
30/01/2007, 07:29 AM
|
زعيــم جديــد | | تاريخ التسجيل: 26/11/2006
مشاركات: 25
| |
مرحبا شباب كيفكم انشاءالله تمام
حبيت اعتذر لكم عن فترة الانقطاع الماضيه بسبب الاختبارات
اللي الحمدلله خلصت منها وعقبال اللي ماخلص
في الفتره الماضيه صار كم حدث واتمنى اني اعلق عليها
اولا:
انتقال اوددو اعتقد انه من افضل الصفقات اللي قامت بها الاداره في الموسمين الاخيره
ان لم تكن الافضل لان هاللاعب صراحه مبدع جدا في الرفعات والكرات الثابته يعني بنشوف اهداف للميلان كثيره انشاءالله براس جيلا وكويس يكون فيه لاعب متخصص في الكرات الثابته مع بيرلو
ثانيا:
بقد مافرحتني صفقة اوددو بقد مازعلني التجديد لسيدورف صراحه ماادري وشلون الاداره جددت له كل هالمده اللاعب صار من اثقل لاعبي الوسط وكلنا نشوف هالشي وصار ياخر الكوره كثير وحرام صراحه انا كنت متوقع ان هالموسم هو الاخير له مع الفريق ويكون الموسم الجاي جوركوف اساسي
بس اذا كان التجديد معه بهدف انه يكون بديل اساسي الموسم الجاي لجوركوف ساعتها يكون قرار التجديد معه قرار صائب
ثالثا:
انتقال رونالدو للفريق اتوقع انه بيكون شي ايجابي خصوصا ان رونالدو من نوعية المهاجمين اللي يحب البينيات والحمدلله فريقنا مليان بهاللاعبين ومستواه مع ريال ليس مقياس لان الريال هالموسم يلعب بدون صانع لعب فصعبه انك تحكم عليه وانشاءالله يكون اضافه للفريق ونستفيد منه في الديربي
رابعا:
اشوف الشباب هالايام شابين على كاكا وهذا من حقهم لان اللاعب نازل مستواه خصوصا بعد الاصابه لكن ان يوصل الكلام اننا نقوله اذا ماتبينا اطلع والباب يوسع جمل فاتوقع هالشي غلط واكبر غلط لان كاكا احد اهم اللاعبين في خريطة الميلان ونزلت مستواه اتوقع انها بسبب الاصابه هذا شي والشي اللي جالس اشوفه هو لعب سيدورف الى جانبه صح هم لعبو المواسم الماضيه سوا لكن هالموسم والله غير تحس سيدورف يتحكم في رتم اللعب هو اللي يهديه وهو اللي يسرعه يعني بالعربي صار يضايق كاكا في النص فاتمنى ان كاكا يرجع لمستواه قريب وصراحه يكفينا تصريحه اللي قال فيه انه يبي يصير من اساطير النادي ويشيل الكبتنيه
اخيرا:
هذي وجهة نظري لبعض الامور وانشاءالله تكون اراء ايجابيه واتمنى التوفيق للفريق بكرا قدام روما
اشتقنالك والله يانستا متى ترجع
اخوكم محمد |