فوز الصين على الإمارات
 

النتيجة 1-0..

الهدف جاء في الدقيقة 41 من الشوط الأول عن طريق اللاعب رقم 19 (ما فيه أمل أجيب لكم إسمه:D) سجل الهدف برأسه.

الشوط الثاني كان أماراتي لكن كالعادة ياكلونها العرب في الأخير.

هارد لك يا عرب..

يا ناس والله حرام يتأهل ذا المنتخب

منتخب الصين منتخب عااادي جدا جدا

يعني لو كان الصين في مجموعتنا كان اكلها هزايم من منتخبنا ... حتى منتخب البحرين افضل من مليون مره

وتصدره ليس دليل على قوته ... بس عشان الفرق اللي معاه تعبانه

ما اقول الا الله يخلف على توزيع المجموعات

والله حرام

الامارات ضيعت فرص كثيره

حسافه والله

الله يعين..

يعني حتى لو تعبنى و تأهلنا راح نكون لحالنا في كأس العالم. و الله الفرصة كانت كبيرة للعرب في التأهل..

حتى لو جابت قطر الثاني. راح تقابل يا إيران أو السعودية (يا رب إيران). يعني تقدر تقول مالهم امل..

والله قهر يا شباب لكن نقول هه يمكن قطر يسوونها في الصين ويهزمونهم

والله خساره
 

عزيزي 9smsm9,

لو نفكر فيها مع بعض نجد أن الصين عندها 13 نقطة و باقيلها 3 مباريات. إثنين من المباريات هذي راح تكون في الصين و هي مباراتهم مع عمان ثم قطر بعدها راح يقابلون أوزبكستان في أوزبكستان.

أعتقد أنهم راح يفوزون على عمان. و فيه بصيص أمل أن قطر يفوز أو على أقل تقدير يتعادلون. خلنا نقول تعادل مع قطر. نقاطهم راح تصير 17 حتى قبل ما يقابلون أوزبكستان.

في المقابل قطر باقيلها 3 مباريات و عندهم 8 نقاط. نفس الشيئ, إثنين منهم راح يكونون في الدوحة و هي مباراتهم مع أوزبكستان و الإمارات. لو فازو في إثنينهم و تعادلوا مع الصين راح يصير عندهم 15 نقطة. بينما الصين 17 و باقيلهم مباراة بعد.

...................................................

لو صارت المفاجئة و هي إن قطر فازت على الصين راح يكون لقطر 17 نقطة و الصين 16.

يبقى للصين مباراة مع أوزبكستان.. لو تعادلو راح يحتكمون لفارق الأهداف مع قطر.

فارق الأهداف الحين +8 للصين مقابل +4 لقطر :( يعني الوضع ما يحمس للأهداف.

الحل الوحيد لقطر أنها تفوز في جميع المباريات و الصين تنهزم في مباراة ثانية غير مباراة قطر أو تتعادل في المباراتين..


لا يكون عقدت الموضوع و هو سهل.

آسف للإطالة بس مقهور.