رابطة عُـشّـاق الـــريدز .. ][ ليفربـــــول ][ .. 2006 - 2007 - صفحة رقم 490 - نادي الهلال السعودي - شبكة الزعيم

شفشينكو الهلال · #1 19/03/2007, 12:12 AM

هلا بالشباب ترى فيه طريقه سهله تقدرون من خلالها حفظ المقاطع من يوتيوب و قوقل فيديو و مواقع كثيره غيرها .. ان كانكم تبون الطريقه علمون ..

AS King 10 · #2 19/03/2007, 12:23 AM

إقتباس

الرسالة الأصلية كتبت بواسطة شفشينكو الهلال


	هلا بالشباب ترى فيه طريقه سهله تقدرون من خلالها حفظ المقاطع من يوتيوب و قوقل فيديو و مواقع كثيره غيرها .. ان كانكم تبون الطريقه علمون ..

يا ليت و الله

hilalemooot · #3 19/03/2007, 12:27 AM

إقتباس

الرسالة الأصلية كتبت بواسطة شفشينكو الهلال


	هلا بالشباب ترى فيه طريقه سهله تقدرون من خلالها حفظ المقاطع من يوتيوب و قوقل فيديو و مواقع كثيره غيرها .. ان كانكم تبون الطريقه علمون ..

بعد أذن الشباب و السلام عليهم

اخوي شلون احفظ المقطع بموقع يوتيوب ؟؟ .. بصراحة فيه مقاطع نادرة ياليت تفيدني

هاردلك التعادل شباب

.. واتفق مع ابوابراهيم في أن فاولر يستحق ان يُكرم بمنحة الفرصة للمشاركة .. خصوصاً ان الريدز ضامن بشكل كبير احد المركزين الثالث أو الرابع

فـ مان الله ,.,.,

hilalemooot · #4 19/03/2007, 12:38 AM

والله يالتحميل مشوار

خلاص بطلنا

.. اقول ممكن احد يقولي كاراغار وش يقول ؟؟ .. والله ياهو مشووت بالتصريح

.. الا وش دخل مايكل جاكسون بالريدز وبرشلونة

؟؟

على طاري الابطال .. ايندهوفن خسر على ارضة اليوم بخمسة اهداف لهدف من اجاكس .. وطبعا كالعادة التوب للاعب المان القادم بحول الله هونتيلار

.. الظاهر غياب المدافع اليكس مأثر .. وعلى ماسمعت انه بيغيب قدام ليفربول بعد

فـ مان الله ,.,.,

G E R R A R D · #5 19/03/2007, 01:18 AM

ودي اعلق عليكم كلكم

بس بي نوم

المهم اوافق ابو ابراهيم بأن اشراك فاولر الحين ليس من باب التكريم ... بل لحاجه الفريق لقناص

كاويت وبيلامي ماينفعون مع بعض الا في حاله وحده

اذا صرنا بنلعب على المرتد .. مثل مبارياتنا مع برشلونه .. اما مباراه اليوم فكان يبي له قناص مثل كروتشي او فاولر

---

ابو حميد الله يبشرك بالخير .. اجل انصقعو 5

... خوذو هنتلار ميخالف

حنا مانرضى الا بفييا او توريس .. ولا ايتو

خلوكم انتم من برباتوف وهنتلار ونازل :p :p

hilalemooot · #6 19/03/2007, 01:27 AM

^
^^

الله يالدنيا صرنا نبي فيا و توريس عقب كراوتش و فورونين

فيا ماراح يطلع لو تحبون السما

اما هونتي و بيرباتوف .. ماقول الا الله يجيبهم .. هالاثنين خصوصا هونتي ماكينات اهداف ماشاء الله عليهم ..

عموما بما انك صارت خبرة باليوتيوب شفلك مقطع اثنين لـ هونتيلار وبتعرف قيمة هاللاعب

ابو رغـد يازين خطماتك .. لك وحشة والله

ماجد الله يعطيك العافية يا بعدي .. ترى وقسم مني شايب

تصبحون على خيــر

juve1897 · #7 19/03/2007, 01:48 AM

إقتباس

الرسالة الأصلية كتبت بواسطة hilalemooot


	والله يالتحميل مشوار خلاص بطلنا .. اقول ممكن احد يقولي كاراغار وش يقول ؟؟ .. والله ياهو مشووت بالتصريح .. الا وش دخل مايكل جاكسون بالريدز وبرشلونة ؟؟ على طاري الابطال .. ايندهوفن خسر على ارضة اليوم بخمسة اهداف لهدف من اجاكس .. وطبعا كالعادة التوب للاعب المان القادم بحول الله هونتيلار .. الظاهر غياب المدافع اليكس مأثر .. وعلى ماسمعت انه بيغيب قدام ليفربول بعد فـ مان الله ,.,.,

و الله يا أبو محمد شكل البضاعه حقتك سوقها ماشي حتى الشايب ما سلم منك

الظاهر هو من يوم شم الريحه و هو بداء يقط خيط و خيط

لهذا السبب أطالب بمضاعفه الكمية الي أنا طالبها و مب مختلفين على السعر

هلالي بقيق · #8 19/03/2007, 02:39 AM

إقتباس


	قبل ما انسى هالرابط فيه مقابله لجيرارد وكارجر بعد مباراه برشلونه الفكره موب بالمقابله الفكره بكلام كارجر اتحداكم تفهمونه والله ياهو سريع هذي لهجه اهل ليفربول الاصليه وبعذره رينا ماكان يفهمه

الظاهر يتكلمون ياباني...!!
ولاكـــلمه قدرت اجيبــها

إقتباس


	هالمقطع توي منزله بالعالميه فرحه لاعبيننا داخل غرف الملابس بشامبينز 2005 ركزو بحبيب ابو تركي تراوري

ههههههه
نركز بتراوري ولا ببو فوطــه زرقاء
خخخخخخ

إقتباس


	جيرارد مدرعم على احد التصويتات ولكن هالمره بكتابه اللي فيه قصه حياته والكتاب حطوه مع الاختيارات المتاحه لأفضل كتاب رياضي لعام 2006 التصويت من هنا وتقدرون كلكم تصوتون

تـــم التــصــويــت..

إقتباس


	رافا قال انه الفريق لم يقدم في المباراة اي شيئ جيد غير النقطه التي حصلنا عليها وقال انه عندما تكون بهذا المستوى السيئ في الخروج بنقطه هو شيئ الوحيد الجيد في هذه المباراة

اكيد يارافا ماقدم شي
لانك لوقلت انكم قدمتوا شي كان كذبناك
لكن يالله مانتلام...برد كبودنا بابطال اوروبا والثالث او الرابع في الدوري ماتفرق كثير

إقتباس


	أكثر الاعبين لعباً هذا الموسم جيرارد 40 مباراه الدوري 30 كاراقار 39 مباراه الدوري 29 بينانت 39 مباراه الدوري 27 رينا 39 مباراه الدوري 29 فينان 39 مباراه الدوري 29 الونسو 39 مباراه الدوري 26 طويلان 38 مباراه الدوري 27 كاوت 37 مباراه الدوري 27

ابوابراهـــيم دايم اسئلك اذا نزلت الاحصائيات
وين ريزا...؟
<<نشـــبه هههههه
لكن من جد اغلب المباريات اشوفه اساسي
مااذكر مباراه للريدز ماشفت ريزا فيها

إقتباس


	أكثر الاعبين حصولا على الكروت الصفراء الونسو 8 الدوري 4 محمد 8 الدوري 4 بينانت 5 الدوري 3 كارقار 4 الدوري 4 ولايزال سجلنا خالي من البطاقات الحمراء

يـــاســلام..!!!
عندما تكون احد افضل فرق الدوري دفاعا ومن ضمن اقل الفرق تسجيل في مرماك وماعندك ولاكرت احمر..!!
وترتيب بين الثالث الى الرابع وكنت مهدد ان تكون الخامس
معناتها الخلــلل مــن قـــدام...؟!!

مهد كــ القدم ــرة · #9 19/03/2007, 12:14 AM

و الله المقطع الاحتفالي رووووعة بس مظبوط زي ما قلتو فيه بلاوي حمراء

أبو صالح تصدق عاد اني كنت ناوي انزله على جهازي و احوله للجوال بس كويس انتبهت

أما بالنسبة للمباراة فعمري ما توقعت اشاهد مباراة بالدوري الانجليزي بهذا المستوى

مهد كــ القدم ــرة · #10 19/03/2007, 12:41 AM

الطريقة سهلة جدا ً و من زمان استخدمها بس خفت احطها و غيركم يستفيد منها بالحرام

RoMa4eVeR · #11 19/03/2007, 12:48 AM

السلام عليكم

تراني زهقت ياشياب كل شي ماتعرفونه :p

وجا شايبنا وفضحنا بعد طلع ماعنده ماعند جدتي :p

يازين الشباب بس

الزبدة يالربع

الي يبي يحمل أي مقطع من الياوثتب ينسخ رابط المقطع من المتصفح

بعدين يدخل هالموقع

بذا

ويحط الرابط بالفرغ ويختار MOV for Mac (MPEG4 + MP3)

بعدين يضغط Start

وهو بيحوله

وآخر شي بيعطيك رابط إضغط عليه ويتحملك المقطع

وصلى الله وبارك

مع السلامة

torpedo · #12 19/03/2007, 12:54 AM

السلام عليكم

http://alsaha.fares.net/[email protected]@.3ba9af4b

للفائده

مع السلامه

مهد كــ القدم ــرة · #13 19/03/2007, 12:27 PM

^^^

أنا أحول المقطع الي يعجبني للجوال من خلال هذا البرنامج Xilisoft 3GP Video Converter

جدا ً ممتاز و بامكانك التحكم بالصوت و الوضوح و مرة مرة رهيب و عربي و كل الصيغ فيه يعني ما يحتاج

AS King 10 · #14 20/03/2007, 12:53 AM

إقتباس

الرسالة الأصلية كتبت بواسطة مهد كــ القدم ــرة


	^^^ أنا أحول المقطع الي يعجبني للجوال من خلال هذا البرنامج Xilisoft 3GP Video Converter جدا ً ممتاز و بامكانك التحكم بالصوت و الوضوح و مرة مرة رهيب و عربي و كل الصيغ فيه يعني ما يحتاج

ممكن رابط تحميل و يا ليت مع الكراك و التعريب الله لا يهينك

..

مهد كــ القدم ــرة · #15 19/03/2007, 12:31 PM

بس الي ابغى اعرفه كيف أحول مقطع فيديو لصورة متحركة ؟