اطرح اسئلتك على ضيفنا الكريم !!!
 

السلام عليكم

موضوع جديد وهو لقاء مع أحد

الأعضاء أو القائمين على هذا المنتدى الرائع وماعليكم سوى طرح

أسئلتكم ومايجول في خاطركم على الضيف

أي سؤال حتى لو شخصي أو محرج :D

وضيفنا هو

والله خايف يزعل علينالاني ما شاورته ويمكن مثل ما سمعت من الاخوان يقفل على الموضوع !!!

المهم ضيفنا هو إبراهيم النجيدي [img]C:\My s\My Pictures\welc01.gif[/img][img]C:\My s\My Pictures\welc01.gif[/img]
:eek: :eek: :eek: :eek: :eek: :eek: :eek: :eek:

ههههههههه اخيرا ياااااحبي لك تايه
 

فيه سؤال يحوس ويدوس في خاطري لبرهووووووووووم وودي القيه عليه والله يخليك لي تايه جبته باذانه للقاء حتى اتمكن من طرح السؤال عليه لانه تعرف مسؤل ( على غفلة ) ولايعطينا وجه نحكي معه لكن جابه الله الحين .
سؤالي هو :
وش تحس به وانت رايح تقفل موضوع يعني وش الشي اللي يكون بخاطرك وانت متزهب لقفل موضوع او اذا لقيت موضوع يستحق القفل بنظرك وش يكون شعورك لحظتها ؟ ممكن تعطينا وتشرح لنا الوناسة اللي تجيك اذا لقيت هالشي يابرهوووووووووووووووووم.

<------- ابراهيم النجيدي بعد عملية التجميل :rolleyes:




والله في الحقيقه والواقع شعوري شعوراي شاب سعودي جاي يقفل موضوع ,,, شعور الغبطه والسرور والفرح الغير طبيعي :cool: وكأني في صباح يوم مشرق على كرسي احد البوفيهات والتهم كبدة حاشي نص استوا مع كاس من عصير البرتقال البارد :o



السؤال اللي بعهده تفضل :rolleyes:

ههههههههههههههههههههههههههههههه ,,,

والله يا انا سبيت نفسي إلين دخت :D ,,,

لكن أستاهل هذا جزاء اللي يحش بالناس ,,,

الموضوع ومافيه .... إني يوم قريت عنوان الموضوع الخارجي " من برى " قلت : الله يعين هالغبي اللي وافق على عمل اللقاء بسبب الأسئله اللي تبي تجيه :D ,,,

وعلى هذا الحال .... كل ماقريت عنوان الموضوع قلت نفس الجمله السابقه , وعلشان ربي يبي يزيد بعقابي على اللي قلته ماخلاني أدخل للموضوع إلا بعد ماسبيت نفسي أكثر من 100 مره :rolleyes: ,,,

أخوي الغالي تايه .... حاليا فيه موضوع قديم يختص بمقابله كان الغالي سفر سواها مع الغالي الأسطوره ,,,

خل الموضوع ياخذ وقته ومجال للرد على الأسئله والإستفسارات , وبعدها يصير خير ,,,

ماراح أقفل الموضوع لإن مافيه شيء غلط :) لكن إعذرني حاليا عن الخوض بهذا الأمر أو الإجابه على إستفسارات الأعضاء ,,,

وبعدين الله يهديك شف سؤال الأسير الهلالي وأنت تعرف نوعية الأسئله اللي تبي تجيني من شلة الدجه اللي عندي بالمجلس العام :D ,,,

عاشق الخياس ..... لو تسوي مليون عملية تجميل ماصرت مثل علاّقة المفاتيح اللي أشيل بها الأقفال الخاصه بمواضيعك الداجه :cool: ,,,

تحياتي للجميع .... وإعذرونا مره ثانيه على عدم الإجابه , يعني بالعربي لحد يحط سؤاله لإني مضرب عن الطعام :cool: ,,,

نرحب بإستفساراتكم حاليا بخصوص أي موضوع على البريد الداخلي للمنتدى ,,,

تحياتي للجميع ,,,

السلام هذي مجموعه اسئله اتمنى ان يجيب عليها ابراهيم وان لا يتهرب من
الاسئله واخواني اللي وده يشارك في طرح الاسئله يتفضل ...
+++++++++++++++++++++++++++++++++++++++++++++++++++++++++++++++++
البطاقه الشخصيه لو سمحت ؟
كم ساعة تقضى على الانترنت يوميا؟
كم ساعة منها تقضيها على المنتدى ؟
وش أكثر مايضايقك في المنتدى؟
ماهي اهتماماتك الأخرى في الشبكة؟
ماهي هواياتك التي تمارسها بجانب جلوسك على الكومبيوتر؟ ( مع إني عارفها لكن أبغاه يقولها ).
من هو كاتبك المفضل؟ وماهو آخر كتاب قرأته؟
من هو شاعرك الأول؟
ماالذي يثير أشجانك؟
ماالذي يثير غضبك؟
مكالمات منتصف الليل كيف تتعامل معها؟
صديق تود توجيه رسالة له عبر هذا اللقاء؟
كم عضوا قابلت من المنتدى؟؟ و من هم الذين لم تقابلهم و تتمنى مقابلتهم؟؟
إبراهيم تخيل نفسك جالس على الكمبيوتر و مشغول في المنتدى و حسيت بالجوع .... شو اول شي تفكر انك تاكله ... الرجاء التحديد بالاسم
++++++++++++++
ملاحظات
1- لا تفكر في اي شي ثاني غير الاسئلة و رككككز
2-اجب عن الاسئلة السهلة ثم الصعبة حتى تستفيد من الوقت
3- لا تحاول الغش والا سوف تعيد ((دور ثاني))
4- لا تاكل فول قبل الاجابة
5- اجب عن جميع الاسئلة المكتوبةوالا...
6-راجع اجاباتك وتاكد منها قبل تسليمها
7-اكتب اسمك ورقمك عند استلامك للاسئلة
8-اذا اردت ان تستفسر عن اي شئ اخر : اسال ((الاسيرالهلالي))

والسلام ويا

[img]C:\My s\تايه يوسف.gif[/img]