آه ياجوهر
 

أنا أبغى أدري وش النقص اللي في ماطر علشان يغيره على الأقل مخلي الإيرانيين راجعين شوي ، ونور اليوم أثبت إنه ضايع ومستواه في تدني ملحوظ لكن الله يوفق في المباريات الجاية

بالعكس
 

انا ماشوف ان ناصر الجوهر اخطأ بتغيير ماطر ابداً.... وناصر ماقال لنور اغلط ..
كنا قبل هدف التعادل ماشين زي الحلاوه ..... لكن الاخطاء اللي ودي اذكرها هي عدم استغلال الهجمات المرتده اللي لو استغلت كان بتصير الضربة القاضية للايرانيين فسامي ما قصر جهز وعمل المستحيل لكن الشيحان الله يهديه كان يموت الكوره بشكل غريب والشي الثاني هو خطأ من الجوهر بإدخال الخليوي لأن في نظري كثرة المدافعين تلخبط الفريق للأسف .... على العموم كل شي كان مكتوب وان شاء نعوض ونتأهل بالمركز الاول .

والله الحقيقه اشوف ان الجوهر مااخطا في خروج ماطر لان هو اللي اتسبب في هجمة الهدف والهجمة الثانيه ابخطيره لانه اليوم كان اناني شوي لكن اشوف الجوهر اخطا في تاخير نزول اليامي لاننا كاالعاده نشوف سامي يلعب لحاله من غير مسانده عبيد والشيحان (*) المفروض انه منزل اليامي والشلهوب مكان عبيد والشيحان ومنزل نور مكان سعد الدوسري هدي تشكيله اساسيه لان وقتها ماطر كان بيلعب ويقدم مستوى طيب وبعدين غلطته الكبيره يوم شال الدوسري لاعب وسط زدخل الخليوي اللي ماه اي لازمه في المباره

اسمحوا لي ياإخوان لكن ماطر صحيح أناني شزوي لكن مخلي وسطهم الأيسر راجع شوي ، لكن نور والله ماصلح شئ يعني ماله داعي يلعب .
أما الخليوي فأعتقد إن تنزيلته ماكان لها داعي لأنه نزل وأكيد صار فيه لبس بين المدافعين .

اتوقع ان الغلط في خروج الدوسري لان ذلك خلا الواكد يغطي خانته

وبذلك انفتح المحور

والله باعتقادي المنتخب كله اليوم لك عليه باستثناء سامي وعبدالغني وخوجلي واليامي
لكن عسى الله يوفق .
وباعتقادي إن تفكير الجوهر بالدفاع هو اللي حاسنا

عن نفسي.....
كنت انتظر نزول نور بدلا من الشيحان او ماطر....
وانبطست يوم دخل المعلب.... لأنه نظريا أفضل من يغطي المناطق الخلفية (قلت نظريا قبل ان يخطئ)
ولاننسى أننا جميعا قلنا اانا خسرنا نهائي اكاس اسيا امام اليابان لأن نور كان موقوف...

نعم نور كان يعاني من هبوط في مستواه.....
ولكنه كان من أفضل الموجودين...
والجوهر وكلنا لم نعلم أنه سيخطيء!!!! ثم لاتنسوا انه شريك مع الواكد....
وشريك معهم الخليوي الذي جعل اللاعب الايراني خلفه رغم انه غير متسلل....

والآهم أنه (قدر ) من الله.... وانتهى الأمر !!!