|
تلبس نقاب ممكن، لكن تسوق سيارة مستحيل!!! السلام عليكم،، صبحكم/مساكم الله بالخير جميعا،، الجو هاليومين غيوم بالمنتدى لكن ما علينا أتذكر ان عبدالملك قدر يضبط الاوضاع قبل خمس سنوات من الآن وبنفس السيناريو مع فارق الاعضاء و التوقيت.. المهم عن اللقافه بس حبيت أكشخ عندكم بخمس سنوات خدمه وترقيه وحده;) أبترك المقدمات لأهلها و اخش على الزيتونه، قبل كم يوم رجعت للبيت بالليل وفتحت الباب الاول والثاني ورقيت الدرج وقبل ما أوصل غرفتي لقيت ميزان عند الباب!!! واحد لقى ميزان وش المفروض انه يسوي؟، قست وزني طلع 78 كيلوجرام ، حلو الكلام أنا وخشتي خلال 4 شهور زاد وزني 6 كيلو، موضوع الوزن مايهم الرجال كثر مايهم العوائل منشان هيك كبّرت الوسادة:sleep: ترى هذا مهوب موضوعي بس يقالي مقدّمه ، مال أمه دخل:d صحيت الساعة 7، لقيت الوالد والوالدة الله يحفظهم ويطيل أعمارهم جلست معهم شوي قدعت(أي أكلت قليلا من التمر) وأخذت معي كاس قهوة مبهرة بهيل يحبه قلبي وتوجهت (مثل منتخبنا)الى باب المغادرة.. قبل لا أطلع سألتني امي سؤال غريب: وش عندك؟؟ قلت بكل ثقه: أبروح للعمل ، توصيّن شي؟ قالت: أنت تداوم الخميس؟! في هذه اللحظات :shocking: حسيت باحباط وألم شديد في الدماغ ، أي دوام الخميس وأي بطيخ، وبما اني تقهويت وصحصحت ، اذاً لامجال للعودة الى الفراش:no: في الوقت الحالي، جلست من جديد مع ماما وبابا(و ياشين التميلح:yucky: ) وأسولف معهم لين ينتهي مفعول القهوه... طبعا السواليف هنا على قسمين: الأول مع الوالد: وتركزت سواليفه في: ورى ماتعرس؟،، متى آخر مره اعتمرت؟،، ليش ماتروح أنت وامك تاخذ عمره،، متى آخر مره مريت البريد؟،، وش سويت مع وزارة الصحة ؟،، ومجموعة من الاسئلة اللي اسمعها باستمرار و مافيه اي رابط بينها وبالاخير قال:المفروض تتعوّد على قومة الصبح سواءً عندك دوام أو ماعندك!! :::::::::::> (ياحبي للرجال جديّه في كل شي)... الثاني مع الوالده: وتركزت سواليفها في: تبي أصلح لك فطور ،، الظاهر انك ما تعشيت أمس،، عسى الحساسية خفّت عليك ،، تراي حطيت بغرفتك مفرش جديد،، ياوليدي اقفل غرفتك عن البزران تراي أمس عجزت عنهم،، أمس تسأل عنك خالتك تقول مبطيه ماشفته،، ورى ماتروح تنام وترتاح مادام ماعندك شي،، :::::::::::> (ياحبي للحريم عطف وحنان في كل شي)... قررت في اللحظة أروح انام :sleep: ، وحطيت راسي، وكالعادة لازم آخذ لي على الأقل نص ساعة هواجيس، لكن هالمره هواجيسي كانت على غير العادة... تأملت شدة الوالد وعطف الوالده ،سبحان الله العظيم، رب العالمين خلق الرجال والنساء ليكمل بعضهم البعض ::::::::::>تعبت عشان تطلع هالجملهs60s ولهذا السبب سوف أعمل mix بين الفصحى والعاميه ، ما يضر.. أسئلة الوالد بنيت على اهتمامته فهو رب المنزل ويسعى لأن تكون زوجته وأبناءه بأحسن حال بعيدا عن مواضيع العطف والرحمة وغيرها ، المهم أن تستقيم الأمور.. أما اهتمام الوالدة وأسألتها الحنونه فهي نابعة من كونها "الأم" ومن ثم لأنها "انثى" فهي تبحث راحت ابنها بغض النظر عن أية أمور أخرى.. اعتقد ان 95% من الناس يعيشون بنفس الطريقة المتوازنة بين شدة الاب وعطف الام، وما أقصد بالشدة هنا التسلط والظلم من قبل الاب ولكن أعني أن شخصية وطبيعة الرجل يغلب عليها القوة وهذه سنة الله في خلقه...ومن هنا راح فكري لبعيــــــــــــــــد... للرجال صفاتهم الخاصة بهم، و ماراح تقدر أي امرأه ان تحاكي هذه الصفات، كما أن للنساء طبيعتهم وعالمهم الخاص بهم، يصعب على الرجل ان يتقمص أدوارهم.. اللي يصير هاليومين في بلدنا شي غريب جدااا ، كومة من العلمانيين القذرين يعيشون بيننا يحاولون بشتى الوسائل ان يقنعوننا بأن الرجل مثل المرأة، والمرأة مثل الرجل!!، تركوا كلام خالقهم واستمعوا بعناية لنصائح اليهود والنصارى، وهدفهم الوحيد هو تحرر المرأة ومخالطتها للرجال في كل مكان و إن تظاهروا بغير ذلك.. الصحف المحلية تتسابق عل نشر أخبار فيها بشارة لكل علماني قذر ، وآخر ما قرأت : سيدة سعودية تعمل في مجال التعقيب!!, اللهم لك الحمد والشكر معقبة!! ، طيب تعقب على الوزارت والدوائر الحكومية!!، وشلون كلها رجال!!، أو تبي تاخذ معها محرم!!، وسيدة أخرى رجلة أمن؟!! أو سكيروتية...الله لا يبلانا.. اي نعم لازم نقول الله لا يبلانا، يمكن بعد كم سنة نلقى حريمنا معقبات! أو سكيورتيات!! أو سواقات تكسي...ولا تقولون مايصير ولا صعبة أو بنات الحمايل ما يسونها، كل شي جايز وراح أثبت لكم صحة كلامي بمثال بسيط... طبيعة البشر انهم يتأثرون بالمجتمع اللي حولهم ، وتأثير المجتمع قوي جدا لدرجة انه يقدر يحوّل الشي من مستحيل ممنوع الى واقع مستحب وأكبر مثال عندي هو النقاب.. أجاز كثير من العلماء لبس النقاب، وانا هنا لا أتكلم عن حكمه الشرعي ولا أقول أنه يحرم لبسه ، لكن جبته كمثال على تأثير أفراد المجتمع على بعضه البعض.. ظهر النقاب عندنا قبل 15 سنة تقريبا بعد حرب الخليج، وقتها كان العرف ان المرأة لايجوز أن تخرج شيئا من وجهها ، والعيون فتنه ،وكانوا الحريم اللي يلبسون نقاب يعتبرون متبرجات وما يستحن على وجيههن:d ، واستمر هالوضع تقريبا خمس سنوات كنا وقتها اذا شفنا وحده منقبه كاننا شايفين هيفا وهيبي:eek: ، وكلنا كنا نقول " الحمد لله والشكر مايستحون هالحريم" !! تعالوا نشوف هالحين:yes: المرأة اللي تلبس عباة على الراس ونقاب هذي بعيوننا محتشمة، وهذا هو اللي صاير عند 90% من الناس، لدرجة انك تلقى وحده لابسه قفازات ومتنقبه!!.. بعد سنوات قليلة راح تكون اللثمة هي قمة الحشمة, وبعد سنوات أكثر شوي راح تكون اللي تلف راسها بطرحه محتشمة وبنت ناس ، وعلى هالمنوال لين نلقى بنت الناس لابسة برمودا ومعها سفن اب وسنكرز وجالسة بمدرجات الدرجة الثانية بالملز:sad: ومادام حنا نصدق هالحيوانات اللي يقولون ان هذا تطور وانفتاح وجائز شرعا فعز الله اننا من ذا وأردى:sad: ما أفهم وش اللي يصير بالضبط بمجتمعنا؟؟ اذا كنا ندين بالاسلام، فالاسلام صالح لكل زمان ومكان وما فيه مجال لتغيير أحكام الشرع بحجة التطور والانفتاح.. اذا كنا ندين بالاسلام، فيجب أن نلتزم بكل أحكامه ولا نأخذ منها ما نريد ونترك ما نريد حسب طلبات العلمانيين.. قالها منهم أكبر مني قدراً ومقاماً ، لايوجد أخطر وأشد فتنة من اختلاط الرجال بالنساء ، وللاسف حنا نمشي خطوة بخطوة في طريق الاختلاط... كنت أسولف مع واحد عن أسعار السيارات وانها في ارتفاع مستمر مادام الطلب موجود والناس تشتري وبعدين الحريم يبي يسوقون يعني انسى موضوع ان الاسعار تقل لأن الطلب يبي يزيد. قال: يارجال عدد الحريم اللي يبي يسوقون السيارات قليل, وما راح يسوق الا بنات..نقط...!! قلت: لاتقول هالكلام، وراح اذكّرك بعد عمر طويل اذا ساقوا حريمنا, وعطيته مثال النقاب وأن قيادة المرأة للسيارة جائزة شرعا مثل ماهو النقاب جائز شرعا.. قال: لا مستحيل بنات الاجواد يسوقون سيارات والله اني أتمنى من كل قلبي يكون كلامه صحيح لكن واقعنا يأكد صحة كلامي، يمكن أكون غلطان ، عطوني رايكم.. أدري شبكت أكثر من موضوع مع بعض، وحست أم الدعوى لكن أكيد اللي يدور براسي وصلكم.. ،،تحياتي للجميع،، |
<0000 قرى نص الموضوع و ان شاء الله يكمل الباقي (( وجـه واحد مرجوج )) |
لك يسلم بؤك حبيبي.... تسلم والله .... وألف مليووووووون شكر... مدري وش اقولك .. لكن اتفق معك كثييييييييييييييييييييرا .. رغم ان اتفاقنا هذا هو أكثر مايحرق قلبي... اسال الله العلي العظيم ... ان يستر بناتنا .. وبنات المسلمين ... مدري البنات هذولا ليش يبون يسوقن .. ومدري هالعلمانيه ..مايقولون البنت كالملك والحاكم .. ماتسوق .. فيه من يسوق لها ؟؟! شاكر لك مووضوعك .. وأسلوبك ...في الطرح . دمت مبدعا متألقا ....والسلام ختام ,,, |
مكشوور اخوي بس مااتوقع الحريم يسوقن لأن العلمانيه هنا ماقدروا يسوون شيء |
مشكور ماقصرت |
السواقة السينما العمل المختلط ابتعاث البنات الخارجي بمفردهن.. والقائمة تطول .... لا أريد أن أكون محبطا أو متشائما .. ولكن بالمؤشرات الحالية يبدو أن جميعها وغيرها قادم ان لم يكن بعضها فعلا قد رأى النور .. مالا أفهمه هو حين يلحقون أي شي بعبارة (بما يتفق مع الشريعة الأسلامية) ربما نشاهد قريبا من يدعو الى رقص وغناء وشرب مسكرات "بما يتفق مع الشريعة"، وشر البلية ما يضحك .. وبما أن الشيء بقرينه يذكر، مررت على هذا الخبر صباح اليوم في صحيفة الجزيرة: إقتباس:
أما ذهابك الى الدوام صباح الخميس فهذه رواية بحالها .. أنا أحيانا أخرج بطاقة العمل للدخول الى المنزل عوضا عن المفتاح!! أشكرك على الموضوع المتميز،، ودمتم بخير.. |
:: بصراحة الموضوع طويل .. خطأ املائي فادح في العنوان :yes: :: |
محـــــــــــجــــــــــــــووووز لي رجــــــــعه,, |
اهلا وسهلا فيك:clap: شو اخبارك:) موضووووع البنات والله انا مثلك اقووووووووول اول العبايه على الكتف شي غريب الحين الي على الراس غريبه:confused: الله يستر علينا ويهديهم يارب وكل شي تغييييييييييييييييييييييييييييييييييييييييييييييييييييييييير الله يهدي المسلمين بسيمكن ارجع ويمكن لا لاتحتروني على الغداء:D وجزاك الله خير |
جزاك الله خير عالموضوع الحلو والمقدمة الحلوة بس انا بأقول ان الدنيا تقلب حالها حتى الرجال الحين ؟؟؟ الحين الواحد اخته جمبه متنقبة ومية رجال يطالعها ولاهمه والبنات اذا ابوها واخوها مانصحوها ماحد بينصحها لان امها بتدلعها وتقولها سوي اللي تبي بس انا اشوف ان لبس عباية الكتف والنقاب اكبر غلط ممكن تتكبوا البنت لان اغلب القصص اللي نسمعها الحين بايتها المصيبة النقاب والعباية والحين بدينا نسمع اسماء غريبة للعبايات علينا اللهم استر علينا وعلى اخواتنا وعلى بنات المسلمين |
وعليكم السلام ورحمة الله وبركاته بصراحه موضوعك يحاكي الواقع القيادة بالنسبه للمراءه ليس الغرض منها الاستقلاليه اولضروره أو لدفع ضرر وعدم وقوع خطر عليها فالمراءه لها أب وأخ وزوج وابن وقريب يستطيع القيام بكل ماتريد وان لم يتوفر فهناك سائق انا هنا ما اقول ان السواق أأمن على البنت من نفسها ولكن السائق يظل رجل وانتي تظلين أنثى أنثى في كل شي حتى لو كنتِ قويه أنتي تظلين أنثى لاتتحملين موقف ولا تستطيعين مقاومة العالم الخارجي نحن لا نملك تربية المجتمع حتى أضمن سلامتك المجتمع يختلف باختلاف أشخاصه وأجناسه في كل أمر من أمورنا دائماً أول مايطري علينا هو ايجابياته وسلبياته لكن بصراحه القياده مافيها من الايجابيات اي شي القياده موضوع عام راح يترتب عليه اشياء فرعيه كلها ضد مصلحة المجتمع كله القياده لاتزيد ولا تنقص من قدر أحد وعمر القياده ماعطلت انجاز أحد أو قللت من طموح انسان خلق هذه المشاكل والبلبله وأثارة هذه المواضيع في الاعلام الغرض منها معروف ووالاسلوب فيها مكشوف الاقتناع بالفكره بداية الانهيار للمجتمع مجتمعنا يظل مجتمع غير لان تركيبته غير احنا تعودنا على شي معين وحياتنا ترتبت عليه الواحد يطمح للأفضل وللتغيير المفيد والي فيه صالح المجتمع مايطمح للأسفاف والتبرج القياده وان حصلت فبداية عدم الأمان ستبداء وحكاية الخوف لن تهداء المرأة لم تخلق لتكون محط إعجاب الرجال جميعاً بل لتكون مصدراً لسعادة رجل واحد الله يعطيك ألف عافيه على هالموضوع |
السواقة مثل ما قلت اخوي مثل النقاااب >>> بصير استعمل ذا المثال :D بيتعودون عليه على خفيف ثم يصير السواقة فري ____________________________ الله يستر علينا من العلمانية |
ما اعتقد ان النساء يسقون |
موضوع اتعتبره ثلاثه في واحد << بونكس .. اول شي الله يخلي لك والديك .. والله يطول في اعمارهم .. وكل اللي صاير معك تقريباً يصير معانا من ناحية نوعية السوالف والوصايا .. اما من ناحية تبرج النساء .. للأسف الشديد اننا من جرف لدحديره <<كلمه شعبيه .. يعني من سيئ الى أسوأ .. صدقت والله.. مشينا النقاب وطلع اللثام اللي مو ناقص الا فمها ويطلع وجهها كله .. وش اكيد أن العلمانيه لهم التأثير الكبير على مجتمعنا للأسف .. فمقالاتهم تملأ الصحف بلا منذر يحذرهم.. وفي التلفاز مرتزين في كل موضوع وخاصه مايخص المرأه .. وكانه لا يوجد سوى شاكلتهم في المجتمع .. يدعون للسياقه .. وبدو في التعقيب .. والسيكورتيه مثل ماقلت .. وشوي وتلاقيهم في الفنادق والمؤسسات والدوائر الحكوميه .. الله يستر ما يدخلون بعد ويصيرون من ضمن اعضاء الاتحاد السعودي وشوي الا حكام <<قويه.. والسبب الرئيسي لهؤلاء السفله العلمانيين ,, لكن صدقني اذا ما وقف احد في وجيههم راح يآخذون راحتم ويتمادون اكثر بآرائهم السلبيه السخيفه .. إقتباس:
مشكور اخوي على الموضوع الرائع .. |
الغالي الكناري الأزرق..:) شكرا لتجاوبك السريع ،و تراي أطلبك نص:D .. ___________________________________________________ الغالي عزوز الأزرق..:) إقتباس:
يعطيك العافية، وشكرا لمشاركتك:) ___________________________________________________ الغالي هلالي راقي..:) إقتباس:
شكرا لمشاركتك:) ___________________________________________________ الغاليه هلالية حرة..:) العفو، وشكرا لك،، ___________________________________________________ الغالي الجاحظ ..:) إقتباس:
يعطيك العافية على مشاركتك واضافتك:) ___________________________________________________ الغالي blueblood_999..:) ياليتك قلت وش الخطأ الاملائي اللي بالعنوان؟؟..شكلك أقشر و تخوّف:D شكرا لمشاركتك:) ___________________________________________________ الغاليه هلاليه2005 ..:) بانتظار مشاركتك،، وشكرا لك:) ___________________________________________________ الغاليه الهنوووف..:) المهلّي ما يولّي،،وياهلا ومرحبا فيك.. إقتباس:
شكرا لمشاركتك:) ___________________________________________________ أبرجع لباقي الردود بس الحين الساعة 9.30 عاوز أفطر الريوق بتاعي:D تحياتي للجميع،،:) |
| الوقت المعتمد في المنتدى بتوقيت جرينتش +3.
الوقت الان » 07:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd