|
لأصحاب الكوامري توماتيك+من لديهم خبره بالتلميع والغسيل+وفي امور تغيير الزيوت(ادخلوو) انا شريت كامري2006 قير توماتيك واللون بحري اانا دايم امشي بالمية100 على D وال ان للوقف مثل عند الأشارات وال البي للوقوف النهائي صح ولا كلامي خطا ودي اعرف وضيفة L---2وكمان في زر صغيرD/Vعلى ماعتقد كذا رمزه طبعاً هو بنفس القير على الجنب اريد اعرف وضيفته. انا ايم ماحب اسرع لدرجة اني امشي من 80-100 بالخط السريع هل هذا ياثر على السيارة اريد ان اعرف هل الغسيل اليومي ياثر على بوية السيارة ومتى تنصحوني اغسل كل كم يعني حوالي اريد المحافظة على لون بوية السيارة تلميعه كيف احافظ عليها من الخدوش انا عارف هناك عوامل خارجية تؤثر عليها ولكن على الأقل اريد اقل خسائر ممكنة هل التلميع الدايم ياثر على السيارة ومتى المع السيارة كل متى والله انا ماعرف بالسيارة الا زيت المكينة وانك تغيره كل حوالي200 او 1500 كيلو بالنسبة للزيوت الثانية الدركسون والفرامل متى اغيرهم كل كم وفي اللي اسمعه ان هناك موية تغيرها للسيارة وشهي هاذي الموية وكيف وايضا موية الرديتر كل متى اغيرهم للعلم الشيارة ماشية15.000((قولو ماشاءالله)) واوديها صيانة في شركة تويوتا كل 5000كيلو يعني ماشيل هم لهذه الأشياء ومدام اني اسويلها صيانة كل 5000 واستمر على كذا واموري تصير زينة ولا المدة هاذي اللي هي مابين الصيانة و5000لازم في اشياء تتغير ارجوكم افيدوني للعلم السيارة لها9شهور (( واذا بتتعبو من الأجابة عالأقل ارشدوني لموقع يقدم دروس في الزيت وو الأمور اللي اسئل عنها)) وبالنسبة للسيور والفريون للمكيف كيف طريقتها. هل كثر المطبات تاثر على السيارة طيب ماذا افعل لو كنت لاسمح الله ماشي مسرع حلو ولقيت فجأة مطب امامي قوي او صغير هل اهدي وانا مسرع مما يضطرني الى دعس الفرامل بقوةوراح تطلع صوت الكفرات ولا اكلها وامشي بالنسبة للكفرات هل من المفروض اني اشيك عليها دايم يعني كل كم لأن الكفر دايم ينام عندي وش الحل ارجو الأفادة انا عارف اني تعبتكم لكن والله اللي اريده المام بالسيارة وموعيب اني اسئل وانشالله عبركم يازعماء المهم الأمام بهذي الأشياء وشكراً لكم وامل تجاوبكم معي |
إقتباس:
اول شي مبروك السياره بعدين وضعيات القير L - 2 هذي زي ما تقول النمر في القير العادي اي تثقل السياره إقتباس:
زيت الميكينه ما تغيره الا كل 3000-4000 كم و ان حبيت غيره و غير السيفون كل 5000 كم او على كلامنا الاول بس مره تغير الزيت بس و الثانيه تغير الزيت و السيفوون إقتباس:
هذه كل خبرتي في السيارات غير كذا ما اعرف ان شاء الله الشباب يكملون لك الباقي و سلام عليكم |
طلع عليك فجأه او ما دريت عنه كله على سرعه و لا تهدي من سرعتك الله يخلي الجلنط أنا استخدمه وأنا محافظ لا ن المطب لو تاكله بيخرب عليك الكرسي والمساعدات أما الجلنط يخرب عليك الكفرات والكفرات هينه وشكرا |
للبيع ههههههههههههه ((ماشاءالله)) |
ماشاء الله تبارك الله .. أهني موترك عليك على هالأهتمام الله يوفقك :D بس شف لو تسأل موظفين الوكاله وخاصة حقين استقبال الصيانه .. يفيدونـك أكثر ان شاء الله وانتبه ترى الكامري خرقه مهيب حديد فيبر جلاس على طول تروح عليك يعني انتبه ولاتنسى التأمين وهو أهم شي.. ترى كل اللي أقوله لك صاير لي بالتفصيل يالغالـي..:) |
(( 25000)) هاه تبيع ههههههههههههههههههههههههههه ما شاء الله |
اخوي بالنسبة للزيت هو على حسب نوعه لكن اغلب الزيوت معدل المشي عليها من 3000 الى 4000 وبالنسبة لزيوت الفرامل والدركسون والقير وغيرها هذي شيك عليها كل ما غيرت الزيت وايضا ماء الرديتر |
اللـه يـعطيك خيــرها ويـكفيـك شـررها |
وزيد على الشباب غير البوجي كل 30000 |
ماااااااقصرتم افدتوني كثير طيب معليش عندي سؤال بسيط الحين ماشاءالله السياراة وااصلة31.000تقريباً بعد كل هذه المساافة ماهي الأشياء التي احتاجها هذه الفترة من-الى للعملم مااريد الشركة غيرت رااي لأنها كلفة جداً جداً وارهقتني |
بالنسبة للـ L و 2 هي النمرة الثقيلة والخفيفة في السيارة , زي التعشيقة الأولى والثانية في القير العادي , وانسى انك تستخدمهم اصلاً , يعني لا تشغل بالك , خلك على الـ D للمشي و الـ N للفاضي و P للوقوف بالنسبة للزر O/D هذا تضغط عليه اذا صرت تبي القير يبدل النمر بسرعة , ويستخدمونه اذا صرت ساخب لك سيارة ولا عربة ولا شي من هالقبيل , مع اني انصحك لا تسحب شي ولا يحزنون , الله يخلي الدداسن , اذا تبي تجرب الفرق وتشوف وش يصير اذا ضغطت عليه , امسك خط بعد ماتضغط عليه وشوف كيف القير يعشق النمر بسرعة , بينما اذا كان طافي ومسكت خط مايعشق النمرة الاخيرة الا وانت واصل 140 كلم/ س بالنسبة للمشي بسرعات معينة ماياثر ابد في السيارة الغسيل اليومي اكيد ياثر على لمعة البويه , وبعد اذا مسكت خطوط راح ياثر على وجه السيارة , حاول تغسل سابوعياً اذا انت من النوع الي مايحب يشوف السيارة وصخة ! وانحش عن الهنود الي معهم رقع وصخة , تراهم يمشخون السيارة اكثر من مايغسلون , روح للمحطات والمغاسل الي عندهم مويه حلوة للغسيل , وحاول تحط برقع او فيري اذا صرت ماسك خط سفرية , او في حركة جديدة اشوفهم يستخدمونها اذا سافروا , تلاقيها زي التغبيرة وتجي على الوجهية بس بالنسبة للزيوت والملحقات فالوكالة تهتم بها , لازم تروح لهم كل 5000 كيلو وهم يعرفون شغلهم , انا الحين السيارة ماشية معي 150000 كيلو ولا عمري غيرت شي , هم يسوون كل حاجة ويعرفون متى تتبدل القطع التالفة اكيد المطبات راح تلعب في السيارة , نصيحة اذا صرت في طريق جديد لاتسرع , ماتدري وش يصير معك , الركادة زينة طال عمرك , واذا خلاص طحت في مطب قوي , امسك بريك ولا يهمك , بريك قوي ياثر على الكفرات ولا مطب قوي يلعب في السيارة ! بالنسبة للكفرات اذا دايم تنسم عندك اكيد في تهريب ولا مسمار, روح للبنشري وخله يرقعها لك اذا لاحظت انك كل ماتنفخه يفش بسرعه خلال يوم او يومين ! وانصحك تغير الكفرات كل سنتين , تعرف الحر عندنا مايرحم وفوق كذا الخطوط زفت زي ماتعرف بالنسبة لردك الثاني يوم تقول خلبت الوكالة ولا عاد تسوي الصيانة عندهم , اقولك تراك غلطان , تدري انهم يسجلون زياراتك في الكمبيوتر , واذا شافوك ماتجي وقت الصيانة وبعدين صار لك مشكلة يقولون لك الضمان مايغطيها لانك منا التزمت بالصيانة الدورية ! نصيحة لا تخليهم ابد , وبعدين صحيح مكلفة شوي , بس السيارة تستاهل , احسن ما يلعبون فيها الورش الي في الصناعية وتقعد تصلح فيها كل يوم ولا تخلص ! |
طيب اخووي انت اللي معااك كااامري وماشاءالل ماااشية 150.000 الله يخليها لك . .. . طيب تتقدر تقلي الى الأن اعلى سعر في الصيانة معك كم وصل .. . . . . .وهل تتقبلني صديق لك داائم بحيث اسافسر معك بأشياء عن السيارة وخصوصياتها في قااادم الأيام ونتبادل الخبرات بيني وبينك هل تتقبلني اخي الغاالي |
حياك يا صاحبي , اعتقد اكثر سعر كان 3000 ريال وكانت في الصيانة الرئيسية الي كل 40 الف كيلو |
3000اكثر سعر والله حلو بالنسبة للكامري الصيان الرئيسية كل كم 30.000ولا اكثر |
كل 40 الف كيلو يعني 40 الف و 80 الف و 120 الف وهكذا |
| الوقت المعتمد في المنتدى بتوقيت جرينتش +3.
الوقت الان » 11:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd