رابطة عُـشّـاق الـــريدز .. ][ ليفربـــــول ][ .. 2006 - 2007 - صفحة رقم 476 - نادي الهلال السعودي - شبكة الزعيم

G E R R A R D · #1 14/03/2007, 07:59 PM

بك بك

إقتباس


	ههههههههههههههههههههههههههههه وش يبي ذا ياجماااعه ..... الحين ابوصالح انت تتكلم من جد ولا تستعبط ؟؟؟ اي منطق يبومنطق انت ... الحين تراك ما اشتغلت الا هالشهر وقبلها تراك ناايم بالعسل .. وبعدين ليه حسبت العشرين يوم بمشاركات النشيطه وليه ما حسبتها بمشاركاتك المكربنه...والرابطه موجوده وقلب صفحاتها على كيفك.. وايام انت ناايم وابوابراهيم مسافر وابواريام وابوحنفي غايبين وهي الفتره الطويله ..شف مين كان شايل الرابطه ياقلبي...كل واحد يشارك برد او اثنين في اليومين مو في اليوم ..وانت الحين جاي تذلنا على 200 او 300 مشاركه بالفتره الاخيره. شوفوا لكم حل مع هالادمي ياشباب الظاهر بدا يخررف قبل وقته

ياناس معصب اليوم ابو محمد

ياحبيل ابو منصور بس

فهمني من لمحه

إقتباس


	أووف خليتوا جمهورنا وقحين !! ما ألومكم شافين المباراة بالتعليق العربي ولا تدرون أي الجمهور الوقحين جماهيرنا أو جماهيركم !! فيه عدد من مشجعي الليفر لا جت الكورة مع نيفل قاموا يصفرون ويستهبلون ويزاعقون << آثار الرايح جاي ما ألومهم المهم جماهير المان حقدوا .. قالوا خير ان شاء الله ببيتنا ويهايطون هالكم نفر ؟ طبعاً جماهيرنا محترمين والا يقدرون الـ 70 ألف يلزخون هالمجموعه لكن بإحتفالية فبغوا يردون عليهم بالمثل والا جيرارد نحترمه حنا وهو من اللاعبين المحبوبين لجماهير المان كونه بفريق لا ينافس المان ع الدوري ولعبه رائع طبعاً أنا دريت بوقت المباراة بالسالفه هذي وتأكدت اليوم الصباح بمنتدى خاص لمشجعين المان وأكثرهم من اللي يحضرون للأهمية جرى التبيه

مادري

فيه احد يتكلم

إقتباس


	الظاهر اليوم ذا يوم الاستهبال العالمي الحين ماجد انت من جدك تتكلم ولا تمزح

الشرهه عليك اللي تعطيه وجه يابو محمد

إقتباس


	ما أقول الا الله يعين اهلك عليك

يعني نقدر نقول انك رضيت علي

G E R R A R D · #2 14/03/2007, 08:06 PM

يقال ان ديفد موريس الرئيس الاسبق والفخري الحالي دفع قيمه كاويت من جيبه الخاص

وهذا يعني ان الملاك الجدد بيردونه له قريبا

G E R R A R D · #3 14/03/2007, 08:15 PM

رافا يقول انه لازم يجتمع مع الامريكان مره ثانيه ... وذلك للتحدث حول الامور المستقبليه

وقال انه يبي اشياء تخدم النادي لــ 100 سنه قدام وليس سنتين او ثلاث

واخيرا اكد على اهميه جلب لاعبين سيناقشهم في اجتماعه القادم مع باري .. والذي بدوره سينظم اجتماع مع ادراه النادي الجديده

juve1897 · #4 14/03/2007, 09:27 PM

شباب الحين فيه علاقه ترابط بين ليفربول و سلتيك

شفت صوره لجماهير سلتك ما أدري ليفربول حاطين شعار الناديين جنب بعض

أبو محمد الأغراض الي طالبها جاهزة ولا لأ

T W I N S O U L · #5 15/03/2007, 05:47 AM

إقتباس

الرسالة الأصلية كتبت بواسطة G E R R A R D


	يقال ان ديفد موريس الرئيس الاسبق والفخري الحالي دفع قيمه كاويت من جيبه الخاص وهذا يعني ان الملاك الجدد بيردونه له قريبا

والله أحلى صفقة لو أي شخص ما يعرف أن هاللاعب جاي بالصيف فأكيد بيشك أنه من أشبال النادي

لاعب في خلال فترة قصيرة تأقلم مع الفريق ويؤدي أداء كبير ، دفاعيا و هجوميا

إقتباس

الرسالة الأصلية كتبت بواسطة G E R R A R D


	رافا يقول انه لازم يجتمع مع الامريكان مره ثانيه ... وذلك للتحدث حول الامور المستقبليه وقال انه يبي اشياء تخدم النادي لــ 100 سنه قدام وليس سنتين او ثلاث واخيرا اكد على اهميه جلب لاعبين سيناقشهم في اجتماعه القادم مع باري .. والذي بدوره سينظم اجتماع مع ادراه النادي الجديده

وهذا التفكير السليم لأني أتوقع إن شاء الله أن يكون هناك سيطرة على البطولات وخصوصا الانجليزية والدوري على وجه الخصوص
لأن الفريق عطشان ولا راح يروي ضماه بطولة ولا ثنتين ، أتوقع الكأس يلزق في ليفربول على طوووول

إقتباس

الرسالة الأصلية كتبت بواسطة juve1897


	أبو محمد الأغراض الي طالبها جاهزة ولا لأ

أبو محمد انتبه من هالنوعيات لأنها هي اللي تجيب الشبهه

وش دراك لو أنه مباحث :p يبي يوقع أعضاء الرابطة في فخ

هلالي بقيق · #6 15/03/2007, 01:43 AM

وصلني خبر قبل قليل عبر جوال الهلال
يفيد ان الملاك الجدد يوقفون عمليات التجديد في ملعب الفريق
ماادري هم يقصدون الانفلد او الملعب الجديد.....؟؟

ريدزاوي · #7 15/03/2007, 02:04 AM

إقتباس

الرسالة الأصلية كتبت بواسطة هلالي بقيق


	وصلني خبر قبل قليل عبر جوال الهلال يفيد ان الملاك الجدد يوقفون عمليات التجديد في ملعب الفريق ماادري هم يقصدون الانفلد او الملعب الجديد.....؟؟

نعم هم وقفوا اي اعمال جديده للملعب الجديد بسبب انهم يبون يرفعون عدد الكراسي من 61000 الى 80000...فهم الان يدرسون امكانية تنفيذ هالمخطط الجديد

اكبر فخر اني هلالي · #8 15/03/2007, 02:00 AM

السلام عليكم

الله لا يصبحكم الا بالخير

حيا الله عشاق الريدز

http://vb.alhilal.com/showthread.php?t=385889

هذا موضوعي البسيط ..((لنكن اكثر رقيا)) ..لا تحرمونا من مشاركاتكم ..

ارق التحايا .. صادق الامنيات

ريدزاوي · #9 15/03/2007, 02:14 AM

الحُمر يعيدون مراجعة مخططات الانفيلد الجديد

ملاك النادي الجدد الاميريكيان توم هيكس وجورج جيليت طلبوا مراجهة مخططات بناء الملعب الجديد ودراسة امكانية ان يكون الملعب اكبر ......ويعتقدا بانه توجد هناك طريقة ما لزيادة الطاقه الاستيعابيه للملعب واكدا بن الملعب الجديد هو هدفهم الاساسي و ان الفريق سينتقل اليه في 2009م كما هو مخطط له.....واكد متحدث باسم النادي صحة هذه الاخبار وقال بانه من غير المحتمل ابد الغاء عقد المقاوله المتفق عليه وكل مافي الامر ان الملاك الجدد يريدون توسعة الملعب الجديد.

G E R R A R D · #10 15/03/2007, 05:24 AM

إقتباس


	شباب الحين فيه علاقه ترابط بين ليفربول و سلتيك شفت صوره لجماهير سلتك ما أدري ليفربول حاطين شعار الناديين جنب بعض أبو محمد الأغراض الي طالبها جاهزة ولا لأ

مرحبتين

بالنسبه للعلاقه انا ترجمت الخبر ومافهمت منه شي

كارثه ملعب هلزبورو واللي راح ضحيتها كثير من الجماهير

الظاهر يتضامنون عشانها ولا شي مثل تسذا

واغراضك اذا هي من اللي بالي بالك

.. وقت توزيعنا هنا بالرابطه بعد الظهر

إقتباس


	نعم هم وقفوا اي اعمال جديده للملعب الجديد بسبب انهم يبون يرفعون عدد الكراسي من 61000 الى 80000...فهم الان يدرسون امكانية تنفيذ هالمخطط الجديد

اما لو يصير 80

تخيلتو الدخل اللي بيجينا

RoMa Wolves · #11 15/03/2007, 04:30 AM

ريدزاوي

حبيبي ماني مجبور أحلف لك وإلا أقنعك بتصدق صدق بس أنا بس بعلمك ع هالشيء عشان ما تشيب وانت حاط براسك هالشي خخ

وان ماصدقت هذا شيء راجعلك بس بعلمك

مافيه جمهور يكرهـ شخص كجمهور الليفر تكرهـ نيفل وجمهور البرشا تكرهـ مورينهو

ابو حنفي · #12 15/03/2007, 01:03 PM

إقتباس

الرسالة الأصلية كتبت بواسطة RoMa Wolves


	حبيبي ماني مجبور أحلف لك وإلا أقنعك بتصدق صدق بس أنا بس بعلمك ع هالشيء عشان ما تشيب وانت حاط براسك هالشي خخ وان ماصدقت هذا شيء راجعلك بس بعلمك مافيه جمهور يكرهـ شخص كجمهور الليفر تكرهـ نيفل وجمهور البرشا تكرهـ مورينهو

ياحبيبي ابو محمد ماقال شي غلط .. هو فقط طلب اثبات ان جمهور ليفربول هو الي يصفر ضد نيفيل على قولتك !

يعني معقوله اكثر من 50 الف مشجع مانشستراوي بالملعب مافيه ولا واحد سجل اللقطه ..

واحب اصحح لك - مافيه لاعب يكره فريق مثل نيفيل وكرهه لليفربول .. لان مافيه اي سبب منطقي ووجيه يخلي جماهير ليفربول تلتفت وتهتم للاعب مثله ..

ابو حنفي · #13 15/03/2007, 01:12 PM

إقتباس


	بسم الله الرحمن الرحيم السلام عليكم ورحمه الله وبركاته جماهير الريدز العريق تفضلوا يا احلى رابطة ويا احلى اعضاء جماهير برشلونة وجماهير ليفربول .. حـــبــايــب اتمنى زيارتكم لا يفوتكم فيديو رووووعة وخيالي

ثانكس عالمقطع .. وصراحه روعه .. وفعلا جماهير كبيره لناديين كبار

@@

إقتباس


	نعم هم وقفوا اي اعمال جديده للملعب الجديد بسبب انهم يبون يرفعون عدد الكراسي من 61000 الى 80000...فهم الان يدرسون امكانية تنفيذ هالمخطط الجديد

والله صراحه خبر ولا بالاحلام ..

وباذن الله يتم

@@

إقتباس:

الرسالة الأصلية كتبت بواسطة قــلب الاســد


	لفربول يريد خطف بابتيستا من ريال مدريد ب7 مليون جنيه استرليني وردت اخبار بأن لفربول يريد شراء جوليو بابتيستا الذي يلعب حاليا مع نادي آرسنال على سبيل الاعارة وجدير بالذكر بأن آرسين فينغر مدرب الآرسنال يريد عقد دائم مع جوليو بابتيستا ولكن بعد استملاك نادي ليفربول لامريكيين اثرياء من الممكن ان يتحصل عليه مدرب لفربول رافائيل بينيتز. المصدر

الي مخوفني ان الكوب توك كاتب هالخبر !!
تكفا يارافا فكنا من المطرسه .. وباذن الله اشاعه

ريدزاوي · #14 15/03/2007, 06:04 PM

^
^^
وعليكم السلام ورحمة الله وبركاته..
ان شاء الله بتشوف ابداعات شعريه من شياب وشباب وبزارين الرابطه

------------------

الحين مباراتنا تاجلت الى يوم الاحد ماهي بالسبت

RoMa Wolves · #15 15/03/2007, 08:10 PM

تم التحرير

وجودك غير مرحب فيه بالرابطه

الا اذا تكلمت باحترام .. لأنه وكما هو معروف

الرابطه ملك لعشاقها

اذهب الى رابطتك وتكلم كما شئت

ولكنه هنا الاحترام ولا غيره هو المطلوب