرز بـ التحكيم .. ألغي هدف صحيح 100 % لـ دروجبا ولا أعلم حتى الآن سبب إلغائه .. يمكن القانون الجديد اللي ذكره مورينهو .. وفي نفس المباراة ضرب بالكوع من حسام غالي والحمدلله شافه الحكم لكن عطاه كرت أصفر بالإضافة لـ ضربة جزاء لـ دروجبا على مااعتقد .. وكلها في مباراة واحدة ترى

أمام نيوكاسل .. كار لاعب نيوكاسل يترجى الحكم يقوله تكفى احسب علي بلنتي والحكم يرفض .. مرتين أو ثلاث مرات وهو يعرقل تيري داخل منطقة الجزاء لكن الحكم ماوده .. شكل ابراموفيتش يقول لـ كار اذا سببت بلنتي بعطيك مليون يورو لكن الحكم قطع رزقه

ومايحتاج نذكر بـ مباراة القنرز ;)

هذا مو تبرير يا شباب لكن مع الخيل ياشقراء تشيلسي هم من أضاعوا الدوري بأنفسهم

تحيتي للجميع ؛ ؛ ؛