رابطة عشاق اليوفي 2006 / 2007 :: لليوفي نوفي :: - صفحة رقم 468 - نادي الهلال السعودي - شبكة الزعيم

الكناري الأزرق · #1 19/02/2007, 05:50 PM

السلام عليكم و رحمة الله و بركاتة ,,

وش رايكم بردي ؟

موب متأخر ابدا

,,

إقتباس


	والله صدقت أنا ودي يسوون زي المنتديات الثانية كل واحد يحط الصورة من عنده

لا بالعكس اداره الزعيم الله يجزاها خير لها نظرة حول هالموضوع ,,

لانه لو تركت الاعضاء على راحتهم راح تتعذب الاداره من الاعضاء اللي يحطون صور بنات ,,

و مشوار تقعد تنذرهم و تشيل الصور ,, !!

انا مشرف بمنتدى الشلهوب و تاركين الاعضاء على راحتهم ,,

و يا كثر صور البنات ,,

كلمت الاداره لكن ما حولك احد ,,

قلت يا ولد اللهم اني قد بلغت اللهم فأشهد ,,

خلهم على راحتهم ,,

juve1897 · #2 19/02/2007, 06:07 PM

^^
أجل حاطين صور بنات

الحقيقه الإداره معهم حق في هذا الموضوع

و الي سمعته من الأعضاء يقولون بس أرسل لهم صوره و هم مب مقصرين معك

GREAT INTER · #3 19/02/2007, 06:16 PM

إقتباس


	الكناري الأزرق

أجل حاطين صور بنات

الله يعينك عليهم

forlan_5 · #4 19/02/2007, 06:28 PM

ههههههههههه

اذا كذا فأحسن

إقتباس


	و الي سمعته من الأعضاء يقولون بس أرسل لهم صوره و هم مب مقصرين معك

اذاكان كلامك صحيح أزين وأزين
طيب أرسلت لهم صور بوفون؟؟

B U F F O N · #5 19/02/2007, 07:07 PM

حبيت أزود أنه كان على ما أذكر من العائلة المالكة لليوفي!!

إن لم تسعفني الذاكرة!!

وشكرا على مجهوداتكم يا شباب !!

عاشق السيدة العجوز · #6 20/02/2007, 02:57 AM

إقتباس

الرسالة الأصلية كتبت بواسطة riquleme_8

رحمك الله يا مهدي انيللي

يعطيكم يا شباب , ما شاء الله نشاط رااااااااااااااااااائع يا ليت نستمر على كذا

skroo · #7 19/02/2007, 07:53 PM

إقتباس


	juve1987

احمد
يالبى قلبك
انا ايدك بكل كلمة قلتها عن ديشامب
وترا الهزيمه اللي انهزمناها 1-0 كان الهدف جاي بالغلط من كوفاك , يعني المدرب ماله ذنب
وقلتها قبل مليون مرة ( لاتنسون ان ديشامب ولد اليوفي ) وان شاء الله الفريق ماشي معه بامتياز لحد الان
وعيبة التغطية بعد الفوز وهذا يدل انه مدرب هجومي وهذا اللي يمتعك باللعب بس مهما كان المفروض يتركد اذا جاب هدفين
وتشكرات يا كابتن على التحليل الرايق

إقتباس


	دل بييرو يحذر الفريق

هذا والله الكابتن الصدقي , المفروض بعد اي مباراة نفوز فيها ننساها ونفكر باللي بعدها لين نوصل للسيري A
يالبى قلبه هو بعد
تسلم يا سعود على الخبرية

إقتباس


	كوبولي " أحب أن أعيد كنفارو و زامبروتا لليوفي

والله ما ادري , وش رايكم شباب بهالخبر ؟؟؟؟؟
انا احس زامبروتا حايمه تسبود الجمهور منه
بس كنفارو احس عادي لو يرجع

إقتباس


	دلبيرو " سألعب لليوفي حتى الـ 40 "

المصدر مضروب على ما اعتقد
لكن الملك لو يلعب لين يموت بالملعب عادي

====

مازن الفيديو يبكي صراحة ,, ولو انه مسلم كان ترحمت عليه ,, بس من الحزن قلت الله يرحم اموات المسلمين

وابولحية ذا مار علي بس الذاكرة عندي مضرووبة
منهو ؟

====

وبالنسبة لمشكلة يوتيوب , ان شاء الله ابنزل لكم برنامج يحمل منه مباشرة

عموما شباب ممكن اطلبكم طلب لو تكرمتــو ؟؟؟؟؟؟؟؟؟

سكره هلاليه · #8 19/02/2007, 08:36 PM

يالله انك تحيي كانافارو

ودي اشوف احمد وهويحط الخبر
امس نتكلم عنهم وجاء خبر عنهم

اجل خونة
انا عندي ماخان زامبروتا
اما انتم مدري عنكم
طيب فعلا اليوفي اللي خانة
اجل هو بيروح لميلان ويجون يخلونة ينقل لبرشلونة حركة تقهر

_______________________
المهم ماعلينا
انا دخلت موقع ايطالي ولقيت كركتيرااات كثيرهـ

قلت بوريكم

يقول هنا ربما قتلت البطولة

________________________________

يارب يرجعون كانافارو وزامبروتا

juve1897 · #9 19/02/2007, 08:25 PM

إقتباس


	المصدر مضروب على ما اعتقد لكن الملك لو يلعب لين يموت بالملعب عادي

الغريب إن أغلب الأعضاء يقولون إنه موقع إشاعات على أن أخباره هي تقريبا نفس أخبار مواقع مشهوره زي قول و سكاي و موقع اليوفي و شانل 4 يعني أتوقع إنه موقع يجمع أخبار من مواقع أخرى و بالعكس أزين ما فيه إنه أنجليزي يعني بسرعه تفهم عكس الإيطاليا الي يسبب زحمه بالترجمه

أما طلبك لو نقدر نفذه لك أطلب و إن شاء الله نحاول نساعدك

juve1897 · #10 19/02/2007, 09:00 PM

^^
الله يعطيكي العافيه على الصورة الي بعضها أضحكتني و بعضها برسمه بسيطه عبرت عما يحتاج كتابته صفحات عديد

أما بخصوص زامبروتا الرجال يبي يروح للميلان و هم مقدمين عرض بـ 8 مليون يورو و عرض برشلونه بـ 15 مليون يعني إدارة اليوفي بالعقل تبيعه لمين على إن إدارة الميلان شاريه أوددو الي مع أحترامي ما يجي ربع زامبروتا بـ 11 مليون

بعدين هو له وجه يختار أي نادي يبي يروح يكفي إنه ما يبي يلعب لليوفي ولا همني إنه خرج لنادي يبيه و لا غيره و فوق هذا من خست طبعه يبي يروح للميلان يعني منافس لليوفي صح أننا بينا و بين عشاق الميلان كل أحترام لكن الواقع يفرض نفسه بتترك اليوفي بأحلك الضروف و بمشاكل كبيره و بتروح لنادي المنافس لليوفي و الي كان بينهم مشاكل تجي هذي بالعقل هذا الخيانه الي بمعنى الكلمه و زين إن اليوفي نفاه لأني ما أداني أشوفه بنادي إيطاليا غير اليوفي و لا أتمنى عودتة لإيطاليا مطلقا إلا إذا كان لليوفي لكن خلاص ما صار في القلب شيء

A L E X · #11 19/02/2007, 09:42 PM

شباب بعد غياب بسيط عنكم قلت ارجع ومعي هدية
احسن من ان اكون خالي الوفاض << شعنده

المهم لا اطول عليكم مسوي تصميم عن اليوفنتوس واتمنى انه يعجبكم

واللي يبيه توقيع يشاور اول <<امزح

اتمنى يكون اعجبكم

skroo · #12 19/02/2007, 09:53 PM

احمد والله لو درا عنك زامبروتا كان انتحر !! والله يا انت نتفته بس تعجبني

سكرة هلالية
الكاريكاتيرات مررة معبرة وهدفها ان الدوري فقد اليوفي وليس العكس

ALEX
تصميم حلوووو وهاديء
بس المشكلة ان كل الناس مسويين زيه ولقيت واحد بمنتدى النصر مسوي زيه وعفته !!!
لاعدمناك يا اخوي

احمد ان شاء الله اطلب طلبي بعد شوي
برب

كيفي هلالي !! · #13 19/02/2007, 10:42 PM

يعطيكمـ العافية فردًا فردًا .....

واعذروني على عدم التواصل باستمرار بسبب الدراسة

لكن الباقين فيهم الخير والبركة ان شاء الله

----------------------------
عندي بعض الصور لبوفون اتمنى نشوفها قريب في الصور الشخصية :

وان شاء الله تعجبكـم

سامي (188) · #14 20/02/2007, 12:08 AM

أخوي A L E X التصميم روووووووووعة !!

انا اول واحد يحطه في التوقيع !!

يعطيك العافية !!

###########################

إقتباس


	عموما شباب ممكن اطلبكم طلب لو تكرمتــو ؟؟؟؟؟؟؟؟؟

اطلب يا اخوي وان شاء الله بنسوي اللي نقدر عليه !!

VIVA · #15 20/02/2007, 12:20 AM

juve1897

ياخي حرام عليك تلطعنا كل ذا الوقت
علمنا قصة الصورة وخلصنا ياخي....