يقولون :كان الأمير فيصل بن فهد - رحمه الله - (يـخمّس) في اللاعبين .. ويجلدهم !! لذلك المنتخب كان ماشي صح !! فأنا أقترح نجيب مدرب لياقة معه (حزام أسود كونج فو - سبعة دان -) .. وإذا لاعب سوّى خيقي بيقي .. لعب فيه الين يصلّي شرق !!

الكلام مهوب هذا !! الكلام إن اللي راح راح .. وكان فيصل بن فهد .. زززي الأخو بالضبط !! فمن غيرته كان يستخدم أساليب (كانت مفيده في ذاك الوقت ) !! وكان الوضع مهيّأ .. وكان الأمير فيصل - رحمة الله عليه - يعرف وشلون يتخذّ القرار !! بشكل مدروس !! مهوب تخبط !! وتغيير قرارات (بمعدل : قرارين متغيرات في الثانية) !!
اللي ودي أوص له : أن المفروض اللاعب يعامل بشوي من الصرامة !! والرجولة !!
---------------------------------------
كلامك أخوي عبد الاله على متمّه !! و موضوعك هذا جاء في وقته !! خصوصا إن حرة كأس العالم توّها ما بردت !! وأن قلوب 20.999 مليون وتسع مية وتسع وتسعين نسمة كانت مغتثه .. وحايمة تسبودهم !! <<--- مستثني جدتي من عدد سكان المملكة لانها ما تناظر (دشوش) حسبي الله على صالح كامل !
---------------------------------
أسئلة في بالي .. ودي أطلّعها :

س : هل الأمير سلطان داري أننا جتنا الصيحة ، وتكة خلق ، وضيقة صدر ، وارتفاع ضغط ، يوم يجي هدف التعادل باخر الدقايق مع تونس ؟؟

إذن ليه .. تغيير الرأي ، وإعطاء اللاعبين مكافأة الفوز ، والفرح المبالغ فيه اللي انعكس سلبا على الاداء !! وحسوّا اللاعبين .. أن الدعوى كشته ، لذلك (مبروك زايد) جايب سليب باق !! وكنادر ( صبة) .. والدليل الاهداف اللي لو أنه واقف ما تحمسّ كان صقعته الكورة وطلعت وقضينا !!
وبسبب هالقرار الخطير الغير مدروس !! .. انخلق في نفوس اللاعبين .. شي اسمه ( لا يهمّك أحد ) .. مدام أنك مالي (هالكرشة) .. ورصيدك الجاري مهوب ناقص ريال !! فوسّع صدرك ..!! وألعب وتخيل انك في اعلان (موبايلي) !!


س2 : أبغى فائدة وحده .. بس وحده !! من (الترييش ) بالنفس !! وتكرير كلمة ( مستوانا عالي !! في كل مؤتمر !! ومستوانا في تصاعد ) !!

بالرغم من أننا ما نشوف كل هذا !! طيب ليه نعيّش نفسنا .. بأوهام !!
أوكي الاعداد والاستعداد قوي !! لكن هل يعني هذا ان المستوى بعد في تصاعد !!
لا ومليون لا !!

الدليل أن : الهدف صاااااااااااااار اعلامي بحت !! لرجالات المنتخب !!
فحتى بعض الصحفيين - المحسوبين على الصحافة - يجي للمؤتمر !! واذا شاف الامير سطان .. !! ضاعت علومه ..
وقلب أم أم الاسئلة .. وانقلبت المسألة تريشش في ترييش .. وامدحني وامدحك :( ؟!!

صرت أتشااااائم من كلمة (( أشكركم يا أخوان بأننا خرجنا من هذا المؤتمر بطريقة محببة للنفس )) وهذي أحد الكلمات الشهيرة للامير سلطان بن فهد !!

حنا نرحب بالاشياء المحببة للنفس !! اللي ما فيها تطاول على أحد !!
لكن مهوب معنى هذا : ان الاشياء المحببة للنفس ، تصير هي سبب نكستنا .. لو الود ودي خليت المؤتمرات الصحفية نوعين :
النوع الاول : للنققققققققققققد ويكون بشكل سري ومغلق عشان كلن ياخذ راحته و يكون فيه ابتعاد عن المثاليات !!!
والنوع الثاني : اللي هو الترييش !! وحركات (أبناء النيل) .. فهذا يخصصون له ربع ساعه .. عن قولة ماأحد مدحنا !!

وش جانا من المدح المكذوب الا النتائج الهزيلة !!

ما راح يتغير شي في الكرة والقادم أسوأ .. ان لم نتحرك !! (نريد أن نكون متفائلين ) .. ولكن نريد : ما يبعث التفاؤل !!
- جفاف مواهب !
- تكاسل لاعبين !
- صرف مالي وتبذيري - في غير مكانه -
- إدارات منتخبية !! تحس فيها التصنع والابتذال !! يا جماعة صيروا (ريلاكس) .. صيروا أنتم ( خليكم مثل ما أنتم عشان ننتج ) .. !!


----------------------------------
أدري أني مسكت خط .. ودرعمت ولو تخلوني شوي .. تسان اتكلم عن قيادة المرأة للسيارة .. بس أخوي عبد الاله هيضنا .. ووفّى وكفّى !!
بالاخير :
رسالة للامير الغالي سلطان بن فهد ..

والله ما ينصلح حال الكرة .. مدام ما فيه تطهير لمبنى رئاسة رعاية الشباب ..
وتجديد الدمااااء ..!! نبي نتحرك !! نبي ننظف !! نبي نبعد اللي يجامل !! لأنه أخطر مخلوق !! في طريقنا للانتاجية !!

رسالة للأمير نواف بن فيصل :
أسألك بالله العظيم .. هل انت راضي عن أدائك ..؟