هل سقط الخال من فوق الجدار؟؟ (متقاعد)
 

السلام عليكم,,


صبحكم/مساكم الله بالخير،،:)


الألف أجمّع من الحطب والقراطيس ، واشب ناري وانبسط والعن بليس.. ـــــــــــ>> هذا مدخل الموضوع.:yes: وراح يكون ثابت لجميع سواليفي القادمة..


يوم الخميس الفائت صحيت من النوم الساعه 2 الظهر ، غسلت وجهي وفرّشت أسناني وشربت حليب السعوديه قليل الدسم عشان الحموضه:d ( عندي ثلاجه بغرفتي مليانه حليب السعوديه وتفاح وفراوله وبرتقال وقرنبيط :d )..


المهم ما علينا من الكلام الفاضي:mad: ، بعد صلاة العصر جلست اتقهوى واسولف مع الوالده، ومن ضمن السواليف جبنا طاري واحد من خوالي ، وانه تغيّر وتعبت نفسيّته بعد ما تقاعد عن العمل:sad:


قالت لي الوالده: ما ودك نروح نسلم عليه مبطيه ما شفته؟؟ ، طبعا انا قلت لأ:mad: ., امزح عليكم أصلاً ما أقدر أقول لأ...:yes: ..


طلعنا لبيت خالي ، عاد الوالده تخاف من السياره خوف عظيم ، عشان كذا من تركب السيارة تبدا تقرا وتورد وواتسبديه:d

الحمد لله وصلنا بالسلامة لبيت الخال:yes:


فتح لنا الباب ولد خالي، دخلت الوالده عند الحريم ، ووقفت انا وولد خالي عند الباب ، عاد بدا يسولف علي من السواليف اللي تحوم التسبد:dead: وكل شوي يقول ورى ما تدخل نتقهوى..

مليت منه بسرعه وقلت له: انا عَجل ، رح شف خالي ودي اسلم عليه وامشي..

قال ابوي منسدح بحوش الرجال؟؟

استغربت!! منسدح بالحوش بهالحر والشموس!!! ..

دخلت البيت واتجهت لحوش الرجال:yes: ويوم وصلت شف منظر غرييييييييب :eek: :eek: :eek:

خالي ممد على الثيّل(الزرع):eek: ولابس شووورت فقط :eek: وجسمه يلمع ويبلص:bigeek:

التفت على ولد خالي لقيته يضحك:confused:

اقتربت بهدوء الى خالي الممد والقيت عليه تحية السلام، احس بي وقال: هلا يالله حيوه.. وبدا يتبسم، ثم قال لولده رح جب لنا قهوه وشاهي..

وانا الى الآن مطيّر عيوني:bigeek: ولا ادري اضحك:d أو لأ..

كتمت الضحك واكتفيت بابتسامه وسألته: سلامات ياخال عسى منتب طايح من الجدار؟! وراك منسدح هنا؟؟

قال: جالس اتشمس !!!

وضحك:d وضحكت:d وضحك بصوت عالي:d :d وتشققت من الضحك:d :d ..

(واقول بيني وبين نفسي آآآبو التقاعد وما يسوي:sad: )

سألته: طيب وشّو له ؟ ووش اللي انت داهن نفسك فيه؟؟

قال هاليومين انا تعبان و يقولون الواحد اذا تشمس ينشط!!! ــــــــــــــــــــــ>> الله لايجزاه خير اللي لعب خالي:d أجل ينشط!!..

سألته مره ثانيه : وش اللي انت داهن نفسك فيه؟؟
.
.
.

:d .......:d ........:d

اخواني ، أخواتي ،، اعضاء منتدى المجلس العام، أيها الحشد الكريم ، ماراح تصدقون وش الاجابه ، ولا راح اقولها لكم لانها شينه بحق خالي وشينه بحق شمّر كلهم:d وتعتبر فضيحة للعائله ، ولو قلتها ماراح احد يزوجني مادام هذي فعايل خالي:d

واتحدى اي واحد منكم يجيب الجواب:yes:


الذنب الذي اقترفه خالي انه تقاعد عن العمل:sad: ..

ابوي ، خالي ، وكل المتقاعدين عن العمل يعيشون فراغ وروتين ممل ، عشان كذا نقلى أحدهم عصبي وحار:upset: وما غير يراقب الرايح والجاي وينتقد ويهوش:mad: والثاني محبط وماله خلق :sad: لا يسولف ولا يروح ولا يجي:no:

والله ما الومهم..

مع من يسولفون ؟؟، مع البزارين اللي كل سواليفهم عن الجوال والبلوتوث واللاب توب!!

ولاّ مع اللي يقالهم رجال وكل سواليفهم عن الاسهم واسعار النفط!!

وين يروحون؟؟؟ للملاهي!!:d أو حديقة الحيوانات!!:sad: أو يتمشون بالمملكه والفيصليه اللي أشغلونا بهن:dead:

قبل فتره رحت للكويت وشفت في أحد مناطقهم مكان أعجبني جدااا ، المكان عبارة عن بيت من دور واحد سقفه عالي وشكله ملفت للنظر وابوابه مفتوحه، سألت الي معي( وهو من أهل الديره) ، وش هالبيت؟؟

قال هذي ديوانيه يجتمعون فيه كبار السن..:yes: ، ودك ندخلها ونسلم عليهم ونتقهوى؟ قلت له مهيب شينه:yes:

دخلنا ، والله العظيم ياجماعه المكان يفتح النفس:) ، مجلس كبير ، وصالة طعام ، وتكرمون دورات مياه ، وفيه خدم على كيف كيفيك لو تبي يحكّون راسك:d ...

قال لي واحد من العيال انه فيه بأحد احياء شرق الرياض مكان مثل هذا يجتمع فيه الجيران..

ياليت أشوف مثل هالمجالس منتشره عندنا:yes: كان أقل شي ما ألقى خالي يتشمسs60s




:) ،،تــــــــحــــــيـــــــــــاتــــيـــــــ ،،:)


كثّروا لي من نوعية ع ع ق تراي أحبهن:d

شكراً لك ،،،

أعتقد أن هناك دراسة في وزارة الشئون الاجتماعية بخصوص تخصيص أماكن في الأحياء بحيث تكون فرصة للالتقاء بين المواطنين و هناك بدائل أيضاً تدرس كالاستفادة من المساجد ، أعتقد أيضاً أنه قد تم عرض الدراسة على وزارة الداخلية لأخذ مرئياتها و قد تحفظت خوفاً من استخدام مثل هذه الأماكن لأغراض أخرى و ضرورة المتابعة الدائمة لها .

نتمنى الانتهاء من الدراسة و الوصول إلى التوصيات الأفضل في أسرع وقت ممكن .

فيما يخص المتقاعدين نعم هناك مشكلة كبيرة و قد تصل لحد الظاهرة قريباً ما لم يتم تداركها و هي الآن غير محسوسة لأن هناك من الجيل الأول فئة ما زالت على رأس العمل فلم يمر الجميع بهذه المرحلة .

يجب أن تكون هناك توعية من الجهات المختصة و يمكن رعايتها من قبل المؤسسة العامة لمعاشات التقاعد و المؤسسة العامة للتأمينات الاجتماعية .

على المتقاعد أن يبدأ في التخطيط لمرحلة ما بعد التقاعد قبل تركه للعمل بمدة لا تقل عن سنتين بحال من الأحوال .

والله في بعض المتقاعدين عندهم مخ <<<لاتزعل يا صاحب الموضوع ...:)

يعني الواحد لما يتقاعد على الاقل يفتح له دكيكين صغير يقضي فيه وقته ...احسن من الجلسة وضيقة الخلق

والله اني خايفه على ابوي من التقاعد!!
من ذحين نفكر شانسوي له لا تقاعد

هلا،،:)

ّّّّّّّّّّّّّّّ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
abu_riman...:)

العفو ،،

اعتقد ان مجرد التفكير في وضع دراسه لها سيجعل الموضوع يكبر ويتشعب وتتداخل فيه الجهات الحكوميه مثل البلديات ووزارة الاوقاف والشؤون الاسلامية ، ومثل ماذكرت انت وزارة الداخليه ، هذا غير ان الدراسة سوف تستغرق على الاقل 5 سنوات للانتهاء ، بعدها 5 سنوات اخرى تتنقل فوق الرفوف الى ان تصل للارشيف..
وبحكم اني عملت بمجال الدراسات والتصاميم في أحد الوزارات، أقدر اقول لك ان واقع الدراسات عندنا(في الوزارت) هو قتل للمشروع ، فاذا اردت قتل اي فكره او مشروع فما عليك سوى ان تذهب لأحد الوزارات وتقول لهم اعملوا لنا دراسه..
مشاريع زي هذي محتاجه شخص يكون على قناعة بها وبنفس الوقت قادر على تبسيط وتسهيل خروج الامر السامي;)


صدقت ، دائما أتسائل : ما الذي قدمته مصلحة المعاشات والتقاعد للمتقاعدين؟؟ الجواب نقلاً عن الوالد: زي قلتهم..


شكرا لمشاركتك واضافتك:)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

عبود البطل:)

لا ياعبود الله يهديك:no: ، على العموم لازم نحترمهم ونقدرهم:yes: ، والله انهم هم الخير والبركه ، تستفيد من خبرتهم وتجربتهم بهالدنيا وتتعلم منهم الصبر وعلوم الرجال، واذا كان فيهم عصبيه أو أطباع شينه فلابد اننا نلقى لهم عذر..


شكرا لك:)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

الهارف:)

ياهلا فيك،،

اخوي انا اتكلم عن الديوانيات اللي تكون بالحاره ومتاحه لجميع كبار السن وخاصة بهم في المقام الاول..
نعم لا أريد ان يشاركهم بها الصغار، فقد يكون من اسباب الضيقه والكدر التي يعانون منها هو مشاهدتهم واحتكاكهم مع الصغار ، وصدقني ان هذا واقع..
لا تطالبهم بالمزيد فقد أدوا ما عليهم وجاء الوقت الذي يستحقون فيه راحتهم ويمضون وقت فراغهم بعيدا عن المثاليات وتربية الابناء..

صدقت، والفوائد التي تعود عليهم من هذه المجالس كثيرة ولكني أركز على التسليه والترفيه عن النفس..
وفعلا مثل ما ذكرت، مشكلة مجتمعنا في الوقت الحاضر الانغلاق في الجانب الاجتماعي..


ولك تحياتي،،

شكرا لمشاركتك واضافتك:)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
هلالي الظهران:)

ياهلا والله ومرحبا..

جرررح تااااااااني هوّا ألبي لسّا طاب من الاولاني...:d

ولا يهمك خلاص:yes: انت تمون ولو تبي تقرا اليوزر حقي.. حمود.. عاااااادي خذ راحتك يابعدي:d

ماشاء الله عليك يافتى رحيمه:d قصدي ياولد الظهران ملاحظتك في محلها ، الوسط هذولا موجودين لكن أمورهم الحمد لله ماشيه وما يحتاج نسولف عنهم، وبعدين انت وش اللي حارق رزك:mad:

ماشاء الله ابوك توّه شباب مثل ابوي:d الله يطول اعمارهم على طاعته ، وبعدين من قدك أنت البكر:yes: ابوك منوّل يعطيك 5 ريال فسحه واخوانك على ريالين..:d

والله ياخي هذي شي يفرّح:yes: ومادام انها وصلت الظهران، اجل انشاء الله بتجينا للرياض بس بالقطار:sad:

اللي خلى الرياض فيه 100 ألف مسجد يقدر يخلي فيه 100 ديوانيه، مع فارق المكانه بين المسجد والديوانيه ولكن كلاهما يعتبر مشروع، وتكلفت الديوانيه راح تكون أقل من المسجد، ولاّ انا غلطان:confused:

لالالا ما اصدق:eek: شي حلو حقيقه:d الـ هـ ا و ي ... واضح انك متدرب عليه واااجد:d

تشكرااتي لك:)


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ابرجع لباقي الردود باذن الله،،


،،تحياتي للجميع،،

مرحبا،،:)

`~~~~~~~~~~~~~~~~~~~~~~~~~~~~~~~~~~~~~~~~~~

سوسوالهلاليه..:)

الله يطوّل بعمره على طاعته ويخليه لكم..

استفيدوا من تجارب غيركم ، ومن وجهة نظري أفضل طريقة للتعامل مع المتقاعد هي بكل بساطة:
اتركوه على كيفه

استغرب بعض الناس يسوي نفسه وصي على ابوه، كل شوي يقوله ليش ما تشتغل وليش ماتروح وليش ما تسافر؟!!!
ياجماعة صدقوني الطريقة هذا لايمكن تنفع مع غالبية كبار السن ، فهو لا يتقبل ان يوجهه أحد ابنائه..


شكرا لك،،:)

`~~~~~~~~~~~~~~~~~~~~~~~~~~~~~~~~~~~~~~~~~~

الهنوووف...:)

ماشاء الله ، الله يخليه لك ، بس أهم شي لا يصير منوّل يعطيك 5 ريال للفسحة زي ابو الظهراني:d

صدقتِ ، بس حنا نقدر نوسع صدورنا بطريقتنا ، لكن هم لا حول لهم ولا قوه..


الله يسلمك:) وااله يخلف على هالامة وقضاياها:d


`~~~~~~~~~~~~~~~~~~~~~~~~~~~~~~~~~~~~~~~~~~

سندريلا الهلال:)

صدقتِ، واكبر جوانب التقصير عندنا هو عدم احترامهم واعطائهم منزلتهم وقدرهم اللي يستحقونه بعد عناء السنوات اللي عاشوها..


كلامك جميل اختي، وياليت نشوف جنادريه مصغره مثل ما قلتِ ، واذكر ان الوالد اذا راح للجنادريه ينبسط ويقعد له يومين يسولف عن الاشياء القديمه اللي شافها..

آآمين، وفعلاً لازم نكون أول ناس نهتم فيهم عن طريق احترامنا لهم ولمجلسهم ولا يكون اهتمامنا بهم مجرد وصاية عليهم.


الله يعافيك :) وشكرا لاضافتك،،

`~~~~~~~~~~~~~~~~~~~~~~~~~~~~~~~~~~~~~~~~~~

،،تحياتي للجميع،،

ياهلا والله بالفيروسه الزرقاء:)

أول شي آآآسف كنت جالس اكتب الرد بفس وقت ردك ولا شفته:no: .....مي خالف آسف:d


لاحول ولا قوة الا بالله العظيم قضينا من اريجاتو طلعت لنا ذي؟!!
بس على العموم اقرب ما لها انها اسم مدرب اسبانيا:d بس وش دخله بسواليفي؟؟ الا كان هو تقاعد..

والله يا انتِ مشكله بعد:mad: الحين يوم ما حطيت مدخل أشغلتينا ، ويوم اجتهدت وبحثت وسألت الوالده عن أفضل المداخل وجبت هالمدخل قلتي متى تغيّره؟!!
الفيروسه:mad: الله يرحم والديك وش المطلوب مني بالضبط:sad:

ابوي يعيّي على الببسي ، ودايم يقول لي : لا يا ابني الصغير المملوح لاتأكل من الشكولاته فانها تدمر اسنانك:d

:bigeek: :bigeek: فضيحتك بجلاجل يالفيروسه ما تعرفين القرنبيط!! ، لا وتتكلمين بعد عن الطبخ:mad: شكلك ما تدرين وين مطبخ بيتكم:no: ، روحي اسألي الوالده ، بس سوي لها مقدمات عشان ما تنصدم وتغسل ايدها منك:d

:d :d راكبين قطار الموت:d :d

والله يالفيروسه عزيزه و غاليه، لكن انا رجال مقبل على زواج ، ولا عندي استعداد اهدم عش الزوجية بكلمه:no:


اللي رافع ضغطي وجارح مشاعري انه لا هوب كريم ولا زيت وانما شي يوضع مع......:d الله لايعاقبنا..


:d هههههه:d
اعن ابو دارك عشره ردوا قبلك وكلهم زحلقوا هالكلمه الا انتِ!!!، ماشاء الله عليك داخله للموضوع ومعك منقاش:d :mad: :mad:

الله يعظم أجره ويكون بعونه انشاء الله، والصراحه استحيت اسأله عن معناها لكن ابعرفه بالقريب العاجل السريع..

الفيروسه عندي لك عرض:

اذا قلتي لي وش معنى ع ع ق ، ومعنى أوهايو غوزايماس ، وتعّهدتِ أمام الله انك تعلميني جميع معاني الكلمات الجديده اللي ما ادري منين تجيبينها..
فانني انا الهاوي ورقم بطاقتي 11 سوف اخبرك بماذا تدهن خالي:yes:

هـــــــــــــــــاه وش قلتي؟؟:naughty: فكري بالعرض واستخيري الله..



ول كوم اني تايم:d

ولك تحياتي وعَرضي القائم حتى يقضي الله امرا:)

بس خالك هذا تحفه
اشوى ان ابوي ما وصل مواصيله
ابوي الله يهديه بعد ما تقاعد صار انواع الاستقعاد وين رايح وين جاي وش عندك وش ما عندك اسقعاااااااااااااااااد
بس صار حبيب ينرحم
اخوي انا ودي يكون مثل ما قلت ادوارتخصص للمتقاعدين والله حتى الشباب بيروحون ويتكون فيها
والله ان جيت للحق يا زين تكيه الشيبان والله انها فله واحلى شيء اذا جو يتكلمون عن شبابهم
والله تحس انهم كانو دشير يا حليلهم بس

تشــــــــــــــــــــــــــــــــــــــــــــــــــــــــــــــــاو

مشكور