نادي الهلال السعودي - شبكة الزعيم - الموقع الرسمي - تلبس نقاب ممكن، لكن تسوق سيارة مستحيل!!!

- منتدى المجلس العام (http://vb.alhilal.com/forumdisplay.php?f=1)

- - تلبس نقاب ممكن، لكن تسوق سيارة مستحيل!!! (http://vb.alhilal.com/showthread.php?t=311608)

الآن نعبر عن سعادتنا لحضورك و تواجدك ففيك رائحة ( عبدالملك ) أو رائحة الجيل الأول ..
و سنعود بإذن الله للموضوع ..

إقتباس:

الرسالة الأصلية كتبت بواسطة abu_riman

الآن نعبر عن سعادتنا لحضورك و تواجدك ففيك رائحة ( عبدالملك ) أو رائحة الجيل الأول ..

صادق يا ابو ريمان ..:d

--------------------

حيا الله الدحمي <----- يمون s13s

والله مشتاقين لك ولهالمواضيع اللي ما أدري وش تبي :eek: ..

<--- يقاله يمدح ..:d

صدق عاد زاد وزنك 6 كيلومتر ..:eek: انتبه يا اخوي ترى ممكن تصير فيه غرامة للي يزيد وزنهم أكثر من اللازم .:confused:

<----- أجل راح فيها أبو بدر:rolleyes:

--------------------

على العموم موضوع جميل وجيد للنقاش بس عاد المقدمات واجد :d ..

أتفق معك في كثير من الأشياء مع ألمي لهذا الاتفاق والذي نجلس أمامه مكتوفي الأيدي ..:wallbash:

الشواهد كثيرة غير النقاب ..!! فقد كان في السابق مجرد خروج المرأة للدراسة جريمة :eek: .. حتى وإن اختلفنا مع تلك النظرية لكنه حاصلة ..!!!

عندك مثلاً السفر للخارج في الماضي كيف كان يعبر عنه والآن أصبح الذي لا يسافر للخارج متخلف ولا يعلم أين حاطه الله ..:d

الدش.. التتن :d .. القهاوي .. ووووو سواء للمرأة أو الرجل ..كانت شيء عظيم والآن أمور عادية أو شبه عادية مع الأسف ..!!

أشكرك أخي الهاوي .. وتصدق يوم شفت يوزرك حنيت لقصة مثل ..:d

تحياتي لك يالغالي ،،،

هلا بكم من جديد:) ويا حبي لسندويش الجبن مع شاهي بسكر خفيف:thumbup:

_____________________________________________

الغاليه المتفائلة.. :)

و اياك،، وحلاوة الموضوع في تفاعل الأعضاء معه..

إقتباس:

الحين الواحد اخته جمبه متنقبة ومية رجال يطالعها ولاهمه

كلامك واقع، لكن اعتقد مثل هالعيّنات قليل، واللي يرفع ضغطي بعضهم معه أهله ورافع صوت السمجل عالآخر و "الكلام على مين" تدّهر:wallbash:

إقتباس:

والحين بدينا نسمع اسماء غريبة للعبايات علينا

والله من عقب عباية الواق واق مدري الوطواط وأنا غاسل ايدي بديتول:no: هي العباة ستر ولاّ زينه و مسخره؟!!

يعطيك العافية، وشكرا لمشاركتك:)

_____________________________________________

الغاليه سندريلا الهلال.. :)

كلامك جدا رائع ، ومشاركتك تستحق القراءة أكثر من مره..

إقتباس:

القيادة بالنسبه للمراءه ليس الغرض منها الاستقلاليه اولضروره أو لدفع ضرر وعدم وقوع خطر عليها فالمراءه لها أب وأخ وزوج وابن وقريب يستطيع القيام بكل ماتريد وان لم يتوفر فهناك سائق

وأزيد ان المرأه اللي تقدر على تكاليف شراء سيارة، هي قادرة على احضار سائق مع زوجته ، اذا كان هناك حاجه..

إقتباس:

الاقتناع بالفكره بداية الانهيار للمجتمع

حسب ما سمعنا والعلم عند الله، ان عدد من صنّاع القرار في الدولة يرفضون قيادة المرأة للسيارة، وبعض المفكرين أيضا رفضوها وأرجعوا ذلك لأسباب اجتماعية واقتصادية، وهذا شي يمكن " يـأجل " الموضوع شوي ، لكن حسب الؤشرات التي نراها، اعتقد ان القيادة ستكون أمر واقع...

إقتباس:

المرأة لم تخلق لتكون محط إعجاب الرجال جميعاً
بل لتكون مصدراً لسعادة رجل واحد

ياليت ألقى هالعبارة مكتوبة في كل مكان و بجميع اللغات...

يعطيك ألف عافيه، وشكرا لمشاركتك :)

_____________________________________________

الغالي عـز الهلال..:)

ابسمح لك تستخدم هالمثال بس مره وحده بالشهر::::::::::::>طار بالعجه:d

إقتباس:

الله يستر علينا من العلمانية

آآآمين، في أحد المجالس قال لي رجل كبير في السن كلام بسيط لكن معبّر ، يقول " من زمان نسمع عن العلمانية والماسونية ونحسبها شي يوكل، طلعت تاكل الله يكفينا شرها"..

شكرا لمشاركتك :)

_____________________________________________

الغالي رضيو..:)

إقتباس:

ما اعتقد ان النساء يسقون

ودّنا و ياليت ما يسوقون، لكن لا يوجد بوادر لذلك، بدليل ان الموضوع لم يحسم و لم يقفل و مازال مطروح للنقاش وله مؤيدين..

شكرا لمشاركتك :)

_____________________________________________

الغالي الكــلاسيكي..:)

إقتباس:

الله يستر ما يدخلون بعد ويصيرون من ضمن اعضاء الاتحاد السعودي وشوي الا حكام

:d ،، عاد اذا صاور حكام تبي تلقى انواع البلنتيات لنواف، وما فيه اي تسلل على ياسر، وبعض الناس مطرودين من الدقيقة ثلاثه ;)..

إقتباس:

لكن صدقني اذا ما وقف احد في وجيههم راح يآخذون راحتم ويتمادون اكثر بآرائهم السلبيه السخيفه ..

ارجع واقول مافيه أحد يقدر يوقف في وجه العلمانيين غير علماء الدين اللي يملكون الحجة الكافيه لدحض كل مبرراتهم، لكن وينهم؟؟ يمكن مشغولين بفتاوى الاسهم:cry:

يعطيك العافيه، وشكرا لمشاركتك :)

_____________________________________________

الغالي abu_riman..:)

وأنا أسعد بمشاركتك ، بالذات وأنت من روّاد الجيل الاول...

بانتظار عودتك،،

كل الشكر لك:)

_____________________________________________

الغالي جدااا البارق2000 ..:)

هلا وغلا ، الله مير يحييّك ، يابعدي تكفى لا تكثر من نوعية هالمدح:::::::::::>"والله مشتاقين لك ولهالمواضيع اللي ما أدري وش تبي":D

أشوفك مبسوط على رائحة عبدالملك:d الله يهديك يابو ريمان وش سويت بالرجال:clapping:

إقتباس:

أجل راح فيها أبو بدر

ابوبدر صاير هاليومين مهوب ياكل واجد، ودي ارفع معنوياته لكن ماش الشمس ماتحجب بغربال، الرجال يبي له شغل واجد:d

إقتباس:

الشواهد كثيرة غير النقاب ..!! فقد كان في السابق مجرد خروج المرأة للدراسة جريمة .. حتى وإن اختلفنا مع تلك النظرية لكنه حاصلة ..!!!

صدقت ،وهذا يخلينا نقول ان تأثير أفراد المجتمع على بعضهم البعض له بعض الاجابيات في التخلص من العادات والتقاليد السيئة، وحنا نتكلم عن "الأغلبية" ، وللاسف فيه اغلبية بمجتمعنا أبعدت عن الدين وتساهلت فيه، ويا خوفي من تأثيرهم..

إقتباس:

والآن أصبح الذي لا يسافر للخارج متخلف ولا يعلم أين حاطه الله ..

اي والله صادق " لا يعلم أين حاطه الله":d :d

إقتباس:

.. وتصدق يوم شفت يوزرك حنيت لقصة مثل ..

يازين ذيك المواضيع ، و"قصة مثل" كنت من عشاقها، بس ماش يالبارق شيّبت:d وما عاد انت مثل منوّلs91s ، كنت أسرق من مواضيعك وأروح أسولف بهن يقالّي مثقف:cool1: ..

مشكورعلى طلتك ، ولك خالص تحياتي:)

_____________________________________________

,,تحياتي للجميع,,

هلا بـ alhawey 11 :cool: .

إقتباس:

الجو هاليومين غيوم بالمنتدى

لأ والله غبااار منك :d ....!

إقتباس:

واحد لقى ميزان وش المفروض انه يسوي؟،

ينط فوق :d

إقتباس:

قست وزني طلع 78 كيلوجرام ، حلو الكلام أنا وخشتي خلال 4 شهور زاد وزني 6 كيلو،

:eek: عظم الله أجر أخواتك :( ------>> لاتقول أخواتي مالهم دخل :mad:
لهم دخل :yes: باااعاااد يصير أخوهم سمين ويتفشلون :d .

إقتباس:

ترى هذا مهوب موضوعي بس يقالي مقدّمه ، مال أمه دخل

تطورنا يالهاوي:d مـ صار عندنا مقدمات :d صار عندنا مداخل :razz:
قبل لاتحط موضوعك حط له مدخل :d

في هذه اللحظات حسيت باحباط وألم شديد في الدماغ ، أي دوام الخميس وأي بطيخ،

مـ لومك صار الوضع عندك روتين ، مـ تفرق بأي يوم أنت :d أو نظامك الفيسولوجي تعود ع هـ الشي :yes: ----> الفلسفه موب لايقه عليك :d .

إقتباس:

اعتقد ان 95% من الناس يعيشون بنفس الطريقة المتوازنة بين شدة الاب وعطف الام، وما أقصد بالشدة هنا التسلط والظلم من قبل الاب ولكن أعني أن شخصية وطبيعة الرجل يغلب عليها القوة وهذه سنة الله في خلقه...ومن هنا راح فكري لبعيــــــــــــــــد...

لأ والله أن الشدة كلها من الأم :yes: والأب يـ زينه عطوف وحنون مـ أطلب منه شي إلا قالي " اللي تبينه سويه " " ولايهمك " موب مثل أمي " لأ " " لأ " ومـ توافق إلا بعد مؤتمرات وجلسات :d وتدخل سلطات ----->> الله من النصب ! إلا ع أمك مزاج مره توافق ومره لأ :(

حتى والله من شدة تسلط أمي تسلطت ع هـ الترم :( صارت تقومني بدري وقبل لاتطلع إلا تخليني أقوم :cry:----->> عرفت أني أسحب ولا أداوم :d .

بس الله يجزاها بـ الخير :) الحمدلله نفعني تسلطها ع :d ونجحت هـ الترم بكل المواد :) .

إقتباس:

الصحف المحلية تتسابق عل نشر أخبار فيها بشارة لكل علماني قذر ، وآخر ما قرأت : سيدة سعودية تعمل في مجال التعقيب!!, اللهم لك الحمد والشكر معقبة!! ، طيب تعقب على الوزارت والدوائر الحكومية!!، وشلون كلها رجال!!، أو تبي تاخذ معها محرم!!، وسيدة أخرى رجلة أمن؟!! أو سكيروتية...الله لا يبلانا..

إلا فيه دوائر حكومية نسائيه بـ جدة :yes: وحتى فيه سكيروتيات هناك بـ الأسواق:yes:
ع طاري السكيروتيه ، بعض السيكروتيات حقيرات :mad: ... في سوق بجدة وقسماً بـ الله قدام عيني وأنا أرقب أنا وبنات خالتي خوانا اللي يلعبون .
بنت وولد بـ الملاهي جالسين بـ لعبة جمب بعض وصلح حركه بـايخه للبنت :upset: ، السكيروتي شافهم وانتبه لهم وقال لـ سكيروتيه روحي ألحقي البنت وناديها :yes:
راحت السكيروتيه مرت من قدام هـ البنت وسوت نفسها مـ شافتها ومشت بعيد عنها انا وبنات خالتي أنتبهنا لها :d وقلنا هين مورينك شغلك ، ولحقنا السكيروتيه وقلنا لها تعرفين البنت وين راحت قالت لأ مـ شفتها أنتم تعرفون دلوني عليها قلنا أمشي ورانا :d --->> موب هينات:d
وريناها هـ البنت و قالت لها شوفي ياحبيبتي إذا سالوك أنتي كم عمرك قولي أقل من 15 وأنتِ صغيرة ومـ تفهمي شي وأنا راح أساعدكِ وكل المسأله تحقيق بسيط ونخلص لاتخافِ والبنت تبكي :upset:
قلت لبنات خالتي والله اللي تعين ع الشر :d .

إذا هذي فائدة شغل السكيروتيه فـ الله يخلف ، شف هي زينه وشينه حلو أن السكيروتيه تكلم البنت وشينه إذا قامت تساعدها ع الشر :yes: ..

إقتباس:

اي نعم لازم نقول الله لا يبلانا، يمكن بعد كم سنة نلقى حريمنا معقبات! أو سكيورتيات!!

الحمدلله الذي عافاني ممن إبتلائهم به وفضلني ع كثيراً من خلقه تفضيلاً .

إقتباس:

بعد سنوات قليلة راح تكون اللثمة هي قمة الحشمة, وبعد سنوات أكثر شوي راح تكون اللي تلف راسها بطرحه محتشمة وبنت ناس ، وعلى هالمنوال لين نلقى بنت الناس لابسة برمودا ومعها سفن اب وسنكرز وجالسة بمدرجات الدرجة الثانية بالملز

:d لأ تخاف إن شاء الله مـ راح يصير :d

إقتباس:

قال: يارجال عدد الحريم اللي يبي يسوقون السيارات قليل, وما راح يسوق الا بنات..نقط...!!

قلت: لاتقول هالكلام، وراح اذكّرك بعد عمر طويل اذا ساقوا حريمنا, وعطيته مثال النقاب وأن قيادة المرأة للسيارة جائزة شرعا مثل ماهو النقاب جائز شرعا..

قال: لا مستحيل بنات الاجواد يسوقون سيارات

وش مستحيله :d والله إذا سمحوا بتلاقون كل البنات الأجاويد يسوقون :yes: .

أريجاتو الهاوي ع هـ الموضوع وأدري طولت عليك :d بس أعوض عن المواضيع اللي مـ رديت عليها من زمان :yes:
كان لك موضوع جداً أعجبني وحتى رجعت وشفته الحين :d عن علاقة الأخت بـ الأخ :yes: .

يـ الله سي يا ولا تطول بـ الغيبه :) .

الفيروسه الزرقاء

يمكن البعض يعتبرها متخلفه والبعض قرووويه

بس البنت الي تلبس عبايتها علشان ربها ماتهتم بهالكلام

ومفرووض مننظر لهم لان احنا صح وهم خطاا

يعطيك العافيه مرتن اخرا

صباح الخيرات،،:)

ــــــــــــــــــــــــــــــــــــــــــــــــــــــــــــــــــــــــــــ

الغاليه الفيروسه الزرقاء..:)

إقتباس:

عظم الله أجر أخواتك ------>> لاتقول أخواتي مالهم دخل
لهم دخل باااعاااد يصير أخوهم سمين ويتفشلون .

:confused: وأنا اقول ليش أهلي هاليومين خفة مشاويرهم ولا ودّنا ولا جبنا ،، لو انا داري كان من زمان سامن ، لكن من اليوم ورايح أبفطر ربع كبسه:d
بعدين وش اللي عظم الله أجر اخواتك؟؟ ترى وزني 78 مهوب 87 عشان تقولين سمين!!(معذور يارونالدو توّي احس بمعاناتك)..
و رجاءً أنتِ مالتس دخل ، لا تتلقفين بيني وبين خواتي:nono: يتفشلون ما يتفشلون وهالكلام الفاضي :mad:

إقتباس:

تطورنا يالهاوي مـ صار عندنا مقدمات صار عندنا مداخل
قبل لاتحط موضوعك حط له مدخل

مدخل!! تري ابكتب موضوع منب باني بيت، بس مادام انكم تطورتوا ابروح معكم :cool1: وانشاء الله موضوعي القادم يبي يكون عن مداخل السيراميك:sleep:

إقتباس:

بس الله يجزاها بـ الخير الحمدلله نفعني تسلطها ع ونجحت هـ الترم بكل المواد .

أجل نجحتي بكل المواد!! والله من زين الطموح انتِ ووجهتس:mad: :::::::::::> الى الحين زعلان من سالفة سمين:d
الله يخليهم لك ، بس الام ماتعرف تصير شديده لابد تتغير و يغلبها قلبها ، لكن الاب اذا صار اقشر الله يعين على برّه ، صعبه يتغير...

إقتباس:

إلا فيه دوائر حكومية نسائيه بـ جدة وحتى فيه سكيروتيات هناك بـ الأسواق

جده ام الرخا والشده ، بس خلاص لا تعليق;)

إقتباس:

ياحبيبتي إذا سالوك أنتي كم عمرك قولي أقل من 15 وأنتِ صغيرة ومـ تفهمي شي

على بالهم اننا بامريكا وش اللي خمسطعش!! بعدين أم 15 ذي اللي ألعن من ابليس صارت ما تفهم؟؟
السيكوريتية لو تمسك وحده وتقعد تصيح كان صاحت معها وجلسوا يخمخمون بعض وتنتهي السالفه.. يعني مالها سنع ، واتوقع ان الداشرات ماراح يخافون منها بالعكس هي مصدر اطمئنان لهم..
كل ميسّر لما خُلق له ، لكن وشلون نفهّم هالعلمانيين ، يبون المرأه تتوظف بأي وظيفة يكون فيها احتكاك بالرجال!!

إقتباس:

أريجاتو الهاوي ع هـ الموضوع وأدري طولت عليك بس أعوض عن المواضيع اللي مـ رديت عليها من زمان

الله مير يسلمك ، كلك ذوقs48s ::::::::::::::> تورط مايدري وشي أريجاتو :d
كله منك يالبارق بديت أوسوس الحين ما ادري" أريجاتو " ذي هي مدحه و لاّ مسبه:confused:

الفيروسه الزرقاء:) ، يعطيك العافيه على ردك الخفيف ، تشكرااات،،

تحياتي لك،،
ــــــــــــــــــــــــــــــــــــــــــــــــــــــــــــــــــــــــــــ

الغاليه الهنوووف ..:)

إقتباس:

يمكن البعض يعتبرها متخلفه والبعض قرووويه

اذا كانت المرأه اللي تتستر وتستحي يقولون عنها كذا ، فأول شرط لي اذا نويت أتزوج انها تكون متخلفه وقرويه:yes:
أكيد هالمتخلفه هذي راح تكون تاج على راس زوجها ، وكل مازاد تخلفها زاد قدرها وغلاها...

شكرا لك، نوبتن ثانيه:)

تحياتي لك،،