رابـطـة عـشـاق الـبـلـوز ..][.. تـشـيـلـسـي ..][.. 2006 - 2007 ..][.. - صفحة رقم 281 - نادي الهلال السعودي - شبكة الزعيم

أسيــ الزعيم ــر · #1 14/12/2006, 01:33 AM

..][.. إستفتاء المباراة ..][..

ما هو رأيك في تشكيلة مورينهو التي دخل بها المباراة والتغييرات التي قام بها ..!

كيف كان مستوى الفريق ...!

ماهو تقييمك لـ اللاعبين ...!

سكره هلاليه · #2 14/12/2006, 01:45 AM

إقتباس


	ما هو رأيك في تشكيلة مورينهو التي دخل بها المباراة والتغييرات التي قام بها ..!

تشكيله حلوة والتغييرات احلى من مورينهو

إقتباس


	كيف كان مستوى الفريق ...!

بعد مادخل شفشينكو مستوى يجنن واحلى من بداية المباراة

إقتباس


	ماهو تقييمك لـ اللاعبين ...!

والله ممتازين وبالاخص شفشينكو وروبن <<بس الحظ معاندة ودروجبا

أسيــ الزعيم ــر · #3 14/12/2006, 01:54 AM

..][.. صــور الــمــبــاراة ..][..

أسيــ الزعيم ــر · #4 14/12/2006, 11:45 AM

..][.. إستفتاء المباراة ..][..

إقتباس


	ما هو رأيك في تشكيلة مورينهو التي دخل بها المباراة والتغييرات التي قام بها ..!

والله ياانا كتبت رد طويل شوي وطفى الجهاز لذلك بإختصار .. كالو وفيليبس دخولهم سويا ً غريب على التشكيل .. والتغييرات متميزة ماعدا تغيير كارفالهو بدخول كلود .. الا ان كان بسبب الاصابة

إقتباس


	كيف كان مستوى الفريق ...!

المستوى جيد .. ومقنع بالنسبة لي اذا خذينا بالاعتبار ان الفريق لعب قبل يومين مباراة قوية قدموا فيها مستوى وجهد كبيرين

إقتباس


	ماهو تقييمك لـ اللاعبين ...!

هيلاريو 6 .. غريب أمس وكاد يتسبب في دخول هدف على الفريق من سيبرسكي

أ.كول 7 .. مستواه في إرتفاع مستمر

جون تيري .. 7.5 ماكان ظاهر كثير في المباراة لكن يستاهل بعد ما خلص كورة من مارتينز كادت أنها تُسجل

كارفالهو 7.5 .. كان متميز في الدفاع قبل خروجه الغريب ...!

جيريمي 6.5 .. بالرغم من انه ساند الهجوم وغطى تغطية جيدة دفاعيا ً لكن مو جيريمي اللي نعرف

إيسيان 9 .. والله يا انه حشرهم حشرة تسلب

وماخلى مكان مالعب فيه .. أنت الأفضل

بالاك 7.5 .. كان متميز بلمساته وتحركاته ومستواه في تصاعد ;)

لامبارد 8 .. باين عليه انه خايف ان المباراة تضيع من تشيلسي ولولا ذلك كان ممكن يسجل

كالو 7 .. هاللاعب مزعج ومهاري بدرجة كبيرة .. لكن أمام المرمى غريب ...!

فيليبس 6 .. !!!!!!!!!!!!!!!!

روبين 8 .. تمريرة رائعة لشيفا قبل الهدف .. عرضية جميلة لدروجبا .. مستوى متميز .. كرة في القائم .. ماينقصه سوى الحظ

شيفا 7 .. كان متحرك وأزعجهم وصنع الهدف .. وبإنتظار المزيد

دروجبا 8 .. الهدف عطاه الزيادة عن شيفا وكان متحرك أيضا ً

كلود ماكاليلي 8 .. لاتعليق والله اللي يشوفه مايقول شايب ماشاالله عليه

سكره هلاليه · #5 14/12/2006, 12:52 AM

انا>>واعوذ من كلمة انا
بقول عن شوط المباراة الثاني بس لانالاول ماشفتة
المهم
شفشينكو واه منك ياشيفا ياويل قلبي عليك بس والله انك تستاهل افضل لاعب بالمباراة والله يوم دخل غير اللعب بسم الله ماشالله واليوم اثبت وجوده ولعبه
لامبارد ياعيني عليك يالفنان والله ضحكت يوم جزمتك طاحت هههههههه بس كبير يالامبارد
دروجبا وش اقول وش اخلي عنك يادروجبا يافنان مبروك الهدف التاسع
بالاك تحسونة راعي مهاوشات الامب تحسونة الاراعي مهاوشات بداية الشوط الثاني قلت شكله هذا مب مكمل المباراة بس الحمدالله عقل تحسه فرحان بجسمه وقاعد ينافخ عليهم هههه
اماجون تيري ماكنة بالمباراه
روبن المسكين يعاندة الحظ واقسم بالله اني انقهرت
اماالباقيين عاديين
بس بقول شي
تكفون صور مورينهو ياوليه عليه ياناس يجنن لعب وشكل وشخصيه ياعيني عليك بس

يوسفو 15 · #6 14/12/2006, 03:06 AM

سـلاااام ..

الف مبروك الفوز اللي مدري وشلون جاء .. وصراحه بديت اخاف ان الدوري يروح من ايدينا اذا استمرينا على هـ المستوى

..

المان يفوزون بنتائج كبيره ومستويات روعه .. وحنا يالله نفوز بالمباراه الوحده .. وبالبركه ! ..

فيه نوعية من لاعبينا .. يحسبون ان الفوز بالمباراه بالتحسيب .. يحسبون انهم يلعبون في حواري !! ..

روبين وش أقول وش أخلي .. الحظ ضده من جـد ! .. ماقصـر سوا كل شئ .. اللهم ان الكورة ماتبيه يجيب قول ! ..

والآن نعود الى الإستفتاء ! ..

- -

ما هو رأيك في تشكيلة مورينهو التي دخل بها المباراة والتغييرات التي قام بها ..!

التشكيله اول شئ .. مدري وش تبي .. وتدل على ان مورينهو مستحقر الفريق اللي قدامه ! ..

لكن التغييرات حلوة يوم حس بالخطر .. والتبديل الأخير بجد كان فيه مجازفه قووووووية .. لكن مورينهو لعبها صح

..

كيف كان مستوى الفريق ...!

سئ , ومو هذا مستوى فريقنا اللي نعرفه ! .. لكن نأمل ان يتحسن المستوى في قادم الجولات ..

خصوصاً ان المباريات الجايه قوية .. مع ايفرتون ومع ويجان .. ويتخللها مباراه في الكأس .. مع نيوكاسل .. وكلها خارج ارضنـا ! ..

ماهو تقييمك لـ اللاعبين ...!

هـيـلاريو -- 6.5 ( الولد بدأ يدج شوي ..

)

جيرمي -- 6.9 ( أدى الدور الدفاعي .. لكن نشوفه اليوم فاقد شئ اسمه كنترول

)
كارفاليو --6.5 ( لأني ماشفت المباراه الا من الدقيقه الـ 20 وماأقدر احكم عليه زين )
تيري --7.5 ( انت المنقذ دائـمـاً يابطل .. )
أشلي كـول --6.8 ( لم تكن في مستواك المعهود )

إيسـيان --8.5 ( يسألوني ليه أحبك ؟ .. انت خيااااااااااااااااااال ياملك يانجم ! " في نظري انت ملك المباراه " )
لامبارد --8 ( دينمو الوسط .. ومايسترو الفريق .. <-- كـ العاده ! )
بالاك --7 ( بديت تطور من طريقه لعبك ياقائد الألمان )

فيليبس -- 5 ( هذا اللاعب تفرّغ بجد للتسحيب .. اتمنى ان تتم اعارته لأي فريق حتى يعود لنا مضبوط !!!! )
روبين --8 ( الحظ وقف ضدك في أكثر من هجمه .. لكن ماقصرت يابطل )
كـالو --6.8 ( الشوط الأول مو كالو اللي نعرفه .. بالعكس ضيّع هجمه قدام الباب ماتتضيع ! .. لكن الثاني تحرك شوي )

البـدلاء ..
ماكليلي --7 ( أفضل محور في العـاااااالم .. )
دروجبا --8 ( الفضل يعود الى الله ثم اليك في جلب الفوز .. )
شيفشينكو --7.8 ( الفرق بينك وبين دروجبا انه جاب هدف وانت ماجبت .. ولا من ناحيه الأداء .. فأنت ياشيفا افضل

)

مـورينهو -- فوق الـتوب ! لكن اليوم خربها بدخوله بهذه التشكيله .. ممكن علشان اللاعبين مرهقين ! ..

يعطيكم العافيه شباب على الأخبار .. ولي عوده ان قدرت على التعليق على الأخبار

..

يوسفو 15 · #7 14/12/2006, 03:27 AM

إقتباس


	..][.. مورينهو : نيوكاسل دافع جيدا ً ..][..

اقول بلاخربطه وبلا تصـاريح مدري وش تبي .. البلاء منك انت وتشكيلتك ! ..

يقالك مستحقر الفريق اللي قدامك ! ..

عمومـاً الحمد لله اننا فزنا .. ولا كان عصبت عليك !

..

abdlaziz هلالي · #8 14/12/2006, 05:10 AM

شباب ممكن تعطوني تردد قناة تشيلسي

واكون من الشاكرين لكم

يوسفو 15 · #9 14/12/2006, 06:02 AM

إقتباس

الرسالة الأصلية كتبت بواسطة abdlaziz هلالي


	شباب ممكن تعطوني تردد قناة تشيلسي واكون من الشاكرين لكم

تقصد قناة تشيلسي الرسميه ؟ ..

على حسب ظني مايوصل بثها الى الشرق الأوسط

..

واذا كنت تقصد قناة تشيلسي اللي يقولون بتنزل مع الـ art .. الـ art .. لين الحين مانزلوها ! ..

اتمنى اني اكون افدتك ! ..

abdlaziz هلالي · #10 14/12/2006, 05:16 AM

اعتقد ان مورينيو حط كالو وفيليب عشان يشوف ينباعون ولا ينفعون ويقعدون معنا
وايضا عشان اللاعبين مرهقين من كثرة المشاركات

وكالعاده النجم دروقبا

شيفا تطور مستواه من مباراه لمباراه وكذالك بالاك

روبن أتمنى يكون أساسي في كل مباراه

ايسيان الدبابة الغانية تطلق صواريخها نجم ولا كل النجوم

ماكليللي استمر يا مبدع

كارفاللهو اليوم مش ولا بد

جون تيري.....يلوموني في حبك يا عجيب

اشلي كوول .....مستواه نزل

جيرمي....مستواه متوسط

دنـيـدل · #11 14/12/2006, 06:19 AM

ســــــــــلااااااااااااااااام

كيـف الحـال مورينهـو ؟ كيـف الحـال مستـوى ؟ كيـف الحـال تحكيـم ؟

الحمـد للـه اللـي عـدت هالمبـاراه علـى خيـر وإلا كـان بينطلـق فينـي عـرق

تشكيلـه مـادري وش تبـي

مستـوى خرابيــط

واللـه الوقـت الحـالـي إنـي أخـاف مـن مبـارياتنـا فـي الستامفـورد أكثـر مـن اللـي بـرى

صـدق الفريـق خـارج أسـوار الستامفـورد يقـدم أروع المستويـات

لكـن الحمـد للـه اللـي كسبنـا الثـلاث نقـاط وهـي الأهـم وتقلـيص الفـارق إلـى خمـس نقـاط

شيفــا ... وش أقـول بـس ؟ ياخـي أنـت كلـك حـلا وربـي , علامـه فارقـه فـي المبـاراه

إيسيـان روبيـن تيـري هـم مـن كانـوا فـي أجـواء اللقـاء وزاد عليهـم شيفـا بعـد دخولـه , الباقيـن يخلـف اللـه رغـم إن لامبـارد قـدم مستـوى لا بأس فيـه لكـن ماهـو فرانكـي اللـي نعرفـه

حكـم المبـاراه :p أجـل كـورة بابايـارو مـع روبيـن ماعليهـا كـرت , وكـورة إيسيـان اللـي ماهـو فـاول فـي الأصـل تعطيـه كـرت لا وفـي منتـصف الملعـب بعـد

المبـاراه القادمـه أمـام إيفرتـون واللـه يستـر بـس لكنـي متفائـل فيهـا لأنهـا خـارج أرضنـا , أكيـد اللاعبيـن يتحمسـون أكثـر وياليـت ما أشـوف كاهيـل تعافـى مـن إصابـته إلـى بعـد مبـاراتنـا معهـم

تحيــاتــــي

دنـيـدل · #12 14/12/2006, 06:39 AM

..][.. إستفتاء المباراة ..][..

إقتباس


	ما هو رأيك في تشكيلة مورينهو التي دخل بها المباراة والتغييرات التي قام بها ..!

مـن صدقـك ابوعابـد ؟

تشكيلـة مـوري مايدخـل فيهـا مـدرب إلـى إذا صـار مكثـر مـررررررره :p , وإلا شيفـا ودروجبـا مـره وحـده إحتيـاط

, أقـل شـيء واحـد منهـم

والتغييـرات ألعـن وألعـن بعـد , يدخـل ماكليلـي ويطلـع كارفالهـو ويرجـع إيسيـان مدافـع

, ماهـو صاحـي اليـوم عنـي أنـا

إقتباس


	كيف كان مستوى الفريق ...!

سـيء للغايــه , والحمـدللـه كـورة العارضـه ماجـت وإلا كـان هنـاك كـلام ثانـي

إقتباس


	ماهو تقييمك لـ اللاعبين ...!

واللـه أغلـب اللاعبيـن مايستحقـون تقييـم

, لكـن دامهـم دخلـوا بوجهـك يابوعابـد أبقيمهـم هالمـره بـس :p

هيـلاريـو 5

آشلـي 6

تيـري 8

كارفالهـو 7

جيريمـي 6.5

إيسيـان 8.5

بـالاك 5.5

لامبـارد 7

فيليبـس 5

روبيـن 8

كالـو 6

دروجبـا 7

ماكليلـي 5.5

شيفـا 8

مانـي مبالـغ فـي أفضـل لاعـب وأقـول شيفـا لأنـه هـو مـن غيـر مجـرى المبـاراه لكـن بقـول إيسيـان بمـا أنـه لعـب فـي ثـلاث مراكـز وأبـدع فـي كـل مركـز

يستاهــل

تحيــاتــي

عــشــق الــكــتــابـه · #13 14/12/2006, 06:59 AM

مرحبا شباب

<=== هذا المستخدم مغبّر

كيف الحال شباب وش اخباركم وش علومكم ؟

والله لكم وحشه حبايبي نوافوه اللي فوقي وعبود وعزوز و ابو غامد

وباقي الشباب ..

الحمد لله اني ارتحت من البلاوي اللي عندي الايام الماضيه والحين راح استمر معكم زي الحلاوه

....

بالنسبه لمباراة اليوم بصراحه المستوى سيء للغايه ومايبشر بخير للأمانه

لكن تشكيلة مورينهو قد <<== ولاحظ كلمة قد

.. قد تكون واقعيه نوعاً ما ..

لأن بصراحه الاسابيع الماضيه واجه اللاعبين ضغط كبير جداً للمباريات .. من بطولات اوروبيه و الدوري المحلي بمبارياته المأجله ..

بنظره تحليليه مني

.. اشوف ان مورينهو فعل الافضل ... هذا رأيي

مهما كان اللي راح يلعب معنا ومهما كانت الظروف اعتقد اراحة اللاعبين للمباريات القويه اللي خارج ارضنا هي المهمه.. ولو كانت كلها مهمه فالاصل ..

الحمد لله عندنا لاعبين ممتازين واحتياطيين بأمكانهم انهاء المباراه لصالحنا ..

لكن كنت اتمنى لو لعب شيفا من بداية المباراه بدل البدأ بـ كالو يمكن افضل وخاصةً ان الاخير اضاع اهداف وفرص بالجمله ...

اما الاهم في كلامي فهو عن روبن ... ياناس حرام لاعب مثل هذا يجلس في مقاعد الاحتياط !!

شفتوا وش سوا في بابايارو ؟ ... فتح خط سريع الدمام الرياض رايح جاي

من جد سوا عمايل :p

ولي رجعه مع الحديث عن المباراه .. ;)

إقتباس

الرسالة الأصلية كتبت بواسطة أسيــ الزعيم ــر


	..][.. إستفتاء المباراة ..][.. ما هو رأيك في تشكيلة مورينهو التي دخل بها المباراة والتغييرات التي قام بها ..!

جيده نوعاً ما ..

إقتباس

الرسالة الأصلية كتبت بواسطة أسيــ الزعيم ــر


	كيف كان مستوى الفريق ...!

ضعيف وخاصةً من المهاجمين ..

إقتباس

الرسالة الأصلية كتبت بواسطة أسيــ الزعيم ــر


	ماهو تقييمك لـ اللاعبين ...!

بصراحه انا مو دقيقه فالتقييم :p

كل اللاعبين كان مستواهم ضعيف شوي ... مو هذا اللي عرفناه عنهم ...

...

عموماً حبيت اسلم عليكم واشارككم شوي

راجع لكم ;)

::