اخواني الاعزاء السلا م علكيم ورحمة الله وبركاته . اسعدالله اوقاتكم بالخير والبركات
عزائي للجماهير السعودية واقولكم ماعليش الله ان شاء الله يوفق منتخبنا في المبارايات القادمة والله يااخوان ماتدرون يكمن انها خيره وما يقدره رب العالمين سبحانه وتعالى خير للمنتخب يمكن اذا فاز يتراخى ويغتر ويضمن التأهل ويصبح لدى بعض اللاعبين حالة تسكع وخمول يمكن البعض يعارضني واختلاف الراي لايفسد للود قضية لكن في حالات مر بها المنتخب كان ضامن التاهل واصبح في حالة يرثى لها مثل مباراة منتخبنا مع ايران نرجع للذاكرة اشوي في كأس اسيا عام 96 والي حققه منتخبنا في دولةالامارات الشقيقة في اخر مباراة في المجموعة كانت مع ايران وخسر المنتخب بثلاث اهداف.
اخواني الم تلاحظوا الانانية التي طغت على بعض اللاعبين هل الغرض منها اثبات للوجود او انه ليش فلان احسن مني يسجل لا انا بسجل بعد الدليل عبدالله الشيحان اكثر من كرة طغت عليه الانانية وكانه اعمى في الملعب ليش
محمد نور مع ان كل النقد الصحفي والغضب الذي الحق بالجماهير الا انه ايضا كان يتمشى في الهجمة المرتدة اول مرة اشوف هجمة مرتدة بهذا البطئ اكثر من مرة يأخذ سامي الجابر خانة فاضية في جهة اليسار ولا يقوم بالمناولة ولا حتى تغير جهة اللعب من اليمن الى اليسار، والخطأ الذي ارتكبه ايضا اتكالية واضحة مانقول اتكالية وخلنا نقول اضعف الايمان ان يشتتها بالراس مو تجي تبي تثبت كورة وتراوغ بعدين تناول !!!! ماادري فايز بعشرين واحد والا ايش ماادري.
اللاعب عبيد الدوسري لاعب يعيبه البطء بشكل غير طبيعي وانا متأكد انه اكثر من مشاهد انفقعت مرارته من عبيد بالذات الي من جد جابت مفعول قوي الكرة العكسية التي ارسلها على مااعتقد عبدالله الشيحان واذا بعبيد يدرحج الكرة لاحظ يدرج وليس يسدد ماهذا ؟؟؟؟
في التغيرات اخطا مدربنا القدير ناصر الجوهر بادخال الخليوي واخراج سعد الدوسري كان يجب عليه ان يجعل خط الوسط بعدم التقدم والرجوع الى خط الدفاع للمساندة لان الصراحة التغيير احدث لخبطة كبيرة جدا
الحسن اليامي اثبت انه احق من عبيد الدوسري بمئات المرات لاحظوا كيف يضع الحسن اليامي الفرص التي اتيحت له يضعها بطريقة فنية ولم يوفق بها يضعها بفن كروي
معليش يالحسن ان شاء الله توفق انت واللاعبين في المبارايات القادمة وتثبت اقدامك ، والصراحة انا ودي الي مايحافظ على مستواه ان تفتح معه ادارة المنتخب مبدأ المحاسبة ومناقشة ذلك .صدقوني يااخواني انه في كم لاعب في المنتخب السعودي بكى بكى من القهر واعتقد انكم تعرفونهم بسبب ان مجهوداتهم ذهبت ادراج الرياح في هذه المباراة . لكن يجب المثابرة ووجود الروح العالية وان يهيأ المنتخب نفسيا
ارجوا التوفيق للاخضر وان يحالفه الحظ ان شاء الله
واسف على الاطالة لان الي في القلب يحرقني ودمتم في رعاية الله وحفظه

السلام عليكم أخوي عاشق القمرة:
كلامك صحيح والنقاط الي ذكرتهاممتازه بس عندي تعليق :مانقدر نقول ان المنتخب مالعب كويس
اللعب كان جيد من منتخبنا بس المباراه راحت من ايدينا من اخطاء فرديه
من اللاعبين ما نقدر بالصراحه نقول من اللاعبين كلهم ولا نقول غلطت اللاعبين
كلهم لاننا لو لاحظنا ان# الهدف الاول من غلطت الخوجلي لاننا لو لاحظنا على الحارس
انه متردد في كل الكور يطلع ولا لا هذا مو كلام الحارس يا يطلع ولا لا
وغير كذا في الكور العاليه غير الهدف نشوف الخوجلي ما شاء الله يطامر ويتقدم
واما#الهدف الثاني آآآه من نور من وجهة نظري هذا اللاعب أخذ أكبر من حجمه من جد
...
أما الجوهر يا أخوي عاشق القمرة غلط غلطة العمر مثل ما يقولون
لان التغير غلط 100% من وجهة نظري لان في نهايه الشوط الاول
كان الوسط مختفي شوي مو متحرك وفبل الهدف بعد
اذا كان مصمم الجوهر على التغيير كان يغير مهاجم احسن مو لاعب وسط
ولا لاعب نشيط مثل سعد
و في النهايه والله قهر قهر طارت المباراة من ايدينا
و آسف على الاطاله






و دمـــتــم