|
سجل اسباب الخساره اليوم_ _ ارجو الردود يازعماء هارد لكم ياشباب ظنكم وش هي اسباب الخساره هل وفاة والدت الشلهوب لها دور؟ هل الامطار وسوء الارضيه لها دور؟ هل شفشينكو لوحده له دور في ارباك الدفاع كما رأينا من البداية الارتباك واضح والدليل الهدف في الدقيقه الرابعه هل وهل وهل وهل تكررت هل على لساني بعد الهدف الرابع اكثر من ست مرات مبروك يبي من يقرصه علشان ينتبه اكثر منتشري تكر كيف الهال دوخي وعبدالغني نص تمام الوسط كويس الى حد ما ماعدا نور مادري وش قصته ياسر مالك سامي الخثران حلووين ومازلنا نعاني من الدفاع اخواني هل تعتقدون لو لعب المنتخب بدون قلبي دفاع بنقدم احسن من اليوم مباراة اليوم شفنا الروح وهاذا اهم شي بالنسبه للمباراة لو انه منتخب غيره كان تحطم معنويا قصه طريفه حصلت لي بعد المباراة جيت لم جدتي وقلت لها السعوديه انهزمت 4من اوكرانيا قالت بالحرف الواحد (يافرنقا يا اونكرينيا ليش عيالنا ما رضوهم ) رديت عليها قلت الدعوى ماهي فوضى علشان يرضونهم وانتم تعرفون العجز وكلامهم كل واحد يسجل رده والسبب من وجهت نظره تحياتي |
الاتحاد السعودي والمدرب واللاعبين بدون استثناء واللي عطاهم 100000 ريال وهم ما يستحقون والمفروض وزعوها على الجمهور الوفي او رفعوا بها الاسهم |
مافي سبب لاملعب ولاشيء السبب الفاشلين اللاعبين الله لايوفقهم فشلونا |
اللـه يعـين |
1_الملعب 2_الحكم 3_تكر 4_منتشري<<<افضل لاعب اسيوي << امحق 5_نوور 6_ترك ياسر وحيدا في المقدمة ................... ولا تنتهي الاخطاء اللي غثونا بها من ست اشهر ومعسكرات وضيعوا الهلال من الاسيوية وزحمة والشارع فاضي.....................ما اقول الا الله لايوفق المسؤولين عن المنتخب وسلامتكم |
أعتقد الحكم كان معقد ..! ركلتين جزاء وفاولات كثيرة ماحسبها ..! وكان حاقد على اللاعبين ..! |
|
مشكووووووررين على الردود وانشاءالله نتأهل |
وفاة أم الشلهوب الله يرحمها أرضية الملعب الاستسلام المبكر ولو نبي نتأهل لازم تعادل تونس واوكرانيا ونفوز على اسبانيا 4 \ 0 |
الله يعين |
سلطان ونواف ............. الدفاع............. باكيتا..............الحارس الغبي زايد |
الاسباب ياولد العم كلها من مبروك زايد الهدف الاول اللي من ركني سبب خروجها مبروك وهي ضربة مرمى وناول للمنتشري الظاهر وجاة شفشينكو عاد المنتشري متعود يلعب مو خقين الحواري ويوم شاف المنتشري شفيشنكو خاف من افضل لاعب باوربا وناول لمبروك عاد مبروك بي سوي فيها حارس مو سهل ويسحب في شفيشنكو وتتطلع منة الى ركنية وكوبري والهدف الاول الاوكراني صقعتة بالحظ والاخطاء واجد وهذا السبب الرئيسي |
اهم سبب لخسارة المنتخب هو الخوف والارتباك وخاصة في اول ربع ساعة وهي ملاحضة من المبارة السابقة ولكن تواضع مستوى الفريق التونسي ما بينت الملاحضة هذي المنتخب السعودي في اول ربع ساعه يمر في حالة ارتباك غير طبيعية ممكن خوف من المنديال او خوف من الخصم او خوف من الجمهور او مدري بالضبط ولو لعبو مع فريق حواري في اول ربع ساعه في منديال حطو فيهم خمسين هدف وهذا اللي ركز عليه مدرب اوكرانيا واللي قرأ نقاط ضعف منتخبنا وتركيزه على السرعه في الهجوم من اول ثانية في المبارة والسبب الثاني مبروك مبروك مبروك + عفواً مبروك زائد ما يصير نرمي سبب الخسارة على المدرب وهو الشماعة الوحيده لخسارتنا السبب ايش دخل المدرب اذا الحارس حب يعمل فيها فهلوه ويحاور المهاجمين ويتسبب في هدفين ما تدخل في حارس مبتدأ فيه اسباب ثانوية ساعدت 1- الامطار والزحلقة <<====== وهذي مهي عذر المنتخب له في المانيا فتره طويلة في المعسكر يمديه تأقلم مع الجو وخصواً اننا سمعنا انهم تدربو على اراضي ماطره واراضي ثلجيه 2- بعض تغيرات المدرب المتأخرة واهمها الدعيع ونواف وسامي 3- المفروض المكافأـ بعد المنديال مهو يفكرون بالفلوس وينسون الملعب 4- الإعلام وضغوطه واثره السلبي والذي فاز على اوكرانيا ب3 قبل بداية المبارة انتهى اعرف عندي اخطأ كثيرة متعاسر اعيد ابي انوم ملاحضة مهم لو يمنعون تناول (( العلوك )) اللبان وخاصة لحراس المرى يكون احسن تحياتي |
بختصار عدم وجود صانع الاعب بمواصفات نواف التمياط. والدليل الفوضى في منتصف الملعب ولو كان هناك دينامو متحرك مثل نواف لمى حدث ماحدث ولكن ... اتمنى من جمهورنا جمهور الهلال الذي طالب وبكل قسوه بإبعاد نواف وإقحام أمين ان يعلم ان هناك فرق بالاعب والخبره وليس بالعب لنفسه ولكم في أمين ونور وكرير عبره . ضاع منتخبنا بجلوسك يانواف آه ثم آه للاوعي الكوروي |
عمكـ أصمخ...!!! الكلام ضااايع والله ثم والله ثم والله قلتهااا ورااح اكررهااا بعد رحيل يوسف الثنيان ماراح نحقق كأس آسيا و بعد رحيل سامي الجابر ماراح نتأهل كأس العالم والاياام بيننااا خطط علميهـ مدروسهـ.......!!! وبعدين...!!! نتأهل كأس العالم 4 مراات واللي اول مرهـ يتأهل يمرمطنااا بـ 4 أهداف على عدد مشاركتنا بـ البطولهـ...!!! أسوء الخطوط الحراسهـ والدفااع...!!! اماا الدفااع فـ ودانااا في خرايطهااا ...!!! ماا قول الااا خووووش استعداد والله ...!!! نتأهل لـ المونديال لـ مجرد المشاركهـ.......!!! كأس العالم هذااا....فنيااا بـ كل امانهـ لو عندناا مدرب محترم رااح نتأهل الدور الثاني على الاقل تخيلوو معي... الدعيع الخثران تكر المنتشري عبدالغني عزيز الشلهوب التمياط نور الجابر القحطاني والاستعداد كاان بـ مستوى الحدث العالمي أكيد.....رااح نقدم مستوى طيب ونتائج مشرفهـ اماا سالفة الاستعداد ....خسارهـ 9 وتعادل 3 وفوز1 والمنتخباات اصلاااا مو قويهـ...!!! وش النتيجهـ....!!! تعادل اشبهـ بـ خسارهـ المباراهـ الاولى و4 المباراهـ الثانيهـ والله يستر من المباراهـ الثالثهـ...! حاارس تعباان ودفااع خرباان و وسط هلكاان و مهااجم واحد....!!! كنت من العام المااضي وأنااا أقول..: باكيتاا مدرب فااشل....!!! خطتهـ ما تصلح لناااا حقق الهلال معهـ 5 بطولااات والسبب أكيد مو هو السبب نجوم الهلال هم السبب ومو لازم اعيد ذكرياات المبارياات الحاسمهـ اللي نجومناا رقعووو أخطائهـ حينهااا....!!! الخلاصهـ.......... حسبي الله ونعم الوكيل حسبي على من ظلم....!!! الله يعين يعطيك العافية تحياتي |
| الوقت المعتمد في المنتدى بتوقيت جرينتش +3.
الوقت الان » 05:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd