رابطة عُـشّـاق الـــريدز .. ][ ليفربـــــول ][ .. 2006 - 2007 - صفحة رقم 389 - نادي الهلال السعودي - شبكة الزعيم

G E R R A R D · #1 13/02/2007, 09:47 AM

إقتباس


	فريق قوي بصراحه لكن الوعد في الاياب نهزم بهدف او بهدفين لواحد اونتعادل اونفوز ذهابا سيكون الاياب في جيبي لكن الخوف من ان نقتل في الذهاب وتصبح مباراة الاياب تحصيل حاصل

بالفعل هذا هو السيناريو المثالي

الهزيمه بفارق هدف

او التعادل

ومن ثم جعل الامور كلها في الانفلد

إقتباس


	ولاتنسى دعاوي الشباب في الرابطه هنا ماشاء الله عليهم كانهم عجايز اللي مايعجبهم يصكونه بدعوه يجيبون خبره تعرفون خوينا لوكاس نيل: انا اشهد انها استجابة دعواتكم امس جاه تمزق في اربطة الركبه اول ماقريت الخبر قلت حسبي الله عليكم من عواجيز جابو خبر الرجال

مافيها .. هذي عين جماعيه

مسيكين يالوكاس توهقت بجماهير ليفربوليه شهبان

إقتباس


	على ذمة الميرور قرار مشاركة خويي انا وابوصالح خافيير ماسيكرانوا مع ليفربول سيتم اتخاذه خلال الـ 48 ساعه القادمه

راح 24 ساعه وماشفنا شي

ننتظر بكرا

إقتباس


	و ابي رأيكم في اللاعب وودغيت لو يأتي في الصيف للفريق

وودغيت ممتاز ويقدم مستوى روعه هالموسم بس على فكره اللاعب اصاباته كثيره .. وحنا الله بالخير حظنا بالاصابات زفت

---

فهودي تم القبول ووش دعوى داخل على قلعه

ابو حنفي · #2 14/02/2007, 01:39 AM

إقتباس

الرسالة الأصلية كتبت بواسطة G E R R A R D


	ايها الداجين رافا حقق افضل مدرب بشهر يناير وذلك بالفوز على بولتن -- واتفورد -- تشلسي -- وستهام والظاهر انه ماراح يشمها بفبراير وذلك بعد تعادل مع ايفرتون وهزيمه نيوكاسل

والله مالداج الا انت ..الخبر مكرر :p

G E R R A R D · #3 14/02/2007, 09:46 AM

صباح القشطه يافلافل

إقتباس


	والله يافهد اذا لعب ريزة فعزالله ان طريق الملك فهد سيتم فتحه في الكامب نو

هالموضوع لي عوده له بالتفصيل

إقتباس


	ايهما تفضل عندما يغني الجمهور Ring of Fire او Team of Carraghers ؟ Ring of Fire

شراني هالكارا .. وننتظر كل الاجزاء في قسم واحد

إقتباس


	والله اني اطلع من الفجر وما ارجع البيت الا شوي واطلع وارجع اخر الليل.. فما ادري اخش اتغدى ولا اكتب بالرابطه

الله اعلم وش اللي مشغلك يالشرير :p :p

إقتباس


	ارسنال سيتخلون عن ليمان نهاية الموسم والتقارير تشير الى انهم سيعرضون 5 ملايين باوند على كارسون .

ما اتمنى ينتقل كارسون للارسنال .. ببساطه لأنه نادي منافس

إقتباس


	وهدف من جيرارد وتعليق من أبو خليف لالالا خلاص ما ابي زيادة

لا ماتحمل يافهودي .. تحمست للمباراه .. ليتها بكرا

G E R R A R D · #4 14/02/2007, 09:49 AM

مالك النادي الجديد جورج جيليت يقول ان من خططه المستقبليه في الصيف القادم رحلات ترويجيه للنادي

ومنها سيكون في شرق اسيا لشعبيه ليفربول الكبيره هناك

---

اقول بس ياليت تسير علينا وتشوف الشعبيه

مهد كــ القدم ــرة · #5 13/02/2007, 10:32 AM

أتمنى رافا ما يكون جبان و يلعب مدافع

نبغى أهداف

للريدز طبعا ً

الله يستر من ريزا و فينان آخر مباراتين حالهم ما يسر

مهد كــ القدم ــرة · #6 13/02/2007, 10:32 AM

إلا معسكر البرتغال كم يوم ؟

مهد كــ القدم ــرة · #7 13/02/2007, 02:31 PM

من الساعة 10 إلى الساعة 2

و انا مداوم بالرابطة انتظر مشاركة علشان ارد عليها

شكل الشياب الي نايم و الي كاشت

يالله أشارك و أمري لله

طبعا ً ترجمة أخبار هاذي أنا غاسل يدي و منشفها منها و رميت المنديل من زمااان

حتى يوم بغيت استفيد و أدخل عالم الترجمة

راودتني نفسي و قلت يارجال الرابطة حقتنا مليانه مترجمين

و بعض الأحيان يترجمون نفس الخبر { للي مو فاهم تراها دقة }

حتى أبو محمد الي دخل عالم التصاميم طلع من المولد بلا حمص

<<< الأخ مو شايف نفسه تقول شايل الرابطة على راسه

الله يعطيكم العافية جميعا ً

مشاء الله عليكم تبيضون الوجه

.
.
.
بس مو دايم

F O W L E R · #8 13/02/2007, 09:13 PM

السلام عليكم
ومساء الخير ايها الجحلط

إقتباس


	و ابي رأيكم في اللاعب وودغيت لو يأتي في الصيف للفريق ؟

فهد وودغيت مشكلته انه كثير اصابات
بعدين ليفربول اول يفكر في اللاعبين الرخاص او اللي يجون بلوشي

اما الحين هذا الزمن فات خلاص
نبغى من 15 مليون وما فوق معنا فلوووووووووووس الحين ماعندنا مشكله

إقتباس


	والله ياليت يا رافا تشد على اللاعبين وخصوصا ريزا اللي يبواجه البرغوث المزعج ميسي

والله يافهد اذا لعب ريزة فعزالله ان طريق الملك فهد سيتم فتحه في الكامب نو

إقتباس


	ليه وأنا وين رحت والله هالولد خاش مزاجي من أيام فريقه البرازيلي

ولاتهون انت بعد

إقتباس


	مااظنه قد لعب مع فريق برازيلي كان يلعب في الارجنتين مع ريفربليت على مااعتقد قبل مايجي هنا مع استون فيلا

لا يامحمد شكلك دايخ يوم كتبت ذا الرد
ولاوحده صح فيهم

إقتباس


	ايها الداجين رافا حقق افضل مدرب بشهر يناير وذلك بالفوز على بولتن -- واتفورد -- تشلسي -- وستهام والظاهر انه ماراح يشمها بفبراير وذلك بعد تعادل مع ايفرتون وهزيمه نيوكاسل

كل الحمد الله لو نجى رافا من الهبوط في فبراير

إقتباس


	من الساعة 10 إلى الساعة 2 و انا مداوم بالرابطة انتظر مشاركة علشان ارد عليها شكل الشياب الي نايم و الي كاشت يالله أشارك و أمري لله

ابومنصور انا بعطيك حل ممتاز لهذا الوضع
شيل ارقام الشباب كلهم من الصبح كل يوم دق عليهم
خليك منبه لهم زي ابومحمد

ويجونك في الوقت اللي تبغى للرابطه

إقتباس


	إلا معسكر البرتغال كم يوم ؟

اللين يوم الجمعه

T W I N S O U L · #9 14/02/2007, 04:15 AM

إقتباس

الرسالة الأصلية كتبت بواسطة x14alonso


	السلام عليكم ومساء الخير ايها الجحلط فهد وودغيت مشكلته انه كثير اصابات بعدين ليفربول اول يفكر في اللاعبين الرخاص او اللي يجون بلوشي اما الحين هذا الزمن فات خلاص نبغى من 15 مليون وما فوق معنا فلوووووووووووس الحين ماعندنا مشكله

مشكلة اللي توهم تجيهم فلوس أنهم ما عند ينظرون إلا فووووق

وتبي الصدق الفريق ما يبيله الا لاعبين كباااار يعني حركات نص كم من رافا ولاعبين أبو نص مانبيهم :p

إقتباس

الرسالة الأصلية كتبت بواسطة x14alonso


	والله يافهد اذا لعب ريزة فعزالله ان طريق الملك فهد سيتم فتحه في الكامب نو

بس أبو أريام ما أتوقع بينفع لهالمركز الا ريسا أنا ماني متفائل بأوريليو ما أدري ليه مع أني أحس لو لعب ضد برشلونة
بيلعب بمستواه المعروف وممكن نستفيد منه في الفاولات لأنه خطير جدا في الفاولات وإن شاء الله ميسي يسيطرون عليه

مهد كــ القدم ــرة · #10 13/02/2007, 02:49 PM

^^^

يعطيك العافية ابو منصور خلاص روح نام العالم ما صدقوا تجيهم اجازة

{ شسوي ... أرد على نفسي لأن الرابطة تعاني من قحط فضيع }

تخيلوا من السبت للثلاثاء ما انكتب غير صفحة و نص

اعرف حجم الاحباط الي سببه لقاء نيوكاسل

بس يبدو ان الصفقة فأل حسن

ياكرهي للأمريكان يعبدون الدولار عبادة

والله ذيب يا سامي · #11 13/02/2007, 03:55 PM

][ مباراة ليفربول القادمة في "دوري أبطال أوروبا" ][

برشلونة x ليفربول

التاريخ : الأربعاء 3 صفر 1428هـ - 21 فبراير 2007م

الملعب : كامب نو

الوقت : 10:45 بتوقيت السعودية

القناة الناقلة : ART SPORT 4

المعلق : رؤوف خليف

G E R R A R D · #12 13/02/2007, 08:54 PM

مازال الشياب في انقطاع عن الرابطه

ومايهمكم الطاغيه سيبدأ بالبحث والتقصي عن الاسباب

وابجرهم مع اذانهم

إقتباس


	الله يستر من ريزا و فينان آخر مباراتين حالهم ما يسر

فينان عيني عليه بارده ماقصر ... بس البلوه ريزا مادري وش نبي نسوي معه

إقتباس


	إلا معسكر البرتغال كم يوم

اتوقع خمس ايام الى الجمعه المقبل

إقتباس


	][ مباراة ليفربول القادمة في "دوري أبطال أوروبا" ][ برشلونة x ليفربول التاريخ : الأربعاء 3 صفر 1428هـ - 21 فبراير 2007م الملعب : كامب نو الوقت : 10:45 بتوقيت السعودية القناة الناقلة : ART SPORT 4 المعلق : رؤوف خليف

بإذن الله تكون نتيجه تسرنا كليفربوليه

G E R R A R D · #13 13/02/2007, 08:59 PM

اخر الاخبار تشير ان الملاك الجدد للنادي يسعون لضم الاسباني دافيد فييا .. وذلك تلبيه لطلب رافاييل بنتيز

الصفقه من المتوقع ان تتم الصيف القادم والمبلغ المتوقع هو 20 مليون يورو

G E R R A R D · #14 13/02/2007, 09:06 PM

جاري ابليت مدرب الفريق الرديف يمتدح الشاب الارجنتيني اميليانو انسوا .. ويقول انه لاعب موهوب للمستقبل الليفربولي

واضاف .. يمكنك ان تعرف انه لاعب اساسي في منتخب الارجنتين تحت 20 سنه وهو في الــ17 من العمر لتعلم مدى موهبته وامكاناته

كان ذلك بعد المباراه الوديه امام برستون اليوم ... وشارك في اللقاء قلب الدفاع الجديد رونالد هوث الاورغوياني وقال المدرب عنه انه لاعب جيد ولعب بشكل ممتاز امام نيل ميلور مهاجم برستون

ايضا تحدث عن الهداف الهولندي يوردي بروير وقال انه يحتاج بعض التحسينات الجسمانيه رغم طوله الفارع

G E R R A R D · #15 13/02/2007, 09:11 PM

من الممكن ان يكون الاسباني الجديد الفارو اربيلوا السلاح السري لليفربول لمواجهه برشلونه .. ورنالدينيو خصوصا

وذلك بعد ان صرح الاسباني قائلا .. سبق ان لعبت ضده هذا الموسم على ارضنا في الريازور .. واستطعت ان اتوقف خطوره روني

تعادلنا في ذلك اللقاء 1-1 وكان اداؤنا جميلا

الكل يعلم ان برشلونه لا يقدم افضل مستوياته هذا الموسم .. لذا يجب ان نستغل ذلك وانا واثق من اننا نستطيع الفوز عليهم

--

بالنسبه لي اتمنى يشارك اربيلوا وفينان في هذي المباراه بالجهه اليمنى واحد ظهير والثاني جناح يجيد التغطيه الدفاعيه

نفس الكلام بين ريزا واوريليو