11/04/2007, 11:54 PM
|
 | زعيــم مميــز | | تاريخ التسجيل: 09/07/2005 المكان: ظرف مكان منصوب وعلامة نصبه الفتحة الظاهرة على آخره
مشاركات: 7,956
| |
| الحمد لله على السلامة الحمد لله ألف الحمد لله عدد خلقه و زنة عرشه و مداد كلماته و رضى نفسه
اليوم شفت الموت قدام عيوني بس الحمد لله إن الله ستر علي و طلعت سالم غانم و الحمد لله أن سيارتي ما جاها شيء قسم بالله أني خلاص قلت يا ميت يا بالمتسفى و السيارة يا بالتشليح يا خلاص ...
تفاصيل الموقع بعد صلاه المغرب بنص ساعه كنت بروح القصيم معزوم هناك و بغيت أمشي بالليل بدال الصبح و الشمس و لما طلعت من الرياض والمطر و العج ما أدري إلا واحد طالع في وجهي و انا مسرع شوي و بلا شعور ألف و بدائت السيارة تهج يمين يسار و أشتغل عندي الي يمنع إنزال و ترجع السيارة مرة تمشي بدال ما تزحف لكن المشكله أني طبيت على التراب و بدت السيارة تطامر فيني قسم بالله كأني راكب روديو (( الثور )) و السيارة تناقز إلى درجه أني خلاص قلت ميت ميت أو قابع و السيارة بتروح وطي يا أني بيجيني شيء يا على الأقل السيارة هي الي تتأثر حتى إن كنت أتشهد من هول الموقف..
و لحظه ضعف قلت ياااااااااااااااااا رب .. بعدها وقفت السيارة بالتراب بعد ما مشيت على التراب أكثر من 100 متر و الحقيقه ما أدري بالضبط لكن أحس الي صار مب طبيعي و كأن شريط حياتي مر قدامي .. المهم لما و قفت سيارتي نزلت أشوف السيارة الحمد لله ما صار فيا ضرب جامد يأثر عليها بشكل كبير .. و يوم ناظرت زين إلا و أنهبل و بغى يجيني صدمة .. اللوحة الي تدل على كم باقي على القصيم و باقي المدن على بعد 5 أمتار فقط من وقوف سيارتي
و الله لحظتها ما أدري إلا و أنا طايح من طولي من شدة هول الصدمة منهبل وش الي صار .. و قعدت أقول لو أن السيارة ما وقفت و خبطت باللوحه و خاصه أن قاعدتها حديد وش صار ؟؟ يعني يا ميت يا معاق .. ما فيه حل ثاني و السيارة بتدخل بعض و أنا بنفرم داخلها ... بعدين أفكر لو أني ماخذ الجيب على الأقل كان تقلب علي ألين أنفغص صح بس الحمد لله الي ستر علي و خلاني اطلع باللكزس مب بالجيب و لا كان أنقلبت و لا هجت
و بعد لحظه أيمانيه و حالة ضعف و تمعن بقدرة الخالق سبحانه و تعالى و تفكير .. سجدت شكر من دون ما أشعر ما بقيت دعوة ما قلتها و لأني خلاص شفت الموت قدامي يعني ميت ميت و الله أنجاني من الموت و كأنها تحذير لي ..
أول شيء سويته دخلت السيارة و طلعت كل السيديات و كسرتها واحد واحد و قلت الحمد لله الي ما مت وأنا أسمع أغاني .. و لما سقت ما عرفت أسوق و كأني أول مرة أسوق بحياتي ما أدري ما أقدر أسوق رجولي تهز قلبي يضرب
و أنا كنت زي ما تقولون ما أستوعب شيء عقلي مب معي من هول الصدمة و لما مشيت شوي إلا أشوف الدركسون مب طبعي و طلع عندي كفر منسم لما نزلت أغيره إلا الجنط معفوط من داخل من قوة الضربة و أقعد نص ساعه أغيره و بعد و غيرت الكفر و أمشي أسمع صوت طالع من المكينه و أول مديور رجعت معه و عين على الطبلون لا ترتفع الحرارة ولا يخر الزيت ولا شيء ثاني و عاد الصوت يطلع من السيارة بشكل مب طبعي و أنا قول بس يوصلني لرياض و بعدها كيفة
و وصلت الرياض الساعه 11 تقريبا .. و أول ما شفت البيت و الله أحس كأنه عمر ثاني كتب لي و أول ما ادخل البيت ما أدري إلا مصلي ركعتين شكر يعني على الأقل قعدت نص ساعه أسجد ..
و لما بديت أهداء كتبت هذا الرد بالرابطة ..
و الحمد لله على السلامة ..الي كتب لي عمر ثاني ..
للعلم حتى و أنا اكتب هالكلام مب مصدق الي صار و يدي ما ادري أحس بشعور مب طبيعي ..
اخر تعديل كان بواسطة » juve1897 في يوم » 12/04/2007 عند الساعة » 04:39 PM |
الوضع العادي
