رابطة عُـشّـاق الـــريدز .. ][ ليفربـــــول ][ .. 2006 - 2007 - صفحة رقم 146 - نادي الهلال السعودي - شبكة الزعيم

ابو حنفي · #2176 03/10/2006, 03:07 AM

^^
يقالك يوم كبرت الخط بنخاف

@@

لكن استنتاج ابو ابراهيم .. من جد رهيب ومادري كيف اكتشفه ههههههههه

وعلى طاري التوقيع الي جبتوا طاريه انا قايل لكم الف مره الي تزهل لي طلع اي كلام واعتذرت لكم بوقتها

ابو حنفي · #2177 03/10/2006, 03:11 AM

إقتباس

الرسالة الأصلية كتبت بواسطة YNWA


	شباب ماتلاحظون أبورغد مصخها شوي حتى رمضان مابارك لنا فيه شكلنا بنصدر قرار سريع ضده

ابو رغد له فقده .. ويمكنه قلب للبومبي :p

بس يبو ابراهيم من جدك

الحين الفريق تمام من ناحيه الاصابات باستثناء كيويل فقط .. يمكن ابو رغد يبغى الفريق يكمل بدون اصابات لموسم

G E R R A R D · #2178 03/10/2006, 03:11 AM

إقتباس


	يقالك يوم كبرت الخط بنخاف

موب مسأله خوف

بس تبيين بعض الامور الملقاه على جبهتي

وانا مالي دخل فيها

إقتباس


	لكن استنتاج ابو ابراهيم .. من جد رهيب ومادري كيف اكتشفه ههههههههه

ننتظر سويا كيفيه هذا الاكتشاف من الموقر ابو ابراهيم

YNWA · #2179 03/10/2006, 03:20 AM

قبل ماأعلمكم كيف أستنتجت

ياابوتركي أبعد عن الحـــار فاولر مالك دخل فيه
هذا تبعي أنا ولاراح أتنازل فيه لأي واحد الأ ابوناصــر أذا كان يبيه

YNWA · #2180 03/10/2006, 03:23 AM

إقتباس


	ومن هذا المنطلق سيكون هذا الموضوع المتجدد والاسبوعي

أبوصالح خذني على قد عقلي وش قصدك بمتجدد

؟

ابو حنفي · #2181 03/10/2006, 03:50 AM

^^
يمدحون السحور

إقتباس


	قبل ماأعلمكم كيف أستنتجت ياابوتركي أبعد عن الحـــار فاولر مالك دخل فيه هذا تبعي أنا ولاراح أتنازل فيه لأي واحد الأ ابوناصــر أذا كان يبيه

ياساتر .. تراي ماقلت باخذه غصب ..

بس اهم شي انت الي تترجمه و تكتبه

YNWA · #2182 03/10/2006, 04:02 AM

إقتباس


	^^ يمدحون السحور

:p :p

إقتباس


	ياساتر .. تراي ماقلت باخذه غصب .. بس اهم شي انت الي تترجمه و تكتبه

أبوتركي أذا تبغى تترجمه عني ترى ماعندي مشكله

ريدزاوي · #2183 03/10/2006, 11:36 AM

السلام عليكم
نخش بالموضوع على طول

إقتباس


	يعني وزع الصور الشخصيه وعطى نفسه صوره جيرارد رغم ان ابو محمد ماخذها قبله ماقلنا شي ..

المشكله يبوتركي ان الفرق بين ردي وبينه رد واحد ويجيك مدعمم كانه ماشافه

لو قال لا هو اللي بياخذ جيرارد كان قلنا خذه وعليه بوسه بعد
لكن جا وكانه مافي تنك كاتب شي قبله وقام يوزع لهذا وذاك

إقتباس


	شباب موضوع فاولر ياليت تخلونه لي << شوفوا كيف الادب .. وموضوع ليدل قريبا بيكون بين ايديكم

ادب واخلاق بعد

شوفوا كيف يقول (قريبا يكون بين ايديكم) قمه في الاخلاق

ماهو زي بعض الناس فضحونا قدام الخلق

لا ويقول ترجموا لي وهو احسن انجليزي بيننا

إقتباس


	هالرد بيكون بالخط حجم 5 لتوضيح بعض النقاط

لا ترفع صوتك

إقتباس


	اسمع ايها الدرج .... انا مافرضت ... انا اقترحت بس

اقتراح مين الله يرضى عليك
يوم اني قريت ذاك الرد قمت اتنافض بالبيت

إقتباس


	اما ابو محمد فاسمه ريدزاوي وحط شعار ليفربول اللي كلن يتمناه ...

والله لو اني اصغر عيالك ماضحكت علي بهالكلمتين

إقتباس


	كل اللي قلته اني اباخذ الموضوع رقم واحد بغض النظر عنه اذا كان جيرارد او غيره وذلك لاني صاحب الفكره يعني لو جيرارد موب المركز الاول ماراح اخذه

يعني المشكله ان الرجال مصمم بعد

ابوابراهيم
مدري ايش لون انت عايش هناك

شف اول طياره وتعال الله يستر عليك

ريدزاوي · #2184 03/10/2006, 11:58 AM

فريقنا تحت 18 سنه تعادل امس 1-1 مع فريق ولفز وبذلك يكون الفريق عاجز
عن تحقيق اول انتصار له من بداية هذا الموسم

ابو حنفي · #2185 03/10/2006, 01:39 PM

إقتباس


	فريقنا تحت 18 سنه تعادل امس 1-1 مع فريق ولفز وبذلك يكون الفريق عاجز عن تحقيق اول انتصار له من بداية هذا الموسم

غريب الي قاعد يصير .. خصوصا ان فريق الشباب العام الماضي محقق كاس انجلترا

ابو حنفي · #2186 03/10/2006, 01:41 PM

اولى لقائات الفريق ببطولة الكارنج كاب ستكون بتاريخ 25 اكتوبر الاربعاء 10 بتوقيت السعوديه ضد ريدينج وبالانفلد

F O W L E R · #2187 03/10/2006, 02:45 PM

الشباب وشيبان

الرابطه الافاضل
السلام عليكم

إقتباس


	افا ياشباب وش بلاكم هالرد بيكون بالخط حجم 5 لتوضيح بعض النقاط

يعني نفهم ان هالكلام تهديد يابوصالح (شديد)

ابوصالح خذ راحتك يابعدي (خاف )

واذا تبي راس ابومحمد واذا فيه احد ثاني معه جبناه لك بعد

إقتباس


	الله يذكرك بالخير ياموسم الاصابات حق الشامبينز ..كل اسبوع نتصبح باخبار ابو رغد وجايب لنا اجل لاعب يا ركبه ولا مفصل ولا رباط

الله اكبر عليك يابورغد

ابوابراهيم اذا تدل له مكان في المملكه المتحده تكفى خلهم يربطونه ولا ونشوف رقعة وجهه
الا بعد مواجهة المان

إقتباس


	وعلى طاري التوقيع الي جبتوا طاريه انا قايل لكم الف مره الي تزهل لي طلع اي كلام واعتذرت لكم بوقتها

بدا يصرف

على كل ترى وحده من العطل بعد عشر ايام اذا كان ودك تخليه للعطله

إقتباس


	ياساتر .. تراي ماقلت باخذه غصب .. بس اهم شي انت الي تترجمه و تكتبه

ابوتركي وينسقه بعد
وشرط ما تشوفه مدى الحياة

"صـقـر الـبـوادي" · #2188 03/10/2006, 03:06 PM

إقتباس

الرسالة الأصلية كتبت بواسطة x14alonso


	صقر البوادي يعطيك الف عافيه والشباب ان شاء الله انهم ماهم مقصرين ومانستغني يالحبيب ومره ثانيه الف شكر

الله يعافيك و يخليك لعين ترجيك

والشباب فيهم الخير و البركة - ان شاء الله -

العفو ولو .. و انا في الخدمة متى ما احتجتوا ..

إقتباس

الرسالة الأصلية كتبت بواسطة G E R R A R D


	اولا مرحبا بالغالي صقر البوادي وحياك الله معنا في الرابطه وللاسف تم توزيع بقيه الخمسه علي اعضاء الرابطه وياليتك قلت لنا من بدري على العموم لاتحرمنا من طلتك ... ----

ياهلا فيك .. والله يبقيك ..

لا تقول للأسف و لا هم يحزنون ،، أنا كنت أحسبكم ناقصين واحد ولا شيء

بس مادام انكم كاملين - والكامل وجه الله - فـ ما تقصرون وعساكم على القوة -ان شاء الله-

وتسلم لي على الرد و الاهتمام ،،

واهنيكم والله اهنيكم على الروح الجميلة اللي بينكم

وعلى الرابطة المتميزة فيكم ،، وعلى وجودكم اللي منورها ..

أخوكم في الله ومحبكم والناشب دائما وأبدا

.. صــــ الـبــ ق ــوادي ــــر ..

G E R R A R D · #2189 03/10/2006, 03:13 PM

إقتباس


	أبوصالح خذني على قد عقلي وش قصدك بمتجدد

ياطويل العمر متجدد يعني كل اسبوع ينزل موضوع جديد

موب ضروري انه يكون بنفس الموضوع

على العموم ماصار شي بس الشباب طبو عليك وقلت عليهم عليهم انا

إقتباس


	شوفوا كيف يقول (قريبا يكون بين ايديكم) قمه في الاخلاق ماهو زي بعض الناس فضحونا قدام الخلق لا ويقول ترجموا لي وهو احسن انجليزي بيننا

تصدق توي الاحظ قريبا بين ايديكم

إقتباس


	أخوكم في الله ومحبكم والناشب دائما وأبدا

هلا يابعدي ... وانشب مثل ماتبي

ترا في بعض الاماكن النشبه محموده

ومن ضمنها رابطتنا

G E R R A R D · #2190 03/10/2006, 03:21 PM

ياشباب

للاهميه

ربعنا المعارين مازالو يبدعون

فبعد كارسن وتصديه لركلتي جزاء الى الان من ضمنها وحده للامبارد

والاخرى للحاج ضيوف

سجل سيناما بونجول احد الهدفين اللي فاز فيها فريقه ريكرياتيفو على بيتيس يوم الاحد الماضي

وكان قبله مسجل هدف الفوز على سوسيداد بالدقيقه 90 وخلصت ذيك المباراه 3-2

وبالنسبه للاعبنا الغامض (بارجان ) اللي ماندري هو اعاره ولا بيع ولا وشو

سجل امس احد هدفي الفوز لفريقه الديبور على فريق مايحضرني اسمه حاليا

العلم عند سيناما اللي الى الان مسجل هدفين بالدوري ومقدم مستوى ولا اروع

انا اتوقع رافا مقتنع فيه ويبيه الموسم الجاي اذا خلص من فاولر