السلام عليكم

كيفكم يا حلووين تحشون بمانشستر هاه

إقتباس ولا شفت جرهام بول >>>>>>أوه نسيت أنه خويكم

الله يهديك يبو ابراهيم .. اظنك شفت كوره الطائره اللي سواها كولو توريه العام بالاولدترافورد ولا حسبها غراهام بول بنفسه .. وشلون يصير خوينا .. بتقولي خدمكم بأوقات مع اني ماذكر .. بقولك ضرنا بعد

إقتباس انا اتكلم عن الزفه الاعلاميه المحيطه بمانشستر بشكل عام والصحافه القويه اللي يمتلكها مانشستر وهذا الي يخلي مانشستر ولعيبته بارزين بقوه في الضوء لذلك تحصلهم في كل جايزه موجودين رغم وجود من هو افضل منهم وخير مثال لنا هنا هنري ياماجد هنري لوكان في مانشستر قد شال احسن في العالم من زمان لان الاعلام حقه قوي وهو ما ينقص هنري فقط تمجيد قوي في الاعلام

ابو اريام يالغلا .. هنري تحصّل على جائزه أفضل لاعب أجنبي بالبريمر ليغ مع ان فيه من هم أكفأ منه من ناحيه جلب البطولات لفرقهم وانت ادرى بمن اقصد

بعدين ماهو ذنبي كعاشق لليونايتد ان يكون فريقي مدعوم اعلامياً لو افترضنا ذلك ؟؟ .. اين ليفربول عن هذا الدعم وخصوصاً ان الغالي ابو ابراهيم يقول ان ليفربول اكثر شعبيه في بريطانيا .. والا كل مشجعين الريدز هناك عرابجه وراعين جريات

إقتباس وعشان تتاكد من كلامي رح اسال اي غشيم عن كرة القدم وقله من افضل نادي في تاريخ انجلترا؟؟ وشف رده وش بيكون بكل بساطه راح يقولك مانشستر

شوف راح اكون صريح معك .. إنجاز مانشستر عام 99 جلب للفريق شعبيه هائله .. لكن انت قلتها غشيم .. يعني ما أخذ برايه ..

إقتباس يعني سجل غير مشرف في هذا الشهر لما تقارنه بغيره

صداره بالدوري + صداره مجموعته بدوري الابطال ..وش تبي غير هذي .. عموما هالجائزه وغيرها من الجوائز ماراح تقلل من مدرب كبير بحجم السير اليكس فيرغسون

إقتباس وبالنسبه لجيجز فعلى مستوى ويلز الي ما تقارن بانجلترا ما اخذها الا مرتين وانت تبيه ياخذها عشرين مره في انجلترا

هذا انتم تقولون مانشستر مدعوم اعلامياً ولاعب بحجم جيجز ماخذها الا مره بالشهر .. قلتها سابقاً واكررها .. جيجز مشكلته ويلزي .. الا اذا كان جيجز اللي من عام 91 وحتى الآن هو الجناح الأيسر المميز على مستوى البريمر ليغ مهو عاجبك هذا شي ثاني

إقتباس شف يابغالي ضد شيفيلد الحكم كان سيء جدا

والله يالغالي انا ما كنت حاب اتكلم .. صحيح تعرضتوا لظلم في بعض المباريات لكن من متى فريق زي ليفربول يتعلل بالتحكيم .. للأسف ليفربول في المباريات الاخيره ما كان بمستواه بغض النظر عن أخطاء التحكيم

إقتباس نجي للمان فغير القناة الخاصه الي عنده فالبي بي سي مواليه له

شلون مواليه له يالغالي .. انا اشوف انها محايده بصراحه .. بالعكس اراها تهتم بجميع الفرق دون تفضيل فريق على آخر .

إقتباس أخوي الغالي خلنا نبعد شوي من الأعلام ونجي للدعم الاخر الي يتلقاه مانشستر من الاتحاد الانجليزي وأقرب مثال عندما وقف الاتحاد روني ووأعتقد سكويلز أول الموسم بسبب طردهما في مباراه أعداديه "وهذه حادثه أستثنائيه" بغض النظر عن صحه القرار من عدمه قامت الدنيا هنا ولم تقعد في الصحف والتلفزيون كله ضد هذا القرار حتى أن رئيس الأتحاد الانجليزي صرح أكثر من تصريح بأنه مستغرب من "الجيوش" الي يملكها مانشستر داخل الاتحاد وخارجها والتي حاولت تغيير القرار

ابو ابراهيم .. تقول دعم يتلقاه من الإتحاد الأنجليزي ثم تقول الصحافه قامت ولم تقعد !! .. وش دخل الاتحاد الانجليزي بالدعم الاعلامي اللي ذكرته !!

عاد اذا بتحطون الاتحاد الانجليزي مع مانشستر بعد هنا اتوقف انا وانسحب .. ماعقب ايقاف روني و سكولز الظالم شي .. اجل مباراه وديه يتوقفون علشانها بالدوري .. لا و ثلاث مباريات بعد ؟؟

اما تصريح رئيس الاتحاد الانجليزي .. فمالومه .. هو بين نار صديقه رئيس أحد الأنديه المشهوره .. ونار الاموال اللي تمشيه من نادي مشهور في لندن واظنك تعرف قصدي زين

وياليت يكون صادق ويحدد اسماء اللي اثروا عليه من داخل الاتحاد .. اما الصحافه فطبيعي يهاجمونه .. ببساطه لان الإيقاف ظااااالم

إقتباس أخي لاأريد الأطاله ولكن دعني أسألك سؤال واحد ماهو الشيء الذي عمله فيرجستون ليستحق أعطاءه لقب السير من الملكه ولم يفعله بوب بازلي "حتى أنا متأكد بأن الكثير لايعرف هذا الشخص"

أكبر ثلاثه بطولات في موسم واحد .. ان تحقق انجاز مثل تحقيق دوري الابطال + البريمر ليغ + الكأس .. وبهذه الطريقه الدراماتيكيه كافيه .. عندما تنتشل فريق من القااع الى القمه وتجعله الأول في هذه السنوات تكفي لأن تجعلك ملكاً وليس سير فقط

بعدين يا بو ابراهيم فيه ناس ماسوو اللي سواه فيرغسون أخذوا هاللقب .. وش معنى جت على فيرغسون

إقتباس دينغ ..دينغ

يلد يلد

إقتباس ومن ناحية الشعبيه ففي صحيفه اجرت استبيان قبل فتره وطلع ليفربول اكثرها في انجلترا وممكن اني ابحث لك عنها اذا حبيت

ههههههههههههههههههههههه

ذاك الاستفتاء اللي جاء فيه ويغان و استون فيلا و مدري مين اكثر شعبيه من مانشستر .. سلملي على هيك استفتاءات .. يكفي ان الاولدترافورد يشهد أسبوعياً اعلى حضور جماهيري في إنجلترا ككل .. وهذي تكفيني عن الف استفتاء

إقتباس شي مهم لازم تعرفونه أخواننا المانشيستراويين أن الجولات دائما تفتتح بمباراة لليفربول وهذا شي يسبب ضغط على الفريق

وشي مهم لازم تعرفه بعد أن مانشستر راح يلعب جميع مبارياته القويه في البريمر ليغ هذا الموسم على ارضه في الدور الأول يعني حتى المان إنظلم في التوزيع الفاشل للجدول

إقتباس أبو صالح .. أتوب .. بس لا توقفني

ماعليك وراك ظهر

اتمنى ماكون ثقلت عليكم .. سعدت بنقاشكم .. و آسف على الدخله

فـ مان الله ,.,.,