|
تعبنا وحنا نقول... نبي ( ظهير ) يا ادارة الهلال!! ( لــيــس عــيــبــاً أن تــخــطـئ .. ولـكـن الـعـيـب ألا تتــعلــم مـن أخـطــائك ) .. بصراحة العبارة هذي مدري وين سامعها لكنها تمثل حال الإدارة الهلالية..!! مافي شك ان المطلب الأول لجماهير الهلال هذا الموسم هي البطولة الاسيوية وبعدها البطولات المحلية وأولها كأس دوري خادم الحرمين الشريفين , ولكن لو رجعنا للموسم الماضي في اول مبارة بالاسيوية امام ( العين ) وفي مبارة النهائي امام ( الشباب ) .. كنا راح نشوف ان الــخــلــل لازال موجود بالفريق..!! نرجع اول شي لمبارة (العين) بالقطارة... في رأيي الشخصي أن السبب الرئيسي في الهزيمة كان ..(الظهير الأيمن) وكان واضح ان التونسي مدرب العين عارف نقطة الضعف هذي وكان مركز عليها بشكل رهيـــب حتى كانت النتيجة ان اللاعبين تنرفزوا من شدة الضغط عليهم والمدرب ( اللـه بالخيـر)..:wallbash: بعد كذا حملنا سبب خروجنا من الاسيوية للاتحاد السعودي , وهو فعلا يتحمل الجزء الأكبر لكن مع الاتحاد السعودي كانت نقاط الصعف بالفريق واضــــحـــة. وفي النهائي المشئوم امام (الشباب) تكرر نفس السيناريو..!! ضغط من الجهة اليمنى تسبب بضربة جزاء وبعدها الهدف الثاني اللي انهى المبارة مبكرا... ولكننا لـم نتـعلـم الــدرس.. يعني بالعربي امامنا حلين... إما ظهير محلي ( يمشي الحال لو أعرج ) .. أو نجلس نتفرج على ابداع الياس والعبدالسلام والعصفوور..!!! وسلم لي على الاسيوية...!! ومع مشكلة الظهير الأيمن اذا استمر المفرج بإبداعه حتى البطولات المحلية ماراح نشمها وش الــحل .. يا إدارة! |
صح والله نبي ظهير |
اخوي المشكلة الزعيم مكتملة صفوفه والحمدلله ولكن الضعف فقط في قلب الدفاع والظهير الايمن |
اخوي المشكلة الزعيم مكتملة صفوفه والحمدلله ولكن الضعف فقط في قلب الدفاع والظهير الايمن |
عندي قلب الدفاع والظهير قلب الدفاع أحمد البحري لاعب الإتفاق:أفضل لاعبين في العمق الدفاعي لكنه في المنتخب يلعب ظهير يعني فرصة لاعبين في لاعب الظهير موجود ومكانه محجوز ياسر الياس |
والله تعبنا من جد |
.. ][ كــلام سـلـيم ][ .. .. ][ ادارة الــهــلال نـبـي ظـهـيـر ! ][ .. .. ][ تـكـفون ! ][ .. .. ][ سـمـعـنـا ان الادارة تـتـفـاوض مـع احـمـد الـبحـري ! ][ .. .. ][ الله يـكـتـب اللي فـيـه الـخـيـر :) ][ .. |
عاشق الزعيم مشكور اخوي على الموضوع المهم بصراحه كلامك عين العقل حنا بحاجه لظهير ايمن وكنت اتوقع انه الاداره تتعاقد مع لاعب اجنبي في مركز الظهير لكن فوجئنا بانه مهاجم الفريق مو بحاجه لمهاجم عندنا مهاجمين ينتظرون الفرصه لاثبات جدارتهم مثل عبد الله الجمعان وبدر الخراشي فهؤلاء ينتظرون الفرصه على احر من الجمر اضافه الى سامي وياسر والعنبر وبعض اللاعبين الصاعدين من درجة الشباب لا تحظرني اسمائهم اتمنى من الاداره ان تنبه لهذه النقطه والله يوفق الزعيم مره ثانيه مشكور اخو ي عاشق الزعيم |
كان المفروض بدل المهاجم يجيبون ظهير برازيلي |
.. ][ أخوي / عاشق الزعيم ][ .. .. ][ أبشرك المشكلة في طريقها للحل ][ .. .. ][ فاللاعب الدولي سيمثل الزعيم قريباً ][ .. .. ][ وفي نفس المنطقة التي يعشقها ][ .. |
ابشرك هانت ياخووك |
يا ناس اصبروا شوي ترى الادارة ما تتحمل |
صح لسانك اخوي والله كلامك عين العقل |
كنت اتوقع احد الاجانب ياظهير ياقلب دفاع شفتهم تعاقدوا مع مهاجم ووسط نرجع لنقطة الضعف والله ياادارة مثلا تخيلوا لو تجيبون ظهير وقلب دفاع والله باذن الله بيكتمل الزعيم بالتوفيق للهلال يارب |
ظهير أيمن غير حسن معاذ أو حمد العيسى ماينفع إذا لم يأتي أحدهم أتمنى منح العبدالسلام الفرصة الموسم القادم كاملآ قلب دفاع البحري ماينفع فهو لم يختبر بلاعب مهاري تذكروا الشلهوب وش سوى فيه في الموسم الماضي وبالتحديد في مباراة المربع تحديد المراكز الثاني والثالث وتسبب في طرده عندما أعماه بالتسحيب فلجأ للعنف أنا أرشح محليآ قلب دفاع العمري لاعب الإتفاق مدافع ممتاز جدآ صغير في السن ثقة في النفس وسيخدم الزعيم 10 سنوات مقبلة خارجيآ بدرة مدافع الأهلي السعودي سابقآ لا أحد يقول كبير في السن فمازال مبدع تابعوه ثم أحكموا |
| الوقت المعتمد في المنتدى بتوقيت جرينتش +3.
الوقت الان » 05:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd